കുരുച്ചൊള

 

ഇന്ന് നമുക്ക്‌ ചക്ക കൊണ്ടുള്ള ഒരു  വിഭവം ഉണ്ടാക്കാം. ; കുരുച്ചൊള.

കുരുച്ചൊള'  പേരു പോലെ തന്നെ കുരുവോട്‌ കൂടിയ ചക്കച്ചുള ഉപയോഗിച്ച്‌ ഉണ്ടാക്കുന്ന ഒരു വിഭവം ആണ്‌.

എങ്ങനെയാണ്‌  'കുരുച്ചൊള' തയ്യാറാക്കുന്നത്‌ എന്ന് നോക്കാം.     https://noufalhabeeb.blogspot.com/?m=1

            ആവശ്യം വേണ്ട ചേരുവകൾ

ചക്ക ചുള-ആവശ്യാനുസരണം (കുരു കളയരുത്)

മഞ്ഞൾപ്പൊടി -1/2 ടീസ്‌പൂൺ

മുളക്പൊടി- 1ടീസ്‌പൂൺ

ഉപ്പ്-  പാകത്തിന്

വെള്ളം  -2 ഗ്ലാസ്സ്

        പാകം ചെയ്യുന്ന വിധം

ചക്കച്ചുളയിൽ കത്തി കൊണ്ട് വരഞ്ഞു കൊടുക്കുക.മസാല ഉള്ളിലേക്ക്‌   എത്താൻ വേണ്ടിയാണ് ഇങ്ങനെ ചെയ്യുന്നത്.

ചക്കചുള, ഉപ്പ്,മഞ്ഞൾപ്പൊടി, മുളക്പൊടി ,വെള്ളം എന്നിവ ചേർത്ത് വേവിച്ചെടുക്കുക. കുക്കറിൽ ആണെങ്കിൽ ഒരു 3 വിസിൽ മതിയാവും.കുക്കറിൽ അല്ലെങ്കിൽ വേവിക്കുന്ന സമയത്തു ഇടക്കിടെ ഒന്ന് കുടഞ്ഞിട്ട് കൊടുക്കണം.അടിയിൽ പിടിക്കാതിരിക്കാൻ വേണ്ടിയാണ് ഇങ്ങനെ ചെയ്യുന്നത്        കുരുച്ചൊള റെഡി.

https://noufalhabeeb.blogspot.com/?m=1

കോളിഫ്ലവർ എഗ്ഗ്‌ ഫ്രൈഡ്‌ റൈസ്

ലോ കാർബ്‌ ഹൈ ഫാറ്റ് ( LCHF ) ഡയറ്റ് അല്ലെങ്കിൽ കീറ്റോ ഡയറ്റിനെ കുറിച്ച് കേൾക്കാത്തവർ ഇന്ന് കുറവായിരിക്കും.വളരെ ചുരുങ്ങിയ ഒരു കാലം കൊണ്ടാണ് ഈ ഭക്ഷണരീതി ലോകത്തു  പ്രചരിച്ചത്. വാർത്താമാധ്യമങ്ങളിൽ വളരെയൊന്നും സ്ഥാനം പിടിച്ചിട്ടില്ലെങ്കിലും നവമാധ്യമങ്ങളായ ഫേസ് ബുക്ക്,ടെലിഗ്രാം,വാട്സാപ്പ് തുടങ്ങിയവയിലൂടെ ഇന്ന് ജനങ്ങൾക്ക് വളരെ സുപരിചിതമാണ് ഈ ഡയറ്റ്. പ്രമേഹം,പൊണ്ണത്തടി തുടങ്ങി ഒരിക്കലും പൂർണമായ രോഗമുക്തി ഉണ്ടാവില്ലെന്ന് കരുതിയിരുന്ന പല  രോഗങ്ങളും ഇന്ന് ഈ ഭക്ഷണരീതിയിലൂടെ സുഖപ്പെട്ടു കൊണ്ടിരിക്കയാണ്.

എന്താണ് കീറ്റോ ഡയറ്റ്?

നമ്മുടെ ശരീരം പ്രധാനമായും   രണ്ടു ഇന്ധനങ്ങളെയാണ് ഊർജ്ജത്തിന് വേണ്ടി  ഉപയോഗിക്കുന്നത് . ഒന്ന് അന്നജങ്ങളിൽ നിന്ന് ലഭിക്കുന്ന ഗ്ളൂക്കോസ്. മറ്റൊന്ന് കൊഴുപ്പ്. സാധാരണയായി നാം ധാന്യങ്ങൾ, കിഴങ്ങുകൾ, പഴങ്ങൾ, പഞ്ചസാര തുടങ്ങിയ അന്നജ സമ്പുഷ്ടമായ ഭക്ഷണങ്ങളാണ് ഊർജ്ജത്തിനായി ഉപയോഗിക്കുന്നത്. എന്നാൽ കീറ്റോ അല്ലെങ്കിൽ LCHF ഡയറ്റിൽ അന്നജങ്ങൾ തീരെ കുറഞ്ഞ ഭക്ഷണ പദാർത്ഥങ്ങളാണ്  നാം കഴിക്കുന്നത്. വെണ്ണ, നെയ്യ്, ഒലിവോയിൽ, വെളിച്ചെണ്ണ, മാംസം, മൽസ്യം, മുട്ട, അണ്ടിവർഗങ്ങൾ, പച്ചക്കറികൾ എന്നിവ.

നമ്മുടെ ഭക്ഷണത്തിൽ നിന്ന് അന്നജങ്ങളെ ഒഴിവാക്കുമ്പോൾ കരൾ   കൊഴുപ്പിൽ നിന്ന് കീറ്റോണുകളെ ഉല്പാദിപ്പിക്കുന്നു. ഈ കീറ്റോണുകളാണ് ഗ്ലുക്കോസിന് പകരം ശരീരം ഉപയോഗിക്കുന്ന ഊർജം. നമ്മുടെ തലച്ചോറിനടക്കം ഉപയോഗിക്കാവുന്ന ഗ്ലുക്കോസിനേക്കാൾ ഉത്തമമായ ഇന്ധനമാണ് കീറ്റോൺ.

ഇങ്ങനെ കീറ്റോൺ ഉല്പാദിപ്പിക്കുന്ന ഭക്ഷണരീതിക്കാണ് കീറ്റോ ഡയറ്റ്  എന്ന് പറയുന്നത്. ഇതിൽ അന്നജം വളരെ കുറവും കൊഴുപ്പു കൂടുതലുമാണ്. അതിനാൽ ലോ കാർബ്‌ ഹൈ ഫാറ്റ്  എന്നും അറിയപ്പെടുന്നു. വളരെ സൂക്ഷ്മമായി പറഞ്ഞാൽ LCHF നേക്കാൾ അന്നജം കുറഞ്ഞ ഭക്ഷണരീതിയാണ് കീറ്റോ. ദിവസത്തിൽ 20 ഗ്രാമിൽ കുറഞ്ഞ അന്നജങ്ങൾ മാത്രമേ കീറ്റോ ഡയറ്റിൽ അനുവദനീയമായുള്ളൂ.

കീറ്റോ ഡയറ്റ് എന്നത് അടുത്ത കാലത്തു മാത്രമാണ് ഇത്ര പരിചിതമായത് എങ്കിലും അന്നജങ്ങൾ കുറച്ച  ഭക്ഷണരീതികൾ ലോകത്ത് വളരെ മുൻപ് തന്നെ പ്രചരിക്കപ്പെട്ടിട്ടുണ്ട്. ബാൻറിങ്  ഡയറ്റ്, പാലിയോ ഡയറ്റ്, ആട് കിൻസ്  ഡയറ്റ് എന്നീ പേരുകളിൽ.

നമ്മുടെ പൂർവ പിതാക്കൾ ജീവിച്ചിരുന്ന ശിലായുഗത്തിൽ പഞ്ചസാരയോ ശുദ്ധീകരിച്ച അന്നജങ്ങളോ ഭക്ഷിച്ചിരുന്നില്ല. മനുഷ്യചരിത്രത്തിൽ ധാന്യങ്ങൾ പ്രത്യക്ഷപ്പെട്ടിട്ടു വളരെ ചുരുങ്ങിയ കാലമേ ആയിട്ടുള്ളു. അഞ്ചു ലക്ഷത്തിലേറെ കൊല്ലം മുൻപ് മനുഷ്യൻ ഭൂമിയിൽ വസിക്കാൻ തുടങ്ങിയിട്ടുണ്ട്. എന്നാൽ ധാന്യങ്ങൾ ഉപയോഗിക്കാൻ തുടങ്ങിയിട്ട് പതിനായിരം വർഷങ്ങളെ ആയിട്ടുള്ളൂ. നമ്മുടെ ജീനുകളൊന്നും ഇപ്പോഴും ധാന്യങ്ങളോട് പൊരുത്തപ്പെട്ടിട്ടില്ല എന്ന് സാരം. എന്നാൽ ശുദ്ധീകരിച്ച അന്നജങ്ങളും പഞ്ചസാരയും ഉപയോഗിക്കാൻ തുടങ്ങിയിട്ട് 200 വർഷങ്ങളെ ആയിട്ടുള്ളു.

അതിനാൽ തന്നെ നമ്മുടെ പൂർവികർ ഭക്ഷിച്ചിരുന്ന കൊഴുപ്പും മാംസവും തന്നെയാണ് നമ്മുടെ ശരീരത്തിന് പഥ്യം.

എന്തിനാണ് ഈ ഭക്ഷണരീതി?

ഈ ഭക്ഷണ രീതി കാരണം ശരീരത്തിൽ അടിഞ്ഞു കൂടിയ ദുർമേദസ്സ് ഇല്ലാതാവുന്നു, പ്രമേഹം പോലുള്ള രോഗങ്ങൾ സുഖപ്പെടുന്നു, നീർക്കെട്ട് കാരണം രക്തക്കുഴലുകളിൽ ഉണ്ടാവുന്ന  തടസ്സങ്ങൾ നീങ്ങുന്നു, ഭക്ഷണത്തോടുള്ള ആർത്തിയും അമിതവിശപ്പും ഇല്ലാതാവുന്നു. സർവോപരി നമ്മുടെ ഊർജവും ഉന്മേഷവും വർധിക്കുന്നു.

ഇടക്കിടെ ഭക്ഷണം കഴിക്കണമെന്ന തോന്നൽ ഇല്ലാതാവുന്നു. ഭക്ഷണത്തിലെ കലോറികൾ എണ്ണിക്കണക്കാക്കേണ്ടതില്ല. വിശപ്പ് മാറുവോളം ഭക്ഷണം കഴിക്കാം. അതും ഏറ്റവും പോഷകസമൃദ്ധമായ   ഭക്ഷണം തന്നെ.

കഠിനമായ വ്യായാമമുറകളൊന്നും തന്നെ  ഇല്ലാതെ ശരീരഭാരം കുറക്കാം. വ്യായാമം ചെയ്യുന്നവർക്ക് ചെയ്യാമെന്ന് മാത്രം. വ്യായാമം കാരണം ശരീരഭാരം കുറക്കാൻ  സാധിക്കുമെന്നത് ഒരു മിഥ്യാധാരണയാണ്.

ഭക്ഷണത്തിൽ നിന്ന് അന്നജങ്ങൾ കുറക്കുന്നതു മൂലം ശരീരത്തിന് ഇൻസുലിൻ്റെ  ആവശ്യം കുറയുന്നു. രക്തത്തിലെ അമിതമായ ഇൻസുലിൻ നീർക്കെട്ട് അഥവാ inflammation വർധിപ്പിക്കുന്നത് മൂലം രക്തക്കുഴലുകളിൽ തടസ്സം നേരിടുന്നു. കീറ്റോ ഡയറ്റുകാരണം ഈ തടസ്സങ്ങൾ നീങ്ങുകയും ഹൃദ്രോഗം, സ്ട്രോക്ക്, വൃക്ക രോഗങ്ങൾ എന്നിവക്കുള്ള സാധ്യത കുറയുകയും ചെയ്യുന്നു .

അമിതമായ നീർക്കെട്ട് മൂലമുണ്ടാകുന്ന മറ്റനവധി രോഗങ്ങൾക്കും കീറ്റോ ഒരു പരിഹാരമാണ്.

എങ്ങിനെയാണ് കീറ്റോ ഡയറ്റ് ചെയ്യുന്നത്?

കഴിക്കാൻ പറ്റാത്തവ

വളരെ ലളിതമാണ് ഈ ഡയറ്റ്. ഭക്ഷണത്തിലെ അന്നജങ്ങൾ ഒഴിവാക്കുക. അത്ര തന്നെ.

അരി, ഗോതമ്പു, രാഗി, ഓട്സ്  തുടങ്ങിയ ധാന്യങ്ങൾ, കപ്പ, ഉരുള കിഴങ്ങ്, മധുരക്കിഴങ്ങു, ബീറ്റ്റൂട്ട് തുടങ്ങിയ കിഴങ്ങു വർഗങ്ങൾ,  മധുരമുള്ള പഴങ്ങൾ, പഞ്ചസാര തുടങ്ങിയവ ഉപയോഗിച്ചുണ്ടാക്കുന്ന മുഴുവൻ ഭക്ഷണങ്ങളും ഒഴിവാക്കുക.

ശുദ്ധമായ, പ്രകൃതിദത്തമായ കൊഴുപ്പുകളും മിതമായ അളവിൽ മാംസ്യവും കഴിക്കുക. വെണ്ണ, നെയ്യ്, വെളിച്ചെണ്ണ, ഒലിവോയിൽ ഇവ കഴിക്കുക. ബീഫ്,  മട്ടൺ, മീൻ, മുട്ട ഇവ കഴിക്കാം. നാടൻ കോഴി കഴിക്കാം.

       കഴിക്കാൻ പറ്റുന്നവ

കടല,പയർ   വർഗങ്ങളല്ലാത്ത പച്ചക്കറികളും അണ്ടിവർഗ്ഗത്തിൽ പെട്ട  ബദാം,വാൽ നട്ട് തുടങ്ങിയവ കഴിക്കാം.

നമുക്ക്‌ ഇന്ന് കീറ്റൊ ഭക്ഷണ രീതി പ്രകാരമുള്ള ഒരു  വിഭവം തയ്യാറാക്കി നോക്കാം 'കോളിഫ്ലവർ എഗ്ഗ്‌ ഫ്രൈഡ്‌ റൈസ്‌.

