കിണ്ണപ്പം

ഇന്ന് നമുക്ക് ഒരു നാലുമണി പലഹാരം ഉണ്ടാക്കാം ; കിണ്ണപ്പം.  വിരുന്നുകാർ ഒക്കെ വരുമ്പോൾ കൊടുക്കാൻ പറ്റിയ നല്ല സൂപ്പർ പലഹാരമാണ്.  

              ചേരുവകൾ  

വറുത്ത അരിപ്പൊടി - 3/4 കപ്പ്

തേങ്ങയുടെ ഒന്നാംപാൽ- 1  കപ്പ്

തേങ്ങയുടെ രണ്ടാംപാൽ - 2 കപ്പ്

ശർക്കര പാനി- 1.5 കപ്പ്

കശുവണ്ടി നുറുക്കിയത് - 1/4 കപ്പ്

നെയ്യ് - ആവശ്യത്തിന്

ഉപ്പ് - ഒരു നുള്ള്

               ഉണ്ടാക്കുന്ന വിധം

1. പാകം ചെയ്യാനുള്ള പാത്രത്തിലേക്ക് വറുത്ത അരിപ്പൊടിയും തേങ്ങയുടെ രണ്ടാം പാലും ശർക്കര പാനിയും ഒരു നുള്ള് ഉപ്പും ചേർത്ത് കട്ടയില്ലാതെ കലക്കി എടുക്കുക.

2. ഇനി നമുക്ക് ചെറു തീയിലിട്ട്  ഇത് നല്ലപോലെ ഒന്ന് കുറുക്കിയെടുക്കുക. തീ കൂട്ടിയിട്ട് ഒരിക്കലും ഇത് ഇളക്കാൻ പാടില്ല.

3.നല്ല പോലെ കുറുകി വരുമ്പോൾ തേങ്ങയുടെ ഒന്നാം പാൽ ചേർത്ത് കൊടുക്കുക. എന്നിട്ട് തുടർച്ചയായി ഇട്ട് ഇളക്കിക്കൊണ്ടിരിക്കുക.

4. നല്ല പോലെ കുറുകി വരുമ്പോൾ അതിലേക്ക് കശുവണ്ടി നുറുക്കിയത് ചേർക്കുക. എന്നിട്ട് നല്ലപോലെ ഇളക്കി എടുക്കുക.

5. ഇതിലേക്ക് നമ്മുടെ ആവശ്യാനുസരണം നെയ്യ് കുറേശ്ശെ ആയിട്ട് ചേർത്തു കൊടുത്തു ഇളക്കി നല്ലപോലെ വരട്ടിയെടുക്കുക.

6. പാത്രത്തിൽ നിന്നും വിട്ടുവരുന്ന പരുവമാകുമ്പോൾ നമുക്ക് തീ കെടുത്താം.

7. നെയ്യ് പുരട്ടിയ ഒരു പാത്രത്തിൽ ഇത് ഒഴിച്ച് നല്ലപോലെ പരത്തിയെടുക്കുക.

8. ചൂടാറിയശേഷം മുറിച്ചു ഉപയോഗിക്കുക.   https://noufalhabeeb.blogspot.com/?m=1