ബ്രേക്ക്ഫാസ്റ്റിന് മടുപ്പില്ലാതിരിക്കാൻ വെളുത്തുള്ളി ചമ്മന്തി മുതൽ ചുട്ടരച്ച ചമ്മന്തി വരെ 6 വെറൈറ്റി വിഭവം
മലയാളികളുടെ ഒരു പൊതുവികാരം തന്നെയാണ് ചമ്മന്തി. പാരമ്പര്യമായി നമ്മള്‍ പിന്തുടര്‍ന്നു വരുന്ന ഒരു കറിയുണ്ടെങ്കില്‍ അത് ചമ്മന്തി ആയിരിക്കും. കഞ്ഞി, ദോശ, ഇഡ്ഡലി, ബിരിയാണി ഇവയ്‌ക്കൊപ്പം മാത്രമല്ല എന്തിനും ഏതിനുമൊപ്പവും ഉപയോഗിക്കാം. കേരളത്തില്‍ പൊതുവേ കണ്ടുവരുന്ന കുറച്ച് ചമ്മന്തികളെ പരിചയപ്പെട്ടാലൊ…?
ഉള്ളി ചമ്മന്തി
ചേരുവകള്‍:
ചെറിയ ഉള്ളി – 20 അല്ലി
ചുവന്ന മുളക് – 5 എണ്ണം
ഉപ്പ്, വെളിച്ചെണ്ണ – ആവശ്യത്തിന്
തയാറാക്കുന്ന വിധം:
ചെറിയ ഉള്ളി, മുളക്, ഉപ്പ് എന്നിവ ചേര്‍ത്ത് അമ്മിയില്‍ത്തന്നെ അരച്ചെടുക്കണം. അതില്‍ വെളിച്ചെണ്ണ ചാലിച്ച് തൈരും ചേര്‍ത്ത് കുഴച്ചാല്‍ ഉള്ളിച്ചമ്മന്തിയായി.
ഉണക്കനെല്ലിക്ക കുരുമുളക് ചമന്തി
ചേരുവകള്‍:
ഉണക്കനെല്ലിക്ക – എട്ടെണ്ണം
പച്ച കുരുമുളക് – ഒരു ടേബിള്‍സ്പൂണ്‍
തേങ്ങ – അരക്കപ്പ്
ഉപ്പ്, വെളിച്ചെണ്ണ, കറിവേപ്പില – ആവശ്യത്തിന്
തയാറാക്കുന്നവിധം:
ഉണക്കനെല്ലിക്ക വെള്ളത്തിലിട്ട് കുതിര്‍ത്തിയെടുക്കുക. ഉണക്കനെല്ലിക്കയും കുരുമുളകും മിക്‌സിയില്‍ നന്നായി അരച്ചെടുക്കുക. അതില്‍ നാളികേരം, ഉപ്പ്, കറിവേപ്പില എന്നിവ ചേര്‍ത്ത് ഒതുക്കിയെടുക്കുക. വെളിച്ചെണ്ണ ചാലിച്ച് ഉപയോഗിക്കാം
ഉണക്കച്ചെമ്മീന്‍പൊടി ചമ്മന്തി
ചേരുവകള്‍:
ഉണക്കച്ചെമ്മീന്‍പൊടി -ഒരു കപ്പ്
ചിരകിയ നാളികേരം – ഒന്നര കപ്പ്
ചുവന്ന മുളക് – അഞ്ചെണ്ണം
കറിവേപ്പില, ഉപ്പ്, വെളിച്ചെണ്ണ – ആവശ്യത്തിന്
വാളന്‍ പുളി – 10 ഗ്രാം
തയാറാക്കുന്ന വിധം:
വെളിച്ചെണ്ണയില്‍ ചെമ്മീന്‍പൊടി വറുക്കുക. അതില്‍ ചുവന്ന മുളകും നാളികേരവും ചേര്‍ത്ത് ചൂടാക്കിയെടുക്കുക. വാളന്‍പുളിയും കറിവേപ്പിലയും ചേര്‍ത്ത് ചെമ്മീന്‍പൊടി നന്നായി ഒതുക്കിയെടുത്ത് അതില്‍ വെളിച്ചെണ്ണ ചേര്‍ത്ത് ചാലിച്ചാച്ചെടുക്കുക.