കോളിഫ്ലവർ എഗ്ഗ്‌ ഫ്രൈഡ്‌ റൈസ്‌

ഇനി നമുക്ക്‌ ടേസ്റ്റി ഫുഡ്‌ കഴിച്ചു കൊണ്ട്‌ തന്നെ തടി കുറക്കാം . അരിക്ക്‌  പകരം കോളിഫ്ളവർ ഉപയോഗിച്ചാണ് ഈ റെസിപ്പി നാം തയ്യാറാക്കുന്നത്‌.
ഇത്‌ തയ്യാറാക്കുന്ന വിധം എങ്ങനെ എന്ന് നോക്കാം..  https://noufalhabeeb.blogspot.com/?m=1

               ചേരുവകൾ

കോളിഫ്ളവർ - 200 ഗ്രാം

വെളുത്തുള്ളി - 3 അല്ലി

സ്പ്രിംഗ്‌ ഓണിയൻ -  5 ടീസ്പൂൺ

സെലറി - 2 ടീസ്പൂൺ

കാപ്സിക്കം -  2 ടീസ്പൂൺ

ഒലിവ് ഓയിൽ - 3-4 ടീസ്പൂൺ

മുട്ട - 2 എണ്ണം

കുരുമുളക് -  1 ടീസ്പൂൺ

ഉപ്പ്‌ - 1/2 ടീസ്പൂൺ

            തയ്യാറാക്കുന്ന വിധം

നന്നായി അരിഞ്ഞ കോളിഫ്‌ളവർ 2 മുട്ടയും ആവശ്യത്തിന് ഉപ്പും കുരുമുളകും ചേർത്ത് ഇളക്കി യോജിപ്പിക്കുക.

ഒരു പാനിൽ എണ്ണ ചൂടാക്കി ചതച്ച വെളുത്തുള്ളി ചേർത്ത് ഇതിലേക്ക് കോളിഫ്ലവറും മുട്ടയും ചേർന്ന മിശ്രിതം ചേർത്ത് കോളിഫ്ളവർ വേവുന്ന വരെ വഴറ്റുക (4-5 മിനിറ്റ്).

ഇനി ഇതിലേക്ക്‌  1 ടീസ്പൂൺ എണ്ണയും ചതച്ച വെളുത്തുള്ളിയും  ചേർത്ത് വഴറ്റുക.

ശേഷം അതിലേക്ക്‌ സ്പ്രിംഗ്‌ ഓണിയൻ ,  സെലറി, കാപ്സിക്കം എന്നിവ ചേർത്ത് നന്നായി ഇളക്കുക .

നിങ്ങളുടെ ടേസ്റ്റ്‌  അനുസരിച്ച് ഉപ്പും കുരുമുളകും ക്രമീകരിക്കുക.

രുചിയുള്ള കോളിഫ്ലവർ എഗ്ഗ്‌ ഫ്രൈഡ്‌ റൈസ്‌ തയ്യാറാണ് .

ഡയറ്റ്‌ ചെയ്യുന്നവർക്ക് മാത്രമല്ല ... എല്ലാർക്കും പരീക്ഷിക്കാവുന്ന നല്ല രുചിയുള്ള ഒരു റെസിപ്പി  ആണ് ...

https://noufalhabeeb.blogspot.com/?m=1

പൊട്ടാറ്റോ പോപ്പേഴ്സ്

ഇന്ന് നമുക്ക്‌ രുചിയൂറും പൊട്ടാറ്റോ പോപ്പേഴ്സ് എങ്ങനെ തയ്യാറാക്കാം എന്ന് നോക്കാം

ഉരുളക്കിഴങ്ങ് വിഭവങ്ങള്‍ ഏറെ ഇഷ്ടപ്പെടുന്നവരാണ് നമ്മളില്‍ പലരും. എന്നാല്‍ ഉരുളക്കിഴങ്ങ് വിഭവം കുറച്ചുകൂടി ക്രിസ്പി ആയാലോ…അത്തരം വിഭവമാണ് പൊട്ടറ്റോ പോപ്പോഴ്സ്. വളരെ വേഗത്തിലും എളുപ്പത്തിലും വീട്ടില്‍ ഉണ്ടാക്കാവുന്ന രുചിക്കൂട്ടാണ് ഇത്.   https://noufalhabeeb.blogspot.com/?m=1

എരിവും മൊരിയും നിറഞ്ഞ ഈ വിഭവം എല്ലാവര്‍ക്കും ഏറെ ഇഷ്ടപ്പെടുന്നതാണ്. ഇതിന്റെ ചേരുവകളെല്ലാം തന്നെ നമ്മുടെ കടകളില്‍ സുലഭമാണ്. കുഞ്ഞുങ്ങള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടമാകുന്ന ഈ വിഭവം കല്യാണപാര്‍ട്ടികളിലും മറ്റും ഉപയോഗിക്കാവുന്നതാണ്

          വേണ്ട ചേരുവകൾ

1- പുഴുങ്ങി പൊടിച്ച ഉരുളക്കിഴങ്ങ്- 2 എണ്ണം

2- വലിയ ഉള്ളി ചെറുതായി അരിഞ്ഞത്- അരക്കപ്പ്

3- ഇഞ്ചി ചതച്ചത്- അര ടീസ്പൂണ്‍

4- വെളുത്തുള്ളി ചതച്ചത്- അര ടീസ്പൂണ്‍

5- ചുവന്ന മുളക് ചതച്ചത്-1 ടീസ്പൂണ്‍

6- മല്ലിപ്പൊടി- അര ടീസ്പൂണ്‍

7- ഉണങ്ങിയ മാങ്ങാപ്പൊടി- അര ടീസ്പൂണ്‍

8- ഗരം മസാല- കാല്‍ ടീസ്പൂണ്‍

9- ബ്രെഡ് പൊടിച്ചത്- അരക്കപ്പ്

10 മൈദ- 3 ടേബിള്‍ സ്പൂണ്‍

11- മല്ലിയില ആവശ്യത്തിന്

12- ഉപ്പ് ആവശ്യത്തിന്

           തയ്യാറാക്കുന്ന വിധം

ഉരുളക്കിഴങ്ങ് പുഴുങ്ങിപ്പൊടിച്ചതിന്റെ കൂടെ അരിഞ്ഞ് വച്ച ഉള്ളി, ഇഞ്ചി, വെളുത്തുളളി, ചുവന്ന മുളക് ചതച്ചത്, മല്ലിപ്പൊടി, മാങ്ങാപ്പൊടി, ഗരംമസാലപ്പൊടി, ബ്രെഡ്പൊടിച്ചത്, മല്ലിയില എന്നിവയെല്ലാം ചേര്‍ത്ത് നന്നായി കുഴച്ചെടുക്കുക. മറ്റൊരു പാത്രത്തില്‍ മൈദയും വെള്ളവും ചേര്‍ത്ത് ഒരു മിശ്രിതം തയ്യാറാക്കുക. കൂറച്ച് മൈദപ്പൊടി മാറ്റി വയ്ക്കുക. ചെറിയൊരു പാത്രത്തില്‍ ബ്രെഡ് പൊടി എടുക്കുക. ഉരുളക്കിഴങ്ങ് ചേര്‍ത്ത് കുഴച്ച് വച്ച മാവ് ചെറിയ ഉരുളകളാക്കുക. ഈ ഉരുളകള്‍ ആദ്യം മൈദപ്പൊടിയില്‍ മുക്കുക. ശേഷം ബ്രെഡ്് പൊടിയില്‍ മുക്കുക. കൂടുതല്‍ മൊരിഞ്ഞ് കിട്ടണമെങ്കില്‍ മൈദയും വെള്ളവും ചേര്‍ത്ത മിശ്രിതത്തില്‍ ഉരുളകള്‍ മുക്കിയെടുത്ത ശേഷം ബ്രെഡ് പാടിയില്‍ വീണ്ടും മുക്കിയെടുത്ത് എണ്ണയിലിട്ട് പൊരിച്ചെടുക്കുക.
https://noufalhabeeb.blogspot.com/?m=1

ഉണക്കച്ചെമ്മീൻ റോസ്റ്റ്

മീനിനൊക്കെ തൊട്ടാൽ പൊള്ളുന്ന വിലയുള്ള ഈ കൊറോണ കാലത്ത്‌  (കിളിമീൻ , ചാള, അയില തുടങ്ങിയവക്ക്‌ എല്ലാം 300 ന്‌ മുകളിൽ ആയി വില ) ഉണക്കച്ചെമ്മീൻ ഉപയോഗിച്ച്‌ നമുക്കിന്ന്  ഉണക്കച്ചെമ്മീൻ റോസ്റ്റ് ഒന്ന് ഉണ്ടാക്കിയാലോ...

ചേരുവകൾ

 https://noufalhabeeb.blogspot.com/?m=1

ഉണക്കച്ചെമ്മീൻ - 20 ഗ്രാം

ചെറിയ ഉള്ളി - 200 ഗ്രാം

വെളിച്ചെണ്ണ,  - ആവശ്യത്തിന്‌

കറിവേപ്പില - കുറച്ച്

ഉപ്പ് - ആവശ്യത്തിന്

മുളക് പൊടി -  രണ്ട് ടീസ്പൂൺ

           തയ്യാറാക്കുന്ന വിധം

ആദ്യം തന്നെ ഉണക്ക ചെമ്മീൻ നല്ലതു പോലെ കഴുകി വൃത്തിയാക്കി വെളിച്ചെണ്ണയിൽ ഒന്ന് ഫ്രൈ ചെയ്തെടുത്ത് മാറ്റിവെക്കാം,

അടുത്തതായി 200 ഗ്രാം ചെറിയുള്ളി അരിഞ്ഞു അതിൽ രണ്ട് ടീസ്പൂൺ മുളക് പൊടിയും കൂടി ഇട്ട് മിക്സിയിൽ ഒന്ന് ക്രഷ് ചെയ്ത ശേഷം നേരത്തെ ഫ്രെ ചെയ്ത അതേ വെളിച്ചെണ്ണയിൽ ഇത് വയറ്റിയെടുക്കാം,
ആവശ്യമെങ്കിൽ കുറച്ചു കൂടി വെളിച്ചെണ്ണ ഒഴിച്ചു  കൊടുക്കാം,

ഇത് ഒന്ന് വഴന്ന് വന്നാൽ ഇതിലേക്ക് ആവശ്യത്തിന് ഉപ്പും കുറച്ച് കറിവേപ്പിലയും ചേർത്ത് കൊടുക്കാം,

ഇതൊന്ന് ഫ്രൈ ആയതിനുശേഷം ഇതിലേക്ക് നേരത്തെ തയ്യാറാക്കി വെച്ച ഉണക്കച്ചെമ്മീൻ കൂടി ഇട്ട ശേഷം നല്ലവണ്ണം മിക്സ് ആക്കി കുക്ക്‌ ചെയ്തെടുത്താൽ നമ്മുടെ ഉണക്ക ചെമ്മീൻ റോസ്റ്റ് തയ്യാറാകുന്നതാണ്..  https://noufalhabeeb.blogspot.com/?m=1

കെ എഫ് സി K F C

കുട്ടികളുടെ പ്രിയ ഭക്ഷണം കെ എഫ് സി ഇനി വീട്ടിലും തയാറാക്കാം

       വീട്ടിൽ തന്നെ കുട്ടികൾക്കിഷ്ടപ്പെട്ട കെ എഫ് സി ചിക്കൻ തയാറാക്കാനുള്ള കൂട്ട് പരിചയപ്പെടാം.

1. ചിക്കന്‍ തൊലിയോട് കൂടി – എട്ട് കക്ഷണങ്ങളായി മുറിച്ചത്  (700ഗ്രാം)

2. മൈദാ –  2 കപ്പ്‌ 

3. കോൺഫ്ലവര്‍ – 2 കപ്പ് 

4. റൊട്ടി പൊടി (ബ്രെഡ് ക്രംസ്)

5. മുട്ട – 4 

6. മില്‍ക്ക് – അര ലിറ്റർ 

7. കോൺഫ്ലെക്സ് – ഒരു കപ്പ്‌ 

8. തൈര് – 3 ടീസ്പൂൺ

9. ഒരു നാരങ്ങ പിഴിഞ്ഞത് 

10. ഇഞ്ചി വെളുത്തുള്ളി പേസ്റ്റ് – 1 ടീസ്പൂൺ 

11. മുളക് പൊടി  – അര ടീസ്പൂൺ

12. കുരുമുളക് പൊടി – ഒരു നുള്ള് 

13. ഉപ്പ് ആവശ്യത്തിന്

14. സണ്‍ഫ്ലവര്‍ ഓയില്‍ – വറുക്കാന്‍ ആവശ്യത്തിന്  

           പാചകരീതി

∙ഏകദേശം 700 ഗ്രാം വരുന്ന ചിക്കന്‍ തൊലി കളയാതെ  8 ആയി മുറിച്ചു വരഞ്ഞു വെക്കുക .

∙ ഒരു ബൗളില്‍ ഇഞ്ചി വെളുത്തുള്ളി പേസ്റ്റ് ഇടുക. തൈര്, നാരങ്ങ ജ്യൂസ്‌, ഉപ്പ് ,കുരുമുളക് പൊടി, മുളകു പൊടി , അര കപ്പ് മൈദ, അര കപ്പ് കോൺഫ്ലവർ എന്നിവ ഇട്ട് ഒരു മുട്ടയും ചേര്‍ത്ത് നന്നായി മിക്സ്‌ ചെയ്ത് ഒരു ബാറ്റര്‍ ഉണ്ടാക്കുക.

∙ ഇതിലേക്ക് ചിക്കന്‍ ഇട്ടുമിക്സ്‌ ചെയ്തു  20 മിനിറ്റ് ഫ്രിഡ്ജില്‍ കവര്‍ ചെയ്തു വെക്കുക.

∙ ബാക്കി വന്ന മൈദാ, കോണ്‍ഫ്ലവര്‍, കോണ്‍ഫ്ലെക്സ്, റൊട്ടിപൊടി അല്പം ഉപ്പു മിക്സ്‌ ചെയ്തു   ഒരു ഉണങ്ങിയ പത്രത്തില്‍ ഇട്ടു മിക്സ്‌ ചെയ്തു മാറ്റി വെക്കുക.

∙4 മുട്ടയിലെ ബാക്കി വന്ന 3 മുട്ടയും പാലും നന്നായി ബീറ്റ് ചെയ്തു  ഒരു ബൗളില്‍ വെക്കുക.

∙ഇനി ബാറ്ററില്‍ മിക്സ്‌ ചെയ്ത ചിക്കന്‍ എടുത്തു ആദ്യം മുട്ടയില്‍ മുക്കി പിന്നെ കോൺ ഫ്ലെക്സ്, മൈദാ, റൊട്ടി പൊടി  മിശ്രിതത്തില്‍ മുക്കി വറുത്തു കോരുക .

