ബ്രഡ് ഓംലറ്റ്

 

ബ്രഡ് ഓംലറ്റ്

                  ( മുട്ട ഇല്ലാതെ )

ഹെൽത്തി ബ്രേക്ക്ഫാസ്റ്റ് എന്നു പറഞ്ഞാൽ അതിൽ മുട്ട കൂടി വേണമെന്ന് ചിന്തിക്കുന്നവരാണോ?. ധാരാളം പ്രോട്ടീനും കാൽസ്യവും അടങ്ങിയിരിക്കുന്ന മുട്ട ആരോഗ്യത്തിന് ഏറെ ഗുണം ചെയ്യും. എന്നാൽ മുട്ട കഴിക്കാത്തവർ എന്തു ചെയ്യും?. പ്രത്യേകിച്ച് ബ്രേക്ക്ഫാസ്റ്റിന് ബ്രെഡ് ഓംലെറ്റ് ആണെങ്കിൽ അവർക്കായി അത് എങ്ങനെ തയ്യാറാക്കും എന്ന് ചിന്തിച്ചിട്ടുണ്ടോ?. വിഷമിക്കേണ്ട വഴിയുണ്ട്, കുറച്ച് തൈരും അൽപം മസാലപ്പൊടിയും ഉണ്ടെങ്കിൽ കിടിലൻ ബ്രെഡ് ഓംലെറ്റ് റെഡിയാക്കാം.

ചേരുവകൾ

തൈര്- 1 കപ്പ്

കടലമാവ്- 3 ടേബിൾസ്പൂൺ

മുളകുപൊടി- 1 ടീസ്പൂൺ

മഞ്ഞൾപ്പൊടി- 1 ടീസ്പൂൺ

ജീരകപ്പൊടി- 1 ടീസ്പൂൺ

ഉപ്പ്- ആവശ്യത്തിന്

സവാള- 1

ഇഞ്ചി- 1 ഇഞ്ച്

മല്ലിയില- 2 ടേബിൾസ്പൂൺ

ബ്രെഡ് - 10 എണ്ണം

നെയ്യ് - ആവശ്യത്തിന്

തയ്യാറാക്കുന്ന വിധം

ഒരു ബൗളിലേക്ക് ഒരു കപ്പ് തൈര് ചേർക്കാം.

അതിലേക്ക് മൂന്ന് ടേബിൾസ്പൂൺ, 1 ടീസ്പൂൺ മുളകുപൊടിയും, 1 ടീസ്പൂൺ മഞ്ഞൾപ്പൊടിയും, 1 ടീസ്പൂൺ ജീരകപൊടിയും ചേർക്കുക. നന്നായി ഇളക്കി യോജിപ്പിക്കാം.

ഒരു ചെറിയ കഷ്ണം ഇഞ്ചി വളരെ ചെറുതായി അരിഞ്ഞത്, ഇടത്തരം വലിപ്പമുള്ള സവാള അരിഞ്ഞത്, മല്ലിയില അരിഞ്ഞത് 2 ടേബിൾസ്പൂൺ തുടങ്ങിയവ ചേർക്കാം.

ഒരു ബ്രെഡ് എടുത്ത് മുകളിലായി ഈ മിശ്രിതം പുരട്ടി വക്കാം.

ഒരു പാൻ അടുപ്പിൽ വച്ച് ചൂടാക്കി അൽപ്പം നെയ്യോ എണ്ണയോ പുരട്ടാം.

ബ്രെഡിൻ്റെ ഇരുവശങ്ങളിലും അത് പുരട്ടി വേവിച്ചെടുക്കാം.

അൽപം കുരുമുളകുപൊടിയോ, ചാട്മസാലയോ മുകളിലായി ചേർക്കുക.

ശേഷം ചൂടോടെ തന്നെ കഴിച്ചു നോക്കൂ.
https://t.me/+jP-zSuZYWDYzN2I0