നേന്ത്രപ്പഴം കൊണ്ട് തയ്യാറാക്കുന്ന രുചികരമായ ഒരു വിഭവമാണ് സ്വീറ്റ് ബനാന റോള്‍.
ചേരുവകള്‍
നേന്ത്രപ്പഴം: രണ്ട്
പഞ്ചസാര: ആവശ്യത്തിന്
തേങ്ങ ചിരകിയത്: ഒരു കപ്പ്
കശുവണ്ടി: രണ്ട് ടേബിള്‍സ്പൂണ്‍
ബദാം: രണ്ട് ടേബിള്‍സ്പൂണ്‍
കിസ്മിസ്: രണ്ട് ടേബിള്‍സ്പൂണ്‍
നെയ്യ്: രണ്ട് ടേബിള്‍സ്പൂണ്‍
മൈദ: ഒരു കപ്പ് (മൈദ കുറച്ച്‌ വെള്ളത്തില്‍ കലക്കുക)
റൊട്ടിപ്പൊടി: ആവശ്യത്തിന്
എണ്ണ: വറുക്കാന്‍ ആവശ്യത്തിന്
തയ്യാറാക്കുന്ന വിധം
ഒരു പാനിലേക്ക് നെയ്യൊഴിച്ച്‌ ചൂടാകുമ്ബോള്‍ നേന്ത്രപ്പഴം ചേര്‍ത്ത് വഴറ്റുക. അതിലേക്ക് കശുവണ്ടി, പഞ്ചസാര, തേങ്ങ, ബദാം, കിസ്മിസ് എന്നിവ ചേര്‍ത്തിളക്കി യോജിപ്പിക്കുക.
ഈ കൂട്ടില്‍ നിന്ന് ഓരോ ഉരുളകളായി എടുത്ത് റോള്‍ പരുവത്തിലാക്കി മൈദമാവില്‍ മുക്കി, റൊട്ടിപ്പൊടിയില്‍ പൊതിഞ്ഞ് ചൂടായ എണ്ണയില്‍ വറുത്തുകോരുക.
No comments:
Post a Comment