സ്പൈസി എഗ്ഗ്‌, ബ്രെഡ്‌ ടോസ്റ്റ്‌

ഇന്ന് നാം തയ്യാറാക്കുന്നത്‌ വളരെ എളുപ്പത്തിൽ തയ്യാറാക്കാവുന്നതും രുചികരവും റിച്ച്‌നസ്‌ തോന്നിക്കുന്നതുമായ  സ്പൈസി എഗ്ഗ്‌, ബ്രെഡ്‌ ടോസ്റ്റ്‌ ആണ്‌.

              ചേരുവകൾ

മുട്ട - 3 എണ്ണം

ബ്രെഡ്‌ - 10 എണ്ണം ( sliced )

ചെറിയ ഉള്ളി - 8 എണ്ണം

പച്ചമുളക് _ 1 എണ്ണം

മല്ലിയില _ 2 സ്പൂൺ

കുരുമുളകുപൊടി _ 1/4 ടീസ്പൂൺ

മഞ്ഞൾ പൊടി -1/4 ടീസ്പൂൺ

ഉപ്പ് - പാകത്തിന്

പാൽ - 1/4 കപ്പ്

വെളിച്ചെണ്ണ , ഓയിൽ - ആവശ്യത്തിന്‌

                 തയ്യാറാക്കുന്ന വിധം

മുട്ട ,ഉപ്പ് ,കുരുമുളകുപൊടി ,മഞ്ഞൾപ്പൊടി എന്നിവ മിക്സ്‌ ആക്കി ബീറ്റ്‌ ചെയ്യുക.

അതിലേക്ക്‌ ചെറിയ ഉള്ളി ,പച്ചമുളക് ,മല്ലിയില ചെറുതായി അരിഞ്ഞത്‌ എന്നിവ  ചേർത്ത് ഇളക്കുക.

അതിലേക്ക്‌ പാല് ചേർത്ത് വീണ്ടും ഇളക്കുക.

ഇനി നമുക്ക്‌ ഇത്‌ തയ്യാറാക്കാനായി ഒരു പാൻ ചൂടാക്കി അതിൽ വെളിച്ചെണ്ണ / ഓയിൽ പുരട്ടിയ ശേഷം ബ്രെഡ്‌ ഓരോ പീസ്‌ ഈ കൂട്ടിൽ മുക്കി പാനിൽ ഇട്ട്‌ ചെറുതായി വേവിക്കുക. കരിയാതെ ഒന്ന് മറിച്ചിടുക.

ഇനി ഇത്‌ നമുക്ക്‌ സോസ്‌ ചേർത്ത്‌ കഴിക്കാവുന്നതാണ്‌.