കാന്താരിയിട്ട വെളുത്തുള്ളി അച്ചാര്‍

ചേരുവകൾ

തൊലികളഞ്ഞ വെളുത്തുള്ളി കഴുകി ഉണക്കിയത് - 500 ഗ്രാം
കാന്താരി മുളക് ഞെട്ടോടു കൂടിയത് - ഒരു പിടി
ഇഞ്ചി പൊടിയായി അരിഞ്ഞത് - 30 ഗ്രാം
കറിവേപ്പില - ആവശ്യത്തിന്
മഞ്ഞൾ പൊടി - 5 ഗ്രാം
കാശ്മീരി മുളക് പൊടി - 30ഗ്രാം
വറുത്തുപൊടിച്ച ഉലുവ പൊടി -10 ഗ്രാം
കടുക് ചതച്ചത് - 4ഗ്രാം
കായം പൊടി - 8 ഗ്രാം
ഉപ്പ് - ആവശ്യത്തിന്
വിനാഗിരി - 50 ഗ്രാം
ശർക്കര/പഞ്ചസാര - ലേശം ആവശ്യമെങ്കിൽ
നല്ലെണ്ണ - 100 മില്ലി
കടുക് - 5 ഗ്രാം
തയ്യാറാക്കുന്ന വിധം

ഒരു ചീനച്ചട്ടി ചൂടാക്കി നല്ലെണ്ണ ഒഴിച്ച് ചൂടായതിനു ശേഷം കടുക് പൊട്ടിക്കുക. അതിലേക്കു കറിവേപ്പിലയും ഇഞ്ചിയും വെളുത്തുള്ളിയും ചേർത്ത് 5 മിനുട്ടു നന്നായി വഴറ്റുക. വെളുത്തുളളി ഒരൽപം മൂത്തുവരുമ്പോൾ കാന്താരിയും മുളക് പൊടിയും മഞ്ഞളും ഉലുവാപ്പൊടിയും കടുക് ചതച്ചതും കായവും ഉപ്പും ചേർത്ത് ചെറിയ തീയിൽ നന്നായി വഴറ്റി എല്ലാ ചേരുവകളും യോജിപ്പിച്ചു 2 -3 മിനിറ്റ് പാകം ചെയ്തു മാറ്റിവെയ്ക്കുക. അതിലേക്കു വിനാഗിരിയും ശർക്കരയും ചേർത്ത് രുചി പരുവപ്പെടുത്തി തണുത്തതിനു ശേഷം ഒട്ടും നനവില്ലാത്ത ഒരു ഭരണിയിൽ അടച്ചു വെക്കുക.