നാടൻ ചിക്കൻ സൂപ്പ്‌

കർക്കടകം സ്പെഷ്യൽ

ഇന്ന് നമുക്ക്‌  നാട്ടിൻപുറം സ്റ്റൈലിൽ നാടൻ ചേരുവകൾ ചേർത്ത്  കിടിലൻ രുചിയോടെ നല്ല ചൂടുള്ള കുരുമുളകിട്ട ചിക്കൻ സൂപ്പ് ഉണ്ടാക്കുന്നത്‌ എങ്ങനെ ആണെന്ന് നോക്കാം.

      ചേരുവകൾ

ചിക്കൻ  -200 ഗ്രാം

വെളിച്ചെണ്ണ  -2 ടേബിൾ സ്പൂൺ

വെളുത്തുള്ളി -4 എണ്ണം

ഇഞ്ചി - വലിയ ഒരെണ്ണം , ചെറിയ കഷണം ആക്കിയത്‌

പച്ചമുളക്  -2

ചെറിയ ഉള്ളി  -5-6

കറിവേപ്പില - ഒരു തണ്ട്

ഉപ്പ് - ആവശ്യത്തിന്

ചതച്ച കുരുമുളക് -1 ടീസ്പൂൺ

കുരുമുളക് പൊടി -1/4 ടീസ്പൂൺ

ചെറിയ ജീരകം  -1/4 ടീസ്പൂൺ

മഞ്ഞൾ പൊടി-1/4 ടീസ്പൂൺ

കായപ്പൊടി  -ഒരു നുള്ള്

മല്ലി ഇല - ആവശ്യത്തിന്

തേങ്ങ പാൽ -1 1/2 ടേബിൾ സ്പൂൺ

       തയ്യാറാക്കുന്ന വിധം

  ഒരു മൺ ചട്ടി എടുത്ത് അതിലേക്ക് വെളിച്ചെണ്ണ ഒഴിക്കുക. ചൂടായാൽ വെളുത്തുള്ളി, ഇഞ്ചി, ചെറിയ ഉള്ളി, പച്ചമുളക്, കറിവേപ്പില, എന്നിവ ഇട്ടു നന്നായി വഴറ്റുക. അതിനു ശേഷം ചതച്ച കുരുമുളക്, മഞ്ഞൾ പൊടി എന്നിവ   ചേർക്കുക.

ഇനി ഇതിലേക്ക് ചിക്കൻ ചേർക്കാം. പിന്നെ ആവശ്യത്തിനുള്ള ഉപ്പും വെള്ളവും ചേർത്ത് നന്നായി വേവിക്കുക.

ശേഷം അതിലേക്ക് കായപ്പൊടിയും ,മല്ലി ഇലയും ചേർത്ത് നന്നായി കുറുക്കി എടുക്കുക.

അടുത്തതായി ഇതിലേക്ക് ജീരകവും,  കുരുമുളക് പൊടിയും ചേർത്ത്  നന്നായി മിക്സ്‌ ചെയ്തെടുക്കുക.

ഇനി തീ ഓഫ്‌ ചെയ്യാം. ഇനി ഈ സൂപ്പ്  1 1/2 ടേബിൾ സ്പൂൺ തേങ്ങാപ്പാലും ചേർത്ത്  ഒരു പാത്രത്തിലേക്ക് ചോടോടെ വിളമ്പാം. നാടൻ ചിക്കൻ സൂപ്പ് തയാറായി.
https://t.me/+jP-zSuZYWDYzN2I0