ഇടിച്ചക്ക 65

ചിക്കനു മട്ടണും മാറി നിൽക്കും; തയ്യാറാക്കാം കൊതിയൂറും ഇടിച്ചക്ക 65

ഇടിച്ചക്ക- മൂന്നു കപ്പ് (പകുതി വേവിച്ച് ചതച്ചത്)

കശ്മീരി ചില്ലി- രണ്ട് സ്പൂണ്‍

ഇഞ്ചി- ഒരിഞ്ചു വലുപ്പത്തില്‍

വെളുത്തുള്ളി- പത്ത് അല്ലി

പെരുംജീരകം- ഒരു സ്പൂണ്‍

ചിക്കന്‍ മസാല- ഒരു ടേബിള്‍ സ്പൂണ്‍

ഗരംമസാല - ഒരു സ്പൂണ്‍

കോണ്‍ഫ്ളവര്‍ പൗഡര്‍- ഒരുകപ്പ്

ചെറുനാരങ്ങാനീര്- ഒരു സ്പൂണ്‍

കറിവേപ്പില, ഉപ്പ്,

 വെളിച്ചെണ്ണ- ആവശ്യത്തിന്

      തയ്യാറാക്കുന്ന വിധം

ഇടിച്ചക്ക പകുതി വേവിക്കുക. തണുത്തശേഷം ഉപ്പിട്ട് ഉടച്ചെടുക്കുക. കാശ്മീരി ചില്ലി, ഇഞ്ചി, വെളുത്തുള്ളി, പെരുംജീരകം, ചിക്കന്‍ മസാല, ഗരംമസാല, കോണ്‍ഫ്ളവര്‍ പൗഡര്‍ എന്നിവ കുഴമ്പുരൂപത്തില്‍ അരച്ചെടുക്കുക. ഇതിലേക്ക് നാരങ്ങാനീരും ഉപ്പും ചേര്‍ക്കുക. പാന്‍ ചൂടാക്കി വെളിച്ചെണ്ണ ഒഴിക്കുക. ഇടിച്ചക്ക കട്ലറ്റ് രൂപത്തില്‍ പരത്തി നേരത്തെ തയ്യാറാക്കി വച്ച മസാലയില്‍ മുക്കി പൊരിച്ചെടുക്കുക. ഇടയ്ക്കിടെ കറിവേപ്പില ഇട്ടുകൊടുക്കുന്നത് നന്നായിരിക്കും.     https://noufalhabeeb.blogspot.com/?m=1

ധാർവാഡ് പേട

കർണാടക സംസ്ഥാനത്ത് ധാർവാഡ് ജില്ലയിൽ നിർമ്മിക്കപ്പെടുന്ന ഒരു മധുരപലഹാരമാണ് ധാർവാഡ് പേഡ

ആവശ്യമുള്ള സാധനങ്ങള്‍

പാൽ : 3 ലിറ്റർ
പഞ്ചസാര : 10 ടേബിൾ സ്പൂണ് + അവസാനം റോൾ ചെയ്യാൻ
ചെറുനാരങ്ങാ നീര് : 4 - 5 ടേബിൾ സ്പൂണ്
നെയ്യ്‌ : 1 ടേബിൾ സ്പൂണ്
ഏലയ്ക്ക പൊടി : 1/2 ടീ സ്പൂണ്
പാൽ നന്നായി തിളപ്പിച്ചു തീ ഓഫ് ആക്കുക
2 - 3 മിനിറ്റിനു ശേഷം നാരങ്ങാ നീര് ചേർത്തു പനീർ ഉണ്ടാക്കുക
ശേഷം ഒരു തുണിയിൽ ഒഴിച്ച് അരിച്ചെടുത്ത് പനീർ നന്നായി കഴുകി എടുക്കുക
ഒരു 10 - 15 മിനിറ്റ് തുണി എവിടെ എങ്കിലും തൂക്കി ഇട്ട് വെള്ളം കളയുക
പനീർ നന്നായി ഉടച്ചെടുത്തു പാനിൽ ഇടുക
മീഡിയം തീയിൽ 10 മിനിറ്റ് നന്നായി ഇളക്കി കൊടുത്തു പനീർ വേവിക്കുക
ശേഷം നെയ്യ്‌ ചേർത്തു വീണ്ടും ഒരു 10 മിനിറ്റ് വഴറ്റുക
ഇനി ഇതിലേക്ക് 10 ടേബിൾ സ്പൂണ് പഞ്ചസാര ചേർത്ത് നന്നായി ഇളക്കി യോജിപ്പിക്കിക
മീഡിയം തീയിൽ ഇളക്കി കൊടുത്തു വേവിക്കുക
ഒരു 10 മിനിറ്റ് കഴിയുമ്പോ കളർ ചെറുതായി മാറി തുടങ്ങും
ഇളക്കി കൊടുത്തു കൊണ്ടേ ഇരിക്കണം
കളർ ഗോൾഡൻ ബ്രൗണ് ആകുമ്പോൾ തീ ലോ ഫ്ളൈമിൽ ആക്കണം
ഒരു 30 - 40 മിനിറ്റ് ആകുമ്പോൾ നല്ല ബ്രൗണ് കളർ ആകും
ഇടക്ക് മിക്സ് ഒരുപാട് ഡ്രൈ ആയി എന്ന് തോന്നുന്നെങ്കിൽ 1 ടേബിൾ സ്പൂണ് പാൽ ചേർത്തു കൊടുക്കണം
തീ ഓഫ് ചെയ്ത് ഒന്ന് തണുത്തു കഴിഞ്ഞു മിക്സിയിൽ ഇട്ട് പൊടിച്ചെടുക്കുക
വീണ്ടും പാനിലേക്ക് ഇട്ട് ഏലയ്ക്ക പൊടി, 3 - 4 ടേബിൾ സ്പൂണ് പാലും കൂടെ ചേർത്തിളക്കുക
ഇനി വീണ്ടും ഒരു 10 - 15 മിനിറ്റ് ചെറിയ തീയിൽ വെച്ച്  ഒരുവിധം ഡ്രൈ ആകും വരെ ഇളക്കി കൊടുക്കുക
തീ ഓഫ് ചെയ്ത് ഒന്ന് ചൂട് തണഞ്ഞ ശേഷം ഉരുട്ടി എടുക്കുക. എന്നിട്ട് പഞ്ചസാരയിൽ ഇട്ട് റോൾ ചെയ്യുക

ഈ അളവിൽ 470 ഗ്രാം പേട ആണ് കിട്ടിയത്.
ഫോട്ടോയിൽ കാണുന്ന പോലെ 19 എണ്ണം ആണ് ഞാൻ ഉണ്ടാക്കിയത്
പനീർ ഉണ്ടാക്കി കഴിഞ്ഞ് ഏകദേശം 1 മണിക്കൂർ എടുത്തു.   https://noufalhabeeb.blogspot.com/?m=1

മാർഷ്മല്ലോസ്

മാർഷ്മല്ലോസ്

പഞ്ചസാര :1 കപ്പ്
വെള്ളം :1/2 കപ്പ്
വാനില എസ്സെൻസ് : 1 ടേബിൾ സ്പൂൺ
ജലാറ്റിൻ : 2 ടേബിൾ സ്പൂൺ
വെള്ളം :1/4 കപ്പ് ജലാറ്റിൻ കുതിർക്കാൻ
പൊടിച്ച പഞ്ചസാര : 4 ടേബിൾ സ്പൂണ്
കൊണ്ഫ്ലവർ : 2 ടേബിൾ സ്പൂണ്

ജലാറ്റിൻ വെള്ളത്തിൽ കുതിർത്തു മാറ്റി വെക്കുക
പൊടിച്ച പഞ്ചസാരയും കൊണ്ഫ്ലവറും കൂടെ അരിച്ചു വെക്കുക
സെറ്റ് ചെയ്യാൻ ഉള്ള പാത്രത്തിൽ കുറച്ചു ഓയിൽ തടവി ബട്ടർ പേപ്പർ വെക്കുക
ബട്ടർ പേപ്പർ സൈഡിലും വെക്കണം
ബട്ടർ പേപ്പറിന് പകരം ക്ലിങ് ഫിലിം ഉപയോഗിക്കാം
ശേഷം പൊടിച്ച പഞ്ചസാര മിക്സ് എല്ലാ ഭാഗത്തും ഇട്ട് വെക്കുക.
പഞ്ചസാരയും വെള്ളവും കൂടെ തിളപ്പിക്കുക
കട്ടി ഉള്ള ഒരു സിറപ്പ് ആവണം
ഒരു ചെറിയ പാത്രത്തിൽ കുറച്ചു വെള്ളം എടുക്കുക
ഇതിലേക്ക് കുറച്ചു പഞ്ചസാര സിറപ്പ് ഒഴിക്കുക കൈ വെച്ച് ഈ സിറപ്പ് വെള്ളത്തിൽ നിന്നും എടുത്തു നോക്കുക
ഒരു സോഫ്റ്റ് ബോൾ ആയി പഞ്ചസാര ഉരുട്ടി എടുക്കാൻ കിട്ടണം
ഈ പരുവം ആയാൽ കുതിർത്തു വെച്ച ജലാറ്റിൻ ചേർത്തിളക്കുക ജലാറ്റിൻ മുഴുവൻ അലിഞ്ഞു കഴിഞ്ഞു തീ ഓഫ് ആക്കുക 
ഒരു വലിയ ബൗളിലേക്ക് ഒഴിച്ചു ഒരു 5 മിനിറ്റ് ചൂട് തണയാൻ മാറ്റി വെക്കുക
ശേഷം മീഡിയം സ്പീഡിൽ 5 മിനിറ്റ് ഒരു ബീറ്റർ ഉപയോഗിച്ച് ബീറ്റ് ചെയ്യുക
ശേഷം വാനില എസ്സെൻസ് ചേർത്ത് വീണ്ടും ബീറ്റ് ചെയ്യുക
കട്ടി ആയി ഒരു റിബ്ബൻ പോലെ ബാറ്റർ ആയാൽ ബീറ്റ് ചെയ്യുന്നത് നിർത്താം
ഇതിൽ നിന്നും പകുതി സെറ്റിങ് ട്രേയിൽ ഒഴിക്കുക
ബാക്കി ബാറ്ററിൽ ഇഷ്ട്ടമുള്ള 2 - 3 തുള്ളി ഫുഡ് കളർ ചേർത്തു മിക്സ് ആക്കി സെറ്റിങ് ട്രേയിൽ ഒഴിക്കുക
ഇനി ട്രെ നന്നായി ഒന്ന് തട്ടി കൊടുക്കുക
എയർ ബബിൾ ഉണ്ടെങ്കിൽ പോവാൻ ആണ്..
ശേഷം മുകളിൽ കുറച്ചു പൊടിച്ച പഞ്ചസാര മിക്സ് ഇട്ട് ഫ്രിഡ്ജിൽ 4 - 6 മണിക്കൂർ സെറ്റ് ആവാൻ വെക്കുക
ഇനി ട്രേയിൽ നിന്നും പുറത്തേക്ക് എടുത്ത് നന്നായി പൊടിച്ച പഞ്ചസാര മിക്സ് എല്ലാ ഭാഗത്തും വിതറി കൊടുക്കുക ശേഷം മുറിച്ചെടുക്കുക
കത്തിയുടെ മേൽ പൊടിച്ച പഞ്ചസാര മിക്സ് ആക്കിയ ശേഷം വേണം മുറിക്കാൻ ഓരോ കഷ്ണം മുറിച്ചെടുക്കുമ്പോൾ പൊടിച്ച പഞ്ചസാര മിക്സ് വിതറി കൊടുക്കണം.. തമ്മിൽ ഒട്ടാതിരിക്കാൻ ആണ്  ഇങ്ങനെ ചെയ്യുന്നെ.  അധികം ആയുള്ള പൊടിച്ച പഞ്ചസാര മിക്സ് തട്ടി കളയണം

ബീറ്റർ ഇല്ലെങ്കിൽ മിക്സിയിൽ അടിച്ചെടുക്കാം. പക്ഷെ ചൂട് ഉള്ള പഞ്ചസാര സിറപ്പ് മിക്സ് ആണ്..അതു കൊണ്ട് സൂക്ഷിച്ചു കൈ പൊള്ളാതെ ചെയ്യണം.  https://noufalhabeeb.blogspot.com/?m=1

കൂണ്‍ അമ്പട്ട്

കൂണിനൊപ്പം വെള്ളരിക്കയും ഉരുളക്കിഴങ്ങും; ഊണിന് തികച്ചും സ്‌പെഷ്യലാണ് 'ആളാമ്പേ അമ്പട്ട്'..

ഋതുഭേദങ്ങള്‍ക്കനുസരിച്ചു നമ്മള്‍ ആഹാരശീലത്തിലും മാറ്റം വരുത്താറുണ്ട്. അത് ആരോഗ്യത്തിനുതകുന്ന രീതിയിലും ആവാം അല്ലെങ്കില്‍ അതാത് കാലത്ത് ലഭ്യമാകുന്ന ആഹാര പദാര്‍ത്ഥങ്ങള്‍ക്കനുസരിച്ചും ആവാം. ഇത് കൂടാതെ ചില സമയങ്ങളില്‍ മാത്രം കിട്ടുന്ന പല സ്‌പെഷ്യല്‍ പഴം പച്ചക്കറികളും കാണും. ഒരു വര്‍ഷം മുഴുവനും ചിലപ്പോള്‍ നമ്മള്‍ ആ രുചി അനുഭവിക്കാന്‍ കാത്തിരിക്കും. മാമ്പഴക്കാലം, ചക്കക്കാലം എന്നൊക്കെ നമ്മള്‍ ആ സമയത്തെ വിളിക്കുന്നത് അതിനോടുള്ള പ്രിയം കൊണ്ട് തന്നെയാണ്.

ഇത്തരത്തില്‍ ഇടി വെട്ടി മഴ പെയ്തതിന്റെ പിറ്റേന്ന് വീടിനു പിന്നിലെ കുന്നിന്‍ മേലെ പോയാല്‍ പറിച്ചുകൊണ്ട് വരുന്ന മഴക്കാല സ്‌പെഷ്യലാണ് കൂണ്‍. ഇന്ന് കൂണ്‍ കൃഷി ഒക്കെ വ്യാപകമായതിനെ തുടര്‍ന്ന് മഴക്കാലമോ ഇടിമുഴക്കമോ ഒന്നുമില്ലാതെ തന്നെ നമുക്ക് കൂണ്‍ വിപണിയില്‍ ലഭ്യമാണ്. എങ്കിലും പഴയകാലത്ത് വര്‍ഷത്തില്‍ വളരെ കുറച്ച് ദിവസങ്ങള്‍ മാത്രം ഇവ പൊട്ടി മുളച്ചു വരുന്നത് കൊണ്ട് തന്നെ കൂണ്‍ വിഭവങ്ങള്‍ക്ക് വിശേഷ സ്ഥാനമായിരുന്നു.

കൊങ്കണി ഭക്ഷണരീതിയിലും കൂണ്‍ കൊണ്ടു പല വിഭവങ്ങളും ഉണ്ടാക്കും. 'ആളാമ്പേ' എന്നാണ് കൂണിനെ കൊങ്കണിയില്‍ വിളിക്കുക. അതില്‍ തന്നെ 'അമ്പട്ട്' എന്ന പേരില്‍ വിളിക്കുന്ന തേങ്ങ അരച്ചുള്ള ഒഴിച്ചു കറിയും , 'ഫണ്ണാ ഉപ്കരി' എന്ന കൂണ്‍ മുളകിട്ടതും, മല്ലിയും തേങ്ങയും ഒതുക്കി അരച്ചുള്ള കൂട്ടുകറിയായ 'ഭുത്തി', 'സുക്കെ' ഒക്കെയാണ് കൂടുതല്‍ പ്രചാരം. കൂണ്‍ കാലം തീരുമ്പോഴേക്കും ഈ രുചികളെല്ലാം യഥേഷ്ടം കൊങ്കണികള്‍ ഉണ്ടാക്കി കഴിഞ്ഞിരിക്കും.