ഫിംഗർ ചിപ്സ് , ടുമാറ്റോ കെച്ചപ്പിനൊപ്പം കുട്ടികളുടെ പ്രിയ ഭക്ഷണം ഹോം മെയ്ഡ് k f c  സെര്‍വ് ചെയ്യാം.

  മറ്റൊരു രീതി

ചേരുവകൾ

ചിക്കൻ എല്ലില്ലാത്തത്: 500 ഗ്രാം

യോഗട്ട്: 1 കപ്പ്

പഞ്ചസാര; 1 ടീസ്പൂൺ

പാൽ: 250 മില്ലി.

വിനാഗിരി: 2 ടേബിൾ സ്പൂൺ

റെഡ് ചില്ലി - 3-4

വെളുത്തുള്ളി-3-4

ബ്രെഡ് ക്രംസ്: 250 ഗ്രാം

കോൺഫ്ളെക്സ്-250 ഗ്രാം

കുരുമുളക് പൊടി- 1 ടേബിൾ സ്പൂൺ

ഉപ്പ്; 1 ടേബിൾ സ്പൂൺ

എണ്ണ: 200 ഗ്രാം

മുട്ട: എണ്ണം

തയ്യാറാക്കുന്ന വിധം

ചുവന്ന മുളക്, വെളുത്തുള്ളി എന്നിവ വിനാഗിരി ചേർത്ത് നന്നായി അരയ്ക്കുക.ചെറുതായി മുറിച്ച ചിക്കൻ കഷണങ്ങൾ പഞ്ചസാര,തൈര് അരപ്പ് ചേർത്ത് നാല് മണിക്കൂർ ഫ്രിഡ്ജിൽ വയ്ക്കുക.

ഒരു പാത്രത്തിൽ പാൽ ഒഴിച്ച് അതിൽ മുട്ട ചേർത്ത് അടിയ്ക്കുക. വേറൊരു പാത്രത്തിൽ ബ്രെഡ് ക്രംസ്, കോൺഫ്ളവർ, ചെറുതായി പൊടിച്ച കോൺഫ്ളെക്സ്, ഉപ്പ്, പെപ്പർ പൗഡർ എന്നിവ ചേർത്ത് വയ്ക്കുക.

തൈരിൽ വച്ചിരുന്ന ചിക്കൻകഷണങ്ങൾ എടുത്ത് ഓരോന്നും പാൽ മിശ്രിതത്തിൽ മുക്കുക.അതിനുശേഷം ഈ കഷണങ്ങൾ ബ്രെഡ് ക്രംസ് മിശ്രിത്തിൽ ഇട്ട് ഓരോന്നും എല്ലാവശവും അതിൽ പൊതിയുക.

ഇത് ഒന്നുകൂടി പാൽ മിശ്രിതത്തിലും, ബ്രെഡ് ക്രംസ് മിശ്രിതത്തിലും ആവർത്തിക്കുക. നല്ലൊരു കോട്ടിങ്ങ് കിട്ടാൻ വേണ്ടിയാണിത്. അടികട്ടിയുള്ള ചീനച്ചട്ടിയിൽ എണ്ണയൊഴിച്ച് ചൂടായശേഷം അതിലേക്ക് ഓരോ കഷണങ്ങൾ വീതം ഇട്ട് ചെറുതീയിൽ വെക്കണം. ഇളം തവിട്ടു നിറമാകുമ്പോൾ വറുത്തുകോരാം.(ഏകദേശം 10-15 മിനിട്ട്).        https://noufalhabeeb.blogspot.com/?m=1

സ്വീറ്റ്‌ ബനാന ഇഡലി

ഇന്ന് അൽപ്പം വ്യത്യസ്തമായ ഒരു ഇഡലി  തയ്യാറാക്കി നോക്കാം. ഇതിൽ നാം ശർക്കരയും  പഴവും കൂടി ചേർക്കുന്നത്‌ കൊണ്ട്‌  കഴിക്കാൻ പ്രത്യേകിച്ച്‌ ഒഴിച്ചു കറി അല്ലെങ്കിൽ ചമ്മന്തിയുടെ ആവശ്യം ഇല്ല..

               ചേരുവകൾ 

പച്ചരി/ഉണക്കലരി       -  1കപ്പ്
(തലേദിവസം വെള്ളത്തിലിട്ട് കുതിർത്ത് വയ്ക്കുക / 5 മണിക്കൂർ മുമ്പ്‌ എങ്കിലും )

നന്നായി പഴുത്ത നേന്ത്രപ്പഴം - 2 എണ്ണം

ശർക്കര - 3  ചെറിയ കട്ട (ബ്ലോക്ക്‌ )

എള്ള്‌  -  2 ടീസ്പൂൺ

            ഉണ്ടാക്കുന്നവിധം

നേന്ത്രപ്പഴം ചെറുകഷ്ണങ്ങളായി മുറിച്ചെടുത്തു മിക്സിയിൽ നല്ലപോലെ അരച്ചെടുക്കുക.

ശർക്കര ഉരുക്കിയെടുക്കുക.

കുതിർത്തു വച്ച അരി 1/4 ഗ്ലാസ്സ്  വെള്ളത്തിൽ അരച്ചെടുക്കുക.

അതിനു ശേഷം എല്ലാ ചേരുവകളും മിക്സ്‌ ചെയ്ത് നന്നായി യോജിപ്പിക്കുക.

സാധാരണയായി ഇഡലി മാവ്  കുറേ സമയം റെസ്റ്റ്‌ ചെയ്യാൻ വക്കുമല്ലൊ.....ബനാന ഇഡലിക്ക് അതിന്റെ  ആവശ്യമില്ല. അല്ലാതെ തന്നെ ഉണ്ടാക്കിയെടുക്കാം.
             
ഇഡലി ചെമ്പിൽ ആവശ്യത്തിന്  വെള്ളം ഒഴിച്ച് ചൂടാക്കുക.

അതിനു ശേഷം ഇഡലി തട്ടിൽ എണ്ണ പുരട്ടുക. ( ഇഡലി ഒട്ടിപ്പിടിക്കാതിരിക്കാനാണു ഇങ്ങനെ ചെയ്യുന്നത്.)

എന്നിട്ട് തട്ടിലേക്ക് കുറേശ്ശേ മാവ് ഒഴിച്ചു കൊടുക്കുക.എന്നിട്ട്  തീ മീഡിയം ഫ്ലെയിമിൽ ആക്കി വക്കുക.

ഇനി ഇഡലിചെമ്പു അടച്ചു വയ്ക്കുക. ഒരു 10 മിനിറ്റ് കഴിയുമ്പോൾ തുറന്നു നോക്കുക.

ബനാന ഇഡലി റെഡിയായിട്ടുണ്ടാകും.

ഇനി തീ ഓഫ്‌ ചെയ്ത്‌  ഇഡലി തട്ട്  ഇഡലി ചെമ്പിൽ നിന്നും പുറത്തെടുത്തു വയ്ക്കുക. ഉടനെ  തന്നെ ഇഡലി അടർത്തിയെടുക്കരുത്. പെട്ടെന്നെടുത്താൽ പൊട്ടി പോവും..

അല്പം വെള്ളം തളിച്ചു തണുത്തു കഴിഞ്ഞാൽ എടുക്കാവുന്നതാണ്. ഇപ്പോൾ  ബനാന ഇഡലി എല്ലാവർക്കും കഴിക്കാവുന്നതാണ്.  https://noufalhabeeb.blogspot.com/?m=1

ചുക്കപ്പം

വളരെ കുറഞ്ഞ ചേരുവകൾ മാത്രം മതി...ഒരു മാസം വരെ കേടു കൂടാതെ ടിന്നിൽ സൂക്ഷിക്കാം .പക്ഷെ ഒരു മാസത്തേക്ക് ഉണ്ടാക്കി വെച്ചാലും ഒരു ആഴ്ച കൊണ്ട് തീർന്നു കിട്ടും..

         ചേരുവകൾ     https://noufalhabeeb.blogspot.com/?m=1

വറുത്ത അരിപ്പൊടി - 3 കപ്പ്

ചെറിയ ഉള്ളി - 5-6 എണ്ണം

നെയ്യ്  -1 ടേബിൾ സ്പൂൺ

കരിംജീരകം -1 ടേബിൾ സ്പൂൺ

മുട്ട -1 എണ്ണം

ഉപ്പ് - ആവശ്യത്തിന്

എണ്ണ - ആവശ്യത്തിന്

          പാകം ചെയ്യുന്ന വിധം

ഒരു പാനിൽ നെയ്യ് ഒഴിച്ച്‌ ചൂടാവുമ്പോൾ ചെറിയ ഉള്ളി ചെറുതായി അരിഞ്ഞത് ചേർത്തു ഇളക്കുക...

ഇതിലേക്ക് 3 കപ്പ് വെള്ളം ഒഴിച്ചു തിളപ്പിക്കുക...

എന്നിട്ട് കരിംജീരകം ചേർക്കുക...

വറുത്ത അരിപ്പൊടിയും ചേർത്തു നന്നായി വാട്ടിയെടുക്കുക...

ഇതൊരു 5 മിനിറ്റ് മൂടി വെക്കുക.

എന്നിട്ടു വാട്ടിയ മാവിലേക്കു ഒരു മുട്ട ചേർത്തു നന്നായി മിക്സ് ചെയ്യുക.

ഇതൊരു കുഴക്കാൻ സൗകര്യമുള്ള ഒരു പാത്രത്തിലിട്ട് നന്നായി കുഴച്ചെടുക്കുക.

എന്നിട്ട് ചെറിയ ഒരു പീസ് മാവെടുത്തു ഉള്ളം കയ്യിൽ വെച്ചു ബട്ടൻസ് ഷേപ്പ്-ൽ ഉരുട്ടിയെടുക്കുക...ഇത് പോലെ ബാക്കിയെല്ലാം ഉരുട്ടിയെടുക്കുക..

ഒരു ചീനച്ചട്ടിയിൽ എണ്ണ ചൂടാക്കി ചുക്കപ്പം ഇട്ട് തീ നന്നായി കുറച്ചു ഫ്രൈ ചെയ്തെടുക്കുക..

നല്ല ക്രിസ്പി ചുക്കപ്പം റെഡി.    https://noufalhabeeb.blogspot.com/?m=1

വെജിറ്റബിൾ സ്റ്റു

ഇന്ന് കേരള സ്റ്റൈൽ വെജിറ്റബിൾ സ്റ്റൂ തയ്യാർ ആക്കുന്നത്‌ എങ്ങനെ ആണെന്ന് നോക്കാം .  ഇത്ര ടേസ്റ്റിൽ വെജിറ്റബിൾ സ്റ്റൂ നിങ്ങൾ കഴിച്ചിട്ടുണ്ടാവില്ല...

         വേണ്ട ചേരുവകൾ    https://noufalhabeeb.blogspot.com/?m=1

ഉരുളക്കിഴങ്ങ് -  1 എണ്ണം പുഴുങ്ങി ഉടച്ചത്‌

ബീൻസ് - 6 എണ്ണം

കാരറ്റ് -  1 എണ്ണം

ഉള്ളി - 1 എണ്ണം

പച്ചമുളക് - 3 എണ്ണം

ഫ്രോസൺ ഗ്രീൻ പീസ്‌  - ടേബിൾ സ്പൂൺ

കറി വേപ്പില  -  ആവശ്യത്തിന്‌

കട്ടി കുറഞ്ഞ തേങ്ങാപ്പാൽ -  3 കപ്പ്

കട്ടിയുള്ള തേങ്ങാപ്പാൽ -  1 കപ്പ്

ഏലം - 2 എണ്ണം

ഗരം മസാല -  1/2 + 1/4 ടീസ്പൂൺ

നെയ്യ് - 1 ടേബിൾ സ്പൂൺ

കശുവണ്ടി  - 6-7 എണ്ണം

ഉപ്പ് - ആവശ്യത്തിന്‌

പഞ്ചസാര - 1/2 ടീസ്പൂൺ

              തയ്യാറാക്കുന്ന വിധം

ഒരു ചട്ടിയിൽ  അരിഞ്ഞ ബീൻസ് ,കാരറ്റ് ,സവാള, പച്ചമുളക്, കറിവേപ്പില,  ഏലക്ക എന്നിവ കട്ടി കുറഞ്ഞ 3 കപ്പ്‌  തേങ്ങാപ്പാലും ഉപ്പും ചേർത്ത് 5 മിനിറ്റ്  കുറഞ്ഞ തീയിൽ വേവിക്കുക..

ഇതേ സമയം നമുക്ക്‌ ഒരു ഉരുളക്കിഴങ്ങ്‌ പുഴുങ്ങി നല്ല വണ്ണം ഉടച്ച്‌  വച്ച്‌ അത്‌ നേരത്തെ തയ്യാറാക്കിയ  ചേരുവയിലേക്ക്‌ ചേർത്ത്‌ കൊടുക്കാം.

അതിലേക്ക്‌  2 ടേബിൾ സ്പൂൺ  ഫ്രോസൺ ഗ്രീൻ പീസ്‌ ചേർത്ത്‌  വേവിക്കുക.

ഇനി കട്ടിയുള്ള 1കപ്പ്‌ തേങ്ങാപ്പാൽ, 1/2 ടീസ്പൂൺ ഗരം മസാല, 1/2 ടീസ്പൂൺ പഞ്ചസാര എന്നിവ ചേർത്ത് നന്നായി ഇളക്കുക ..

ഇനി ഒരു ചട്ടി ചൂടാക്കാൻ വച്ച് ഒരു ടേബിൾ സ്പൂൺ നെയ്യ് ചേർത്ത് കശുവണ്ടിയും, കറിവേപ്പിലയും ,1/4 ടീസ്പൂൺ ഗരം മസാലയും  ചേർത്ത്  ഇളക്കുക. ഈ മിശ്രിതം നേരത്തെ തയ്യാറാക്കി വച്ച കൂട്ടിലേക്ക്‌ ഒഴിച്ച്‌ ഇളക്കി യോജിപ്പിക്കാം

5 മിനിറ്റ്‌  വേവിക്കുക..രുചികരമായ വെജിറ്റബിൾ സ്റ്റു ഇപ്പോൾ തയ്യാറാണ് ..

അപ്പം , ഇഡിയപ്പം,  ചപ്പാത്തി എന്നിവക്ക്‌ ഇത് ഏറ്റവും മികച്ച കോമ്പിനേഷൻ ആണ്..   https://noufalhabeeb.blogspot.com/?m=1

മസാല ബോണ്ട

ഇന്ന് മസാല ബോണ്ട എങ്ങനെ തയ്യാറാക്കാം എന്ന് നോക്കാം..

