പച്ചപ്പപ്പായ മിൽക്ക്‌ ഷേക്ക്‌

പച്ചപ്പപ്പായ മിൽക്ക്‌ ഷേക്ക്‌

ഇന്ന് നമുക്ക്‌ പച്ചപപ്പായ (കപ്പങ്ങ) കൊണ്ടൊരു കിടിലം മിൽക്ക് ഷേക്ക് ഉണ്ടാക്കാം ._ _പപ്പായയുടെ ഗുണങ്ങൾ എല്ലാവർക്കും അറിയാമല്ലൊ.... അപ്പൊ ഇത്‌ ആരോഗ്യപരമായും നല്ലൊരു ചോയിസ്‌ ആണ്‌.

       ചേരുവകൾ

പച്ച പപ്പായ -2 കപ്പ്‌

പാൽ -1/ 2 ലിറ്റർ

പഞ്ചസാര -6 ടേബിൾ സ്പൂൺ

പാൽപ്പൊടി-2 ടേബിൾ സ്പൂൺ

കശുവണ്ടി -1/ 4 കപ്പ്‌

വാനില എസ്സൻസ്‌ -1/ 4 ടീസ്പൂൺ

കസ്കസ് -ആവശ്യത്തിന്

       തയാറാക്കുന്ന വിധം

ഒരു പപ്പായയുടെ പകുതി വൃത്തിയാക്കിയതിനു ശേഷം ചെറിയ കഷ്ണങ്ങളാക്കുക .ഇത്‌ ഒരു പാത്രത്തിലേക്ക് മാറ്റാം. അതിലേക്ക്‌ ഒരു 1/ 2 ഗ്ലാസ് വെള്ളം കൂടി ഒഴിച്ച് വേവിച്ചെടുക്കാം .ശേഷം ഫ്രിഡ്‌ജിൽ വെച്ച് തണുപ്പിച്ചെടുക്കാം.

ഇനി ഒരു മിക്സിയുടെ ജാറിലേക്കു പപ്പായയും 2 ടേബിൾ സ്പൂൺ പഞ്ചസാരയും ചേർത്ത് ഒന്ന് അടിക്കാം.

ഇനി ഇതിലേക്ക് പാൽപ്പൊടി, വാനില എസ്സൻസ് ,കശുവണ്ടി ,പഞ്ചസാര എന്നിവ ചേർക്കാം.

ഇനി 1/ 2 ലിറ്റർ  പാൽ തിളപ്പിച്ചതിനുശേഷം ഫ്രീസറിൽ വെച്ച് തണുപ്പിച്ചത് കൂടി ചേർത്ത് നന്നായി ഒന്നുകൂടി മിക്സിയിൽ അടിക്കാം.

ഇനി ഒരു ഗ്ലാസിലേക്ക്‌ മാറ്റി കസ്കസും നട്ട്‌സും ഇട്ട്‌ കൊടുക്കാം.

പച്ചപപ്പായ മിൽക്ക് ഷേക്ക് റെഡി
https://noufalhabeeb.blogspot.com/?m=1