ഇന്ന് അവയിലെ ഏറ്റവും പ്രചാരത്തിലുള്ള ഒഴിച്ചു കറിയായ 'ആളാമ്പേ അമ്പട്ട് 'അല്ലെങ്കില്‍ 'കൂണ്‍ അമ്പട്ട്' ആണ് പരിചയപ്പെടുത്തുന്നത്. കൂണിനൊപ്പം വെള്ളരിക്കയും ഉരുളക്കിഴങ്ങും ഒക്കെ ചേര്‍ക്കും. ചോറിനൊപ്പം ഏറെ രുചികരമാണീ അമ്പട്ട്. തയ്യാറാക്കി നോക്കുക.

      ആവശ്യമുള്ള സാധനങ്ങള്‍

കൂണ്‍ - 10-12 ഇടത്തരം

വെള്ളരിക്ക - 1/4 കിലോ

ഉരുളക്കിഴങ്ങ് - 1 വലുത്

സവാള - 2 ഇടത്തരം

തേങ്ങ -1 കപ്പ്

വറ്റല്‍ മുളക് - 10-12 എണ്ണം

വാളന്‍ പുളി - ഒരു കുഞ്ഞ് നെല്ലിക്ക വലുപ്പത്തില്‍

ഉപ്പ് -ആവശ്യത്തിന്

വെളിച്ചെണ്ണ - 2-3 ടീസ്പൂണ്‍

       തയ്യാറാക്കുന്ന വിധം

കൂണ്‍ കഴുകി വൃത്തിയാക്കി രണ്ടായി പകുത്തു അരിയുക. വെള്ളരിക്കയും ഉരുളക്കിഴങ്ങും ഒരു സവാളയും ചെറു ചതുര കഷ്ണങ്ങള്‍ ആക്കുക.

വെള്ളരിക്കയും ഉരുളക്കിഴങ്ങും സവാളയും ഒരല്പം മഞ്ഞള്‍പ്പൊടിയും ഉപ്പും ചേര്‍ത്ത് ഒന്നര കപ്പ് വെള്ളവും ചേര്‍ത്ത് തിളപ്പിക്കുക. കഷ്ണങ്ങള്‍ പാതി വേവാകുമ്പോള്‍ കൂണ്‍ ചേര്‍ക്കാം.

അതേ നേരം, വറ്റല്‍ മുളക് ഒരു ടീസ്പൂണ്‍ എണ്ണ ചൂടാക്കി ചെറുതീയില്‍ നന്നായി മൂപ്പിച്ച് വറുത്തെടുക്കുക. ഈ മുളകും തേങ്ങയും പുളിയും ചേര്‍ത്ത് വളരെ നന്നായി അരച്ചെടുക്കുക. കഷ്ണങ്ങള്‍ വെന്തു പാകമാകുമ്പോള്‍ അരപ്പ് ചേര്‍ത്ത് തിളപ്പിക്കുക. ഒഴിച്ചു കറിയുടെ അയവില്‍ വെള്ളം ആവശ്യമെങ്കില്‍ ചേര്‍ത്ത് നന്നായി തിളപ്പിച്ച് ചാറ് ഒരല്‍പ്പം കുറുകി വരുമ്പോള്‍ വാങ്ങി വെയ്ക്കുക.

ഇനി താളിപ്പ് തയ്യാറാക്കാം. ഒരു കുഞ്ഞു പാനില്‍ വെളിച്ചെണ്ണ ചൂടാക്കി ബാക്കിയുള്ള മറ്റേ സവാള വളരെ പൊടിയായി അരിഞ്ഞത് ചേര്‍ത്ത് ചെറുതീയില്‍ വറുക്കുക. സവാള നന്നായി വഴന്ന് ചുവന്നു വരുമ്പോള്‍ കറിയുടെ മീതെ താളിച്ചൊഴിക്കുക. കൂണ്‍ അമ്പട്ട് തയ്യാര്‍.

ശ്രദ്ധിക്കുക: ഇതില്‍ കടുകോ കറിവേപ്പിലയോ ഒന്നും താളിക്കുമ്പോള്‍ ചേര്‍ക്കരുത്.  https://noufalhabeeb.blogspot.com/?m=1

പാൻ കേക്ക്

അൽപ്പം പാലും മുട്ടയും ഒരു പഴവും ഉണ്ടെങ്കിൽ രുചിയൂറുന്ന ഈ പ്രഭാത ഭക്ഷണം റെഡി

ഭക്ഷണത്തിൽ വ്യത്യസ്തത എല്ലാവർക്കും ഇഷ്ടമാണ്. രാവിലെയുള്ള തിരക്കിൽ ബ്രേക്ക്ഫാസ്റ്റ് എളുപ്പത്തിൽ തയ്യാറാക്കാൻ കഴിഞ്ഞാൽ അതിലും സന്തോഷം. അത്തരത്തിൽ വേ​ഗത്തിൽ തയ്യാറാക്കാവുന്ന ഒരു ബ്രേക്ക്ഫാസ്റ്റ് ആണ് പാൻ കേക്ക്.

പാൻ കേക്ക് തയ്യാറാക്കുന്ന വിധം

അര കപ്പ് പാൽ, മൂന്ന് മുട്ട, ഒരു വാഴപ്പഴം രണ്ട് ടേബിൾ സ്പൂൺ തേൻ, ഒരു കപ്പ് ഓട്ട്സ് ഒരു നുള്ള് ഉപ്പ്, ഒരു നുള്ള് അപ്പക്കാരം എന്നിവ ചേർത്ത് നന്നായി ബ്ലെൻഡർ ഉപയോഗിച്ച് ഇളക്കുക. ഈ മിശ്രിതം പേസ്റ്റ് രൂപത്തിൽ ആയാൽ ഒരു പാൻ ചൂടാക്കി അതിൽ അൽപ്പം എണ്ണ തളിക്കുക.

പാൻ നന്നായി ചൂടായി കഴിഞ്ഞാൽ മിശ്രിതം പാനിൽ പരത്തുക. ഒരു വശം വെന്ത് കഴിഞ്ഞാൽ പാൻ കേക്കിൻ്റെ മറു ഭാഗവും നന്നായി വേവിക്കുക. തേനും പഴങ്ങളും കൂട്ടി ഇത് കഴിക്കാൻ വളരെ സ്വാദിഷ്ടമാണ്.

https://noufalhabeeb.blogspot.com/?m=1

സോയ കീമ പറോട്ട

ബ്രേക്ക്ഫാസ്റ്റിന് സ്‌പെഷ്യല്‍ സോയ കീമ പറോട്ട ഉണ്ടാക്കാം

  ബ്രേക്ക്ഫാസ്റ്റിന് കുട്ടികള്‍ ഇഷ്ടപ്പെടുന്ന ഒരു വിഭവമാണ് സോയ കീമ പറോട്ട. ഇത് തയാറാക്കാന്‍ വളരെ എളുപ്പവുമാണ്. കുറച്ചു സമയംകൊണ്ട് തയാറാക്കാന്‍ കഴിയുന്ന ഒരു വിഭവമാണ് സോയ കീമ പറോട്ട. ഇത് തയാറാക്കുന്നത് എങ്ങനെയെന്ന് നോക്കാം

       ആവശ്യമുള്ള സാധനങ്ങള്‍

ഗോതമ്പുപൊടി രണ്ടു കപ്പ്

നെയ്യ് നാലു ടേബിള്‍സ്പൂണ്‍

   കീമ തയ്യാറാക്കാന്‍

സോയ ചങ്സ് ഒരു കപ്പ്

സവാള -രണ്ടെണ്ണം

തക്കാളി -ഒരെണ്ണം ചെറുതായി അരിഞ്ഞത്

ഇഞ്ചി

വെളുത്തുള്ളി

പച്ചമുളക് പേസ്‌റ് രണ്ടു ടേബിള്‍സ്പൂണ്‍

മല്ലിയില അരിഞ്ഞത് നാല് ടേബിള്‍സ്പൂണ്‍

പുതിന അരിഞ്ഞത് രണ്ടു ടേബിള്‍സ്പൂണ്‍

നല്ല ജീരകം അര ടീസ്പൂണ്‍

നല്ല ജീരകം പൊടി അര ടീസ്പൂണ്‍

ഗരം മസാല അര ടീസ്പൂണ്‍

മഞ്ഞള്‍ പൊടി അര ടീസ്പൂണ്‍

ചിക്കന്‍ മസാല ഒന്ന്

മുളകുപൊടി ഒന്നര ടീസ്പൂണ്‍

മല്ലിപൊടി രണ്ടു ടീസ്പൂണ്‍

എണ്ണ നാലു ടേബിള്‍സ്പൂണ്‍

ഉപ്പ് ആവശ്യത്തിന്

തയ്യാറാക്കുന്ന വിധം

    കീമ :-

സോയ ചങ്ക്സ് തിളച്ച വെള്ളത്തില്‍ ഉപ്പിട്ട് കുതിരാന്‍ വച്ച് , കുതിര്‍ന്ന ശേഷം നല്ലവണ്ണം പിഴിഞ്ഞ് മിക്സിയില്‍ ഒന്ന് ക്രെഷ് ചെയ്യുക.

പാനില്‍ എണ്ണ ചൂടാക്കി നല്ലജീരകം ചേര്‍ത്ത് പൊട്ടിയാല്‍ സവാള ചേര്‍ത്ത് ഒന്ന് സോര്‍ട് ആക്കി ഇഞ്ചി , വെളുത്തുള്ളി , പച്ചമുളക് പേസ്‌റ് ചേര്‍ത്ത് പച്ചമണം മാറിയാല്‍ നല്ല ജീരകം പൊടി , ഗരം മസാല , മഞ്ഞള്‍ പൊടി , ചിക്കന്‍ മസാല ഒന്ന് , മുളകുപൊടി ,മല്ലിപൊടി ചേര്‍ത്ത് വഴറ്റി പച്ചമണം മാറിയാല്‍ തക്കാളി ചേര്‍ത്ത് ഉടഞ്ഞു വന്നാല്‍ സോയ ചങ്ക്സ് ,ഉപ്പ് ആവശ്യത്തിന് ചേര്‍ത്ത് ചെറിയ തീയില്‍ അടച്ചു വച്ച് വേവിച്ചു കഴിഞ്ഞു മല്ലിയില പുതിന ചേര്‍ക്കുക.

ഗോതമ്പുപൊടി ,ഉപ്പും ചേര്‍ത്ത് മിക്‌സ് ചെയ്ത് കുറേശ്ശെ വെള്ളം ഒഴിച്ച് ചപ്പാത്തിക്ക് കുഴക്കുന്ന രീതിയില്‍ കുഴച്ചെടുക്കുക ഇതിനു മുകളില്‍ ഒരു സ്പൂണ്‍ നെയ്യൊഴിച്ചു ഒന്നുകൂടെ കുഴച്ചു അരമണിക്കൂര്‍ വച്ച് ഓരോ ഉരുളകളാക്കി കീമ മിക്‌സ് ഇതിനുള്ളില്‍ ഫില്‍ ചെയ്ത് ചപ്പാത്തി പരത്തുന്ന പോലെ പരത്തി പാനില്‍ രണ്ടുഭാഗവും നെയ്യ് തടവി ചുട്ടെടുക്കുക.   https://noufalhabeeb.blogspot.com/?m=1

ചിക്കന്‍ വെജിറ്റബിള്‍ സൂപ്പ്.

മസിൽ അയഞ്ഞു തൂങ്ങുന്നോ? മസില്‍ കരുത്ത് കൂട്ടാനും ഉറപ്പിനും ഈ സൂപ്പ്‌ ശീലിക്കൂ

  നിരവധി ആരോഗ്യ ഗുണങ്ങള്‍ നല്‍കുന്ന ഒന്നാണ് എപ്പോഴും സൂപ്പ്. ഇത് നിങ്ങളുടെ ആരോഗ്യത്തിന് മാത്രമല്ല സൗന്ദര്യത്തിനും വളരെയധികം സഹായിക്കുന്നതാണ്. എന്നാല്‍ ചിക്കന്‍ സൂപ്പ് തയ്യാറാക്കി നമ്മളെല്ലാവരും കഴിച്ചിട്ടുണ്ടാവും. പക്ഷേ ചിക്കന്‍ വെജിറ്റബിള്‍ സൂപ്പ് നിങ്ങള്‍ കഴിച്ചിട്ടുണ്ടോ? വളരെ എളുപ്പത്തില്‍ വീട്ടില്‍ തയ്യാറാക്കാവുന്ന ഒന്നാണ് ചിക്കന്‍ വെജിറ്റബിള്‍ സൂപ്പ്. പച്ചക്കറികളും ചിക്കന്‍ കഷ്ണങ്ങളും കൊണ്ട് ഉണ്ടാക്കിയ ഒരു സ്വാദിഷ്ടമായ സൂപ്പ് റെസിപ്പി ഇന്ന് തന്നെ നിങ്ങള്‍ക്ക് പരീക്ഷിച്ച് നോക്കാവുന്നതാണ്. ഇതാകട്ടെ ശൈത്യകാലത്ത് നിങ്ങള്‍ക്ക് എന്തുകൊണ്ടും പരീക്ഷിച്ച് നോക്കാവുന്നതാണ്.

ഇതിലൂടെ ആരോഗ്യത്തിന് വെല്ലുവിളി ഉണ്ടാക്കുന്ന ശൈത്യകാല രോഗങ്ങളെ പൂര്‍ണമായും ഇല്ലാതാക്കാം. ശരീരത്തിന് കരുത്തും എല്ലുകള്‍ക്കും പേശികള്‍ക്കും ആരോഗ്യം വര്‍ദ്ധിപ്പിക്കുന്നതിനും എല്ലാം ചിക്കന്‍ വെജിറ്റബിള്‍ സൂപ്പ് കഴിക്കാവുന്നതാണ്. ഇതിലുള്ള പ്രോട്ടീന്‍ പേശികളുടെ ആരോഗ്യം സംരക്ഷിക്കുന്നതോടൊപ്പം തന്നെ ശരീരത്തിന് റിഫ്രഷ്‌മെന്റും ഊര്‍ജ്ജം നല്‍കുന്നു. ഇത്തരം അവസ്ഥയില്‍ ആരോഗ്യത്തെ കിടപിടിക്കുന്നതിന് ചിക്കന്‍ വെജിറ്റബിള്‍ സൂപ്പ് കഴിക്കാവുന്നതാണ്. ജലാംശം നിലനിര്‍ത്തുന്നതിന് നമുക്ക് സൂപ്പ് കഴിക്കാവുന്നതാണ്. കാരണം നിര്‍ജ്ജലീകരണം ശരീരത്തിന് പലപ്പോഴും പല വിധത്തിലുള്ള വെല്ലുവിളികള്‍

ഉണ്ടാക്കുന്നുണ്ട്. ഇത് പലപ്പോഴും അടിയന്തരമായ ആരോഗ്യ പ്രശ്‌നങ്ങള്‍ വരെ ഉണ്ടാക്കുന്നു.

ചിക്കന്‍ വെജിറ്റബിള്‍ സൂപ്പ് ചേരുവകള്‍:

1 കപ്പ് ചിക്കന്‍ കഷ്ണങ്ങളാക്കിയത്

1 ഇടത്തരം കാരറ്റ്

1/2 കപ്പ് ഗ്രീന്‍ പീസ്

1/2 കപ്പ് ചോളം

ഉപ്പ് പാകത്തിന്

ഒറിഗാനോ രുചിക്ക് വേണ്ടി

കുരുമുളക് പൊടി

അല്‍പം മല്ലിയില

ചിക്കന്‍ വെജിറ്റബിള്‍ സൂപ്പ് എങ്ങനെ ഉണ്ടാക്കാം:

1. ആദ്യം തന്നെ ചിക്കന്‍ ഉപ്പ് ചേര്‍ത്ത് വേവിച്ചെടുക്കുക. ഇതില്‍ നിന്ന് കഷ്ണങ്ങള്‍ മാറ്റി വെച്ച് ചാറ് വെറൊരു പാത്രത്തിലേക്ക് മാറ്റുക.