           ചേരുവകൾ  

ഉരുളക്കിഴങ്ങ് - 3(വലുത്)

സവാള - 2 എണ്ണം

ഇഞ്ചി - ഒരു കഷണം

പച്ചമുളക് - 4-6 എണ്ണം (എരിവ് അനുസരിച്ചു എടുക്കാം )

കറിവേപ്പില - കുറച്ച്

ഉപ്പ്‌ - ആവശ്യത്തിന്

എണ്ണ - വറുക്കാൻ ആവശ്യത്തിന്

മുളക് പൊടി - 1 സ്പൂൺ എരിവ് അനുസരിച്ചു

മഞ്ഞൾപൊടി- - കാൽ സ്പൂൺ

കായപ്പൊടി - 2 നുള്ള്

കടലമാവ്  - ഒന്നര കപ്പ്‌

                 തയ്യാറാക്കുന്ന വിധം

ഒന്നര കപ്പ് കടലമാവ് എടുത്തു മുക്കാൽ കപ്പ് വെള്ളത്തിൽ കലക്കിവെക്കുക.

ആദ്യം ഉരുളക്കിഴങ്ങ് വേവിച്ചു തൊലി കളഞ്ഞിട്ടു പൊടിച്ചു വെക്കുക (കുക്കറിൽ ആണെങ്കിൽ എളുപ്പമാണ്).

ഒരു പാത്രത്തിൽ കടലമാവ് , മഞ്ഞൾപൊടി, മുളകുപൊടി ,കായപ്പൊടി ,ഉപ്പ് എന്നിവ കുറച്ചു കുറച്ചായി വെള്ളം ചേർത്ത് കട്ടിയായി കലക്കി വെക്കുക .

ഒരു പാനിൽ എണ്ണ ഒഴിച്ച് സവാള ഇഞ്ചി പച്ചമുളക് കറിവേപ്പില മഞ്ഞപ്പൊടി ഉപ്പ് എന്നിവ ചേർത്ത് വഴറ്റി ഉരുളക്കിഴങ്ങും ചേർത്ത് മിക്സ്‌ ചെയ്യുക.

                   ഉരുളകൾ ആക്കി വെക്കാം

ഒരു പാനിൽ  എണ്ണ ( ഏത് ആയാലും കുഴപ്പമില്ല )  ഒഴിച്ച് നന്നായി ചൂടാക്കുക.തീ ചുരുക്കിവെച്ചു ഉണ്ടാക്കിയെടുക്കണം.

ഓരോ ഉരുളകൾ മാവിൽ മുക്കി എണ്ണയിൽ ഇട്ടു തിരിച്ചും മറിച്ചും ഇട്ടു വേവിച്ചെടുക്കാം.  https://noufalhabeeb.blogspot.com/?m=1

നെയ്‌ വട

രുചി ഏറെയുള്ള മലബാർ നെയ് വട. നാലുമണിക്ക് ചായയുടെ കൂടെ കഴിക്കാൻ ഏറ്റവും നല്ലൊരു സ്നാക്ക് ആണിത്.

          ചേരുവകൾ      https://noufalhabeeb.blogspot.com/?m=1

1.മൈദ -ഒരു കപ്പ്

    പഞ്ചസാര -ഒരു ടേബിൾസ്പൂൺ

  ഉപ്പ് -കാൽ ടീസ്പൂൺ

  നെയ്യ്-2 ടേബിൾസ്പൂൺ

2.പാൽ -അര കപ്പ്

   യീസ്റ്റ് - കാൽ ടീസ്പൂൺ

3.പഞ്ചസാര -  ഒരു കപ്പ്_

   വെള്ളം  - അര കപ്പ്

   നാരങ്ങാനീര് -  ഒരു മുറി നാരങ്ങയുടെ

   ഏലയ്ക്ക ചതച്ചത് -  അഞ്ചെണ്ണം

4.എണ്ണ - വറുക്കാൻ ആവശ്യത്തിന്

              തയ്യാറാക്കുന്ന വിധം

പാല് ചെറുതായി ഒന്ന് ചൂടാക്കുക. ഇതിലേക്ക് യീസ്റ്റ് ചേർത്ത് 10 മിനിറ്റ് വെക്കണം.

ഒരു പാത്രത്തിൽ മൈദയും ,പഞ്ചസാരയും, ഉപ്പും, നെയ്യും കൂടി കൈകൊണ്ട് തിരുമ്മി യോജിപ്പിക്കുക. ഇതിലേക്ക് യീസ്റ്റ് ചേർത്ത പാൽ ഒഴിച്ച് നന്നായി കുഴച്ചെടുക്കണം. ഈ മാവ് പൊങ്ങാൻ ആയി ഒരു മണിക്കൂർ മാറ്റി വയ്ക്കുക.

ഈ സമയം കൊണ്ട് പഞ്ചസാരപ്പാനി തയ്യാറാക്കാം.പഞ്ചസാരയും, വെള്ളവും, നാരങ്ങാനീരും, ഏലയ്ക്ക ചതച്ചതും കൂടി തിളപ്പിക്കുക. ഒരു നൂൽ പരുവത്തിലുള്ള പാനി ആകുമ്പോൾ തീ ഓഫ് ചെയ്ത് മാറ്റി വെക്കാം.

ഒരു പാത്രത്തിൽ എണ്ണ ചൂടാക്കി മാവിൽ നിന്ന് അല്പം എടുത്ത് വടയുടെ ഷേപ്പിൽ പരത്തി ഇളം ബ്രൗൺ നിറത്തിൽ വറുത്തെടുക്കുക.

ചൂടോടെ തന്നെ വട പഞ്ചസാര പാനിയിലേക്ക് ഇട്ടു കൊടുക്കുക. അഞ്ചുമിനിറ്റ് പഞ്ചസാരപ്പാനിയിൽ മുക്കി വച്ചതിനു ശേഷം എടുത്തുമാറ്റാം.

ഇങ്ങനെ എല്ലാ വടയും ചുട്ടെടുക്കുക.

പഞ്ചസാര പാനിക്ക് എപ്പോഴും ചെറിയ ചൂട് ഉണ്ടാവണം. എങ്കിൽ മാത്രമേ വടയിലേക്ക് നന്നായി പിടിക്കുകയുള്ളൂ..  https://noufalhabeeb.blogspot.com/?m=1

വെജിറ്റബിൾ ബൈറ്റ്സ്

വളരെ എളുപ്പം തയ്യാറാക്കുവാൻ പറ്റിയ ഒരു  വെജിറ്റബിൾ സ്നാക്ക്സ്‌ ആണിത്‌.  ചായ തിളയ്ക്കുന്ന നേരം കൊണ്ട് റെഡി ആക്കി എടുക്കാം.

                   ചേരുവകൾ       https://noufalhabeeb.blogspot.com/?m=1

ഉരുളകിഴങ്ങ് - 3 ഇടത്തരം എണ്ണം ( പുഴുങ്ങിയത് )_

കാരറ്റ് - 1 എണ്ണം

കോൺഫ്ലോർ - 4 to 5 ടേബിൾസ്പൂൺ

കുരുമുളക് പൊടി - 1/4 ടീസ്പൂൺ

മല്ലിയില - ആവശ്യത്തിന്

ചതച്ചത് മുളക് - 1/4 ടീസ്പൂൺ

ഉപ്പ് - ആവശ്യത്തിന്

            ഉണ്ടാക്കുന്ന വിധം

ഉരുളകിഴങ്ങും ,കാരറ്റും നല്ല പോലെ ഗ്രേറ്റ് ചെയ്‌തെടുക്കുക.

അതിലേക്കു കോൺഫ്ലോറും കുരുമുളക് പൊടിയും ചതച്ച മുളകും, മല്ലിയിലയും, ഉപ്പും ചേർത്ത് നല്ല പോലെ കുഴച്ചു എടുക്കുക.

എന്നിട്ട്  ഫ്രിഡ്ജിൽ വച്ചു ഒരു 15 മിനിറ്റ് തണുപ്പിക്കുക.

ഇനി ചൂടായ എണ്ണയിലേക്ക്  ഇട്ടു വറുത്തെടുക്കാം.  

https://noufalhabeeb.blogspot.com/?m=1

ഒരു നാടൻ ഷാംപൂ

കറുത്ത ഇടതൂർന്ന കരുത്തുറ്റ മുടി ആഗ്രഹിക്കാത്തവർ  ആരുമുണ്ടാകില്ല. എന്നാൽ ആഗ്രഹം മാത്രം പോരല്ലോ, മുടിയുടെ കാര്യത്തിൽ ആവശ്യത്തിനു ശ്രദ്ധയും വേണം. ഓരോരുത്തരുടെയും മുടിക്കു പല സ്വഭാവമാണ്.

പരിചരണ രീതികളും വ്യത്യസ്തം. പലപ്പോഴും മികച്ചൊരു ഷാംപൂ തിരഞ്ഞെടുക്കുന്നതുപോലും  അസാധ്യമാണ്. ഇനി ഒരു നാടൻ ഷാംപൂ പരീക്ഷിച്ചു നോക്കാം.

           ആവശ്യമുള്ള വസ്തുക്കൾ   https://noufalhabeeb.blogspot.com/?m=1

തണുത്ത തേയിലവെള്ളം – അരലിറ്റർ

ചെറുനാരങ്ങ – ഒന്ന്

അഞ്ചിതൾ ചെമ്പരത്തിപ്പൂവ്– മൂന്ന്

ചെമ്പരത്തി ഇല – രണ്ടുപിടി

മൈലാഞ്ചിയില – ഒരുപിടി

തുളസിയില – ഒരുപിടി

        തയാറാക്കുന്ന വിധം

നാരങ്ങാ പിഴിഞ്ഞ് അതിന്റെ നീര് തേയിലവെള്ളത്തിൽ ചതച്ചു ചേർക്കുക. എല്ലാറ്റിന്റെയും നീര് പരമാവധി പിഴിഞ്ഞെടുക്കണം. ചതയ്ക്കുമ്പോൾ വെള്ളം ചേർക്കാൻ പാടില്ല. പിശിട് കളയണം.

വേണമെങ്കിൽ അരിച്ചെടുക്കാം. ഇതു നന്നായി അടിച്ചുപതപ്പിക്കുക. അതിനുശേഷം തലയോട്ടിയിലും തലമുടിയിലും നന്നായി തേച്ചു പിടിപ്പിക്കുക. പത്തു മിനിറ്റിനുശേഷം കഴുകി കളയുക. ഈ ഷാംപൂ തലയിൽ തേയ്ക്കുന്നതിന് പത്തുമിനിറ്റു മുമ്പ് തലയിൽ നന്നായി എണ്ണ തേച്ചുപിടിപ്പിച്ചിരിക്കണം.

ഈ പ്രക്രിയ ആഴ്ചയിൽ രണ്ടോ മൂന്നോ പ്രാവശ്യം ആവർത്തിച്ചാൽ തലമുടികൊഴിച്ചിൽ, അകാലനര,എന്നിവ ഇല്ലാതാവുകയും തലയ്ക്കും കണ്ണുകൾക്കും നല്ല കുളിർമ അനുഭവപ്പെടുകയും ചെയ്യും.തലമുടിനാരുകൾക്ക് ബലം വരയ്ക്കുകയും സ്വാഭാവികമായ നിറവും തിളക്കവും ലഭിക്കുകയും മുടി തഴച്ചു വളരുകയും ചെയ്യും. ഈ പ്രയോഗം ഒന്നുരണ്ടു പ്രാവശ്യം ചെയ്യുമ്പോൾ തന്നെ തലമുടിയുടെ ആരോഗ്യം മെച്ചപ്പെടും.      https://noufalhabeeb.blogspot.com/?m=1

പൊട്ടറ്റൊ എഗ്ഗ്‌ സ്നാക്ക്സ്

ഇന്ന് നമുക്ക്‌ ഉരുളക്കിഴങ്ങും മുട്ടയും ഉപയോഗിച്ച്‌ വളരെ എളുപ്പത്തിൽ തയ്യാറാക്കാവുന്ന ഒരു സ്നാക്ക്‌ എങ്ങനെ  തയ്യാറാക്കാം എന്ന് നോക്കാം.      https://noufalhabeeb.blogspot.com/?m=1

             ചേരുവകൾ

ഉരുളക്കിഴങ്ങ് - മൂന്നെണ്ണം നീളത്തിൽ അരിഞ്ഞത്.

മുട്ട - രണ്ടെണ്ണം

മൈദ - ഒരു കപ്പ്

ഉപ്പ് - ആവശ്യത്തിന്

ചതച്ച മുളക് - ഒരു ടീസ്പൂൺ

ഗാർലിക് പൗഡർ - ഒരു ടീസ്പൂൺ

( അല്ലെങ്കിൽ വെളുത്തുള്ളി ഗ്രേറ്റ് ചെയ്തത് ഒരു ടേബിൾസ്പൂൺ )

ഓയിൽ  - വറുക്കാൻ ആവശ്യത്തിന്

വെള്ളം - ആവശ്യത്തിന്

               തയ്യാറാക്കുന്ന വിധം

വളരെ ഈസിയായും ടേസ്റ്റി ആയും ഉണ്ടാക്കാവുന്ന സ്നാക്സ് ആണ്.

ഉരുളക്കിഴങ്ങ് നീളത്തിൽ അരിഞ്ഞെടുക്കുക.

ഇതിലേക്ക് വെള്ളമൊഴിച്ചു 15 മിനിറ്റ് മാറ്റി വയ്ക്കുക.

അതിനുശേഷം വെള്ളം എല്ലാം കളഞ്ഞു ഉരുളക്കിഴങ്ങ് ഒരു ബൗളിലേക്ക് മാറ്റുക.

ഇതിലേക്ക് രണ്ടു മുട്ട,  ഉപ്പ് , ചതച്ച മുളക് , ഗാർലിക് പൗഡർ എന്നിവ ചേർത്ത് നല്ലപോലെ മിക്സ് ആക്കുക.

അതിനുശേഷം മൈദ അരിച്ചു ചേർക്കുക രണ്ടോ മൂന്നോ പ്രാവശ്യമായി ചേർത്ത്  നല്ലപോലെ മിക്സ് ആക്കി എടുക്കുക .

അതിനുശേഷം ഓരോന്നായി എടുത്തു ഓയിലിൽ ഇട്ട് ഗോൾഡൻ കളറിൽ ഫ്രൈ ചെയ്ത് മാറ്റാം .

