ചതുരപ്പെട്ടി

ബ്രേക്ക്‌ ഫാസ്റ്റിന്‌   നമുക്ക്‌ ഇന്ന് ചതുരപ്പെട്ടി തയ്യാറാക്കി നോക്കാം .

               ചേരുവകൾ     

ആട്ട - 2 കപ്പ്‌

ഓയിൽ - 1 ടേബിൾ സ്പൂൺ

ഉപ്പ് - ആവശ്യത്തിന്‌

വെള്ളം - ആവശ്യത്തിന്‌

ഉള്ളി - 1 എണ്ണം

കാപ്സിക്കം - 1/2 കപ്പ്‌

തക്കാളി - 1എണ്ണം

മുട്ട - 1 എണ്ണം

ഇഞ്ചി, വെളത്തുള്ളി

പേസ്റ്റ് - 1 ടീസ്പൂൺ

പച്ചമുളക് - 1  എണ്ണം

മല്ലിയില - ആവശ്യത്തിന്‌

മഞ്ഞൾപ്പൊടി - 1/4 ടീസ്പൂൺ

മുളക് പൊടി - 1/2 ടീസ്പൂൺ

മല്ലിപ്പൊടി - 1/2 ടീസ്പൂൺ

ഗരം മസാല - 1/4 ടീസ്പൂൺ

കുരുമുളക് പൊടി - 1/4 ടീസ്പൂൺ

                     തയ്യാറാക്കുന്ന വിധം

ഒരു പാത്രത്തിലേക്ക് ആട്ടയും   ഉപ്പ്, 1 ടേബിൾ സ്പൂൺ ഓയിൽ ,ആവശ്യത്തിന് വെള്ളം എന്നിവ  ചേർത്ത് ചപ്പാത്തി മാവിന്റെ പരുവത്തിൽ നന്നായി കുഴക്കുക.

ശേഷം 30 മിനിറ്റ്‌ മാറ്റി വക്കുക

ഇനി പാൻ ചൂടാക്കി ഓയിൽ ഒഴിച്ച്  ചെറുതായി അരിഞ്ഞു വച്ച ഉള്ളി, ഇഞ്ചി , പച്ചമുളക് ,ഉള്ളി എന്നിവയും വെളുത്തുള്ളി പേസ്റ്റും ചേർത്ത് നന്നായി വഴറ്റുക.

അതിലേക്ക്‌ അരിഞ്ഞ്‌ വച്ചിട്ടുള്ള തക്കാളി കാപ്സിക്കം , ഉപ്പ് എന്നിവ ചേർത്ത്  വഴറ്റി എല്ലാ മസാലകളും ചേർക്കുക.

ശേഷം നന്നായി വഴറ്റുക.

അതിലേക്ക്‌ ഒരു മുട്ടപൊട്ടിച്ച് ഒഴിച്ച് എല്ലാം ചേർത്ത്  മിക്സ്‌ ചെയ്യുക. ശേഷം കുറച്ച് മല്ലിയിലയും ചേർക്കുക. ഫിൽ ചെയ്യാനുള്ള മസാല റെഡിയായി.

ശേഷം ആദ്യം തയ്യാറാക്കി വച്ച  മാവ് ഓരോ ഉരുളകളാക്കി എടുത്ത ശേഷം പരത്തുക. ഇതിന്റെ നടുവിലായി മസാല വെച്ച് 4 വശവും  മടക്കി ചതുരാകൃതിയിൽ ആക്കുക.

ഇനി ഇത്‌ പാനിൽ എണ്ണ തേച്ച്‌ പാനിൽ ഇട്ട്  കുക്ക്‌ ചെയ്യാം .മറിച്ച്‌ ഇടുമ്പോൾ  വശങ്ങളിൽ ഓയിൽ പുരട്ടി കൊടുക്കാം.

നമ്മുടെ ചതുരപ്പെട്ടി റെഡി ആയി.      https://noufalhabeeb.blogspot.com/?m=1

ഉണക്കച്ചെമ്മീൻ റോസ്റ്റ്

ഉണക്കച്ചെമ്മീൻ ഉപയോഗിച്ച്‌ നമുക്കിന്ന്  ഉണക്കച്ചെമ്മീൻ റോസ്റ്റ് ഒന്ന് ഉണ്ടാക്കിയാലോ...