2. ഒരു പ്രത്യേക പാനില്‍ നമ്മള്‍ മാറ്റി വെച്ച ചാറു തിളപ്പിക്കുക, പച്ചക്കറികള്‍, കുറച്ച് ഉപ്പ്, കുരുമുളക് പൊടി, ഒറിഗാനോ എന്നിവ ചേര്‍ത്ത് നല്ലതുപോലെ തിളപ്പിക്കേണ്ടതാണ്.

3. പച്ചക്കറികള്‍ നല്ലതുപോലെ വേവുന്നത് വരെ തിളപ്പിക്കണം.

4. ശേഷം വേവിച്ച് വെച്ച ചിക്കന്‍ ചേര്‍ക്കുക. ഇത് നല്ലതുപോലെ മിക്‌സ് ആവുന്നത് വരെ വേവിക്കുക.

5. അതിന് ശേഷം മല്ലിയില കൊണ്ട് അലങ്കരിക്കുക. ചൂടോടെ വിളമ്പുക.

ശൈത്യകാല പ്രശ്‌നങ്ങളെ പ്രതിരോധിക്കുന്നതിന് സഹായിക്കുന്ന ഒന്നാണ് ചിക്കന്‍ വെജിറ്റബിള്‍ സൂപ്പ്. ഇത് നിങ്ങളുടെ ആരോഗ്യത്തിന് വെല്ലുവിളി ഉയര്‍ത്തുന്ന ചുമ, ജലദോഷം, പനി എന്നിവക്ക് പ്രത്യേകം പരിഹാരം കാണുന്നതിന് സഹായിക്കുന്നു.  ഇത് സ്ഥിരമായി കഴിക്കുന്നവരില്‍ എന്തുകൊണ്ടും മുകളില്‍ പറഞ്ഞ പ്രശ്‌നങ്ങളെ പെട്ടെന്ന് പരിഹരിക്കാന്‍ സാധിക്കും. എപ്പോഴും വേണമെങ്കില്‍ ചിക്കന്‍ വെജിറ്റബിള്‍ സൂപ്പ് ശീലമാക്കാവുന്നതാണ്.

ജലാംശം നിലനിര്‍ത്തുന്ന കാര്യത്തില്‍ ദിനവും സൂപ്പ് കുടിക്കുന്നത് എന്തുകൊണ്ടും നല്ലതാണ്. പ്രത്യേകിച്ച് ശൈത്യകാലത്ത്. കാരണം ചൂടുകാലത്തേക്കാള്‍ നാം വെള്ളം കുടിക്കേണ്ടത് ശൈത്യകാലത്താണ്. കാരണം പലരും തണുപ്പാണ് ദാഹിക്കുന്നില്ല എന്ന് പറഞ്ഞ് വെള്ളം കുടിക്കാതിരിക്കുന്നു. അത് നിര്‍ജ്ജലീകരണത്തിലേക്ക് എത്തിക്കുന്നു. ഇത്തരം അവസ്ഥകളെ പ്രതിരോധിക്കുന്നതിന് നമുക്ക് സൂപ്പ് ശീലമാക്കാം.    https://noufalhabeeb.blogspot.com/?m=1

കൊഴുക്കട്ട

പ്രഭാത ഭക്ഷണത്തിനൊരുക്കാം സ്വാദിഷ്ടമായ ഗോതമ്പു കൊഴുക്കട്ട

ബ്രേക്ക്ഫാസ്റ്റ് അല്ലെങ്കിൽ സ്നാക്ക്സായി ഉണ്ടാക്കാൻ പറ്റിയ ഒരു വിഭവം പരിചയപ്പെടാം

       ചേരുവകൾ

ഗോതമ്പു പൊടി -1 കപ്പ്‌

റവ – 1/4 കപ്പ്‌

വെള്ളം – 2.5 കപ്പ്‌

തേങ്ങാക്കൊത്ത് / തേങ്ങ ചിരകിയത് – 1/4 കപ്പ്‌

ഉള്ളി – 1/4 കപ്പ്‌

പച്ചമുളക് – 2 എണ്ണം

കായപ്പൊടി – 1/2 ടീസ്പൂൺ

കാശ്മീരി മുളകുപൊടി – 1/2 ടീസ്പൂൺ

ഉഴുന്നുപരിപ്പ് – 1 ടീസ്പൂൺ

എണ്ണ – 3 ടീസ്പൂൺ

ഉപ്പ് – ആവശ്യത്തിന്

കറിവേപ്പില

        തയാറാക്കുന്ന വിധം

ഗോതമ്പുപൊടി ഒരു ഫ്രൈയിങ് പാനിൽ ചെറുതീയിൽ വറുത്തെടുക്കുക.

ചൂടായി വരുമ്പോൾ റവ ചേർത്തു രണ്ടു മിനിറ്റു വറക്കുക.

ചീനച്ചട്ടിയിൽ എണ്ണയൊഴിച്ചു ഉള്ളിയും പച്ചമുളകും വഴറ്റുക.

കുറച്ചു കായപ്പൊടിയും തേങ്ങാക്കൊത്തും ചേർത്ത് ഇളക്കുക.

ആവശ്യത്തിന് ഉപ്പും ചേർത്തു വെള്ളം ഒഴിച്ചു തിളപ്പിക്കുക.

തിളച്ചു വരുമ്പോൾ വറത്തു വച്ച ഗോതമ്പുപൊടി ചേർത്തു കട്ടിയില്ലാതെ യോജിപ്പിക്കുക.

കുറച്ചു എണ്ണ മുകളിൽ ഒഴിച്ചു യോജിപ്പിച്ച് ഒരു മിനിറ്റ് അടച്ചു വയ്ക്കുക.

ഒരു മിനിറ്റിനു ശേഷം ചെറിയ ഉരുളകളാക്കി ആവിയിൽ വേവിക്കുക. കൊഴുക്കട്ട തയാർ.

കുറച്ചു കൂടി ടേസ്റ്റ് കിട്ടാൻ ഒരു ഫ്രൈയിങ് പാനിൽ എണ്ണയൊഴിച്ചു കടുക് പൊട്ടിക്കുക.

അതിലേക്കു കുറച്ചു ഉഴുന്നു പരിപ്പും കറിവേപ്പിലയും ചേർത്തു കൊടുക്കുക.

1/4 ടീസ്പൂൺ കായപ്പൊടിയും കാശ്മീരി മുളകുപൊടിയും ചേർത്ത് ഇളക്കുക.

കൊഴുക്കട്ട അതിലേക്കു ചേർത്തു കൊടുക്കാം. രണ്ടു മിനിറ്റ് ചെറു തീയിൽ വയ്ക്കുക.

സ്നാക്ക്സ് അല്ലെങ്കിൽ ബ്രേക്ക് ഫാസ്റ്റായി വിളമ്പാം.  https://noufalhabeeb.blogspot.com/?m=1

മട്ടണ്‍ രസം

മട്ടൺ സൂപ്പിന് സമയം ഏറെ എടുക്കുന്നോ? വിഷമിക്കേണ്ട, ആരോഗ്യത്തിന് അത്യുത്തമമായ മട്ടണ്‍ രസം എളുപ്പത്തിൽ തയ്യാറാക്കാം

  തണുപ്പ് കാലത്തും മഴക്കാലത്തുമാണ് പലര്‍ക്കും ശരീര വേദനയും സന്ധിവേദനയും പോലുള്ള ആരോഗ്യ പ്രശ്‌നങ്ങള്‍ ഉണ്ടാവുന്നത്. ഇതിന്റെ പരിഹാരമായി പലരും മട്ടണ്‍ സൂപ്പ് ഉണ്ടാക്കി കഴിക്കാറുണ്ട്. എന്നാൽ ഇതിന് ഏറെ സമയമെടുക്കുമെന്നതിനാൽ, അതിന് പരിഹാരം കാണുന്നതിന് വേണ്ടി നമുക്ക് മട്ടണ്‍ രസം ശീലിക്കാം. ആഴ്ചയില്‍ ഒരു തവണ എന്ന തോതില്‍ മട്ടണ്‍ രസം കഴിക്കാം. ഇത് നിങ്ങള്‍ക്ക് മികച്ച ഗുണങ്ങള്‍ നല്‍കുന്നു.

വേദന കുറക്കുന്നതിനും ആരോഗ്യ പ്രശ്‌നങ്ങളെ പ്രതിരോധിക്കുന്നതിനും എല്ലാം നിങ്ങളെ ഈ മട്ടണ്‍ സൂപ്പ് സഹായിക്കുന്നു. അതുകൊണ്ട് തണുപ്പ് കാലത്ത് എല്ലാവരും നിര്‍ബന്ധമായും കഴിക്കേണ്ടതാണ് മട്ടണ്‍ സൂപ്പ്. ഇത് നിങ്ങളില്‍ ഗുണങ്ങള്‍ വര്‍ദ്ധിപ്പിക്കുകയാണ് ചെയ്യുന്നത് എന്ന കാര്യത്തില്‍ സംശയം വേണ്ട. ഇത് ഉണ്ടാക്കുന്ന വിധം:

       രസപ്പൊടി തയ്യാറാക്കാന്‍

1/2 ടീസ്പൂണ്‍ കുരുമുളക്

1/2 ടീസ്പൂണ്‍ ജീരകം

1/2 ടീസ്പൂണ്‍ മല്ലി

മുഴുവന്‍ 2 ഉണങ്ങിയ ചുവന്ന മുളക്.

എല്ലാ ചേരുവകളും 4-5 മിനിറ്റ് കുറഞ്ഞ ചൂടില്‍ ചൂടാക്കുക. ശേഷം നല്ലതുപോലെ തണുപ്പിക്കുക. മസാലകള്‍ തണുക്കുമ്പോള്‍, ഒരു ബ്ലെന്‍ഡറില്‍ നല്ല പൊടിയായി പൊടിച്ച് മാറ്റി വെക്കണം.

      മട്ടണ്‍ സ്റ്റോക്കിന്:

300 ഗ്രാം മട്ടണ്‍ എല്ല്

4 കപ്പ് വെള്ളം

ഉപ്പ് പാകത്തിന്

1 ടീസ്പൂണ്‍ മഞ്ഞള്‍ പൊടി.

 ഒരു പ്രഷര്‍ കുക്കറില്‍, മഞ്ഞള്‍, ഉപ്പ്, വെള്ളം എന്നിവ ഒഴിച്ച് 15-20 മിനിറ്റ് മട്ടണ്‍ എല്ലുകള്‍ വേവിക്കുക. തീ ഓഫ് ചെയ്ത് കുക്കറിലെ പ്രഷര്‍ സ്വാഭാവികമായി മാറിയതിന് ശേഷം ഇത് മാറ്റി വെക്കുക.

       താളിക്കാന്‍-

2 ടീസ്പൂണ്‍ എള്ളെണ്ണ

4-5 അല്ലി വെളുത്തുള്ളി അരിഞ്ഞത്

6-7 ചെറിയ ഉള്ളി അരിഞ്ഞത്

2 വലിയ തക്കാളി (അരിഞ്ഞത്)

ഉപ്പ് പാകത്തിന്

2 തണ്ട് മല്ലിയില.

ഒരു പാനില്‍ എള്ളെണ്ണ ചൂടാക്കി അരിഞ്ഞ വെളുത്തുള്ളി, ചെറിയ ഉള്ളി, കറിവേപ്പില എന്നിവ ചേര്‍ക്കുക. ഉള്ളി നല്ലതുപോലെ വഴറ്റിയ ശേഷം ഇതിലേക്ക് തക്കാളിയും ഉപ്പും ചേര്‍ത്ത് ഇളക്കുക. തക്കാളി വേവുന്നത് വരെ ഇളക്കുക. ശേഷം തയ്യാറാക്കിയ മസാല മിശ്രിതം ചേര്‍ത്ത് കുറച്ച് സമയം കൂടി വഴറ്റുക. എന്നിട്ട് മട്ടണ്‍ കൂടി ഇതിലേക്ക് ചേര്‍ത്ത് വെള്ളം ആവശ്യത്തിന് ഒഴിച്ച് മട്ടണില്‍ ധാരാളം വെള്ളം ചേര്‍ത്ത് എല്ലാ ചേരുവകളും സെറ്റ് ആവുന്നത് വരെ തിളപ്പിക്കുക. ശേഷം മല്ലിയില ചേര്‍ത്ത് തീ ഓഫ് ചെയ്യാം. മട്ടണ്‍ രസം തയ്യാര്‍.   https://noufalhabeeb.blogspot.com/?m=1

വട പാവ്

പാവ് എന്നാല്‍ ബണ്‍. പാവിന്റെ ഉള്ളില്‍ വട വച്ചാല്‍ വടപാവ് ആയി. ചുരുക്കത്തില്‍, ബര്‍ഗറിന്റെ ഇന്ത്യന്‍ രൂപമാണ് വടപാവ് എന്നു വേണമെങ്കില്‍ പറയാം. ബോബെയിലും മറ്റും വടപാവ് ചൂടോടെ ഉണ്ടാക്കിവില്‍ക്കുന്ന തെരുവോര കച്ചവടക്കാരെ ധാരാളം കാണാം. അതിശയകരമായ വേഗതയിലാണ് അവരിതുണ്ടാക്കുക. രാവിലെ ജോലിക്കും മറ്റും പോകാനിറങ്ങുന്നവര്‍ വടപാവ് വാങ്ങി ധൃതിയിലകത്താക്കി റെയില്‍വേസ്‌റ്റേഷനിലേക്കോടുന്നത് ബോബെയില്‍ സ്ഥിരം കാഴ്ചയാണ്. നല്ല കനപ്പെട്ട ആഹാരമാണിത്. ഒരെണ്ണം കഴിച്ചാല്‍ മതി; ഉച്ചവരെ അവിടെ കിടന്നോളും.

വടപാവ് ഉണ്ടാക്കുന്നതിനുമുമ്പ് ഇതിലുപയോഗിക്കുന്ന മൂന്നുതരം ചട്ണികള്‍ നേരത്തേ തയാറാക്കിവയ്ക്കണം.

➊. തേങ്ങകപ്പലണ്ടി ചട്ണിപ്പൊടി (Peanut-coconut chutney powder)

❷. ഗ്രീന്‍ ചട്ണി (green chutney)

❸. മീഠാ ചട്ണി (Meeta chutney)

ഇതില്‍ ഗ്രീന്‍ ച്ട്ണി ഒഴിച്ചുള്ള മറ്റു രണ്ടു ചട്ണികളും ഫ്രിഡ്ജില്‍ എത്രനാള്‍ വേണമെങ്കിലും സ്‌റ്റോക്ക് ചെയ്യാവുന്നതാണ്.

തേങ്ങകപ്പലണ്ടി ചട്ണിപ്പൊടി:

ഒരു ഗ്ലാസ് തേങ്ങ ചിരകിയത്, അര ഗ്ലാസ് കപ്പലണ്ടി, കാല്‍ ഗ്ലാസ് എള്ള് എന്നിവ വെവ്വേറെ വറുത്തെടുക്കുക. 810 വെളുത്തുള്ളിയല്ലി പച്ചമണം മാറുന്നതുവരെ ഒന്നു ചൂടാക്കുക. എല്ലാം കൂടി പാകത്തിന് മുളകുപൊടിയും ഉപ്പും ചേര്‍ത്ത് തരുതരുപ്പായി പൊടിച്ചെടുക്കുക.

