കോഴി കാൽ ഫ്രൈ

"കോഴിയുടെ പാദങ്ങളും കാൽവിരലുകളും ചേർത്ത് ഫ്രൈ ചെയ്താലോ? അയ്യേന്ന് പറയാൻ വരട്ടെ, ഇതിലടങ്ങിയിട്ടുള്ള പോഷകങ്ങൾ എന്തൊക്കെയെന്ന് നോക്കൂ

കോഴിക്കാൽ കടിച്ചുപറിച്ച് കഴിക്കാൻ ഇഷ്ടപ്പെടുന്നവരാണ് മിക്കവാറും പേരും. ഫ്രൈ ചെയ്തതോ കറിവച്ചതോ ആയാലും കോഴിക്കാൽ മിക്കവർക്കും ഇഷ്ടമായിരിക്കും. എന്നാൽ കോഴിയുടെ കാൽവിരലുകളും കാൽപ്പാദവും ചേർത്ത് ഫ്രൈ ചെയ്താൽ എത്രപേർ കഴിക്കും. അയ്യേ എന്ന് പറയുന്നവർ കോഴിയുടെ കാലിന്റെ പോഷകഗുണങ്ങൾ ഒന്നറിയൂ. കോഴിക്കാൽ ഫ്രൈ ചെയ്യുന്നത് എങ്ങനെയെന്ന് നോക്കാം. ഒപ്പം കോഴിക്കാലിലുള്ള പോഷകങ്ങളും അറിയാം.
ആദ്യം ആവശ്യത്തിന് കോഴിക്കാലുകൾ എടുത്തതിന് ശേഷം തൂവലും മറ്റും കളഞ്ഞ് വെള്ളത്തിൽ കുറച്ചുനേരം ഇട്ടുവയ്ക്കണം. ഇത് പുറത്തെടുത്ത് തൊലി മുഴുവനും ഉരിച്ചെടുത്ത് കാലുകൾ വെള്ളത്തിലിട്ട് നന്നായി കഴുകി വീണ്ടും വൃത്തിയാക്കണം. ശേഷം കാൽവിരലുകളിലെ നഖങ്ങൾ മുറിച്ചുകളയണം.

ഇനി കഴുകിയെടുത്ത കോഴിക്കാലുകളിലേയ്ക്ക് കാശ്‌മീരി മുളകുപൊടി, കുരുമുളക് പൊടി, ആവശ്യത്തിന് ഉപ്പ്, കറുവാപ്പട്ട- ഗ്രാംപൂ എന്നിവ പൊടിച്ചത്, കുറച്ച് ഗരംമസാല, മഞ്ഞൾപ്പൊടി, ചിക്കൻ മസാല, ഇഞ്ചി- വെളുത്തുള്ളി പേസ്റ്റ്, കുറച്ച് നാരങ്ങാ നീര്, ഒരു മുട്ട പൊട്ടിച്ചൊഴിച്ചത്, കുറച്ച് തൈര്, കുറച്ച് കോൺഫ്ളവർ എന്നിവയെല്ലാം ചേർത്ത് നന്നായി ഇളക്കിയെടുക്കണം. ഇനി ചീനച്ചട്ടിയിൽ എണ്ണ ഒഴിച്ച് ചൂടാക്കി കോഴിക്കാലുകൾ ഓരോന്നായി ഇട്ട് പൊരിച്ചെടുക്കാം.

നൂറ് ഗ്രാം കോഴിക്കാലിൽ 215 ഗ്രാം കാലറി ഉണ്ടെന്നാണ് ആരോഗ്യ വിദഗ്ദ്ധർ വ്യക്തമാക്കുന്നത്. കൊഴുപ്പ് 15 ഗ്രാം, സാച്ചുറേറ്റഡ് ഫാറ്റ് 3.9 മില്ലി ഗ്രാം, കൊളസ്‌ട്രോൾ 84 മില്ലി ഗ്രാം, സോഡിയം 67 മില്ലിഗ്രാം, പൊട്ടാസ്യം 31 മില്ലി ഗ്രാം, കാർബോഹൈഡ്രേറ്റ് 0.2 ഗ്രാം, പ്രോട്ടീൻ 19 ഗ്രാം കൂടാതെ ഇവയിൽ അയൺ, മെഗ്നീഷ്യം, കാൽഷ്യം,വൈറ്റമിൻ ഡി
കൊബാലാമിൻ എന്നിവയും അടങ്ങിയിട്ടുണ്ട്.
https://t.me/+jP-zSuZYWDYzN2I0