                 ചേരുവകൾ    

ഉണക്കച്ചെമ്മീൻ - 20 ഗ്രാം

ചെറിയ ഉള്ളി - 200 ഗ്രാം

വെളിച്ചെണ്ണ,  - ആവശ്യത്തിന്‌

കറിവേപ്പില - കുറച്ച്

ഉപ്പ് - ആവശ്യത്തിന്

മുളക് പൊടി -  രണ്ട് ടീസ്പൂൺ

               തയ്യാറാക്കുന്ന വിധം

ആദ്യം തന്നെ ഉണക്ക ചെമ്മീൻ നല്ലതു പോലെ കഴുകി വൃത്തിയാക്കി വെളിച്ചെണ്ണയിൽ ഒന്ന് ഫ്രൈ ചെയ്തെടുത്ത് മാറ്റിവെക്കാം,

അടുത്തതായി 200 ഗ്രാം ചെറിയുള്ളി അരിഞ്ഞു അതിൽ രണ്ട് ടീസ്പൂൺ മുളക് പൊടിയും കൂടി ഇട്ട് മിക്സിയിൽ ഒന്ന് ക്രഷ് ചെയ്ത ശേഷം നേരത്തെ ഫ്രെ ചെയ്ത അതേ വെളിച്ചെണ്ണയിൽ ഇത് വയറ്റിയെടുക്കാം,

ആവശ്യമെങ്കിൽ കുറച്ചു കൂടി വെളിച്ചെണ്ണ ഒഴിച്ചു  കൊടുക്കാം,

ഇത് ഒന്ന് വഴന്ന് വന്നാൽ ഇതിലേക്ക് ആവശ്യത്തിന് ഉപ്പും കുറച്ച് കറിവേപ്പിലയും ചേർത്ത് കൊടുക്കാം,

ഇതൊന്ന് ഫ്രൈ ആയതിനുശേഷം ഇതിലേക്ക് നേരത്തെ തയ്യാറാക്കി വെച്ച ഉണക്കച്ചെമ്മീൻ കൂടി ഇട്ട ശേഷം നല്ലവണ്ണം മിക്സ് ആക്കി കുക്ക്‌ ചെയ്തെടുത്താൽ നമ്മുടെ ഉണക്ക ചെമ്മീൻ റോസ്റ്റ് തയ്യാറാകുന്നതാണ്...   https://noufalhabeeb.blogspot.com/?m=1

ഓട്സ് എ​​ഗ് ഓംലെറ്റ്

ഓംലെറ്റ്‌ മിക്കവര്‍ക്കും ഇഷ്ടമാണല്ലോ. ഇനി മുതല്‍ ഓംലെറ്റ്‌ അല്‍പം വ്യത്യസ്തമായി ഓട്ട്‌സ്‌ കൂടി ചേർത്ത്‌ ഇത്‌ തയ്യാറാക്കി നോക്കിയാലോ... വളരെ ടേസ്റ്റിയും ഹെല്‍ത്തിയുമായ ഓട്സ് എ​​ഗ് ഓംലെറ്റ്‌  എങ്ങനെയാണ്  തയ്യാറാക്കുന്നതെന്ന് നോക്കാം.   

                 വേണ്ട ചേരുവകൾ   

ഓട്സ് - അരക്കപ്പ്

പാല്‍ - 1/2 കപ്പ്

മുട്ട - 3 എണ്ണം

സവാള - 1 എണ്ണം ( ചെറുതായി അരിഞ്ഞത്)

കാരറ്റ്  - 1 എണ്ണം ( ചെറുതായി അരിഞ്ഞത്)

തക്കാളി - 1 എണ്ണം

പച്ചമുളക് - 2 എണ്ണം

മല്ലിയില - 2 ടേബിള്‍സ്പൂണ്‍

കുരുമുളക് പൊടി - 1/2 ടീസ്പൂണ്‍

ഉപ്പ് - 1/2 ടീസ്പൂണ്‍

എണ്ണ - ആവശ്യത്തിന്

                  തയ്യാറാക്കുന്ന വിധം

ആദ്യം മിക്സിയുടെ ജാറില്‍ ഓട്സ് നന്നായി പൊടിച്ചെടുക്കുക.

ശേഷം ഒരു പാത്രത്തിലേക്ക് മാറ്റി പാല്‍ ഒഴിച്ച്‌ മിക്സ് ചെയ്ത് അഞ്ച് മിനുട്ട് കുതിരാനായി വയ്ക്കുക.

വേറൊരു ബൗളില്‍ മുട്ട പൊട്ടിച്ച്‌ ഒഴിച്ച്‌ കുരുമുളക് പൊടിയും ഉപ്പും ചേര്‍ത്ത് നന്നായി അടിച്ചെടുക്കുക.

ശേഷം സവാള, കാരറ്റ്, തക്കാളി, പച്ചമുളക്, മല്ലിയില എന്നിവ അരിഞ്ഞത് കൂടി ചേര്‍ത്ത് നന്നായി മിക്സ് ചെയ്യുക.

ശേഷം മുട്ടയുടെ മിക്സ് കുതിര്‍ത്ത ഓട്സിലേക്ക് ചേര്‍ത്ത് നന്നായി ഇളക്കി യോജിപ്പിക്കുക.

