തക്കാളി ചമ്മന്തി

തക്കാളി കൊണ്ട്‌ അടിപൊളി ചമ്മന്തി ഉണ്ടാക്കി നോക്കാം.

                ചേരുവകൾ

തക്കാളി -- 2 എണ്ണം

സവാള -- 1 എണ്ണം

ബദാം -- 10 എണ്ണം

വെളുത്തുള്ളി -- 4 അല്ലി

മഞ്ഞൾ പൊടി --  കാൽ ടീസ്പൂൺ

മുളക് പൊടി -- 1 ടീസ്പൂൺ

വെള്ളം -- കാൽ  കപ്പ്

കടുക് --  അര ടീസ്പൂൺ

വറ്റൽ മുളക് -- 2 എണ്ണം

കറി വേപ്പില - ആവശ്യത്തിന്‌

ശർക്കര - ചെറിയ കഷണം

ഉപ്പ് - ആവശ്യത്തിന്‌

വെളിച്ചെണ്ണ - ആവശ്യത്തിന്‌

             തയ്യാറാക്കുന്ന വിധം

ഒരു പാനിലേക്കു വെളിച്ചെണ്ണ ഒഴിച്ച് ചൂടാക്കുക.

ചൂടായ വെളിച്ചെണ്ണയിലേക്കു വെളുത്തുള്ളി ,സവാള ,ബദാം എന്നിവ ചേർത്ത് വഴറ്റുക .ഉപ്പു കൂടി ചേർത്താൽ വേഗം വഴന്നു കിട്ടും .

വഴന്നു വന്ന സവാളയിലേക്കു മഞ്ഞൾ പൊടി ,മുളക് പൊടി എന്നിവ ചേർത്ത് വഴറ്റുക.

ഇതിലേക്ക് തക്കാളി,ഒരു ചെറിയ കഷ്ണം ശർക്കര എന്നിവ കൂടി ചേർത്ത് ഒന്ന് മിക്സ് ചെയ്ത ശേഷം പാൻ ഒരു മൂടി വെച്ച് അടച്ചു വെക്കുക .

ഇനി മൂടി മാറ്റിയ ശേഷം  കാൽ കപ്പ് വെള്ളം കൂടി ചേർത്ത് മിക്സ് ചെയ്യുക .

വെള്ളം തിളച്ചു തക്കാളിയുമായി യോജിച്ചു  വന്നാൽ സ്റ്റൗ ഓഫ് ചെയ്യാം.

തക്കാളി മിക്സ് ഒന്ന് തണുത്തു വന്നാൽ മിക്സിയി ഇട്ടു നന്നായി അടിച്ചെടുക്കുക .

അടിച്ചെടുത്ത തക്കാളി ചമ്മന്തി ഒരു ബൗളിലേക്കു മാറ്റുക .

ഇനി ഒരു ചെറിയ പാനിൽ അൽപ്പം വെളിച്ചെണ്ണ ഒഴിച്ച് ചൂടാക്കുക .ഇതിലേക്ക് കടുകും വറ്റൽ മുളകും കറി വേപ്പിലയും ചേർത്ത് മൂപ്പിച്ചു തക്കാളി ചമ്മന്തിയിൽ ചേർക്കുക .

നമ്മുടെ ഹെൽത്തി ആയ തക്കാളി ചമ്മന്തി തയ്യാർ..
https://noufalhabeeb.blogspot.com/?m=1