മുളക്‌ ഫ്രൈ

വീട്ടിൽ ഊണിന്‌ മറ്റ്‌ കറികൾ ഒന്നും ഇല്ലാത്ത സമയം വളരെ എളുപ്പം തയ്യാറാക്കാവുന്ന ഒരു വിഭവം ആണ്‌  മുളക്‌ ഫ്രൈ.  ഇത്‌ ഉണ്ടെങ്കിൽ പിന്നെ വേറെ കറികൾ എന്തിന്‌...?

ഈയൊരു കിടിലൻ മുളക് ഫ്രൈ മതി...പാത്രം കാലിയാകുന്നതറിയില്ല. ചോറ് വീണ്ടും ചോദിച്ചു കഴിച്ചുകൊണ്ടേയിരിക്കും!

                ചേരുവകൾ  

മുളക് - 200 ഗ്രാം. (വലിയ സാമ്പാർ മുളക്‌ ആണെങ്കിൽ നല്ലത്‌ )

എണ്ണ - 1ടേബിൾസ്പൂൺ (വെളിച്ചെണ്ണ ആയാൽ ടേസ്റ്റ്‌ കൂടും )

ഉപ്പ് - 1/4 ടീസ്പൂൺ

പുളി(നാരങ്ങാ)നീര് - 1/2 ടീസ്പൂൺ

              തയ്യാറാക്കുന്ന വിധം

മുളക് നല്ല വൃത്തിയാക്കി രണ്ടായി മുറിച്ചു വെയ്ക്കുക .ഒന്നു കൂടി വരഞ്ഞു വക്കുന്നത്‌ നന്നായിരിക്കും ...

ചൂടായ പാനിലേക്കു എണ്ണയൊഴിച്ചു അതിലേക്കു മുളക് വെച്ച് ആവശ്യത്തിന്  ഉപ്പുചേർക്കുക...കുറഞ്ഞ  തീയിൽ വേവിക്കുക. അല്ലെങ്കിൽ കരിഞ്ഞു പോകാൻ സാധ്യത ഉണ്ട്‌.

ഇനി പുളി നീരോ അല്ലെങ്കിൽ നാരങ്ങ നീരോ മുളകിന്‌ മുകളിൽ തളിച്ച്‌  കൊടുത്ത്‌  മുളകിന്റെ രണ്ടുവശവും നല്ല മൊരിഞ്ഞു സോഫ്റ്റായി വരുമ്പോൾ വാങ്ങി വയ്ക്കുക.

മുളക് ഫ്രൈ ഊണിനൊപ്പം വിളമ്പാവുന്നതാണ്.    https://noufalhabeeb.blogspot.com/?m=1