ശേഷം ഒരു പാന്‍ ചൂടാക്കാന്‍ വയ്ക്കുക. അതിലേക്ക് അല്‍പം എണ്ണ ഒഴിച്ച്‌ ഓട്സ് ഓംലെറ്റ്‌ മിക്സ് ഒഴിക്കുക. ഒരു അടപ്പ് വച്ച്‌ നന്നായി വേവിക്കുക. ശേഷം തിരിച്ചിട്ട് വീണ്ടും വേവിച്ചെടുക്കുക.

ഓട്സ് ഓംലെറ്റ്‌ തയ്യാര്‍.      https://noufalhabeeb.blogspot.com/?m=1

ബ്രഡ്‌ അവിൽ സ്നാക്ക്

ഇന്ന് നമുക്ക്‌ ബ്രഡ്ഡും അവിലും കൊണ്ട് 10 മിനുട്ടിൽ തയ്യാറാക്കാൻ പറ്റുന്ന ഒരു ചായക്കടി തയ്യാറാക്കിയാലോ....

                        ചേരുവകൾ 

ബ്രഡ്ഡ്          - 3 എണ്ണം

അവൽ       - 1 കപ്പ്‌

ഉള്ളി            - 1 ചെറുത്

ഇഞ്ചി          - 1 ഇഞ്ച്‌ നീളം

പച്ചമുളക്   - 2 എണ്ണം

ഉപ്പ്              - 1/4 ടീസ്പൂൺ

മുളകുപാടി- 1/2 ടീസ്പൂൺ

ജീരകം        - 1/2 ടീസ്പൂൺ

കറിവേപ്പില - ആവശ്യത്തിന്‌

ഓയിൽ - ആവശ്യത്തിന്‌

                     തയ്യാറാക്കുന്ന വിധം

ഒരു കപ്പ് അവൽ കുറച്ച് വെള്ളം ഒഴിച്ച് 3 മിനിറ്റ്‌ നേരം പൊതിരാൻ വയ്ക്കുക._

അതിനു ശേഷം അരിച്ചെടുക്കുക.

3 ബ്രഡ്‌ മിക്സിയുടെ ജാറിലിട്ട് നന്നായി പൊടിച്ചെടുത്ത് അവലിലേക്ക് ചേർക്കുക.

ഇതിലേക്ക് ചെറുതായി അരിഞ്ഞ ഉള്ളി, ഇഞ്ചി, പച്ചമുളക്‌, കറിവേപ്പില, ഉപ്പ്, മുളക് പൊടി, ജീരകം, എന്നിവ ചേർത്ത് നന്നായി മിക്സ്‌ ചെയ്യുക.

അതിനു ശേഷം കയ്യിൽ എണ്ണ പുരട്ടി ചെറിയ ഉരുളകളാക്കി ഇഷ്ട്ടമുള്ള ഷേപ്പിൽ  ചെയ്തെടുക്കുക.

ഇത് ചൂടായ എണ്ണയിലേക്ക് ഇട്ട് കുറഞ്ഞ തീയിൽ വറുത്തെടുക്കുക.

ഗോൾഡൻ ബ്രൗൺ നിറം  ആകുമ്പോൾ കോരിയെടുക്കുക.   https://noufalhabeeb.blogspot.com/?m=1

വെറൈറ്റി ദോശ

റവ, തേങ്ങ , തൈര്‌ എന്നിവയൊക്കെ കൊണ്ട്‌ മാവ്‌ തയ്യാറാക്കി കാപ്സിക്കം, തക്കാളി, സവാള ഇവയൊക്കെ ചേർത്ത്‌ ഒരു ദോശയുണ്ടാക്കി കഴിച്ചിട്ടുണ്ടൊ ? ഇന്ന് നമുക്ക്‌ ഇങ്ങനെ ഒരു വെറൈറ്റി ദോശ തയ്യാറാക്കുന്ന വിധം എങ്ങനെ എന്ന് നോക്കാം.

                          ചേരുവകൾ  

റവ - 1കപ്പ്‌

തേങ്ങ - അര കപ്പ്‌

തൈര് - കാൽ കപ്പ്‌

ബേക്കിങ് സോഡ - ഒരു നുള്ള്

സവാള - 2 ടേബിൾസ്പൂൺ

തക്കാളി - 2 ടേബിൾസ്പൂൺ

ക്യാപ്‌സിക്കം - 2 ടേബിൾ സ്പൂൺ

വെള്ളം - 1 കപ്പ്‌

ഉപ്പ് - ആവശ്യത്തിന്‌

                      ഉണ്ടാക്കുന്ന വിധം

റവ തേങ്ങ തൈര് എന്നിവ മിക്സിയുടെ ജാറിൽ ചേർത്ത് ഒരു കപ്പ്‌ വെള്ളം കൂടി ചേർത്ത് നന്നായി അരക്കുക.