പൊട്ടറ്റൊ എഗ്ഗ്‌ സ്നാക്ക്‌ റെഡി   https://noufalhabeeb.blogspot.com/?m=1

ചില്ലി ഫിഷ്‌

മൽസ്യം കൊണ്ട് പലതരം വിഭവങ്ങളാണ് നാം തയ്യാറാക്കാറുള്ളത്. വളരെ ചുരുങ്ങിയ സമയം കൊണ്ട് വീടുകൾ തന്നെ എങ്ങനെ  ചില്ലി ഫിഷ്‌ തയ്യാറാക്കാം എന്ന് നോക്കാം   https://noufalhabeeb.blogspot.com/?m=1

ദശ കട്ടിയുള്ള മുള്ള് നീക്കിയ മീൻ -1/2 കിലോഗ്രാം

കോഴിമുട്ട -1

കോണ്‍ ഫ്ലൌർ -5 ടേബിൾ സ്പൂണ്‍

സോയ സോസ് – 3 ടേബിൾ സ്പൂണ്‍

ഇഞ്ചി അരിഞ്ഞത് – 11/2ടേബിൾ സ്പൂണ്‍

വെളുത്തുള്ളി അരിഞ്ഞത് 1 1/2 ടേബിൾ സ്പൂണ്‍

കാശ്മീരി മുളക് പൊടി-1 ടീസ്പൂണ്‍

കുരുമുളക് പൊടി – 1 ടീസ്പൂണ്‍

ഉപ്പ്‌ – ആവശ്യത്തിന്

ഓയിൽ – 1/2 കപ്പ്‌ (വറുക്കാൻ ,വറുത്ത ഓയിലിൽ നിന്നും കുറച്ചു മാറ്റി വെക്കണം )

സവാള ക്യുബായി മുറിച്ചത് -1

കാപ്സിക്കം – അലങ്കരിക്കാൻ

പച്ചമുളക് അരിഞ്ഞത്‌ – 2

ടോമാടോ സോസ് -3 ടേബിൾ സ്പൂണ്‍

വിനെഗർ – 2 ടേബിൾ സ്പൂണ്‍

മല്ലിയില – അലങ്കരിക്കാൻ

          ഉണ്ടാക്കുന്ന വിധം

ഒരു ബൌൾ എടുത്തു മുളക് പൊടി ,സോയ്‌ സോസ് ,കോണ്‍ ഫ്ലൗർ ,കോഴിമുട്ട ,ഉപ്പ്‌ എന്നിവ ചേർത്ത് ബാറ്റെർ ഉണ്ടാക്കി അതിൽ മീൻ നന്നായി പുരട്ടി വെക്കുക.ഇത് 1/2 മണിക്കൂർ ഫ്രിട്ജിൽ വെക്കുക.ശേഷം ചുവടു കട്ടിയുള്ള പാനിൽ ഓയിൽ ഒഴിച്ച് ചൂടായാൽ മീനിട്ട് ഫ്രൈ ചെയ്തു വെക്കുക.(അധികം മൂത്ത് പോകരുത് )അതേ പാനിൽ തന്നെ ഇഞ്ചി അരിഞ്ഞത് ,വെളുത്തുള്ളി അരിഞ്ഞത് ,എന്നിവ വഴറ്റുക. 1 മിനുറ്റിനു ശേഷം സവാള ചേർത്ത് ഒന്ന് വഴറ്റുക. പച്ചമുളക് അരിഞ്ഞതും ,ക്യാപ്സിക്കം എന്നിവ ചേർക്കുക.സോയ സോസ്, ടോമാടോ സോസ് എന്നിവ ചേർക്കാം.

ഇതിലേക്ക് ഫ്രൈ ചെയ്തു വെച്ച മീൻ , ചേർത്ത് മിക്സ്‌ ചെയ്യുക . വിനെഗറും . അല്പം വെള്ളത്തിൽ കോണ്‍ ഫ്ലോർ കലക്കി ഇതിലെക്കൊഴിക്കുക.

പാകത്തിനുള്ള ഉപ്പും ,കുരുമുളക് പൊടിയും ചേർക്കാം .ഗ്രേവി പാകത്തിന് കട്ടിയായാൽ അറിഞ്ഞു വെച്ച മല്ലിയില ,ക്യാപ്സിക്കം എന്നിവ ചേർത്ത് തീ അണച്ച് ചൂടോടെ സെർവ് ചെയ്യാം https://noufalhabeeb.blogspot.com/?m=1

കൊളസ്‌ട്രോൾ കുറയ്ക്കാൻ

കൊളസ്‌ട്രോൾ കുറയ്ക്കാൻ സഹായിക്കുന്ന ഭക്ഷണങ്ങളെ കുറിച്ചറിയാം

    കൊളസ്ട്രോൾ പിടിപെടുന്നവരുടെ എണ്ണം കൂടി വരികയാണ്. മരുന്നുകളില്ലാതെ കൊളസ്‌ട്രോള്‍ കുറച്ചു കൊണ്ടുവരാവുന്ന വഴികളില്‍ പ്രധാനമാണ് ഭക്ഷണ ക്രമീകരണം. അത്തരത്തിൽ കൊളസ്‌ട്രോള്‍ കുറയ്ക്കാന്‍ സഹായിക്കുന്ന ചില ഭക്ഷണങ്ങൾ ഏതൊക്കെയാണെന്ന് നോക്കാം.  https://noufalhabeeb.blogspot.com/?m=1

ഒലീവ് ഓയില്‍ കൊളസ്‌ട്രോള്‍ തടയുവാന്‍ സഹായിക്കുന്നു. ഒലീവ് ഓയിലില്‍ അടങ്ങിയിരിക്കുന്ന ആന്റി ഓക്‌സിഡന്റുകളാണ് കൊഴുപ്പ് കുറയ്ക്കാൻ ​ഗുണം ചെയ്യുന്നത്. ഒലിവ് ഓയിലിൽ മോണോസാചുറേറ്റഡ് ഫാറ്റി ആസിഡുകൾ കൂടുതലാണ്. മോണോസാചുറേറ്റഡ് കൊഴുപ്പുകൾ എൽഡിഎൽ കൊളസ്ട്രോൾ കുറയ്ക്കാൻ സഹായിക്കുന്നു.

ബദാം, വാൾനട്ട്, പിസ്ത തുടങ്ങിയ നട്സുകൾ കഴിക്കുന്നത് ഹൃദ്രോ​ഗ സാധ്യത കുറയ്ക്കാൻ സഹായിക്കുന്നു. ചീത്ത കൊളസ്ട്രോൾ അകറ്റി നല്ല കൊളസ്ട്രോൾ കൂട്ടാനും നട്സുകൾ കഴിക്കുന്നത് ​ഗുണം ചെയ്യും.

വെളുത്തുള്ളി കൊളസ്‌ട്രോളിനെ പ്രതിരോധിക്കാന്‍ നല്ല മാര്‍ഗമാണ്. ഇവ രക്തധമനികളില്‍ അടിഞ്ഞുകൂടുന്ന കൊഴുപ്പ് നീക്കാനം സഹായിക്കുന്നതാണ്.

തക്കാളിയില്‍ അടങ്ങിയിരിക്കുന്ന ലൈക്കോപീൻ എന്ന സംയുക്തം എൽഡിഎൽ കൊളസ്ട്രോളിന്റെ അളവ് കുറയ്ക്കുന്നു. ഉപാപചയപ്രവർത്തനം മെച്ചപ്പെടുത്താനും തക്കാളി കഴിക്കുന്നത് ഏറെ നല്ലതാണ്.

​ഗ്രീൻ ടീയിൽ ധാരാളമായി ആന്റി ഓക്‌സിഡന്റുകൾ അടങ്ങിയിട്ടുണ്ട്. ഗ്രീൻ ടീ സ്ഥിരമായി കുടിക്കുമ്പോൾ ശരീരത്തിലെ ചീത്ത കൊളസ്‌ട്രോൾ കുറയുകയും തന്മൂലം അമിത വണ്ണം കുറയുകയും ചെയ്യും.   https://noufalhabeeb.blogspot.com/?m=1

പൊരിച്ച പത്തിരി

ഹോട്ടലുകളിൽ നിന്ന് വാങ്ങുന്ന പോലുള്ള         പൊരിച്ച പത്തിരി നമുക്ക്‌ വീട്ടിൽ തന്നെ  എങ്ങനെ  ഉണ്ടാക്കാം  എന്ന് നോക്കാം

           വേണ്ട ചേരുവകൾ   https://noufalhabeeb.blogspot.com/?m=1

വറുത്ത പൊടി    1 കപ്പ്‌

മൈദ     2 ടീസ്പൂൺ

നെയ്യ് /വെളിച്ചെണ്ണ      1 ടീസ്പൂൺ

തേങ്ങ     4 ടീസ്പൂൺ

നല്ല ജീരകം    1/2 ടീസ്പൂൺ

കരിഞ്ജീരകം   1/2 ടീസ്പൂൺ

ചെറിയ ഉള്ളി     2 എണ്ണം

ഓയിൽ       ആവശ്യത്തിന്

 വെള്ളം        2 കപ്പ്‌

ഉപ്പ്     പാകത്തിന്

            തയ്യാറാക്കുന്ന വിധം

ആദ്യം പൊടി വാട്ടിയെടുക്കാം.. വെള്ളം അടുപ്പത്തു വെച്ചു തിളക്കുമ്പോൾ ഉപ്പ്, പൊടി ഇട്ടു നന്നായി വാട്ടി എടുക്കുക.അത് ഒരു തട്ടിലേക്ക് മാറ്റുക... തേങ്ങ, ചെറിയജീരകം, ചെറിയഉള്ളി എന്നിവ മിക്സിയിൽ അരച്ചെടുക്കുക. ഈ അരപ്പും, നെയ്യ്,മൈദ,കരിഞ്ജീരകം  ഇവയും കൂട്ടി പൊടി നന്നായി കുഴച്ചെടുക്കുക. ശേഷം വലിയ ഉരുള എടുത്ത് പരത്തി എടുക്കുക, പരത്തുന്നത് കുറച്ചു കട്ടിയിൽ വേണം, അത് വട്ടത്തിൽ കട്ട് ചെയ്യാം അതിന് വേണ്ടി ഒരു കുപ്പിയുടെ മൂടി എടുത്ത് കട്ട് ചെയ്തെടുക്കാം.ഇനി അത് പൊരിച്ചെടുക്കാം. അതിന് ഒരു ചീന ചട്ടി എടുത്ത്  ചൂടാവുമ്പോൾ മുങ്ങി പൊരിയാനുള്ള ഓയിൽ ഒഴിക്കുക. അത് നന്നായി ചൂടായതിനു ശേഷം ഓരോ പത്തിരി ഇട്ട് പൊരിച്ചെടുക്കാം..            ടേസ്റ്റി ആയ പൊരിച്ച പത്തിരി റെഡി.  https://noufalhabeeb.blogspot.com/?m=1

ചെറി ജ്യൂസ്

ചെറി ജ്യൂസ് കൂടുന്നത് കൊണ്ടുള്ള ഗുണങ്ങൾ

 നിരവധി ആരോഗ്യ ഗുണങ്ങൾ അടങ്ങിട്ടുള്ള ഒന്നാണ് ചെറി. ഇവ രാത്രിയില്‍ അല്പം ചെറിജ്യൂസ് കഴിച്ചാല്‍ മതി സുഖമായി ഉറങ്ങാം. ഉറക്കപ്രശ്നങ്ങള്‍ ഉള്ളവര്‍ ഇനി ചൂട് ചോക്ളേറ്റും,  ഉറക്ക ഗുളികകളും കഴിച്ചും രണ്ട് സ്മാളു വീശിയും ഒന്നും ഉറക്കത്തെ വിളിച്ചു വരുത്തേണ്ടതില്ലെന്ന് സാരം.    https://noufalhabeeb.blogspot.com/?m=1

ബ്രിട്ടനിലെ നോര്‍ത്തംബ്രിയ യൂണിവേഴ്സിറ്റിയിലെ ഗവേഷകരാണ് ഇക്കാര്യം കണ്ടെത്തിയത്. ഒരാഴ്ച അടുപ്പിച്ച് ചെറി ജ്യൂസ് കുടിച്ചവരെയും മറ്റ് പാനീയങ്ങള്‍ കുടിച്ചവരെയും നിരീക്ഷിച്ചു. ചെറി ജ്യൂസ്  കുടിച്ചവര്‍ക്ക് ദീര്‍ഘസമയം നല്ല ഉറക്കം കിട്ടി. മാത്രമല്ല  അവര്‍ പകല്‍ ഉറക്കം തൂങ്ങുന്നതും ഇല്ലാതായി.

ഉറങ്ങാനുള്ള അവരുടെ ശേഷി കൂടുകയും ചെയ്തു. ചെറിയിലടങ്ങിയ മെലാടോണിന്‍ ആണ് ഉറക്കത്തെ സഹായിക്കുന്ന  ഘടകം. നമ്മുടെ ഉറക്ക രീതിയും മറ്റും പാരമ്പര്യത്തിന്റെ ഘടകമായ ഡി. എന്‍. എയാണ് നിശ്ചയിക്കുന്നതെങ്കിലും മാനസിക സമ്മര്‍ദം, ജോലിസ്വഭാവം, രോഗം, മാനസിക പ്രശ്നങ്ങള്‍ എന്നിവ അടക്കമുള്ള കാര്യങ്ങള്‍ ഉറക്കം കുറയ്ക്കാറുണ്ട്.

ഗുളികയും മറ്റും നല്‍കിയാണ് ഈ പ്രശ്നം കുറയ്ക്കുന്നത്. ചെറുചൂട് പാല്‍ കുടിക്കുന്നത് ഉറക്കം നല്‍കും. അതുപോലെയോ അതിനേക്കാള്‍ മെച്ചമോ ആണ് ചെറി ജ്യൂസ് കുടിക്കുന്നത്.   https://noufalhabeeb.blogspot.com/?m=1

റോസ് വാട്ടർ

  റോസ് വാട്ടർ ഇനി വീടുകളിൽ തയ്യാറാക്കാം

ചന്ദനവും റോസ് വാട്ടറും കലര്‍ത്തിയ മിശ്രിതം കണ്ണിന് ചുറ്റും പുരട്ടിയാല്‍ കണ്ണിന് കുളിര്‍മ്മ ലഭിക്കും.മുഖക്കുരു, തൊലിയിലെ കറുത്ത പാടുകള്‍ തുടങ്ങിയവ അകറ്റാന്‍ ഒന്നിടവിട്ട ദിവസങ്ങളില്‍ കോട്ടണ്‍ തുണി റോസ് വാട്ടറില്‍ മുക്കി മുഖം തടവുക.രാത്രി ഉറങ്ങുന്നതിന് മുമ്പ് ശരീരത്തില്‍ റോസ് വാട്ടര്‍ പുരട്ടിയാല്‍ ചര്‍മ്മത്തിലെ അഴുക്ക് പോയിക്കിട്ടും, എന്ന് മാത്രമല്ല ശരീരത്തിലെ ഈര്‍പ്പം നിലനിര്‍ത്താന്‍ ഇത് സഹായിക്കുകയും ചെയ്യും. ഏത് തരം ചര്‍മ്മത്തിനും അനുയോജ്യമായ ഒന്നാണ് റോസ് വാട്ടര്‍. മോയിസ്ചറൈസറിനൊപ്പം റോസ് വാട്ടര്‍ രണ്ടോ മൂന്നോ തുള്ളി ചേര്‍ത്ത് നന്നായി മിക്സ് ചെയ്ത് ഉപയോഗിക്കാവുന്നതാണ്.

