പരിപ്പ്‌ പായസം

ഇന്ന് നമുക്ക്‌  പരിപ്പു പായസം തയ്യാറാക്കുന്നത്‌ എങ്ങനെ എന്ന് നോക്കാം ..

              ചേരുവകൾ 

ചെറുപയർ പരിപ്പ് -- 250 ഗ്രാം

ശർക്കര -- 500 ഗ്രാം

ഒന്നാം പാൽ -- 1 കപ്പ്

രണ്ടാം പാൽ -- 3 കപ്പ്

മൂന്നാം പാൽ -- 4 കപ്പ്

നെയ്യ് -- 5 ടേബിൾ സ്പൂൺ

ഏലക്കായ പൊടി  – ½ ടീസ്പൂൺ

ചുക്കുപൊടി --  ½ ടീസ്പൂൺ

ജീരകപ്പൊടി – ½ ടീസ്പൂൺ

കശുവണ്ടി - ആവശ്യത്തിന്‌

മുന്തിരി - ആവശ്യത്തിന്‌

നാളികേരക്കൊത്ത് - ആവശ്യത്തിന്‌

വെള്ളം - ആവശ്യത്തിന്‌

              തയ്യാറാക്കുന്ന വിധം

ശർക്കര ഒരു കപ്പ് വെള്ളം ചേർത്ത് ഉരുക്കി വെക്കുക .

പരിപ്പ് കഴുകി വെള്ളം വാർത്ത് എടുക്കുക .

ഒരു ഉരുളിയിലേക്കു നെയ് ചേർത്ത് ചൂടാക്കി പരിപ്പ് ചേർത്ത് വറുക്കുക .

പരിപ്പ്  ചെറുതായി  ബ്രൗൺ കളർ ആയാൽ മൂന്നാം പാലിൽ വേവിക്കുക .(പാലിന് പകരം വെള്ളത്തിലും വേവിക്കാം )

പരിപ്പ് മൂടി വെച്ച് വേവിക്കുക .പരിപ്പ് നന്നായി  വെന്തു വന്നാൽ ശർക്കര പാനി ചേർത്ത് നന്നായി യോജിപ്പിച്ചു ,പരിപ്പും ശർക്കരയും വരട്ടി എടുക്കണം .

ഇനി രണ്ടാം പാൽ ചേർക്കാം .രണ്ടാം പാൽ ചേർത്ത് പായസം ഒന്ന് കുറുകി വന്നാൽ ഒന്നാം പാൽ ചേർക്കാം.

ഒന്നാം പാൽ ചേർത്ത് നന്നായി ചൂടായി വന്നാൽ പായസം സ്റ്റൗവിൽ  നിന്നും മാറ്റാം .

ഇനി ഒരു ചെറിയ പാനിൽ നെയ് ഒഴിച്ച് ചൂടായാൽ കശുവണ്ടിയും മുന്തിരിയും വറുത്തു കോരി മാറ്റാം .ഇതേ നെയ്യിലേക്കു തേങ്ങാക്കൊത്ത്‌ ചേർത്ത് വറുത്തെടുക്കണം .

വറുത്തെടുത്ത തേങ്ങാക്കൊത്തും കശുവണ്ടി,മുന്തിരി എന്നിവ പായസത്തിൽ ചേർത്ത് കൊടുക്കാം .

പായസത്തിലേക്കു ഏലക്കായ പൊടി,ചുക്കുപൊടി,ജീരകപ്പൊടി എന്നിവ കൂടി ചേർത്തു യോജിപ്പിച്ചാൽ നമ്മുടെ ടേസ്റ്റി ആയ പരിപ്പ് പ്രഥമൻ തയ്യാർ.   https://noufalhabeeb.blogspot.com/?m=1