മാങ്ങാച്ചമ്മന്തി
ചേരുവകള്‍:
പുളിയുള്ള പച്ചമാങ്ങ നുറുക്കിയത് – ഒരു കപ്പ്
ചിരകിയ നാളികേരം – ഒന്നരക്കപ്പ്
പച്ചമുളക് – 5 എണ്ണം
ഉപ്പ്, കറിവേപ്പില, വെളിച്ചെണ്ണ – ആവശ്യത്തിന്
ഇഞ്ചി – ഒരു കഷ്ണം
വെളുത്തുള്ളി – 3 അല്ലി
തയാറാക്കുന്നവിധം:
നാളികേരം, പച്ചമാങ്ങ, പച്ചമുളക്, ഉപ്പ്, കറിവേപ്പില, ഇഞ്ചി, വെളുത്തുള്ളി എന്നിവ ചേര്‍ത്ത് ഒതുക്കിയെടുക്കുക. നന്നായൊതുങ്ങിയ ചമ്മന്തിയില്‍ വെളിച്ചെണ്ണ ചേര്‍ത്താല്‍ നല്ല രുചിയേറും ചമ്മന്തി റെഡി.
തക്കാളി ചമ്മന്തി
ചേരുവകള്‍:
പഴുത്ത തക്കാളി – രണ്ട് എണ്ണം
കുരുമുളക് – ഒരു ടീസ്പൂണ്‍
പച്ചമുളക് – രണ്ട് എണ്ണം
നാളികേരം – രണ്ട് കപ്പ്
കറിവേപ്പില – അര ടീസ്പൂണ്‍
വെളുത്തുള്ളി – നാല് അല്ലി
അരിഞ്ഞ മല്ലിയില – അര ടീസ്പൂണ്‍
ഉപ്പ്, വെളിച്ചെണ്ണ – ആവശ്യത്തിന്
തയാറാക്കുന്ന വിധം:
തക്കാളി ചെറുതായി അരിയുക. നാളികേരം, തക്കാളി, പച്ചമുളക്, വെളുത്തുള്ളി, ഉപ്പ്, മല്ലിയില, കുരുമുളക് എന്നിവ നന്നായി അടിച്ചെടുക്കുക (നന്നായി അരഞ്ഞുപോകരുത്). കറിവേപ്പിലയും വെളിച്ചെണ്ണയും കുറച്ച് ചേര്‍ത്ത് ചാലിച്ചെടുത്താല്‍ തക്കാളിച്ചമ്മന്തി തൊട്ടുകൂട്ടാം.
വെളുത്തുള്ളി ചമ്മന്തി
ചേരുവകള്‍:
വെളുത്തുള്ളി – 15 അല്ലി
പുളി – 20 ഗ്രാം
ചെറിയ ഉള്ളി – 10 ഗ്രാം
പച്ചമുളക് – 4 എണ്ണം
ഉപ്പ്, വെളിച്ചെണ്ണ, കറിവേപ്പില – ആവശ്യത്തിന്
തയാറാക്കുന്നവിധം:
വെളുത്തുള്ളി, പച്ചമുളക്, ഉള്ളി എന്നിവ ഉപ്പ് ചേര്‍ത്ത് ചതച്ചെടുക്കുക. കറിവേപ്പില, പുളി എന്നിവ ചേര്‍ത്ത് ചതച്ച ചമ്മന്തിയില്‍ വെളിച്ചെണ്ണ തൂവി ഉപയോഗിക്കാം.
ചുട്ടരച്ച ചമ്മന്തി
ചേരുവകള്‍:
ചെറിയ ഉള്ളി – 20 അല്ലി
ചുവന്ന മുളക് – 5 എണ്ണം
ഉപ്പ്, വെളിച്ചെണ്ണ – ആവശ്യത്തിന്
തയാറാക്കുന്ന വിധം:
ചെറിയ ഉള്ളി, മുളക്, ഉപ്പ് എന്നിവ ചേര്‍ത്ത് അമ്മിയില്‍ത്തന്നെ അരച്ചെടുക്കണം. അതില്‍ വെളിച്ചെണ്ണ ചാലിച്ച് തൈരും ചേര്‍ത്ത് കുഴച്ചാല്‍ ഉള്ളിച്ചമ്മന്തിയായി.
https://t.me/+jP-zSuZYWDYzN2I0
No comments:
Post a Comment