സ്‌കിന്‍ ടോണറായാണ് റോസ് വാട്ടര്‍ പ്രവര്‍ത്തിക്കുന്നത്. അത് കൊണ്ട് തന്നെ വില കൂടിയ സ്‌കിന്‍ ടോണറുകള്‍ക്ക് പകരമായി റോസ് വാട്ടര്‍ ഉപയോഗിക്കാവുന്നതാണ്. മുഖത്ത് അടിഞ്ഞു കൂടിയ അഴുക്കും എണ്ണയും എല്ലാം നീക്കി സൗന്ദര്യം നിലനിര്‍ത്താനും മുഖത്തെ പിഎച്ച് ലെവല്‍ നിയന്ത്രിച്ച് നിര്‍ത്താനും ഇത് ഏറെ സഹായകമാണ്.

മുഖത്തിന് മാത്രമല്ല കണ്ണുകള്‍ക്കും റോസ് വാട്ടര്‍ വളരെ അധികം ഉപകാരപ്രദമാണ്.

ഉപോയിഗിക്കേണ്ട വിധം; റോസ് വാട്ടര്‍ ഫ്രിഡ്ജില്‍ വെച്ച് തണുപ്പിച്ചെടുക്കുക. തണുപ്പിച്ചെടുത്ത റോസ് വാട്ടര്‍ പഞ്ഞിയിലാക്കി കണ്ണിന് മുകളില്‍ വെക്കുക. അല്‍പനേരം കഴിഞ്ഞ് എടുത്ത് മാറ്റുക. ഇത് കണ്ണിന്‍ കുളിര്‍മ്മയും മിഴിവും നല്‍കും.

മുഖക്കുരു ഇല്ലാതാക്കാന്‍ ഏറ്റവും നല്ലൊരു പരിഹാര മാര്‍ഗമാണ് റോസ് വാട്ടര്‍. റോസ് വാട്ടറിലെ ആന്റി ബാക്ടീരിയല്‍ ഘടകങ്ങളാണ് മുഖക്കുരുവിനെ ഇല്ലാതാക്കുന്നത്.

ചെയ്യേണ്ട വിധം; അല്‍പം നാരങ്ങനീരില്‍ റോസ് വാട്ടര്‍ ചേര്‍ത്ത് മുഖക്കുരുവുള്ള സ്ഥലത്ത് പുരട്ടുക. ഇരുപത് മിനിട്ടിന് ശേഷം തണുത്ത വെള്ളത്തില്‍ ഇത് കഴുകിക്കളയുക.

ജൈവ രീതിയില്‍ കൃഷി ചെയ്തതോ വീട്ടില്‍ വളര്‍ത്തുന്നതോ ആയ 3 റോസാപ്പൂക്കള്‍ എടുക്കുക. ഇതിന്റെ ഇതളുകള്‍ വേര്‍പ്പെടുത്തിയെടുത്ത് നന്നായി കഴുകിയെടുക്കുക. ഇതളുകള്‍ ഒരു സ്റ്റീല്‍ പാത്രത്തിലിട്ട് ഇതളുകള്‍ക്ക് ആനുപാതികമായ അളവില്‍ വെള്ളം ഒഴിച്ചു കൊടുക്കുക. ഇത് 10 മിനിറ്റ് നന്നായി ചൂടാക്കുക.

തിളച്ചു കഴിയുമ്പോള്‍ റോസ് നിറത്തിലുള്ള ദ്രാവകം ലഭിക്കും. ഇത് ചൂടാറാന്‍ അനുവദിക്കുക. ഇതളുകള്‍ മാറ്റിയശേഷം ദ്രാവകം ഒരു സ്‌പ്രേ ബോട്ടിലിലേക്ക് മാറ്റാം. ബാക്കിയുള്ളത് മറ്റൊരു പ്ലാസ്റ്റിക് ബോട്ടിലിലാക്കി ഫ്രിഡ്ജില്‍ സൂക്ഷിക്കാം   https://noufalhabeeb.blogspot.com/?m=1

കിഴി ബിരിയാണി

ഇന്ന് നമുക്ക്‌ പെരുന്നാൾ സ്പെഷ്യൽ കിഴി ബിരിയാണി എങ്ങനെ തയ്യാറാക്കാം എന്ന് നോക്കാം

ഹോട്ടലിൽ മാത്രമല്ല ഒന്നു ശ്രമിച്ചാൽ വീട്ടിലും ഉണ്ടാക്കാവുന്ന ഒന്നാണ് കിഴി ബിരിയാണി. ഇതാ വീട്ടിൽ വെച്ചു തയ്യാറാക്കാവുന്ന കിഴി ബിരിയാണിയുടെ റെസിപ്പി    https://noufalhabeeb.blogspot.com/?m=1

                 ചേരുവകൾ

1. ചിക്കൻ - 12 കഷ്ണം

2. ചെറിയ ഉള്ളി ചെറുതായി അരിഞ്ഞത് - 1 കപ്പ്

3. സവാള കനം കുറച്ച് അരിഞ്ഞത് - ഒന്ന് വലുത്

4. തക്കാളി - രണ്ട് എണ്ണം

5. ഇഞ്ചി-വെളുത്തുള്ളി പേസ്റ്റ് - 2 ടേബിൾസ്പൂൺ

6. കാന്താരി മുളക്/പച്ചമുളക് - അഞ്ചെണ്ണം

7. കട്ടിയുള്ള തേങ്ങാപ്പാൽ - ഒരു കപ്പ്

8. മഞ്ഞൾപ്പൊടി - അര ടീസ്പൂൺ

9. കുരുമുളകുപൊടി - 1 ടീസ്പൂൺ

10. കശ്മീരി മുളകുപൊടി - 1 ടീസ്പൂൺ

11. ഗരംമസാല - 1 ടീസ്പൂൺ

12. ചെറുനാരങ്ങ - ഒന്ന്

              ചോറിന്

13. കൈമ അരി - അര കിലോ

14. പട്ട, ഗ്രാമ്പു, തക്കോലം, ഏലക്ക - നാല് വീതം

15. ഇഞ്ചി, പച്ചമുളക് ചെറുതായി അരിഞ്ഞത് - 2 ടീസ്പൂൺ

16. സവാള നീളത്തിൽ കനം കുറച്ചു അരിഞ്ഞത് - ഒന്ന് വലുത്

17. അണ്ടിപ്പരിപ്പ്, കിസ്മിസ്, നെയ്യ്, സൺഫ്ലവർ ഓയിൽ, കറിവേപ്പില, മല്ലിയില, റോസ് വാട്ടർ, വാഴയില - ആവശ്യത്തിന്

                തയ്യാറാക്കുന്ന വിധം

ചൂടായ പാനിലേക്ക് എണ്ണ ഒഴിച്ച് ഇഞ്ചിയും വെളുത്തുള്ളിയും അരച്ചത് ഇട്ട് ബ്രൗൺ നിറമാകുന്നതു വരെ വഴറ്റുക. അതിലേക്ക് ചെറിയ ഉള്ളി അരിഞ്ഞതും സവാള അരിഞ്ഞതും കാന്താരി മുളക് അരിഞ്ഞതും ചേർത്ത് വഴറ്റുക. പാകത്തിന് ഉപ്പ് ചേർക്കുക. നന്നായി വഴന്നാൽ മഞ്ഞൾപ്പൊടി, കശ്മീരി മുളകുപൊടി, കുരുമുളകുപൊടി, ഗരംമസാല എന്നിവ ചേർത്ത് നന്നായി വഴറ്റുക. അതിനുശേഷം തേങ്ങാപ്പാൽ ഒഴിക്കുക. നന്നായി കുറുകുമ്പോൾ അതിലേക്ക് ചിക്കൻ കഷ്ണങ്ങൾ ഇടുക. തിളയ്ക്കുമ്പോൾ തക്കാളി ക്യൂബ് ആയി അരിഞ്ഞത് ചേർക്കുക, കുറച്ചു നാരങ്ങാ നീരും ചേർക്കുക. ചിക്കൻ വെന്തു കഴിയുമ്പോൾ തുറന്നുവെച്ച് വറ്റിക്കുക. ഒരുവിധം വറ്റിയ ശേഷം ചെറിയ തീയിൽ മൂടിവയ്ക്കുക. നന്നായി എണ്ണ തെളിയുന്നത് വരെ വച്ച ശേഷം ഇറക്കുന്നതിനു മുമ്പ് മല്ലിയില ചേർക്കുക.

             ഇനി റൈസ് തയാറാക്കാം

അരിഞ്ഞ ഇഞ്ചിയും പച്ചമുളകും പട്ട, ഗ്രാമ്പു, തക്കോലം, ഏലക്ക എന്നിവയും എടുത്ത് വൃത്തിയുള്ള ഒരു കോട്ടൺ തുണിയിൽ കിഴികെട്ടുക. ഒരു ഗ്ലാസ് അരിക്ക് രണ്ടു ഗ്ലാസ് വെള്ളം എന്ന കണക്കിൽ വെള്ളം അടുപ്പിൽ വെച്ച് കിഴിയും ഇട്ട് തിളയ്ക്കാൻ വയ്ക്കുക. വെള്ളം തിളയ്ക്കുമ്പോഴേക്കും സവാള വറുത്തു കോരാം. വറുക്കാൻ ആവശ്യമുള്ള എണ്ണയിൽ പകുതി നെയ്യും പകുതി സൺഫ്ലവർ ഓയിലും എടുക്കുക. അണ്ടിപ്പരിപ്പും കിസ്മിസും കറിവേപ്പിലയും വറുത്തു കോരുക. പിന്നെ സവാള നല്ല ബ്രൗൺ നിറമാവുന്നത് വരെ വറുത്ത് കോരുക. ഇനി ആ എണ്ണ മാറ്റി പാത്രത്തിൽ അൽപ്പം പുതിയ നെയ്യ് ചേർത്ത് കഴുകി വാർത്തുവച്ച അരി ചേർക്കുക. മൂന്ന്-നാല് മിനിറ്റ് നന്നായി ഇളക്കുക. അപ്പോഴേക്കും വെള്ളം തിളച്ചിട്ടുണ്ടാവും. ആ വെള്ളം കിഴിയടക്കം അരിയിലേക്ക് ഒഴിക്കുക. പാകത്തിന് ഉപ്പും ചേർക്കാം.

തിളച്ച ശേഷം ചെറിയ തീയിൽ ചോറ് വറ്റിച്ചെടുക്കുക. ചൂടായ ദോശക്കല്ലിൽ ആ പാത്രം കുറച്ചുസമയം വയ്ക്കുക. എന്നിട്ട് മസാലക്കിഴി എടുത്തു മാറ്റാം. വലിയ കിഴി ഉണ്ടാക്കി ബിരിയാണി ദം ആക്കാം. വാട്ടിയ വാഴയില എടുത്ത് അതിൽ കുറച്ചു റൈസ് ഇടുക. അതിനു മീതെ മസാല പിന്നെ റൈസ് അതിനു മുകളിൽ വറുത്തുവച്ച സവാള, കറിവേപ്പില, അണ്ടിപ്പരിപ്പ്, കിസ്മിസ് എന്നിവ ഇടുക. അരിഞ്ഞ മല്ലിയില, ഒരു ടീസ്പൂൺ റോസ് വാട്ടർ, ഒരു ടീസ്പൂൺ നെയ്യും കൂടി ചേർത്ത് വാഴയില കിഴി കെട്ടുന്നതു പോലെ കെട്ടുക. നാല് കിഴി ഉണ്ടാവും. ഓരോ പോർഷൻ റൈസ് ആണ് ഓരോ കിഴി. അപ്പച്ചെമ്പിൽ വച്ച് 20 മിനിറ്റ് ആവി കയറ്റിയാൽ കിഴി ബിരിയാണി റെഡി.     https://noufalhabeeb.blogspot.com/?m=1

മരച്ചീനി ചിപ്സ്

നമുക്ക്‌ മരച്ചീനി (tapioca chips) ചിപ്‌സ്‌ തയ്യാറാക്കുന്നത്‌ എങ്ങനെ എന്ന് നോക്കാം.. തെക്കേ ഇന്ത്യയിൽ കൂടുതലായി ഉപയോഗിക്കുന്ന ഒരു പലഹാരമാണ് കപ്പ ചിപ്സ്.ഇത് എല്ലാ പ്രായക്കാർക്കും ഒരുപോലെ ഇഷ്ടമുള്ള വിഭവമാണ്.കപ്പയുടെ തോലുമാറ്റി കഴുകി വൃത്തിയാക്കിയ ശേഷം കനം കുറച്ചു മുറിച്ചു എണ്ണയിൽ വറുത്തുകോരി അതിലേക്ക് ഉപ്പും മറ്റു സുഗന്ധവ്യഞ്ജനങ്ങളും ചേർത്തു ഉപയോഗിക്കാവുന്നതാണ്. ഇത് വളരെ ആരോഗ്യകരമായ ഭക്ഷണമാണ്.കാരണം കപ്പയിൽ ധാരാളം അന്നജവും പോഷകമൂല്യവും അടങ്ങിയിരിക്കുന്നു.ഇത് വളരെ ക്രിസ്പി ആയതിനാൽ ചായയോടൊപ്പം കഴിക്കാൻ മികച്ച പലഹാരമാണ്. വൃത്തിയാക്കൽ ഒഴിച്ചുകഴിഞ്ഞാൽ മരച്ചീനി ചിപ്സ് ഉണ്ടാക്കുന്നത് വളരെ എളുപ്പമാണ്.നന്നായി പാചകം ചെയ്തു വായു കയറാത്ത പാത്രത്തിൽ സൂക്ഷിച്ചാൽ ദീർഘനാൾ കേടുകൂടാതിരിക്കും.ഇതുണ്ടാക്കാനുള്ള വഴികൾ ചുവടെ കൊടുക്കുന്നു.   https://noufalhabeeb.blogspot.com/?m=1

           ആവശ്യമായ സാധനങ്ങൾ

കപ്പ

പൊരിക്കാൻ ആവശ്യമായ  എണ്ണ

ഉപ്പ്

മുളകുപൊടി

           തയ്യാറാക്കുന്ന വിധം

1. കപ്പ നല്ലപോലെ കഴുകുക.

