റവ മധുരം

റവ മധുരം

റവ വച്ച് ഇത് പോലെ ഒരു സ്വീറ്റ് കഴിച്ചിട്ടുണ്ടോ...? നല്ല അടിപൊളി ടേസ്റ്റ്‌ ആണ്‌.  തയ്യാറാക്കാനും എളുപ്പം ...

               ചേരുവകൾ

റവ - 1 കപ്പ്‌

തേങ്ങ - അര കപ്പ്‌

പാൽ - മുക്കാൽ കപ്പ്‌

നെയ്യ് - 2 ടീസ്പൂൺ_

ഏലക്ക പൊടി - അര ടീസ്പൂൺ

ശർക്കര - 1 കപ്പ്‌

വെള്ളം - കാൽ കപ്പ്‌

കശുവണ്ടി - കുറച്ച്‌

ഉണക്ക മുന്തിരി - കുറച്ച്‌

             തയ്യാറാക്കുന്ന വിധം

ഒരു പാനിൽ ഒരു ടീസ്പൂൺ നെയ്യ് ചൂടാക്കുക . അതിൽ റവ ചേർത്ത് 3- 4 മിനിറ്റ് ചെറിയ തീയിൽ വച്ച് വറുക്കുക.

റവ  ഒരു പാത്രത്തിലേക്കു മാറ്റുക.  അതിൽ തേങ്ങ, ചെറു ചൂട് പാൽ എന്നിവ ചേർത്ത് യോജിപ്പിച്ചു 15 മിനിറ്റ് അടച്ചു വക്കുക.

ഒരു പാനിൽ ഒരു ടീസ്പൂൺ നെയ്യ് ചൂടാക്കി കശുവണ്ടി, ഉണക്ക മുന്തിരി എന്നിവ വറുത്തു മാറ്റി വയ്ക്കുക .

ഒരു കപ്പ്‌ ശർക്കര കാൽ കപ്പ്‌ വെള്ളത്തിൽ പാവ് ഉണ്ടാക്കുക. നല്ല വണ്ണം കുറുക്കി എടുക്കണം..
ഇതിൽ ഏലക്ക പൊടിയും ചേർക്കുക.

ഇനി  ശർക്കര പാനിയിലേക്ക്‌ ആദ്യം തയ്യാറാക്കി വച്ച റവ കൂട്ടും. അതിനോടൊപ്പം കശുവണ്ടി, ഉണക്ക മുന്തിരി കൂട്ടും ചേർത്ത്‌ നല്ല വണ്ണം യോജിപ്പിക്കുക.3 മിനിറ്റ് ഇളക്കി വേവിക്കുക.

തേങ്ങ കശുവണ്ടി ഉണക്ക മുന്തിരി വച്ച് അലങ്കരിക്കാം.   https://noufalhabeeb.blogspot.com/?m=1