ഗ്രീന്‍ ചട്ണി:

രണ്ടു പിടി മല്ലിയില, ഒരു പിടി പുതിനയില, ഒരു സവാളയുടെ പകുതി, ഒരു സ്പൂണ്‍ ഇഞ്ചിവെളുത്തുള്ളി പേസ്റ്റ്, 23 പച്ചമുളക്, ഒരു നുള്ള് ജീരകപ്പൊടി, ഒരു സ്പൂണ്‍ ചെറുനാരങ്ങാനീര് എന്നിവ പാകത്തിന് ഉപ്പു ചേര്‍ത്ത് അരച്ചെടുക്കുക.

മീഠാ ചട്ണി:

കുറച്ച് പുളി പിഴിഞ്ഞെടുത്ത ചാറില്‍, പുളിയുടെ പകുതിയോളം (കുരു കളഞ്ഞ) ഈന്തപ്പഴവും ഇത്തിരി ശര്‍ക്കരയും ചേര്‍ത്ത് അടുപ്പത്തു വയ്ക്കുക. ഈന്തപ്പഴം ഒന്നു മൃദുവായാല്‍ വാങ്ങാം. ഇതില്‍ ഒരു സ്പൂണ്‍ ജീരകപ്പൊടിയും പാകത്തിന് ഉപ്പും മുളകുപൊടിയും ചേര്‍ത്ത് അരച്ചെടുക്കുക.

ഇപ്പോള്‍ നമ്മുടെ നാട്ടിലെ സൂപ്പര്‍മാര്‍ക്കറ്റുകളിലും വടപാവിനുള്ള ബണ്ണ് കിട്ടാറുണ്ട്. സാധാരണ ബണ്ണിനേക്കാള്‍ ചെറുതും, എതാണ്ടൊരു ചതുരാകൃതിയുമായിരിക്കും പാവിന്. മിക്കവാറും ആറെണ്ണം കൂടിച്ചേര്‍ന്നിരിക്കുന്ന രൂപത്തിലായിരിക്കും കിട്ടുക.

ഇനി വട ഉണ്ടാക്കാം:

ആവശ്യമുള്ള സാധനങ്ങള്‍:

➊.

ഉരുളക്കിഴങ്ങ് രണ്ടോ മൂന്നോ

ഇഞ്ചിവെളുത്തുള്ളിപച്ചമുളക് അരച്ചത് ഒരു വലിയ സ്പൂണ്‍

അല്‍പ്പം മഞ്ഞള്‍പ്പൊടി, കായംപൊടി, ജീരകപ്പൊടി

മല്ലിയില അരിഞ്ഞത് ഒരു പിടി

ഒരു സ്പൂണ്‍ ചെറുനാരങ്ങാനീര്.

വറുക്കാനുള്ള കടുക്, എണ്ണ (വെളിച്ചെണ്ണ വേണ്ട)

പാകത്തിന് ഉപ്പ്

❷.

കടലമാവ് ഒന്ന്/ഒന്നര കപ്പ്

കുറച്ച് മഞ്ഞള്‍പ്പൊടി, മുളകുപൊടി

പാകത്തിന് ഉപ്പ്, വെള്ളം

ഒരു നുള്ള് സോഡാപ്പൊടി

കുറച്ച് മല്ലിയില അരിഞ്ഞത്.

❸.

വറുക്കാനാവശ്യമായ എണ്ണ.

ഉണ്ടാക്കുന്ന വിധം:

ഉരുളക്കിഴങ്ങ് പുഴുങ്ങി പൊടിച്ച് ഉപ്പ് ചേര്‍ത്തുവയ്ക്കുക.

എണ്ണയില്‍ കടുക് പൊട്ടിച്ചശേഷം ഇഞ്ചിവെളുത്തുള്ളിപച്ചമുളക് അരച്ചത് ചേര്‍ത്ത് ഇളക്കുക. ഇതിലേക്ക് മഞ്ഞള്‍പ്പൊടിയും ജീരകപ്പൊടിയും കായവും ചേര്‍ത്ത് യോജിപ്പിച്ചശേഷം വാങ്ങുക. ഈ കൂട്ട് ഉരുളക്കിഴങ്ങും മല്ലിയിലയും നാരങ്ങാനീരും ചേര്‍ത്ത് കൈകൊണ്ട് കുഴച്ച് യോജിപ്പിക്കുക. ഇത് ചെറിയ ഉരുളകളായി എടുത്ത് കയ്യില്‍വച്ച് ഒന്നമര്‍ത്തി വടയുടെ ഷേപ്പിലാക്കി വയ്ക്കുക.

കടലമാവ് പാകത്തിന് വെള്ളവും മറ്റു ചേരുവകളും ചേര്‍ത്ത് നല്ല കട്ടിയില്‍ കലക്കിവയ്ക്കുക.

ഉരുളക്കിഴങ്ങ് മിശ്രിതം ഓരോന്നെടുത്ത് മാവില്‍ മുക്കി ചൂടായ എണ്ണയില്‍ വറുത്തെടുക്കുക. വട തയ്യാറായി. ബട്ടാട്ട വട എന്നാണിതിന് പറയുന്നത്.

ഇനി, പാവ് എടുത്ത്, കഴിയുന്നതും അറ്റം വിട്ടുപോരാത്ത രീതിയില്‍ കുറുകെ രണ്ടായി മുറിക്കുക.

ഒരു ദോശക്കല്ലില്‍ ഒരു സ്പൂണ്‍ വെണ്ണയൊഴിച്ച് ഉരുകിപ്പരന്നു തുടങ്ങിയാല്‍ പാവിന്റെ മുറിച്ച വശം കീഴോട്ട് വരത്തക്കവിധം വെണ്ണയിലേക്ക് കമഴ്ത്തിവച്ച് വെണ്ണ മുഴുവന്‍ പാവ് കൊണ്ട് തുടച്ചെടുക്കുക. ഇങ്ങനെ ഓരോ പാവും ചെയ്‌തെടുക്കുക. (പാവിന്റെ ഉള്ളില്‍ സാധാരണ പോലെ കുറച്ചു വെണ്ണ പുരട്ടിയാലും മതി. ശരിയായ രീതി പറഞ്ഞെന്നേയുള്ളു)

ഇനി, പാവിന്റെ രണ്ടുപകുതിയിലും യഥാക്രമം മീഠാ ചട്ണി, ഗ്രീന്‍ ചട്ണി, ചട്ണിപൗഡര്‍ എന്നിവ പുരട്ടുക. അതിനുമുകളില്‍ ഒരു വട വച്ചശേഷം മറ്റേ പകുതികൊണ്ട് അടച്ച്, എല്ലാം കൂടി ചേര്‍ന്നിരിക്കാന്‍ വേണ്ടി ഒന്നമര്‍ത്തുക.

ദാ, നമ്മുടെ ഇന്ത്യന്‍ ബര്‍ഗര്‍ റെഡി! ചൂടോടെ കഴിക്കുക   https://noufalhabeeb.blogspot.com/?m=1

ഓട്‌സ് ഡ്രൈഫ്രൂട്‌സും

തിരക്കിനിടെ എളുപ്പത്തിൽ തയ്യാറാക്കാവുന്ന പോഷകസമൃദ്ധമായ ഭക്ഷണം: പ്രമേഹരോഗികൾക്കും രക്തസമ്മർദ്ദമുള്ളവർക്കും നല്ലത് 

തടി കുറയ്ക്കാന്‍ ആദ്യം ആളുകള്‍ ആവശ്യപ്പെടുന്നത് ഓട്‌സ് ആണ്. എന്നാല്‍ ഓട്‌സ് എങ്ങനെ നല്ല സൂപ്പര്‍ ടേസ്റ്റില്‍ തയ്യാറാക്കാം എന്ന് നമുക്ക് നോക്കാം. അതിലുപരി ഇതെങ്ങനെ ആരോഗ്യം നല്‍കുന്നു എന്നതും നമുക്ക് നോക്കാം. ഓട്സിന് നിരവധി ആരോഗ്യ ഗുണങ്ങളുണ്ട്. നാരുകള്‍, പ്രോട്ടീന്‍, ആരോഗ്യകരമായ ധാന്യങ്ങള്‍ എന്നിവ കൊണ്ട് സമ്പുഷ്ടമാണ് ഓട്‌സ്. ഇത് നിങ്ങളുടെ ശരീരത്തിലെ കൊഴുപ്പിനെ ഇല്ലാതാക്കുകയും ഹൃദയത്തിന് ആരോഗ്യം വര്‍ദ്ധിപ്പിക്കുകയും ചെയ്യുന്നു. എന്നാല്‍ ഓട്‌സില്‍ ചില ചേരുവകള്‍ ചേരുന്നതോടെ അത് നിങ്ങളുടെ ആരോഗ്യത്തിന് ഇരട്ടി ഫലം നല്‍കുന്നു.

ഓട്‌സ് തയ്യാറാക്കാന്‍ നമുക്ക് എന്തൊക്കെയാണ് വേണ്ടത് എന്ന് നോക്കാം.

ഓട്‌സ് – ഒരു കപ്പ്

ചിയ സീഡ്‌സ് – 2 ടീസ്പൂണ്‍

തേന്‍ – രണ്ട് സ്പൂണ്‍

പഴങ്ങള്‍ – ആപ്പിള്‍, മുന്തിരി, പഴം, എന്നിവയെല്ലാം ഉപയോഗിക്കാം.

ഡ്രൈഫ്രൂട്‌സ്, നട്‌സ്

 ഈന്തപ്പഴം

        തയ്യാറാക്കേണ്ട വിധം:

ആദ്യം അല്‍പം ഓട്‌സ് എടുത്ത് അതിലേക്ക് നല്ല ശുദ്ധമായ വെള്ളം ഒഴിക്കുക. വെള്ളം ഒഴിച്ച ശേഷം ഇതിലേക്ക് തേനും അല്‍പം ചിയസീഡ്‌സും ചേര്‍ക്കാം. പിന്നീട് നിങ്ങള്‍ക്ക് വേണമെങ്കില്‍ ഈന്തപ്പഴം ചേര്‍ക്കാവുന്നതാണ്. ഇവയെല്ലാം നല്ലതുപോലെ ചേര്‍ത്തതിന് ശേഷം ഇത് ഇളക്കി ഫ്രിഡ്ജില്‍ സൂക്ഷിക്കുക. പിന്നീട് അടുത്ത ദിവസം രാവിലെ എടുത്ത് ഇതിലേക്ക് ഫ്രൂട്‌സ് നമുക്ക് ആവശ്യമുള്ളത് മുറിച്ച് ചേര്‍ത്ത് ഇളക്കി കഴിക്കാവുന്നതാണ്.

പഞ്ചസാര ചേര്‍ക്കാതിരിക്കാന്‍ ശ്രദ്ധിക്കണം. അതിന് പകരം നിങ്ങള്‍ക്ക് തേന്‍ ഉപയോഗിക്കാവുന്നതാണ്. വേണമെങ്കില്‍ ഡ്രൈഫ്രൂട്‌സും നട്‌സും ചേര്‍ക്കാം. ഇതെല്ലാം തലേദിവസം ചേര്‍ത്ത് വെക്കണം. പഴങ്ങള്‍ മാത്രമേ അടുത്ത ദിവസം രാവിലെ ചേര്‍ക്കാന്‍ പാടുകയുള്ളൂ. ഇത് നിങ്ങള്‍ക്ക് രുചികരവും ആരോഗ്യകരവുമായ ഒരു ബ്രേക്ക്ഫാസ്റ്റ് ആണ് എന്ന കാര്യത്തില്‍ സംശയം വേണ്ട.  https://noufalhabeeb.blogspot.com/?m=1

ചിക്കന്‍ മോമോസ്

ചിക്കന്‍ മോമോസ് ഗോതമ്പ് കൊണ്ട് തയ്യാറാക്കാം: കൊളസ്‌ട്രോൾ ഉള്ളവർക്കും പ്രമേഹരോഗികൾക്കും ഉത്തമം

അമിതവണ്ണം കൊണ്ട് കഷ്ടപ്പെടുന്നവര്‍ക്ക് ഇനി ഗോതമ്പ് കൊണ്ട് വീട്ടിൽ തയ്യാറാക്കിയ ചിക്കന്‍ മോമോസ് കഴിക്കാം. സൂപ്പര്‍ ടേസ്റ്റും ഹെല്‍ത്തിയുമാണ് എന്നതാണ് ഇതിന്റെ പ്രത്യേകത. ആരോഗ്യപ്രശ്‌നങ്ങളെ ഭയക്കാതെ ആര്‍ക്കും ഈ ഒരു സ്‌നാക്‌സ് ധൈര്യമായി കഴിക്കാം. അപ്പോള്‍ ഇന്ന് തന്നെ വീട്ടില്‍ തയ്യാറാക്കി നോക്കൂ, നല്ല കിടിലന്‍ ഗോതമ്പ് ചിക്കന്‍ മോമോസ്. ആവിയില്‍ വേവിച്ചത് ആയത് കൊണ്ട് തന്നെ ഇതിന് പാര്‍ശ്വഫലങ്ങള്‍ ഒന്നുമില്ല. എണ്ണയില്‍ പൊരിച്ചതുമായി ബന്ധപ്പെട്ട് ഉണ്ടാവുന്ന യാതൊരു തരത്തിലുള്ള ആരോഗ്യ പ്രശ്‌നങ്ങളും നിങ്ങളെ അലട്ടുകയില്ല.

കൊളസ്‌ട്രോള്‍, പ്രമേഹം, രക്തസമ്മര്‍ദ്ദം എന്നിവക്കൊന്നും ഈ പലഹാരം ഒരു ഭീഷണിയാവുകയില്ല. അതുകൊണ്ട് തന്നെ ഗുണങ്ങളുടെ കാര്യത്തില്‍ അല്‍പം മുന്നില്‍ തന്നെയാണ് മോമോസ്. ഇത് ചിക്കന്‍ ചേര്‍ത്തും പച്ചക്കറികള്‍ മാത്രമാക്കിയും തയ്യാറാക്കാവുന്നതാണ്. അമിതവണ്ണത്തെ ഭയപ്പെടുന്നവര്‍ക്ക് അതിന് പരിഹാരം കാണുന്നതിനും മോമോസ് സഹായിക്കുന്നു. കലോറി കുറവായതും പ്രശ്‌നങ്ങള്‍ ഇല്ലാത്തതും എല്ലാം നിങ്ങള്‍ക്ക് മോമോസ് പ്രിയപ്പെട്ടതാക്കുന്നു. പക്ഷേ എപ്പോഴും ശ്രദ്ധിക്കേണ്ടത് പുറത്ത് നിന്ന് വാങ്ങി കഴിക്കുന്നതിനേക്കാള്‍ ഗുണം വീട്ടില്‍ തന്നെ തയ്യാറാക്കുന്നതിനാണ്.

കാരണം പുറത്ത് നിന്ന് രുചി കൂട്ടുന്നതിന് വേണ്ടി ചേര്‍ക്കുന്ന പ്രിസര്‍വേറ്റീവുകള്‍ ആരോഗ്യ പ്രശ്‌നങ്ങള്‍ ഉണ്ടാക്കുന്നു. അതുകൊണ്ട് ഇത്തരം കാര്യം ശ്രദ്ധിക്കണം. വീട്ടില്‍ ഗോതമ്പ് കൊണ്ട് തയ്യാറാക്കിയ മോമോസ് എങ്കില്‍ അത് മലബന്ധത്തെ പ്രതിരോധിക്കുന്നതിനും മികച്ച ദഹനത്തിനും സഹായിക്കുന്നു. കാരണം ഇതിലുള്ള ഫൈബറാണ് ഇത്തരം പ്രശ്‌നങ്ങളെ പ്രതിരോധിക്കുന്നതിന് വേണ്ടി നിങ്ങളെ സഹായിക്കുന്നത്. അതുകൊണ്ട് തന്നെ ആരോഗ്യ പ്രശ്‌നങ്ങള്‍ ഇല്ലാതെ കഴിക്കാന്‍ വീട്ടില്‍ തയ്യാറാക്കിയ മോമോസ് തന്നെയാണ് ഏറ്റവും ഉത്തമം.