2. തോല്‍ പൂര്‍ണമായും കളയുക.

3. വട്ടത്തില്‍ കനം കുറച്ച് കഷ്ണങ്ങളാക്കുക.

4. തവയിൽ എണ്ണ ചൂടാക്കി നുറുക്കിയ കപ്പ അതിലേക്കിടുക.

5. മീഡിയം തീയിൽ വച്ച് നന്നായി വേവിക്കുക.

6. പൊരിയൽ ശബ്ദം നിൽക്കുമ്പോൾ കപ്പ പാകമായി എന്ന് മനസിലാക്കാം.അപ്പോൾ പാനിൽ നിന്നും കോരി മാറ്റുക.

7. ഇതിലേക്ക് ഉപ്പും മുളക് പൊടിയും ചേർക്കുക.

      നിർദ്ദേശങ്ങൾ

1. കപ്പ നല്ലപോലെ കഴുകുക.

2. വറുക്കാനിടുന്നതിനു മുന്‍പ് ഓയില്‍ നല്ലപോലെ തിളച്ചിട്ടുണ്ടാകണം.

3. ഇടത്തരം ചൂടില്‍ വേണം ഇതു വറുത്തെടുക്കാന്‍.

ഒരു കപ്പ്‌ കപ്പ വറുത്തതിൽ അടങ്ങിയിരിക്കുന്ന പോഷണങ്ങൾ

കലോറി - 20 മില്ലിഗ്രാം

 കൊഴുപ്പ് - 1 ഗ്രാം

പ്രോട്ടീന്‍ - 1 ഗ്രാം

 കാര്‍ബോഹൈഡ്രേറ്റ് - 35 ഗ്രാം

ഡയറ്റെറി ഫൈബര്‍ - 1 ഗ്രാം

https://noufalhabeeb.blogspot.com/?m=1

മാംഗൊ ഫലൂദ

ഇന്ന് നമുക്ക്‌ വീട്ടിൽ വച്ച്‌ തന്നെ എളുപ്പത്തിൽ മാംഗൊ ഫലൂദ തയ്യാറാക്കാം എന്ന് നോക്കാം.

               ചേരുവകൾ   https://noufalhabeeb.blogspot.com/?m=1

മാമ്പഴം-2എണ്ണം

മിക്സഡ് ഫ്രൂട്ട്സ്-11/2കപ്പ്

ട്യൂട്ടി ഫ്രൂട്ടി,നട്ട്സ്,ചെറി-ആവശ്യത്തിന്

പഞ്ചസാര-പാകത്തിന്

പാൽ-1കപ്പ്

മിൽക്ക്മെയ്‌ഡ്-1/4കപ്പ്

വാനില ഐസ്ക്രീം-ആവശ്യത്തിന്

കസ് കസ്/സബ്ജ സീഡ്സ്-1സ്‌പൂൺ

വെർമിസെലി-1/4കപ്പ്

          തയ്യാറാക്കുന്ന വിധം

ഒരു ബൗളിൽ ഫ്രുട്ട്സ് അരിഞ്ഞത്,നട്ട്സ്,ട്യുട്ടി ഫ്രൂട്ടി പാകത്തിന് പഞ്ചസാര എന്നിവ ചേർത്തു യോജിപ്പിച്ചു ഫ്രിഡ്ജിൽ വെക്കുക..

മാമ്പഴം ചെറിയ കഷ്ണങ്ങൾ ആക്കിയതും പാലും പഞ്ചസാരയും ചേർത്ത് ബ്ലെൻഡ് ചെയ്തു ഒരു ബൗളിൽ ആക്കി ഫ്രിഡ്ജിൽ വെക്കുക..

1 കപ്പ് വെള്ളത്തിൽ കസ്കസ് ഇട്ടു 20 മിനിറ്റ് കുതിർത്ത ശേഷം വെള്ളം ഊറ്റി കളഞ്ഞു ഫ്രിഡ്ജിൽ വെക്കുക…

ഒരു പാനിൽ പാൽ തിളപ്പിക്കുക…ഇതിലേക്ക് വെർമിസെലി ഇട്ടു വേവിക്കുക..വെന്ത ശേഷം പഞ്ചസാരയും മിൽകമൈഡും  ചേർത്ത് ഇളക്കി നന്നായി മിക്സ് ചെയ്‌തശേഷം അടുപ്പിൽ നിന്ന് വാങ്ങി ചൂടാറാൻ വെക്കുക …

തണുപ്പിക്കാൻ വെച്ചതെല്ലം പുറത്തേക്കു എടുക്കുക….

ഇനി ഒരു നീളമുള്ള ഗ്ലാസ് എടുത്തു കുറച്ചു ഫ്രൂട്ട്സ് അരിഞ്ഞത് ഇടുക..മുകളിൽ കസ്കസ് കുതിർത്തത് കുറചു ഇടുക..ഇതിനു മുകളിൽ വെർമിസെലി ഇട്ടു മുകളിൽ ബ്ലെൻഡ് ചെയ്തു വെച്ച മംഗോ ഇടുക…ഒരു സ്കൂപ് ഐസ്ക്രീം ഇട്ടു വീണ്ടും ഒരു തവണ കൂടി ഇങ്ങനെ ചെയ്യുക…മുകളിൽ ഐസ് ക്രീം,ചെറി ,മാമ്പഴം അരിഞ്ഞത്,ട്യുട്ടി ഫ്രൂട്ടി ഇട്ടു അലങ്കരിച്ചു വിളമ്പാം    https://noufalhabeeb.blogspot.com/?m=1

ഗോപി 65

ഏവർക്കും പ്രിയപ്പെട്ട ഒരു വിഭവമാണ് ഗോപി 65. വളരെ രുചികരവുമായ ഇവ എങ്ങനെ തയ്യാറാക്കാം എന്ന് നോക്കാം.

            ചേരുവകൾ

കോളിഫ്ലവർ - ഒന്നിന്റെ പകുതി

ഇഞ്ചി വെളുത്തുള്ളി അരച്ചത് -1 1/2 ടീസ്പൂൺ

മുളക്പൊടി - ഒന്നര ടേബിൾസ്പൂൺ

കശ്‍മീരി മുളക്പൊടി - 1 ടേബിൾസ്പൂൺ

ഗരം മസാല - അരടീസ്പൂൺ

കുരുമുളക്പൊടി - അരടീസ്പൂൺ

മുട്ട - 1 എണ്ണം

നാരങ്ങാനീര് - 1 ടേബിൾസ്പൂൺ

കെച്ചപ്പ് - 1 ടേബിൾസ്പൂൺ

കോൺഫ്ലോർ - കാൽ കപ്പ്

മൈദാ - 2 ടേബിൾസ്പൂൺ

അരിപ്പൊടി - 1 ടേബിൾസ്പൂൺ

ഉപ്പ് - ആവശ്യത്തിന്‌

മഞ്ഞൾ പൊടി - 3-4 നുള്ള്‌

ഓയിൽ - ഫ്രൈ ചെയ്യാൻ ആവശ്യമായത്‌

      തയ്യാറാക്കുന്ന വിധം

തിളക്കുന്ന വെള്ളത്തിലേക്ക്‌  ഉപ്പ് ,മഞ്ഞൾപൊടി എന്നിവ ചേർക്കുക . ഇതിലേക്കു കോളിഫ്ലവർ ഇട്ട്‌ 2 മിനുട്ട് തിളപ്പിച്ചെടുക്കുക .ഒരു ബൗളിൽ ബാക്കിയെല്ലാ ചേരുവകളും കുറച്ചു വെള്ളവും  ചേർത്ത് മസാല ബാറ്റർ തയ്യാറാകുക .ഇതിലേക്കു കോളിഫ്ലവറിട്ട് 10 മിനുട്ട് റസ്റ്റ് ചെയ്യാൻ വെക്കുക .ശേഷം ഫ്രൈ ചെയ്തെടുക്കുക.അവസാനമായി കറിവേപ്പില പച്ചമുളക് എന്നിവ ഫ്രൈ ചെയ്തത് ചേർത്ത് അലങ്കരിക്കാം.   https://noufalhabeeb.blogspot.com/?m=1

ബനാന കേക്ക്

ഈസി ടേസ്റ്റി ബനാന കേക്ക്

ഏത്തപ്പഴം കൊണ്ട് രുചികരമായി തയാറാക്കാവുന്ന കേക്ക് രുചിയാണിത്. നെയ്യിൽ വഴറ്റിയെടുക്കുന്ന ഏത്തപ്പഴത്തിന്റെ രുചിയിൽ തയാറാക്കുന്ന പെട്ടെന്നു തയാറാക്കാം.

            ചേരുവകൾ

ഏത്തപ്പഴം – അര കിലോ

നെയ്യ് – രണ്ടു ടേബിൾ സ്പൂൺ

പഞ്ചസാര – രണ്ടര ടേബിൾ സ്പൂൺ

പാൽ – ഒരു ഗ്ലാസ്

മുട്ട –ആറെണ്ണം

കോൺഫ്ലവർ– ഒരു ടേബിൾ സ്പൂൺ

വാനില എസൻസ് – രണ്ടു തുള്ളി

റിഫൈൻഡ് ഓയിൽ – രണ്ടു ടേബിൾ സ്പൂൺ

അണ്ടിപ്പരിപ്പ് ചെറുതായി അരിഞ്ഞത് – ഒരു ടേബിൾ സ്പൂൺ

കിസ്മിസ്– ഒരു ടേബിൾ സ്പൂൺ

കസ്കസ് – രണ്ടു ടീസ്പൂൺ

               പാകം ചെയ്യുന്ന വിധം

ഏത്തപ്പഴം ചെറുതായി നുറുക്കി നെയ്യ് ചേർത്ത് ഇളം ബ്രൗൺ നിറമാകുന്നതുവരെ വഴറ്റുക. മുട്ടയും പഞ്ചസാരയും കൂടി ബീറ്റ് ചെയ്യുക. പാലിൽ കോൺഫ്ലവറും വാനില എസൻസും ചേർത്ത് വഴറ്റിയെടുത്ത പഴവും മുട്ടയും ചേർത്ത് ഒന്നുകൂടി കലക്കി ഒരു നോൺസ്റ്റിക്ക് പാത്രം അടുപ്പിൽ വച്ച് ചൂടായ ശേഷം ഓയിൽ ഒഴിക്കുക. കൂട്ടിവച്ച മിശ്രിതം പാത്രത്തിൽ ഒഴിച്ചു മൂടി വയ്ക്കുക. ചെറു തീയിൽ 20 മിനിറ്റ് വേവിച്ചശേഷം അണ്ടിപ്പരിപ്പ്, കിസ്മിസ്, കസ്കസ് നെയ്യിൽ വറുത്ത് മേലെ തൂവുക. കഷ്ണങ്ങളാക്കി ചൂടോടെയോ തണുപ്പിച്ചോ കഴിക്കാവുന്നതാണ്.  http://noufalhabeeb.blogspot.com/?m=1

വെജിറ്റബിൾ കോഴിക്കാൽ

തലശ്ശേരി സ്പെഷ്യൽ വെജിറ്റബിൾ  കോഴിക്കാൽ കഴിച്ചിട്ടുണ്ടോ? പേര് കോഴിക്കാൽ എന്നാണെങ്കിലും സംഗതി വെജിറ്റേറിയനാണ് . തയ്യാറാക്കാൻ വളരെ എളുപ്പവും...

              ചേരുവകൾ

കപ്പ അര കിലോ

ഇഞ്ചി  - ഒരു ചെറിയ കഷണം

വെളുത്തുള്ളി 10 അല്ലി

പച്ചമുളക്-3

കറിവേപ്പില -രണ്ട് തണ്ട്

കടലമാവ് -മുക്കാൽ കപ്പ്

അരിപ്പൊടി -കാൽ കപ്പ്

കാശ്മീരി മുളകുപൊടി -ഒരു ടേബിൾസ്പൂൺ

മഞ്ഞൾപ്പൊടി- അര ടീസ്പൂൺ

കായം പൊടി -കാൽ ടീസ്പൂൺ

ഉപ്പ് -ആവശ്യത്തിന്

എണ്ണ -വറുക്കാൻ ആവശ്യത്തിന്

                   തയ്യാറാക്കുന്ന വിധം

കപ്പ കനം കുറച്ച് നീളത്തിൽ അരിഞ്ഞെടുക്കുക. വെള്ളം തെളിയുന്നതുവരെ നന്നായി കഴുകിയ ശേഷം അര മണിക്കൂർ വെള്ളത്തിൽ മുക്കി വയ്ക്കുക.

ഇഞ്ചി, വെളുത്തുള്ളി, പച്ചമുളക് ഇവ നന്നായി ചതച്ചു വെയ്ക്കുക. ഇതിലേക്ക് ചെറുതായി അരിഞ്ഞ കറിവേപ്പില, കടലമാവ്, അരിപ്പൊടി, മുളകുപൊടി, മഞ്ഞൾപ്പൊടി, കായപ്പൊടി, ഉപ്പ് ഇവ ചേർത്ത് നന്നായി യോജിപ്പിക്കുക.

ഇതിലേക്ക് ആവശ്യത്തിന് വെള്ളം ചേർത്ത് നല്ല കട്ടിയായി യോജിപ്പിച്ചെടുക്കുക.

കപ്പ വെള്ളം ഊറ്റിക്കളഞ്ഞ ശേഷം ഇതിലേക്ക് ചേർത്ത് നന്നായി യോജിപ്പിക്കുക.

കയ്യിൽ കൊള്ളുന്ന അത്രയും ഒരുപിടി  കപ്പ എടുത്ത് ഒന്ന് അമർത്തിയ ശേഷം ചൂടായ എണ്ണയിലിട്ട്  നല്ല ബ്രൗൺ നിറത്തിൽവറുത്തു കോരുക.

രുചികരമായ വെജിറ്റബിൾ  കോഴിക്കാൽ തയ്യാർ.

https://noufalhabeeb.blogspot.com/?m=0

കൂവപ്പൊടി

രക്തസമ്മർദത്തെയും ഹൃദ്രോഗത്തെയും ഭയക്കേണ്ട; കഴിക്കാം കൂവപ്പൊടി

കൂവ കുറുക്കിയതും കൂവപ്പായസവും കഴിച്ചതിന്റെ ഓർമ നിങ്ങളിൽ പലർക്കും ഉണ്ടാകും. ഓരോ തിരുവാതിരക്കാലവും കൂവപ്പായസത്തിന്റെ രുചി ഓർമയിൽ എത്തിക്കുന്നു. കൂവയോ? എന്താണത് എന്ന മറു ചോദ്യം ചോദിക്കുന്നവരും ഇപ്പോൾ ഉണ്ടാകാം. ആരോറൂട്ട് (Arrowroot) എന്ന ഇംഗ്ലീഷ് പേര് അവർക്കൊക്കെ പരിചിതവും ആകും.