ശേഷം ഉപ്പും ബേക്കിങ് സോഡയും ചേർത്ത് നന്നായി  മിക്സ്‌ ചെയ്ത്.15 മിനിറ്റ് ഒന്ന് അടച്ച് വയ്ക്കുക.

ഇനി അതിൽ സവാള പൊടിയായി അറിഞ്ഞതും തക്കാളിയും ക്യാപ്‌സിക്കവും ചേർത്ത് നന്നായി മിക്സ്‌ ചെയ്ത് വയ്ക്കുക.

ഇനി നമുക്കിത്‌ ചൂടായ പാനിൽ കുട്ടി ദോശ ആയി ചുട്ടു എടുക്കാം.  https://noufalhabeeb.blogspot.com/?m=1

പാവക്ക (കൈപ്പങ്ങ ) അച്ചാർ

ഇന്നു നമ്മുക്കൊരു കൈപ്പില്ലാത്ത കൈപ്പങ്ങ  ( പാവക്ക ) അച്ചാർ ഉണ്ടാക്കിയാലോ ...?

                       ചേരുവകൾ   

കൈപ്പങ്ങ  (പാവക്ക ) - 3 എണ്ണം

ഉപ്പ്  - ആവിശ്യത്തിന്

ഇഞ്ചി - വലുത്‌ ഒരെണ്ണം

വെളുത്തുള്ളി - ഒരു 2 ടേബിൾ സ്പൂൺ അളവ്‌

പച്ചമുളക് - 4 എണ്ണം

കറിവേപ്പില - 4 തണ്ട്‌

കാശ്മീരി മുളക് പൊടി - ഒന്നര ടേബിൾ സ്പൂൺ

മഞ്ഞൾ പൊടി - അര ടീസ്പൂൺ

മല്ലിപൊടി - 1 ടീസ്പൂൺ

വലിയ ജീരകം പൊടി -അര ടീസ്പൂൺ

കായപ്പൊടി -കാൽ ടീസ്പൂൺ

നല്ലെണ്ണ -2 ടേബിൾ സ്പൂൺ

കടുക് - 1 ടീസ്പൂൺ

ഉലുവ - അര ടീസ്പൂൺ

വിനാഗിരി - പാവക്ക മുങ്ങി കിടക്കാൻ പാകത്തിന്‌

പഞ്ചസാര - 1 പിഞ്ച്

                    തയ്യാറാക്കുന്ന വിധം 

കൈപ്പങ്ങ ( പാവക്ക ) ചെറുതായി കട്ട് ചെയ്ത് അതിലേക്ക്‌ ഉപ്പ് ചേർത്ത് നന്നായി മിക്സ് ചെയ്ത് 10 മിനുറ്റ് റസ്റ്റ് ചെയ്യാൻ വെക്കുക.

അപ്പോൾ അതിൽ നിന്നും ( കൈപ്പങ്ങയുടെ ഉള്ളിൽ നിന്നും )വെള്ളം ഇറങ്ങി വരും . അത് എല്ലാം ഒന്ന് പിഴിഞ്ഞ്‌ കളഞ്ഞ്‌ കൈപ്പങ്ങ വേറൊരു പ്ലേറ്റിലേക്ക്‌ മാറ്റുക.

ഇനി പാൻ ചൂടാക്കി അതിലേക്ക്‌ കൈപ്പങ്ങ ചേർത്ത് നന്നായി വഴറ്റുക . കൈപ്പങ്ങയുടെ വെള്ളത്തിന്റെ അംശം പോവാൻ വേണ്ടീട്ടാണ് ഇങ്ങനെ ചെയ്യുന്നത് .ഇനി അത്‌ മാറ്റി വക്കാം.

ഇനി ഈ പാനിലേക് നല്ലെണ്ണ ചേർക്കുക . ഓയിൽ ചൂടായാൽ കടുക് ,ഉലുവ എന്നിവ ചേർക്കുക . ശേഷം ഇഞ്ചി ,വെളുത്തുള്ളി, കറിവേപ്പില , പച്ചമുളക്‌ എന്നിവ ചേർത്ത് നന്നായി വഴറ്റുക .

ഇനി ഇതിലേക്കു മസാലപ്പൊടികൾ  ചേർത്ത് വഴറ്റുക . അതിനു ശേഷം കൈപ്പങ്ങ ചേർക്കുക.

ഇനി വിനാഗിരി ഒഴിക്കുക. ഒരു പിഞ്ച് പഞ്ചസാര കൂടി ചേർത്ത് നന്നായി തിളപ്പിക്കുക.

ചൂടാറിയതിനു ശേഷം ഗ്ലാസ്‌ ബോട്ടിൽ ഇട്ട് വെച്ച് ഉപയോഗിക്കാം .  https://noufalhabeeb.blogspot.com/?m=1