       വേണ്ട സാധനങ്ങൾ:

2 കപ്പ് ആട്ട

2 ടീസ്പൂണ്‍ എണ്ണ

1 കപ്പ് ചെറുതാക്കിയ ചിക്കന്‍

1 കപ്പ് ഉള്ളി അരിഞ്ഞത്

1 ടീസ്പൂണ്‍ ഇഞ്ചി അരിഞ്ഞത്

1/2 കപ്പ് മല്ലിയില അരിഞ്ഞത്

2 ടീസ്പൂണ്‍ വെണ്ണ

രുചി അനുസരിച്ച് ഉപ്പ്

      തയ്യാറാക്കുന്ന വിധം:

ആദ്യം ഒരു പാത്രത്തില്‍ ചിക്കന്‍, ഉള്ളി, ഇഞ്ചി, മല്ലിയില, വെണ്ണ എന്നിവ ചേര്‍ത്ത് നന്നായി ഇളക്കി വെക്കണം. എല്ലാ ചേരുവകളും ശരിയായി മിക്‌സ് ആവാന്‍ കൈകള്‍ ഉപയോഗിക്കേണ്ടതാണ്. രുചിക്കനുസരിച്ച് ഉപ്പ് ചേര്‍ത്ത് 10-15 മിനിറ്റ് മാറ്റി വെക്കുക. ഈ സമയം ആട്ട, ഒരു നുള്ള് ഉപ്പ്, എണ്ണ, വെള്ളം എന്നിവ ചേര്‍ത്ത് കുഴക്കുക. ഇത് നല്ലതുപോലെ മാവ് പരുവത്തില്‍ ആക്കി മാറ്റി വെക്കുക 

മാവ് എടുത്ത് ചെറിയ ഉരുളകളാക്കി ചെറിയ പൂരിയുടെ വലുപ്പത്തില്‍ പരത്തിയെടുക്കുക ഇതിന് നടുവിലേക്ക് ഒരു സ്പൂണ്‍ നിറയെ നമ്മള്‍ മുന്‍പ് മസാല മിക്‌സ് ചെയ്ത് മാറ്റി വെച്ച ചിക്കന്‍ ഉള്‍പ്പടെയുള്ള ചേരുവ ചേര്‍ക്കുക. പിന്നീട് മോമോസിന്റെ രൂപത്തില്‍ മടക്കിയെടുക്കുക അല്ലെങ്കില്‍ നിങ്ങള്‍ക്ക് എല്ലാ വശങ്ങളും കൂട്ടിച്ചേര്‍ത്ത് ഉരുളയാക്കുകയും ചെയ്യാം പിന്നീട് ഇഡ്ഡലി തട്ടില്‍ എണ്ണ പുരട്ടി 20-30 മിനിറ്റ് ആവിയില്‍ വേവിച്ചെടുക്കണം പുറത്തെ മാവ് നല്ലതുപോലെ വേവണം എന്നതാണ് ഇതിന്റെ പാകം.   https://noufalhabeeb.blogspot.com/?m=1

മത്തി കുരുമുളകിട്ടത്

വ്യത്യസ്ത രുചിയിൽ മലയാളികളുടെ പ്രിയപ്പെട്ട മത്തി കുരുമുളകിട്ടത്

  മത്സ്യവിഭവങ്ങള്‍ക്ക് എന്നും സ്വീകാര്യത കൂടുതലാണ് നമുക്കിടയില്‍. ഇതില്‍ മത്തിക്കുള്ള സ്ഥാനം മറ്റൊന്നിനും ഇല്ല എന്ന് തന്നെ ഉറപ്പിച്ച് പറയാം. മത്തി ഉപയോഗിച്ച് എന്തൊക്കെ വിഭവങ്ങള്‍ ഉണ്ടാക്കാം എന്നതിനെക്കുറിച്ച് കണക്കില്ല. ഇതില്‍ തന്നെ വിവിധ വിഭവങ്ങള്‍ തയ്യാറാക്കുന്നത് നിങ്ങളുടെ നാവിലെ രസമുകുളങ്ങളെ ഉണര്‍ത്തും എന്ന കാര്യത്തില്‍ സംശയം വേണ്ട. അത്രയേറെ മലയാളിയുടെ ഭക്ഷണ സംസ്‌കാരത്തില്‍ മത്തി സ്ഥാനം പിടിച്ച് കഴിഞ്ഞു. ഇനി മത്തി അല്‍പം കുരുമുളകിട്ട് വെച്ചാലോ, എങ്ങനെയെന്നറിയാം:

      ആവശ്യമുള്ള സാധനങ്ങള്‍

മത്തി- ഒരു കിലോ

തക്കാളി- മൂന്നെണ്ണം

സവാള- രണ്ടെണ്ണം

ഉപ്പ്- പാകത്തിന്

കുരുമുളക് – അര ടീസ്പൂണ്‍

പച്ചക്കുരുമുളക് – നാലെണ്ണം

വിനാഗിരി- ഒരു ടീസ്പൂണ്‍

വെളിച്ചെണ്ണ- പാകത്തിന്

ഉണക്കമുളക്- പത്തെണ്ണം

വെളുത്തുള്ളി- പത്ത് അല്ലി

       തയ്യാറാക്കുന്ന വിധം

മത്തി നല്ലതു പോലെ വൃത്തിയാക്കിയ ശേഷം ഇരു വശവും ഓരോ വരയിടുക. ഒരു പാത്രത്തില്‍ എണ്ണ ചൂടാക്കി അതില്‍ സവാള ചേര്‍ത്ത് വഴറ്റിയെടുക്കണം. ഇതിലേക്ക് ഉണക്കമുളകും വെളുത്തുള്ളിയും നല്ലതു പോലെ അരച്ച് ചേര്‍ക്കുകയാണ് അടുത്ത പടി. നന്നായി വഴറ്റിയ ശേഷം തക്കാളി ചേര്‍ത്ത് ഒന്നുകൂടി വഴറ്റിയെടുക്കേണ്ടതാണ്. പിന്നീട് ഇതിലേക്ക് പച്ചക്കുരുമുളക് അരച്ചത് ചേര്‍ക്കുക. ആവശ്യത്തിന് വെള്ളം ചേര്‍ത്ത് നല്ലതുപോലെ വഴറ്റിയെടുക്കുക. ശേഷം ഈ വെള്ളം നല്ലതുപോലെ വറ്റി വരുമ്പോള്‍ ഇതിലേക്ക് മത്തി എടുത്ത് ഓരോന്നായി നരത്തിയിടാം.

മുകളില്‍ അല്‍പം കുരുമുളക് പൊടി കൂടി വിതറുക. മത്തി നല്ലതുപോലെ വെന്ത് കഴിഞ്ഞാല്‍ ഇതിലേക്ക് അല്‍പം വിനാഗിരിയും ഉപ്പും ചേര്‍ക്കാം. പിന്നീട് അടച്ച് വെച്ച് അല്‍പസമയം വേവിക്കുക. നല്ലതു പോലെ ചാറ് കുറുകി വരുമ്പോള്‍ വാങ്ങി വെക്കേണ്ടതാണ്. ശേഷം കറിവേപ്പിലയും വെളിച്ചെണ്ണയും ഇതിന് മുകളില്‍ താളിക്കുക. ഇത് നങ്ങളുടെ ചോറിന്റെ രുചിയെ ഒന്ന് കൂട്ടും എന്ന കാര്യത്തില്‍ സംശയം വേണ്ട. നല്ല സ്വാദിഷ്ഠമായ മത്തി കുരുമുളകിട്ടത് തയ്യാര്‍.   https://noufalhabeeb.blogspot.com/?m=1

ഇറച്ചി അപ്പം.

ഇറച്ചി വിഭവങ്ങള്‍ ഇഷ്ടപ്പെടുന്നവരാണ് ഭൂരിഭാഗം ആളുകളും. ഇറച്ചികൊണ്ട് പല വിഭവങ്ങള്‍ പരീക്ഷിക്കുന്നവരാണ് നമ്മളോരോരുത്തരും. അത്തരത്തില്‍ എളുപ്പത്തില്‍ തയ്യാറാക്കാന്‍ സാധിക്കുന്ന സ്വാദിഷ്ടമായ വിഭവമാണ് ഇറച്ചി അപ്പം.

ചേരുവകള്‍ :-

ഇറച്ചി ഉപ്പിട്ടു വേവിച്ചു( ചീകിയെടുത്തത്)

250 ഗ്രാം (കയമ അരി)1 കപ്പ്

തേങ്ങ 1 പകുതി

മുട്ട – 1

എണ്ണം ഉപ്പ് – പാകത്തിന്

സവാള – 1 (ചെറുത്)

പച്ചമുളക് – 2 എണ്ണം

കറിവേപ്പില, മല്ലിയില

മുളകുപൊടി അരടീസ്പൂണ്‍

മഞ്ഞള്‍പ്പൊടി ഒരു നുള്ള്

വെളിച്ചെണ്ണ 2 ടേബിള്‍ സ്പൂണ്‍

ഇഞ്ചി 1 കഷണം

      പാകം ചെയ്യുന്നവിധം:- 

അരി കുതിര്‍ത്തു വയ്ക്കുക. ഇറച്ചി മുളകുപൊടി, മഞ്ഞള്‍പ്പൊടി, ഇവ പുരട്ടി വെളിച്ചെണ്ണയില്‍ പൊരിച്ചെടുക്കുക. ഇവ ചെറുതായി മാത്രം പൊരിക്കുക. ഈ വെളിച്ചെണ്ണയില്‍ ഇഞ്ചി, പച്ചമുളക്, ഉള്ളി, കറിവേപ്പില ഇവ ചെറുതായി കൊത്തിയരിഞ്ഞു വഴറ്റുക, മല്ലിയില തൂവുക, കുതിര്‍ത്തുവച്ച അരി, തേങ്ങ, മുട്ട, ഉപ്പ് ഇവ നേര്‍മയായി നന്നായി അരച്ചെടുക്കുക. ഇഡ്ഡലി തട്ടില്‍ വെളിച്ചെണ്ണ തടവി കുറച്ചു മാവൊഴിച്ചു മുകളില്‍ മസാലയിട്ടു വീണ്ടും മാവൊഴിച്ചു വേവിച്ചെടുക്കുക.  https://noufalhabeeb.blogspot.com/?m=1

മയോണൈസ്

കുഴിമന്തിയും അൽഫാമും ഇനി പേടികൂടാതെ കഴിക്കാം; തയ്യാറാക്കാം ഒന്നല്ല, മൂന്ന്തരം മയൊണൈസുകൾ..

 ദിവസങ്ങളായി പലരും ഒരന്വേഷണത്തിലാണ്. 'വെജ് മയൊണൈസ് എങ്ങനെ രുചികരമായും ആരോഗ്യപ്രദമായും തയ്യാറാക്കാം?' ഇതിന്റെ ചേരുവകളും തയ്യാറാക്കുന്ന വിധവും പലരോടും അന്വേഷിക്കുന്നവരും ഇന്റര്‍നെറ്റ് തപ്പുന്നവരും നിരവധി. വീട്ടമ്മമാരും പാചകക്കാരും ഭക്ഷണപ്രേമികളുമുണ്ട് കൂട്ടത്തില്‍. സംസ്ഥാനത്ത് പച്ചമുട്ട ഉപയോഗിച്ചുള്ള മയൊണൈസിന് നിരോധം ഏര്‍പ്പെടുത്തിയ സാഹചര്യത്തിലാണ് ആരോഗ്യകരമായ രീതിയില്‍ വെജ് മയൊണൈസ് എങ്ങനെ തയ്യാറാക്കാം എന്ന അന്വേഷണത്തിന് ചൂടുപിടിച്ചത്. പാസ്ചറൈസ് ചെയ്ത മുട്ട ചേര്‍ത്ത മയോണൈസും ഉപയോഗിക്കാം

പ്രധാനമായും രണ്ടുതരത്തിലാണ് വെജ് മയൊണൈസുകള്‍ തയ്യാറാക്കുന്നത്. പാല്‍ ഉപയോഗിച്ച് തയ്യാറാക്കുന്ന വെജ് മയൊണൈസിനാണ് ഇവിടെ കൂടുതല്‍ പ്രിയം. കട്ടത്തൈര് ഉപയോഗിച്ചുള്ള മയൊണൈസുമുണ്ട് പ്രചാരത്തില്‍. ഇത് കൂടുതല്‍ ആരോഗ്യപ്രദമാണെന്ന് പാചകവിദഗ്ധര്‍ പറയുന്നു

   പാല്‍ ഉപയോഗിച്ചുള്ളത്

     ചേരുവകള്‍

തണുത്ത പാല്‍-അര കപ്പ്

കടുകുപൊടി-അര ടീസ്പൂണ്‍

വെള്ള കുരുമുളകുപൊടി-കാല്‍ ടീസ്പൂണ്‍

ഉപ്പ്-അര ടീസ്പൂണ്‍

പഞ്ചസാര-അര ടീസ്പൂണ്‍

ഓയില്‍-മുക്കാല്‍ കപ്പ്

വിനാഗിരി-ഒരു ടേബിള്‍ സ്പൂണ്‍.

       തയ്യാറാക്കുന്ന വിധം:

 ഒരു മിക്‌സിയുടെ മീഡിയം ജാറില്‍ ഒന്നുമുതല്‍ അഞ്ചുവരെയുള്ള ചേരുവകളും അര കപ്പ് ഓയിലും ചേര്‍ത്ത് മീഡിയം സ്പീഡില്‍ ഒരു മിനിറ്റ് ബ്‌ളന്‍ഡ് ചെയ്യുക. ക്രീം പരുവത്തില്‍ കട്ടിയായി വരുമ്പോള്‍ രണ്ട് ടേബിള്‍ സ്പൂണ്‍ ഓയിലും ഒരു ടേബിള്‍ സ്പൂണ്‍ വിനാഗിരിയും ചേര്‍ത്ത് നന്നായി ബ്‌ളന്‍ഡ് ചെയ്യുക. നല്ലപോലെ പേസ്റ്റ് രൂപത്തിലാകുമ്പോള്‍ ബാക്കി ഓയിലും ചേര്‍ത്ത് നന്നായി മിക്‌സ് ചെയ്‌തെടുത്ത് സെര്‍വ് ചെയ്യാം.

കട്ടത്തൈര് ഉപയോഗിച്ചുള്ളത്

         ചേരുവകള്‍

പുളിയില്ലാത്ത കട്ടത്തൈര് (Set curd)-ഒരു കപ്പ്

ഫ്രഷ് ക്രീം-മൂന്ന് ടേബിള്‍ സ്പൂണ്‍

ഒലിവ് ഓയില്‍-മൂന്ന് ടേബിള്‍ സ്പൂണ്‍

വിനാഗിരി-ഒരു ടേബിള്‍ സ്പൂണ്‍

പഞ്ചസാര-ഒരു ടീസ്പൂണ്‍

ഉപ്പ്-അര ടീസ്പൂണ്‍

വെള്ള കുരുമുളകുപൊടി-കാല്‍ ടീസ്പൂണ്‍

ഹെര്‍ബ്‌സ്-അല്പം

      തയ്യാറാക്കുന്ന വിധം:

 വിനാഗിരി ഒഴികെയുള്ള ചേരുവകളെല്ലാം ഒരുമിച്ചാക്കി മിക്‌സിയില്‍ മീഡിയം സ്പീഡില്‍ ബ്ലെന്‍ഡ് ചെയ്യുക. ക്രീം രൂപത്തിലാകുമ്പോള്‍ വിനാഗിരി ചേര്‍ത്ത് മിക്‌സ് ചെയ്‌തെടുക്കാം.

