ചക്ക അപ്പം

     (ആവിയിൽ പുഴുങ്ങിയത്)

ചക്ക അപ്പം ആവിയിൽ പുഴുങ്ങിയത് എങ്ങനെ ആണ് തയ്യാറാക്കുന്നത് എന്ന് നോക്കാം.

  ചേരുവകൾ

ചക്കചുള -- 12 എണ്ണം

ഗോതമ്പ് പൊടി  -- 1 ടീമിൽ

ശർക്കര --  (300 ഗ്രാം)

നാളികേരം --  അര മുറി

ഏലക്കായ  -- ആവശ്യത്തിന്

വെള്ളം -- 1 കപ്പ്

തയ്യാറാക്കുന്ന വിധം

ആദ്യം ശർക്കര പാനി ആക്കി എടുക്കണം.

ഒരു മിക്സിയുടെ ജാറിലേക്ക് ചക്ക ചെറുതായി മുറിച്ചതും ശർക്കര പാനി പകുതിയും ചേർത്ത് നന്നായി അരച്ചെടുക്കുക.

ഇതിലേക്ക് നാളികേരവും ചേർത്ത് ഒന്നുകൂടി അടിക്കുക.

ഇതിലേക്ക് ഗോതമ്പ് പൊടിയും ഏലക്കായയും ബാക്കി ശർക്കര പാനിയും ചേർത്ത് അടിച്ചെടുക്കുക.

ഇനി ഒരു പ്ലേറ്റിലേക്കു ഒരു വാഴയില മുറിച്ചെടുത്തതോ ഒരു ബട്ടർ പേപ്പറോ വച്ച ശേഷം ചക്ക കൂട്ട് ഒഴിച്ച് കൊടുക്കുക.

ഒരു ഇഡ്ഡലി പാത്രത്തിൽ വെള്ളം ഒഴിച്ച് അപ്പ തട്ട് വച്ച് വെള്ളം തിളച്ചു ആവി വന്ന ശേഷം ചക്ക കൂട്ട് ഒഴിച്ച പ്ലേറ്റ് വച്ച് അതിനെ ഒന്ന് മൂടി [ആവി വെള്ളം വീഴാതിരിക്കാനാണ്]ഇഡ്ഡലിപാത്രം അടച്ചു വച്ച് ഒരു 25 മിനിറ്റ് വേവിച്ചെടുത്താൽ നമ്മുടെ സൂപ്പർ ടേസ്റ്റി ചക്ക അപ്പം റെഡി.
https://t.me/+jP-zSuZYWDYzN2I0