 പാസ്ചറൈസ്ഡ് മയൊണൈസ്

കഴുകിവൃത്തിയാക്കി തിളക്കുന്ന വെള്ളത്തില്‍ രണ്ടുമിനിട്ട് മുക്കിവച്ച മുട്ടയുപയോഗിച്ചാണ് പാസ്ചറൈസ്ഡ് മയൊണൈസ് തയ്യാറാക്കുന്നത്. ചൂടുവെള്ളത്തില്‍ മുക്കിവെക്കുന്നതോടെ മുട്ടയുടെ പുറത്തുള്ള ബാക്ടീരിയകളെല്ലാം നശിക്കും. മുട്ട ക്ലോറിന്‍ ലായനിയില്‍ മുക്കിയും വൃത്തിയാക്കാം. കോഴിമുട്ട മിക്‌സിയുടെ ജാറിലിട്ട്

ആവശ്യത്തിന് എണ്ണയും ചേര്‍ത്ത് നന്നായി അടിച്ചെടുക്കാം. എണ്ണ മുഴുവനായി ഒഴിക്കാതെ അല്പാല്പമായാണ് 

ഒഴിച്ചുകൊടുക്കേണ്ടത്. രുചിക്ക് വേണമെങ്കില്‍ വെളുത്തുള്ളിയോ ഉപ്പോ ചേര്‍ക്കുകയുമാകാം. പാസ്ചറൈസ്ഡ് മയോണൈസ് തയ്യാര്‍..  https://noufalhabeeb.blogspot.com/?m=1

ചെറുപയർ റൊട്ടി

പ്രമേഹത്തെ പിടിച്ചു കെട്ടും: ബ്രേക്ക്ഫാസ്റ്റിന് ഈ റൊട്ടി തയ്യാറാക്കാം

  ചെറുപയർ മുളപ്പിച്ചത് തയ്യാറാക്കിയാൽ തികച്ചും ആരോഗ്യകരമായ ഈ ബ്രേക്ക്ഫാസ്റ്റ് വിഭവം തയ്യാറാക്കാൻ പിന്നെ വളരെ എളുപ്പമാണ്.

മുളപ്പിച്ച ചെറുപയറും ഗോതമ്പ് പൊടിയും എല്ലാം ചേർത്ത് തയ്യാറാക്കുന്ന ഈ റൊട്ടി നിങ്ങൾക്ക് ഇഷ്ടപ്പെട്ട ചമ്മന്തിയോടൊപ്പം കഴിക്കാം.

     വേണ്ട സാധനങ്ങൾ ഇവ,

മുളപ്പിച്ച ചെറുപയർ- 2 കപ്പ്

ചെറുപയർ പരിപ്പ് പൊടിച്ചത്- 1 കപ്പ്

ഗോതമ്പ് മാവ്- 2 ടേബിൾസ്പൂൺ

തേങ്ങ ചിരകിയത് – 1/2 കപ്പ്

ജീരകം- ഒരു നുള്ള്

ഉപ്പ് -ആവശ്യത്തിന്

ഇഞ്ചി- ഒരു ചെറിയ കഷ്ണം

പച്ച മുളക്- 3

മല്ലിയില- ആവശ്യത്തിന്

     തയ്യാറാക്കുന്ന വിധം;

മുളപ്പിച്ച ചെറുപയർ മിക്സിയുടെ ഒരു ജാറിലേയ്ക്ക് എടുക്കുക. ഇതിലേയ്ക്ക് പച്ച മുളക്, ഇഞ്ചി എന്നിവ കൂടെ ചേർത്ത് നന്നായി അരച്ചെടുക്കുക. ചെറുപയർ പൊടിച്ചത് ഒരു പാത്രത്തിലേക്ക് എടുക്കുക. ഇതിലേയ്ക്ക് ആവശ്യത്തിന് ഗോതമ്പ് പൊടി, മല്ലിയില, തേങ്ങാ ചിരകിയത്, ജീരകം, ഉപ്പ് എന്നിവ കൂടെ ചേർക്കുക. എല്ലാം കൂടെ നന്നായി ചേർത്ത് ഇളക്കുക. കുറച്ച് വെള്ളം ചേർത്തിളക്കുക. വെള്ളം ഒഴിച്ച് മാവ് ഒരുപാട് ലൂസ് ആക്കരുത്.

അട ചുട്ടെടുക്കാനുള്ള പരുവത്തിലാക്കി എടുക്കണം. ഇനി ഒരു പാൻ ചൂടാക്കി എണ്ണ തേച്ച് കൊടുത്ത ശേഷം മാവിൽ നിന്ന് അല്പമെടുത്ത് പാനിൽ വെച്ച് കൈകൾ ഉപയോഗിച്ച് പരത്തിക്കൊടുക്കുക. ഒരുപാട് കട്ടി കൂടുകയും, എന്നാൽ കുറയുകയും ചെയ്യാൻ പാടില്ല. ഇടത്തരം തീയിൽ റൊട്ടി രണ്ട് വശവും പാകം ചെയ്തെടുക്കുക. ആരോഗ്യകരമായ ചെറുപയർ റൊട്ടി റെഡി.      https://noufalhabeeb.blogspot.com/?m=1

അവൽ ഉപ്പുമാവ്

അവൽ കൊണ്ട് എളുപ്പത്തിൽ രുചികരമായ ഉപ്പുമാവ് തയ്യാറാക്കാം

  അരിയേക്കാൾ ആരോഗ്യ ഗുണങ്ങൾ കൂടുതലുള്ള ഒന്നാണ് അവൽ എന്ന കാര്യത്തിൽ സംശയം വേണ്ട. ഇത് പല വിധത്തിലാണ് ആരോഗ്യത്തിന് സഹായിക്കുന്നത്. ആരോഗ്യത്തിന്റെ കാര്യത്തിൽ വളരെയധികം ഗുണങ്ങൾ ഇത് നൽകുന്നുണ്ട്. ധാരാളം പോഷക ഗുണങ്ങൾ അടങ്ങിയ അവൽ ഉപയോഗിച്ച് പല വിധത്തിലുള്ള സ്വാദിഷ്ഠമായ വിഭവങ്ങൾ തയ്യാറാക്കാം.

ചെറിയ കുട്ടികൾക്ക് പോലും വളരെയധികം പ്രിയപ്പെട്ടതാണ് അവൽ. അവൽ കൊണ്ട് പല വിധത്തിലുള്ള മധുര പലഹാരങ്ങളും ഉണ്ടാക്കാവുന്നതാണ്. അവൽ വിളയിച്ചത് കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന പലഹാരങ്ങളിൽ ഒന്നാണ്. അവൽ നിറച്ച ഇലയട കുട്ടികൾക്ക് വളരെ പ്രിയപ്പെട്ടതാണ്. എല്ലിനും പല്ലിനും ബലം നൽകുന്ന പോഷകങ്ങൾ അവലിൽ അടങ്ങിയിട്ടുണ്ട്. അതുകൊണ്ട് തന്നെ അവൽ പ്രായമായവരും കുട്ടികളും കഴിക്കുന്നത് എന്തുകൊണ്ടും എല്ലിന്റേയും പല്ലിന്റേയും ആരോഗ്യം വർദ്ധിപ്പിക്കുന്നു. അലവ്‍ കൊണ്ട് ആരോ​ഗ്യകരമായ ഒരു വിഭവം

തയ്യാറാക്കിയാലോ?.. എന്താണെന്നല്ലേ? അവൽ ഉപ്പുമാവ് …. വളരെ സ്വാദിഷ്ടമായി രുചികരമായ രീതിയിൽ അവൽ ഉപ്പുമാവ് തയ്യാറാക്കാം

      വേണ്ട ചേരുവകൾ

വെള്ള അവൽ ഒരു കപ്പ്

സവാള 1 എണ്ണം (വലുത്)

പച്ചമുളക് 2 എണ്ണം

ഇഞ്ചി കാൽ ടീസ്​പൂൺ

കടുക് ഒരു ടീസ്​പൂൺ

നിലക്കടല രണ്ട് ടേബ്ൾ സ്​പൂൺ

നാരങ്ങ നീര് 1 ടീസ്​പൂൺ

കറിവേപ്പില ഒരു തണ്ട്

മഞ്ഞൾപൊടി ഒരു നുള്ള്

ഉപ്പ് ആവശ്യത്തിന്

എണ്ണ ഒരു ടീസ്​പൂൺ

  തയാറാക്കുന്ന വിധം

ആദ്യം അവൽ വെള്ളത്തിൽ നന്നായി കഴുകി അരിപ്പയിൽ വാരാൻ വയ്ക്കുക. ശേഷം പാനിൽ എണ്ണ ചൂടാക്കി കടുക് പൊട്ടിക്കുക. സവാള, പച്ചമുളക്, ഇഞ്ചി നിലക്കടല, കറിവേപ്പില എന്നിവയിട്ട് നന്നായി വഴറ്റി എടുക്കുക. ശേഷം അവലും ഉപ്പും മഞ്ഞൾ പൊടിയുമിട്ട് ഇളക്കി യോജിപ്പിക്കുക. ശേഷം നാരങ്ങ നീര് ചേർത്ത് ഇളക്കി രണ്ട് മിനിറ്റ് നേരം മൂടിവച്ച് വേവിക്കുക. (തേങ്ങ ചിരവിയത് കൂടി ചേർത്താൽ കൂടുതൽ രുചികരമാവും). ശേഷം ചൂടോടെ വിളമ്പുക.   https://noufalhabeeb.blogspot.com/?m=1

ചെമ്മീന്‍ ബിരിയാണി

രുചിയൂറും ചെമ്മീന്‍ ബിരിയാണി എളുപ്പത്തിൽ തയ്യാറാക്കാം

            ആവശ്യമുള്ള സാധനങ്ങള്‍

ചെമ്മീന്‍ – ഒരു കപ്പ്

ഉപ്പ് – പാകത്തിന്

വെളുത്തുള്ളി – ഏഴ് അല്ലി (അരച്ചത്)

ഇഞ്ചി – ഒരു കഷ്ണം (അരച്ചത്)

ഗരം മസാല – രണ്ട് ടീസ്പൂണ്‍

കുരുമുളകുപൊടി – ഒരു ടീസ്പൂണ്‍

നെയ്യ് – രണ്ട് ടേബിള്‍ സ്പൂണ്‍

ചുവന്നുള്ളി – പത്തെണ്ണം (ചെറുതായി അരിഞ്ഞത്)

പച്ചമുളക് – മൂന്നെണ്ണം (അരിഞ്ഞത്)

ബിരിയാണി അരി – മൂന്ന് കപ്പ്

കട്ടിയുള്ള തേങ്ങാപാല്‍ – ആറ് കപ്പ്

      തയ്യാറാക്കുന്ന വിധം

കഴുകി വൃത്തിയാക്കിയ ചെമ്മീനില്‍ ഉപ്പ്, വെളുത്തുള്ളി-ഇഞ്ചി പേസ്റ്റ്, ഗരം മസാല, കുരുമുളകുപൊടി എന്നിവ പുരട്ടി അല്‍പ്പസമയം വയ്ക്കുക. കുറച്ചു വെള്ളവും ഒഴിച്ച് കുക്കറിലിട്ട് ഒരു വിസില്‍ വരുന്നതു വരെ വേവിക്കുക. കുക്കര്‍ അടുപ്പില്‍ നിന്ന് ഇറക്കി ആവിപോയ ശേഷം തുറന്ന് ചെമ്മീന്‍ മാറ്റിവെയ്ക്കാം. കുക്കറില്‍ ബട്ടര്‍ ചൂടാക്കി ഉള്ളിയും പച്ചമുളകും മൂപ്പിക്കുക. ശേഷം ചെമ്മീനും അരിയും തേങ്ങാപ്പാലും ചേര്‍ത്ത് കുക്കര്‍ അടച്ച് ഒരു വിസില്‍ വരുന്നതുവരെ വേവിക്കുക. ആവി പോയശേഷം കുക്കര്‍ തുറന്ന് ഇളക്കി വിളമ്പാം.   https://noufalhabeeb.blogspot.com/?m=1

ഷവർമ ബെയ്ക്ക്

ചിക്കൻ കൊണ്ടൊരു വെറൈറ്റി ഡിഷ്; തയ്യാറാക്കാം ഷവര്‍മ ബെയ്ക്ക്....

 ചിക്കൻ ഉപയോഗിച്ച് ഒരു വെറൈറ്റി വിഭവം തയ്യാറാക്കിയാല്ലോ. രുചി മുകുളങ്ങളെ കോരിത്തരിപ്പിക്കുന്ന ഷവർമ ബെയ്ക്ക്    തയ്യാക്കാം.

ബ്രെഡ് - ഒരു പായ്ക്കറ്റ്

ഗ്രില്‍ഡ് ഫ്രൈഡ് ചിക്കന്‍ - അരക്കപ്പ്

സവാള - രണ്ടെണ്ണം

കാരറ്റ് - ഒരു കപ്പ്

ചീസ് - ഒരു ടേബിള്‍ സ്പൂണ്‍

ഫ്രഷ് ക്രീം - രണ്ട് ടേബിള്‍ സ്പൂണ്‍

കുരുമുളക് - ഒരു ടേബിള്‍ സ്പൂണ്‍

മൈദപ്പൊടി - ഒരു കപ്പ്

പാല്‍ - ഒരു കപ്പ്

മുട്ട - രണ്ടെണ്ണം

ബട്ടര്‍ - ഒരു ടേബിള്‍ സ്പൂണ്‍

കാപ്സിക്കം - ഒരു കപ്പ്

ഉപ്പ് - പാകത്തിന്

ഹോംമെയ്ഡ് മയൊണൈസ് - രണ്ട് ടേബിള്‍ സ്പൂണ്‍

വൈറ്റ് സോസ് - രണ്ട് ടേബിള്‍ സ്പൂണ്‍

ചില്ലി ഫ്ളേക്സ് - ഒരു ടേബിള്‍ സ്പൂണ്‍

       വൈറ്റ് സോസ് തയ്യാറാക്കുന്ന വിധം

പാന്‍ ചൂടാകുമ്പോള്‍ അതിലേക്ക് ബട്ടര്‍ ഇട്ട് ഉരുക്കുക. ശേഷം മൈദപ്പൊടി ചേര്‍ത്ത് ഇളക്കാം. ഒരു ഗ്ലാസ് പാല്‍ കൂടി ചേര്‍ത്ത് പാകത്തിന് ഉപ്പും ഇട്ട് വേവിക്കുക. ശേഷം ഒറിഗാനോ, റെഡ് ചില്ലി ഫ്ളേക്സ് എന്നിവ ചേര്‍ത്ത് ഇഷ്ടമുള്ള ഫ്ളേവറാക്കാം.

       ഫില്ലിങ് തയ്യാറാക്കുന്ന വിധം

ഒരു നോണ്‍സ്റ്റിക് പാനില്‍ അരക്കപ്പ് ഗ്രില്‍ഡ് ചിക്കന്‍, കാപ്സിക്കം, കാരറ്റ്, സവാള എന്നിവയിട്ട് ഇളക്കുക. ഇതിലേക്ക് മയൊണൈസ്, റെഡ് ചില്ലി ഫ്ളേക്സ്, ഗാര്‍ലിക് പൗഡര്‍, അല്പം ഫ്രഷ് ക്രീം, പാകത്തിന് ഉപ്പ് എന്നിവ ചേര്‍ത്ത് യോജിപ്പിക്കുക. ഫില്ലിങ് തയ്യാര്‍.

    ബെയ്ക്ക് ചെയ്യുന്ന വിധം

പാകത്തിന് ഉപ്പ് ചേര്‍ത്ത് ഒരു മുട്ട അടിച്ചെടുക്കുക. ഇതിലേക്ക് ഒരു ഗ്ലാസ് പാല്‍ ചേര്‍ത്ത് ഇളക്കുക. ഈ മിശ്രിതത്തില്‍ ഓരോ സ്ലൈസ് ബ്രെഡ് മുക്കിയെടുത്ത് ബേക്കിങ് ട്രേയില്‍ നിരത്തുക. ഓരോന്നിലും ഫില്ലിങ് നിരത്താം. അതിന് മുകളിലായി ചീസ് വെച്ചശേഷം തയ്യാറാക്കിയ വൈറ്റ് സോസ് ഒഴിക്കുക. അടുത്ത ബ്രെഡ് സ്ലൈസിലും ഇത് ആവര്‍ത്തിക്കുക. ഏറ്റവും മുകളിലായി ഒറിഗാനോയും ചില്ലി ഫ്ളേക്സും വിതറാം. ഇനി 180 മുതല്‍ 200 ഡിഗ്രി സെല്‍ഷ്യസില്‍ മുപ്പത് മുതല്‍ നാല്‍പ്പത്തഞ്ച് മിനിറ്റ് വരെ ഓവനില്‍ ബെയ്ക്ക് ചെയ്യുക.   https://noufalhabeeb.blogspot.com/?m=1

മുതിര ചമ്മന്തി

മുതിരയിൽ ധാരാളം കാത്സ്യവും അയെണും പ്രോട്ടീനും അടങ്ങിയിട്ടുണ്ട് . ഇതിൽ ഫാറ്റും കാർബോഹൈഡ്രെറ്റ്സും കുറഞ്ഞ അളവിലായതിനാൽ പ്രമേഹരോഗികൾക്ക് ഉത്തമമാണ് .പൊണ്ണത്തടിയും ആർത്തവ പ്രശ്നങ്ങളും ആർത്രൈറ്റിസും ഒക്കെ പരിഹരിക്കാൻ മുതിര ആഹാരത്തിൽ ഉൾപ്പെടുത്തുന്നത് നന്ന് എന്ന് കരുതപ്പെടുന്നു . പാകം ചെയ്യാതെ വെള്ളത്തിൽ കുതിർത്ത് കഴിക്കുന്നതാവും ഉത്തമം..

മുതിര - ഒരു കപ്പ്

വറ്റൽ മുളക് - 10 എണ്ണം

കറിവേപ്പില - 2 തണ്ട്

ചെറിയ ഉള്ളി -6 എണ്ണം

വാളൻ പുളി- കുറച്ച്

എണ്ണ - 2 ടീസ്‌പൂൺ

           തയാറാക്കുന്ന വിധം

ചീനച്ചട്ടി ചൂടാകുമ്പോൾ 2 സ്പൂൺ എണ്ണ ഒഴിച്ച് മുതിര വറുത്തെടുക്കുക.

• ഇനി മുളകും കറിവേപ്പിലയും വറുത്തെടുക്കുക.

• ഉള്ളിയും അല്പം വഴറ്റി എടുക്കുക നിറം മാറണ്ട. പച്ച സ്വാദ് മാറിയാൽ മതി.

• വറുത്ത എല്ലാ ചേരുവകളും പുളിയും ആവശ്യത്തിനു ഉപ്പും മിക്സി ജാറിൽ എടുത്തു നന്നായി അരയ്ക്കുക . ഇടയ്ക്ക് ആവശ്യത്തിനു വെള്ളം അല്പാല്പ്പമായി ചേർത്ത് കൊടുക്കുക.മുതിര ചമ്മന്തി റെഡി ..

(നിങ്ങളുടെ രുചിക്കനുസരിച്ച് ഇഞ്ചിയോ വെളുത്തുള്ളിയോ ഒക്കെ ചേർക്കാം.)   https://noufalhabeeb.blogspot.com/?m=1

ചിക്കന്‍ മലായി

ഉച്ചയൂണ് അല്‍പ്പം സ്‌പെഷ്യലാക്കാം; തയ്യാറാക്കാം ചിക്കന്‍ മലായി പുലാവും കാഷ്യു ബീഫ് ഫ്രൈയും.....

ഇന്ന് ഉച്ചയൂണിന് ഒരു അഡാർ ഐറ്റം തയ്യാറാക്കിയാല്ലോ. നാവിൽ കൊതിയൂറും ചിക്കൻ മലായി പുലാവും കാഷ്യു ബീഫ് ഫ്രൈയും എളുപ്പത്തിൽ തയ്യാറാക്കാം.

       ആവശ്യമുള്ള സാധനങ്ങൾ

ബസുമതി അരി - 1 1/2 കപ്പ്

ചിക്കന്‍ - 1/2 കിലോ

സവാള - 2

ഇഞ്ചി വെളുത്തുള്ളി പേസ്റ്റ് - 1 1/2 ടേബിള്‍സ്പൂണ്‍

പച്ചമുളക് - 3-4

കറുവാപ്പട്ട - 1 ചെറിയ കഷണം

ഗ്രാമ്പു - 4

ഏലക്ക - 8-10

കറുകയില - 1

കുരുമുളക് പൊടി - 1/2 ടേബിള്‍സ്പൂണ്‍

ഗരം മസാല - 1/2 ടേബിള്‍സ്പൂണ്‍

കസൂരി മേത്തി - 1 ടേബിള്‍സ്പൂണ്‍

തൈര് - 1/2 കപ്പ്

ഫ്രഷ് ക്രീം - 1/2 കപ്പ്

കശുവണ്ടി - 8-10

മല്ലിയില - 1/2 കപ്പ്

നെയ്യ് - 2 ടേബിള്‍സ്പൂണ്‍

ഉപ്പ് - പാകത്തിന്

ചിക്കനില്‍ ഇഞ്ചി വെളുത്തുള്ളി പേസ്റ്റ്, ഗരം മസാല, കുരുമുളക് പൊടി, കസൂരി മേത്തി, തൈര്, ഉപ്പ് എന്നിവ ചേര്‍ത്ത് യോജിപ്പിച്ച് അര മണിക്കൂര്‍ വെക്കുക.

ഒരു സവാള നീളത്തില്‍ അരിഞ്ഞത്, കശുവണ്ടി എന്നിവ എണ്ണയിലോ നെയ്യിലോ വറുത്ത് മാറ്റി വെക്കുക. ഒരു പാത്രത്തില്‍ നെയ്യ് ചൂടാക്കി, കറുകപ്പട്ട, കറുകയില, ഗ്രാമ്പു, ഏലക്ക എന്നിവ മൂപ്പികുക. അതിലേക്ക് നീളത്തില്‍ അരിഞ്ഞ ഒരു സവാള ചേര്‍ത്ത് വഴറ്റുക. അതിലേക്ക് മസാല പുരട്ടിയ ചിക്കന്‍ ഇട്ട് യോജിപ്പിച്ച് 15-20 മിനുട്ട് അടച്ച് വച്ച് ചെറുതീയില്‍ വേവിക്കുക. ചിക്കനില്‍ നിന്നിറങ്ങിയ വെള്ളം വറ്റി തുടങ്ങുമ്പോള്‍ കഴുകി വെള്ളം വാര്‍ന്നു വച്ച അരി ചേര്‍ത്ത് 1 മിനുട്ട് വഴറ്റുക.

അതിലേക്ക് 3 കപ്പ് തിളക്കുന്ന വെള്ളം ചേര്‍ത്ത് കൊടുക്കുക. അതിലേക്ക് ഫ്രഷ് ക്രീം, അരിഞ്ഞ മല്ലിയില, ആവശ്യമെങ്കില്‍ ഉപ്പ് കൂടെ ചേര്‍ത്ത് യോജിപ്പിച്ച് അടച്ച് വച്ച് ചെറുതീയില്‍ വേവിക്കുക. ചോറ് വെന്ത് വെള്ളം വറ്റി വരുമ്പോള്‍ അടുപ്പില്‍ നിന്നും മാറ്റി വറുത്ത സവാള, കശുവണ്ടി മുകളില്‍ വിതറി 10 മിനുട്ട് കൂടെ അടച്ച് വെക്കുക. ചൂടോടെ വിളമ്പാം.

കാഷ്യു ബീഫ് ഫ്രൈ

          ആവശ്യമുള്ള സാധനങ്ങള്‍

ബീഫ് - 1/2 കിലോ

കശുവണ്ടി - 15-20 എണ്ണം

ഇഞ്ചി വെളുത്തുള്ളി പേസ്റ്റ് - 1 ടേബിള്‍ സ്പൂണ്‍

ചുവന്നുള്ളി - 8-10 എണ്ണം

സവാള - 1

പച്ചമുളക് - 2

മുളക്‌പൊടി - 1/2 ടേബിള്‍ സ്പൂണ്‍

മല്ലിപ്പൊടി - 1 ടീസ്പൂണ്‍

മഞ്ഞള്‍പ്പൊടി - 1/2 ടീസ്പൂണ്‍

ഗരംമസാല - 3/4 ടേബിള്‍ സ്പൂണ്‍

കുരുമുളക് പൊടി - 1/2 ടേബിള്‍ സ്പൂണ്‍

പെരുംജീരകം - 1 ടീസ്പൂണ്‍

ഉപ്പ് - പാകത്തിന്

എണ്ണ - ആവശ്യത്തിന്

      തയ്യാറാക്കുന്ന വിധം

കഴുകി വൃത്തിയാക്കിയ ബീഫിലേക്ക് ചുവന്നുള്ളി, ഇഞ്ചി വെളുത്തുള്ളി പേസ്റ്റ്, മുളക്‌പൊടി, മല്ലിപ്പൊടി, മഞ്ഞള്‍പ്പൊടി, ഗരം മസാല, കുരുമുളക് പൊടി, പാകത്തിന് ഉപ്പ്, അല്പം വെള്ളം എന്നിവ ചേര്‍ത്ത് വേവിക്കുക. ഒരു പാനില്‍ എണ്ണ ചൂടാക്കി അതില്‍ കശുവണ്ടി വറുത്ത് മാറ്റുക.

ചൂടായ എണ്ണിലേക്ക് പെരുംജീരകം, നീളത്തില്‍ അരിഞ്ഞ സവാള ചേര്‍ത്ത് കൊടുക്കുക. സവാള

ചുവന്നു വരുമ്പോള്‍ വേവിച്ച ബീഫ് കൂട്ട് ചേര്‍ത്ത് വഴറ്റുക.

വെള്ളം വറ്റി തുടങ്ങുമ്പോള്‍ വറുത്ത കശുവണ്ടി, നീളത്തില്‍ അരിഞ്ഞ പച്ചമുളക് എന്നിവ ചേര്‍ത്ത് ചെറുതീയില്‍ മൊരിയിച്ച് എടുക്കുക. ചൂടോടെ വിളമ്പാം. 

ഉണ്ണിയപ്പം

ഈസിയായി ഉണ്ണിയപ്പം തയ്യാറാക്കാം വെറും 15 മിനിറ്റിനുള്ളില്‍

കേരളീയരുടെ ഇഷ്ടവിഭവങ്ങളില്‍ ഒന്നാണ് ഉണ്ണിയപ്പം. എത്ര കഴിച്ചാലും മതിവരാത്ത പലഹാരം കൂടിയാണ് ഉണ്ണിയപ്പം. വെറും 15 മിനിറ്റില്‍ വീട്ടില്‍ തന്നെ നല്ല സോഫ്റ്റായ ഉണ്ണിയപ്പം തയ്യാറാക്കാവുന്നതാണ്. വളരെ കുറഞ്ഞ ചേരുവകള്‍ കൊണ്ട് ഈ ഉണ്ണിയപ്പം തയ്യാറാക്കാം.

       വേണ്ട ചേരുവകള്‍…

റവ 1 കപ്പ്

പഴം 1 എണ്ണം (ചെറുത്)

ശര്‍ക്കര 1/2 കപ്പ്

നെയ്യ് 1 ടീസ്പൂണ്‍

ചുക്കും,ഏലക്ക, ജീരകം കൂടി പൊടിച്ചത് 1 ടീസ്പൂണ്‍

തേങ്ങ 3 ടേബിള്‍ സ്പൂണ്‍

ബേക്കിങ് സോഡാ 1 പിഞ്ച്

ഉപ്പ് 1 പിഞ്ച്

എള്ള് 1 ടീസ്പൂണ്‍

ജീരകം 1/2 ടീസ്പൂണ്‍

എണ്ണ / നെയ്യ് ആവശ്യത്തിന്

           ഉണ്ടാക്കുന്ന വിധം

മിക്‌സിയുടെ ബ്ലെന്‍ഡറില്‍ 1/2 കപ്പ് റവയും പഴവും ശര്‍ക്കരയും ഒരു നുള്ള് ഉപ്പും ചേര്‍ത്ത് അരക്കുക. റവ കൂടി ചേര്‍ത്ത് അരച്ചെടുക്കുക.പാത്രത്തിലേക്കു മാറ്റിയ ശേഷം ബേക്കിങ് സോഡാ ഒഴികെ ബാക്കി എല്ലാ ചേരുവകളും ചേര്‍ത്ത് വെള്ളം ആവശ്യത്തിന് ഒഴിച്ചു കലക്കി 10 മിനിറ്റ് അടച്ചു വയ്ക്കുക. 10 മിനിറ്റിനു ശേഷം ബേക്കിങ് സോഡാ ചേര്‍ത്ത് ഇളക്കുക.അപ്പകാര ചൂടാകുമ്പോള്‍ എണ്ണയോ നെയ്യോ ഒഴിച്ച് അപ്പം ഉണ്ടാക്കി എടുക്കാം.   https://noufalhabeeb.blogspot.com/?m=1

ഫ്രഞ്ച് ടോസ്റ്റ്

വൈകുന്നേരം ചായക്കൊപ്പം ചെറുകടിയായി മയോചിക്കന്‍ ഫ്രഞ്ച് ടോസ്റ്റ്..

നാല് മണി ചായക്കൊപ്പം ചിക്കന്‍ ചേര്‍ത്ത് കിടിലന്‍ സ്‌നാക്‌സ് തയ്യാറാക്കിയാല്ലോ. രുചിയില്‍ ഏറെ മുമ്പിലുള്ള ഈ വിഭവം തയ്യാറാക്കാനും എളുപ്പമാണ്.

ആവശ്യമായ ചേരുവകള്‍ (പത്ത് സെറ്റ് ഉണ്ടാക്കാന്‍)

അരികുവശങ്ങള്‍ നീക്കിയ റൊട്ടി- അഞ്ച് സ്ലൈസ്

വേവിച്ച കോഴി - അരക്കപ്പ്

സവാള - ഒന്ന്

ഗ്രേറ്റഡ് കാരറ്റ് - രണ്ട് ടേബിള്‍ സ്പൂണ്‍

കാപ്സിക്കം - രണ്ട് ടേബിള്‍ സ്പൂണ്‍

പച്ചമുളക് - ഒരു ടേബിള്‍ സ്പൂണ്‍

കുരുമുളക് - പാകത്തിന്

മയൊണൈസ് - അഞ്ച് ടേബിള്‍ സ്പൂണ്‍

ഫ്രഷ്‌ക്രീം - ആറ് ടേബിള്‍ സ്പൂണ്‍

മുട്ട - മൂന്നെണ്ണം

മല്ലിയില - ആവശ്യത്തിന്

പാല്‍ - അഞ്ച് ടേബിള്‍ സ്പൂണ്‍

എണ്ണ, ഉപ്പ് - ആവശ്യത്തിന്

           തയ്യാറാക്കുന്ന വിധം

ഒരു പാനില്‍ എണ്ണയൊഴിച്ച് ചൂടാകുമ്പോള്‍ സവാള വഴറ്റുക. ശേഷം പച്ചമുളക്, കുരുമുളക്, കാരറ്റ്, കാപ്സിക്കം എന്നിവ ചേര്‍ത്തിളക്കുക. ഇതിലേക്ക് ചിക്കന്‍ പിച്ചി കഷണങ്ങളാക്കിയത് ചേര്‍ത്ത് നന്നായി ഇളക്കുക. അടുപ്പില്‍ നിന്നിറക്കി ചൂടാറിയ ശേഷം മയൊണൈസ്, ഫ്രഷ് ക്രീം, പാകത്തിന് ഉപ്പ് എന്നിവ ചേര്‍ത്ത് യോജിപ്പിച്ച് മാറ്റിവയ്ക്കാം.

ഇനി രണ്ട് ബ്രെഡ് എടുത്ത് അതിലൊന്നില്‍ ഫില്ലിങ് നിറയ്ക്കുക. അടുത്ത സ്ലൈസ് മുകളില്‍ വെച്ച ശേഷം ഇഷ്ടമുള്ള ആകൃതിയില്‍ മുറിക്കാം.

ഒരു ബൗളില്‍ കുറച്ച് പാല്‍ ഒഴിച്ച ശേഷം അതില്‍ അല്പം കുരുമുളകുപൊടി, റെഡ് ചില്ലി, മല്ലിയില എന്നിവയും ഒരു മുട്ട ലൂസായി അടിച്ചതും ചേര്‍ത്ത് നന്നായി മിക്സ് ചെയ്യുക. തയ്യാറാക്കിയ ബ്രെഡുകള്‍ ഇതില്‍ മുക്കിയെടുത്ത് ഫ്രൈ ചെയ്തെടുക്കാം.  https://noufalhabeeb.blogspot.com/?m=1

ഓട്സ് പുട്ട്.

പ്രമേഹരോഗികൾക്കും രക്ത സമ്മർദ്ദമുള്ളവർക്കും ബ്രേക്ക്ഫാസ്റ്റിന് ഹെൽത്തിയും രുചികരവുമായ പ്രഭാത ഭക്ഷണം

  ഓട്സ്, ധാരാളം ആന്റി ഓക്‌സിഡന്റുകളാൽ സമ്പന്നമാണ്. ഇവ ഹൃദയസംബന്ധമായ അസുഖങ്ങളിൽ നിന്ന് നമ്മെ സുരക്ഷിതരാക്കാനും രക്തസമ്മർദ്ദം നിയന്ത്രണത്തിലാക്കാനും, പ്രമേഹം ചെറുക്കാനുമെല്ലാം സഹായകമാണ്. ഓട്സ് കൊണ്ട് വ്യത്യസ്ത ബ്രേക്ക്ഫാസ്റ്റ് വിഭവങ്ങൾ തയ്യാറാക്കാവുന്നതാണ്. അതിലൊന്നാണ് ഓട്സ് പുട്ട്. വളരെ ഹെൽത്തിയും രുചികരവുമാണ് ഓട്സ് പുട്ട്.

        വേണ്ട ചേരുവകൾ

ഓട്സ് ഒരു കപ്പ്‌

കടുക് 1/4 ടീസ്പൂൺ

സവാള 1/4 എണ്ണം (ചെറുതാക്കി അരിഞ്ഞത് )

നാളികേരം ആവശ്യത്തിന്

മല്ലിയില ആവശ്യത്തിന്

ഉപ്പ് ആവശ്യത്തിന്

       തയാറാക്കുന്ന വിധം

ആദ്യം ഓട്സ് മിക്സിയിൽ ഇട്ട് നന്നായി പൊടിച്ചെടുക്കുക. ശേഷം ഒരു പാനിൽ ഒരു ടീസ്പൂൺ എണ്ണ ചൂടാക്കി കടുക് പൊട്ടിക്കുക. അതിലേക്ക് സവാള ചേർത്ത് ഒന്ന് നന്നായി വഴറ്റി എടുക്കുക. മല്ലിയില, 2 1/2 ടേബിൾ സ്പൂൺ നാളികേരം എന്നിവ ചേർത്തിളക്കുക. പൊടിച്ചു വച്ച ഓട്സിലേക്ക് ആവശ്യത്തിന് ഉപ്പ് ചേർത്തു നന്നായി ഇളക്കി യോജിപ്പിക്കുക. വെള്ളം കുറേശ്ശേ ചേർത്ത് പുട്ട് കുഴക്കുന്ന പോലെ കുഴച്ചെടുക്കുക. ശേഷം മിക്സിയിൽ ഇട്ടു ഒന്ന് കറക്കി എടുക്കുക. അതിലേക്കു നേരത്തെ തയാറാക്കി വച്ച മിക്സ്‌

ചേർത്തിളക്കുക. പുട്ട് കുറ്റി എടുത്തു കുറച്ച് നാളികേരം ഇടുക. അതിലേക്കു കുഴച്ചു വച്ച പൊടി ഇട്ടു കൊടുക്കുക. വീണ്ടും നാളികേരം നിരത്തി 5 – 10 മിനിറ്റ് ഉയർന്ന തീയിൽ വച്ചു ആവി കയറ്റി എടുക്കാം.  https://noufalhabeeb.blogspot.com/?m=1

മുരിങ്ങയില പുട്ട്

പോഷക സമൃദ്ധവും രുചികരവുമായ മുരിങ്ങയില പുട്ട്

  പ്രഭാത ഭക്ഷണം രാജാവിനെ പോലെ കഴിക്കണമെന്നാണ് പറയാറ്. എന്നും സ്ഥിരം വിഭവങ്ങള്‍ കഴിച്ച് മടുത്തവര്‍ക്ക് അല്‍പ്പം പരീക്ഷണമാകാം. ഇതാ പോഷക സമൃദ്ധമായ മുരിങ്ങയില പുട്ട്…

         ചേരുവകള്‍

പുട്ടുപൊടി- 1 കപ്പ്

മുരിങ്ങയില- 1 കപ്പ്

തേങ്ങ ചിരവിയത് -1 കപ്പ്

ചെറിയ ഉള്ളി ചെറുതായി അരിഞ്ഞത്- 6 എണ്ണം

പച്ചമുളക് അരിഞ്ഞത് – നാല് എണ്ണം

മുളകുപൊടി- ഒരു ടീസ്പൂണ്‍

വെളുത്തുള്ളി -രണ്ടല്ലി

പെരുംജീരകം- അര ടീസ്പൂണ്‍

കടുക് -അര ടീസ്പൂണ്‍

വെളിച്ചെണ്ണ – 2 ടീസ്പൂണ്‍

ഉപ്പ് – ആവശ്യത്തിന്

          തയ്യാറാക്കുന്ന വിധം

പുട്ടുപൊടി ഉപ്പും ചേര്‍ത്ത് നന്നായി നനയ്ക്കുക. അര കപ്പ് മുരിങ്ങയില ചേര്‍ത്ത് വീണ്ടും കുഴച്ച് 20 മിനിറ്റു വെക്കുക. തേങ്ങ, പെരുംജീരകം, മുളകുപൊടി, വെളുത്തുള്ളി എന്നിവ ചതച്ചെടുക്കുക. വെളിച്ചെണ്ണ ചൂടാകുമ്പോള്‍ കടുക് ഇട്ട് പൊട്ടിച്ച് അല്‍പം കറിവേപ്പില, ഉള്ളി, പച്ചമുളക് എന്നിവ ഇട്ട് വഴറ്റുക. ശേഷം ബാക്കി മുരിങ്ങയിലയും ഉപ്പും ചേര്‍ത്ത് അല്പനേരം വഴറ്റണം. ചതച്ച തേങ്ങ ഇതില്‍ ചേര്‍ത്ത് കുറച്ചുനേരം കൂടെ ഇളക്കി ഇറക്കുക. പുട്ടുപൊടി വീണ്ടും ഒന്നുകൂടെ കുഴയ്ക്കണം. തയ്യാറാക്കിയ മുരിങ്ങയില ഒരു പിടി പുട്ടുകുറ്റിയില്‍ ഇട്ടശേഷം രണ്ടുപിടി പുട്ടുപൊടി ഇട്ട് കുറ്റി നിറച്ച് വേവിച്ചെടുക്കാം.  https://noufalhabeeb.blogspot.com/?m=1

ബുൾസ്ഐ വെള്ളേപ്പം

ബുൾസ്ഐ വെള്ളേപ്പം

        ആവശ്യമുള്ള ചേരുവകൾ :

1. അപ്പത്തിന്റെ മാവ്

2. മുട്ട

3. ഉപ്പ്

          പാചകം ചെയ്യുന്ന വിതം :

ആദ്യം അപ്പച്ചട്ടി ചൂടാക്കുക. അപ്പത്തിന്റെ മാവോഴിക്കുക. അതിനു ശേഷം മാവ് ഒന്ന് ചൂടായിക്കഴിഞ്ഞാൽ ഉടൻതന്നെ മുട്ട മഞ്ഞക്കുരു പൊട്ടാതെ പൊട്ടിച്ചൊഴിക്കുക. ആവശ്യമെങ്കിൽ ഒരു നുള്ളുപ്പ് മുട്ടയുടെ പുറത്ത് വിതറുക. അതിനു ശേഷം അടപ്പ് വച്ച് അടച്ച് വക്കുക. 4 മിനുട്ടിന് ശേഷം അടപ്പ് തുറന്നാൽ സ്വാദിഷ്ടമായ നിങ്ങളുടെ ബുൾസ്ഐ വെള്ളേപ്പം റെഡി     https://noufalhabeeb.blogspot.com/?m=1

ഗ്രിൽ പെപ്പർ ചിക്കൻ

 ഗ്രിൽ പെപ്പർ ചിക്കൻ

ചിക്കൻ ഒരുകിലോ ( മീഡിയം കഷ്ണങ്ങൾ )

കുരുമുളക് പോടി ഒരു ടേബിൾ സ്പൂണ്‍

വെളിച്ചണ്ണ രണ്ട് ടേബിൾ സ്പൂണ്‍

ഉപ്പ് പാകത്തിന്

ചിക്കൻ കഷ്ണങ്ങളാക്കിയത് ആദ്യം വെളിച്ചെണ്ണയിൽ കുഴയ്ക്കുക്ക,അതിന് ശേഷം കുരുമുളക് പൊടിയും ഉപ്പും ചേർത്ത് കുഴച്ച് മൂന്ന് മിനിട്ട് വെക്കുക, പിന്നിട് ഇലക്ട്രിക്‌ ഓവനിലെ ഗ്രില്ലിൽ വെച്ച് 250 ഡിഗ്രി ചൂടിൽ 40 മിനിട്ട് വെക്കുക ( 20 മിനിട്ട് ആകുമ്പോൾ ചിക്കൻ കഷണങ്ങൾ തിരിച്ചിടുക )

ചപ്പാത്തി,കുബൂസ് എന്നിയവുടെ കൂടെ കഴിക്കാവുന്നതാണ്.  https://noufalhabeeb.blogspot.com/?m=1

ബീറ്റ്‌റൂട്ട് ഹല്‍വ

ബീറ്റ്‌റൂട്ട് കൊണ്ട് കിടിലനൊരു ഹല്‍വ തയ്യാറാക്കി നോക്കാം. വെറും കുറച്ചു ചേരുവകകള്‍ കൊണ്ട് എളുപ്പം തയ്യാറാക്കാവുന്ന ഒന്നാണ് ഇത്.

           ചേരുവകകള്‍

ബീറ്റ്‌റൂട്ട് - 500 ഗ്രാം

നെയ്യ്- 5 ടേബിള്‍ സ്പൂണ്‍

പഞ്ചസാര- 1 കപ്പ്

ഏലയ്ക്കപ്പൊടി - 1/2 ടീ സ്പൂണ്‍

കോണ്‍ഫ്‌ളോര്‍ -  5 ടേബിള്‍ സ്പൂണ്‍

അണ്ടിപ്പരിപ്പ്

ബദാം 

              തയ്യാറാക്കേണ്ട വിധം

ആദ്യം ബീറ്റ്റൂട്ട് തൊലി കളഞ്ഞ് ചെറുതായി അരിഞ്ഞ് എടുക്കുക. മിക്‌സിയില്‍ ഇട്ട് ബീറ്റ്‌റൂട്ട് ജ്യൂസാക്കി അടിച്ചു എടുക്കുക. ശേഷം ഒരു തുണി ഉപയോഗിച്ചു ബീറ്റ്‌റൂട്ട് അരിച്ച് ജ്യൂസ് മാത്രം എടുക്കുക. എന്നിട്ട് ഒരു പാന്‍ എടുത്ത് കുറച്ചു നെയ്യ് ഒഴിക്കുക (Flame ഓഫ് ആയിരിക്കണം), അതിലേക്ക് ബീറ്റ്‌റൂട്ട് ജ്യൂസ് ഒഴിച്ച് മിക്‌സ് ചെയ്യുക. തുടര്‍ന്ന് കോണ്‍ഫ്‌ളോറില്‍ വെള്ളം ചേര്‍ത്ത് ലൂസ് ആക്കി എടുക്കുക, ഇതും ബീറ്റ്‌റൂട്ടിലേക്ക് ഒഴിച്ച് കൊടുക്കാം. ഏലയ്ക്ക പൊടി കൂടി ചേര്‍ത്ത് ഇളക്കുക. ശേഷം പഞ്ചസാര ചേര്‍ത്ത് ഒരു രണ്ടു മൂന്ന് മിനിറ്റ് ഇളക്കുക. 

ഇനി flame ഓണ്‍ ചെയ്ത് (മീഡിയം flame) ബീറ്റ്‌റൂട്ട് മിശ്രിതം അടുപ്പില്‍ വെയ്ക്കാം. അടുപ്പില്‍ വെച്ച ശേഷം ഇളക്കിക്കൊണ്ടിരിക്കുക. കുറച്ചു കഴിഞ്ഞ് ബീറ്റ്‌റൂട്ട് കട്ടി ആകാന്‍ തുടങ്ങുന്ന സമയത്ത് നെയ്യ് ഒഴിച്ച് കൊടുത്തു നന്നായി ഇളക്കി കൊടുക്കുക. കട്ടിയായി വരുന്നതിന് അനുസരിച്ച് നെയ്യ് ചേര്‍ത്ത് കൊടുക്കുക. മുധരം കുറവാണെങ്കില്‍ ഈ സമയത്ത് കുറച്ചു പഞ്ചസാര ചേര്‍ത്ത് നല്‍കാം. വീണ്ടും കുറച്ചു കൂടി കട്ടി ആകുമ്പോള്‍ നെയ്യ് ഒഴിച്ച് ഇളക്കുക. അണ്ടിപരിപ്പും ബദാമും ചേര്‍ത്ത് കൊടുക്കാം. വീണ്ടും നന്നായി ഇളക്കി കൊടുക്കാം. പാനില്‍ നിന്നും വിട്ടു വരുന്നതാണ് ഹല്‍വയുടെ പരുവം. ഇത് മനസിലാക്കാനായി കുറച്ചു ഹല്‍വ എടുത്ത് മറ്റൊരു പ്ലേറ്റില്‍ ഇട്ടു നോക്കാം അത് പ്ലേറ്റില്‍ ഒട്ടി പിടിക്കുന്നില്ലെങ്കില്‍ നമ്മുടെ ഹല്‍വ തയ്യാറായെന്ന് മനസിലാക്കാം. അപ്പോള്‍ flame ഓഫ് ചെയ്യാം. ഇനി ഇത് നെയ്യ് തേച്ചു വെച്ച മറ്റൊരു പാത്രത്തിലേക്ക് ഹല്‍വ ഒഴിച്ച് മാറ്റി വെയ്ക്കാം. സെറ്റ് അകാനായി ഹല്‍വ ആറിയ ശേഷം അര മണിക്കൂര്‍ ഫ്രിഡ്ജില്‍ വെയ്ക്കാം അല്ലെങ്കില്‍ മൂന്ന് മണിക്കൂര്‍ റൂം ടെംപ്‌റേച്ചറില്‍ പുറത്തു തന്നെ വെയ്ക്കാം.  https://noufalhabeeb.blogspot.com/?m=1