മുലപ്പാലിനോളം ഗുണങ്ങളുണ്ട് കൂവപ്പൊടിക്ക്. ദഹനപ്രശ്നങ്ങൾക്കെല്ലാം പരിഹാരമേകാന്‍ കൂവപ്പൊടിക്ക് കഴിയും. ഏതു പ്രായക്കാർക്കും കഴിക്കാവുന്ന കൂവയുടെ ഗുണങ്ങളെപ്പറ്റി കൂടുതൽ അറിയാം. 

കൂവ ദഹനത്തിനു സഹായിക്കുന്നു. ബവൽ മൂവ്മെന്റ് നിയന്ത്രിക്കുന്നു. ഇറിറ്റബിൾ ബവൽ സിൻഡ്രോം മൂലം വിഷമിക്കുന്നവർക്ക് കൂവ നല്ലതാണ്. അതിസാരത്തിനും (Diarrhea) ഉദരസംബന്ധമായ എല്ലാ പ്രശ്നങ്ങൾക്കും കൂവ ഒരു പരിഹാരമാണ്. ഓക്കാനം ഇല്ലാതാക്കാനും ഛർദ്ദി, അതിസാരം ഇവ മൂലം നഷ്ടപ്പെട്ട പോഷകങ്ങൾ ലഭിക്കാനും കൂവ സഹായിക്കും. 

∙ശരീരത്തിലെ ആസിഡ്– ആൽക്കലി ബാലൻസ് നിലനിർത്താൻ സഹായകം.

∙മറ്റ് സ്റ്റാർച്ചുകളുമായി താരതമ്യപ്പെടുത്തുമ്പോൾ വളരെ എളുപ്പത്തിൽ ദഹിക്കുന്ന കൂവപ്പൊടി, ശിശുക്കൾക്ക് വളരെ നല്ലതാണ്. കൂവ കുറുക്കി കുഞ്ഞുങ്ങൾക്ക് നൽകാം. എളുപ്പത്തിൽ ദഹിക്കും എന്നതുകൊണ്ടു തന്നെ മുലപ്പാലിനു പകരമായും കൂവ ഉപയോഗിക്കാം. 

∙ഗ്ലൂട്ടൻ, ചോളം മുതലായവയോട് അലർജി ഉള്ളവർക്ക് കൂവ പകരമായി ഉപയോഗിക്കാം. 

∙ഫോളേറ്റുകൾ ധാരാളം ഉള്ളതിനാൽ ഗർഭിണികൾക്ക് ഏറെ നല്ലതാണ്. 100 ഗ്രാം കൂവപ്പൊടിയിൽ ദിവസവും ആവശ്യമുള്ളതിന്റെ 84 ശതമാനം ഫോളേറ്റ് ഉണ്ട്. ഗർഭിണികൾ കൂവ കഴിക്കുന്നത് ഗര്‍ഭസ്ഥശിശുവിന്റെ ആരോഗ്യത്തെ സംരക്ഷിക്കും.

ഹോർമോൺ സന്തുലനം നിലനിർത്താനും കൂവ സഹായിക്കും. 

∙കൂവപ്പൊടിയിൽ ഫാറ്റ് തീരെയില്ല. കൂടാതെ കാലറിയും കുറവാണ്. ഇത് ശരീരഭാരം കുറയ്ക്കാൻ സഹായിക്കും. 

∙പൊട്ടാസ്യത്തിന്റെ കലവറയാണ് കൂവ. ഇത് ഹൃദയമിടിപ്പും രക്തസമ്മർദവും നിയന്ത്രിക്കാൻ സഹായിക്കുന്നു. ഹൃദയാ രോഗ്യത്തിനുത്തമം. 

∙രക്തചംക്രമണം മെച്ചപ്പെടുത്താൻ സഹായിക്കുന്നു. 

∙മൂത്രത്തിലെ അണുബാധ ഉള്ളവർ കൂവ കഴിക്കുന്നത് ഗുണം ചെയ്യും. 

∙ചർമത്തിനുണ്ടാകുന്ന നിരവധി പ്രശ്നങ്ങൾക്ക് കൂവ ഒരു പരിഹാരമാണ്. കൂവപ്പൊടിയിലെ സ്റ്റാർച്ച്, ടാൽക്കം പൗഡറു കളിലും മോയ്സ്ചറൈസറുകളിലും ഉപയോഗിക്കാറുണ്ട്. ഈർപ്പം വലിച്ചെടുത്ത് ചർമം മൃദുലമാവാൻ ഇത് സഹായിക്കും.

ആന്റി ബാക്ടീരിയൽ– ആന്റി സെപ്റ്റിക് ഗുണങ്ങൾ ഉള്ളതാണ് കൂവപ്പൊടി. ഇത് വെള്ളത്തിൽ ചാലിച്ച് മുറിവിൽ പുരട്ടിയാൽ എളുപ്പത്തിൽ മുറിവുണങ്ങും. 

പോഷകങ്ങൾ 

കൂവപ്പൊടിയിൽ കാലറി വളരെ കുറവാണ്. 100 ഗ്രാമിൽ 65 കാലറി മാത്രമേ ഉള്ളൂ. അമിലോപെക്റ്റിൻ (80%), അമിലേസ് (20%) എന്നീ സ്റ്റാർച്ചുകളും കൂവയിൽ ഉണ്ട്. ജീവകം എ, ബി വൈറ്റമിനുകളായ തയാമിൻ, റൈബോഫ്ലേവിൻ, നിയാസിൻ ഇവ കൂവയിൽ ഉണ്ട്. ജീവകം ബി 6, പാന്റോതെനിക് ആസിഡ്, ഫോളേറ്റ് ഇവയുമുണ്ട്. ധാതുക്കളായ കാൽസ്യം, മാംഗനീസ്, പൊട്ടാസ്യം ഇവ ധാരാളം. കൂടാതെ കോപ്പർ, അയൺ, ഫോസ്ഫറസ്, മഗ്നീഷ്യം, സിങ്ക് ഇവയും ചെറിയ അളവിലുണ്ട്. പ്രോട്ടീൻ, അന്നജം, ഭക്ഷ്യനാരുകൾ എന്നിവയാൽ സമൃദ്ധം.

കൂവപ്പൊടിയും കൂവപ്പായസവും

കൂവ എന്ന ചെടിയെയും കൂവപ്പൊടിയെയും കൂവപ്പായസ ത്തെയും പറ്റി അറിയാത്ത ധാരാളം പേർ ഇന്നുണ്ടാകാം. പണ്ട് എല്ലാ വീട്ടു പറമ്പുകളിലും കൂവച്ചെടി ഉണ്ടാകും. കൂവക്കിഴങ്ങ് വൃത്തിയാക്കി ചുരണ്ടിയോ അരച്ചോ എടുത്ത് വെള്ളത്തിലിട്ട് ഊറി വരുന്ന പൊടി പലതവണ കഴുകി തെളി ഊറ്റി എടുക്കു ന്നതാണ് കൂവപ്പൊടി. വീടുകളിൽ മുന്‍പ് ഉണ്ടാക്കിയിരുന്ന കൂവപ്പൊടി, ഇന്ന് വിപണിയിൽ ലഭ്യമാണ്. എന്നാൽ അവയെ ല്ലാം ശുദ്ധമാണ് എന്ന് പറയുക വയ്യ. വെള്ളത്തിലിട്ടാൽ പെട്ടെന്ന് അലിയുന്നതാണ് ശുദ്ധമായ കൂവപ്പൊടി. 

കൂവയുടെ ആരോഗ്യ ഗുണങ്ങൾ മുൻപേ മനസ്സിലാക്കിയവ രായിരുന്നു മലയാളികൾ, തിരുവാതിരപോലുള്ള വ്രതാനുഷ്ഠാ നങ്ങളിൽ കൂവകുറുക്കിയതിന് പ്രാധാന്യം ഉണ്ടായത് ഇതു കൊണ്ടാണ്. മുലപ്പാലിനു പകരം കുഞ്ഞുങ്ങള്‍ക്കും കൂവ കുറുക്കി നൽകിയിരുന്നു. 

ഇപ്പോൾ ബിസ്ക്കറ്റ്, പുഡ്ഡിങ്ങ് മുതലായ നിരവധി വിഭവ ങ്ങളിൽ കൂവപ്പൊടി ചേർക്കാറുണ്ട്. 

കൂവപ്പൊടി വെള്ളം ചേർത്ത് തിളപ്പിച്ച് കുറുക്കി, ശർക്കരയോ പഞ്ചസാരയോ ചേർത്ത് തേങ്ങ വിതറി കൂവപ്പായസം തയ്യാറാക്കാം. വെള്ളത്തിനു പകരം പാലും ചേർക്കാവുന്ന താണ്.

https://noufalhabeeb.blogspot.com/?m=0

ചില്ലി ചിക്കൻ കമീറ

ആദ്യം ഇതിന്റെ ഫില്ലിംഗ് ആയ ചില്ലി ചിക്കൻ ഉണ്ടാക്കാം

എല്ല് ഇല്ലാത്ത ചിക്കൻ  400 gm

(ചെറുതാക്കി മുറിച്ചെടുതത് )

ഉപ്പ്  ആവിശ്യത്തിന്

കുരുമുളക് പൊടി 1/4 tsp

കാശ്മീരി മുളക് പൊടി 1 tsp

സോയ സോസ്  1/2 tsp

ചില്ലി സോസ് 1/2 tsp

ഇഞ്ചി വെളുത്തുള്ളി പേസ്റ്റ്  1/2 tsp

ഇതെല്ലാം കൂടി ചിക്കനിൽ പുരട്ടി 1/2 മണിക്കൂർ വെക്കുക

ഒരു പാനിൽ 3 tbsp ഓയിൽ ചേർത്ത്  ചിക്കൻ ചേർത്ത് പൊരിച്ചു എടുക്കുക.. ഇതേ ഓയിലിൽ

 3 സവാള അരിഞ്ഞത്,

ഇഞ്ചി വെളുത്തുള്ളി ചെറുതാക്കി അരിഞ്ഞത് 1 tbsp, 

പച്ചമുളക്  2 എണ്ണം

കുരുമുളക് പൊടി  1/2 tsp

 ചേർത്ത് വഴറ്റുക...

ക്യാപ്സിക്കം ചെറുതായി മുറിച്ചതും ചേർക്കുക... ഇതിലേക്കു 1 tbsp ചില്ലി സോസ്,1/4 tsp സോയ സോസ് ,  1 tsp ടൊമാറ്റോ സോസ് ചേർക്കുക ശേഷം 

പൊരിച്ചു മാറ്റിയ ചിക്കൻ ചേർത്ത് മല്ലിയിലയും ചേർത്ത് ഇറക്കി വെക്കാം

        ഇനി കമീറക്ക് ഉള്ള മാവ് ഉണ്ടാക്കാൻ

മൈദ  2 കപ്പ്‌

യീസ്റ്റ്  1 tsp

പഞ്ചസാര  1 tbsp

ഉപ്പ്  1/4 tsp

പാൽ  1/2 കപ്പ്

ഓയിൽ  1 tbsp

മുട്ട  2 എണ്ണം

ബ്രെഡ് പൊടി   1 കപ്പ്

യീസ്റ്റ്, പഞ്ചസാര, ഇളം ചൂടുള്ള പാൽ ചേർത്ത്  5 മിനുട്ട് പൊങ്ങാൻ വെക്കുക.. ശേഷം മൈദയിൽ ഉപ്പ് ചേർത്ത് യോജിപ്പിച് യീസ്റ്റ് കൂട്ടും ചേർത്ത് നന്നായി കുഴച്ചെടുക്കുക.. മാവിന് പുറത്ത് ഓയിൽ പുരട്ടി   2 മണിക്കൂർ പൊങ്ങാൻ വെക്കുക

2 മണിക്കൂറിനു ശേഷം ഓരോ ചെറിയ ഉരുളകളാക്കി  .. ഒരു മുട്ട പതപ്പിച്ചതിൽ മുക്കി ബ്രെഡ് പൊടിയിൽ പൊതിഞ്ഞു ഓയിലിൽ  മീഡിയം തീയിൽ പൊരിച്ചെടുക്കാം

പൊരിച്ചെടുത്ത കമീറയിൽ നെടുകെ മുറിച് മായ്യോനൈസ് പുരട്ടി ചില്ലി ചിക്കൻ നിറക്കുക.. 

ഇഷ്ടമുള്ള വെജിറ്റബിൾ വെക്കാം cucumber, തക്കാളി etc

https://noufalhabeeb.blogspot.com/?m=0

ബീഫ്‌ അച്ചാർ

നാം പല തരം അച്ചാറുകൾ കഴിക്കാറുണ്ട്‌ ....എന്നാൽ അൽപം വ്യത്യസ്തമായ ബീഫ്‌ അച്ചാർ ഉണ്ടെങ്ങിൽ പിന്നെ ചോർ ഉണ്ണാൻ വേറെ ഒന്നും വേണ്ട ....

ബീഫ്‌ ഉപയോഗിച്ച്‌ ഒരു 'പടാർ ടമാർ' അച്ചാർ ആണ്‌  ഇന്ന് നാം ഉണ്ടാക്കുന്നത്‌.  വളരെ ടേസ്റ്റി ആയിട്ടുള്ള ഇത്‌ എങ്ങനെ തയ്യാറാക്കാം എന്ന് നോക്കാം.

            ആവശ്യം വേണ്ട സാധനങ്ങൾ

1. ബീഫ് – ഒരു കിലോ, ചെറിയ കഷണങ്ങളാക്കിയത്

2. കശ്മീരി മുളകുപൊടി – അഞ്ചു വലിയ സ്പൂൺ

3. മഞ്ഞൾപ്പൊടി – ഒരു ചെറിയ സ്പൂൺ_

_ഉപ്പ് – പാകത്തിന്

4. വെളുത്തുള്ളി – കാൽ കിലോ_

‌ _ഇഞ്ചി – കാൽ കിലോ_

 ഉലുവ കുതിർത്തത് – രണ്ടു ചെറിയ സ്പൂൺ_

5. കായംപൊടി – രണ്ടു ചെറിയ സ്പൂൺ

6. എള്ളെണ്ണ – 250 ഗ്രാം

7. കടുക് – ഒരു വലിയ സ്പൂൺ

8. പച്ചമുളക് – അഞ്ച്, പൊടിയായി അരിഞ്ഞത്_

_കറിവേപ്പില – രണ്ടു തണ്ട്, പൊടിയായി അരിഞ്ഞത്

9. വിനാഗിരി – 375 മില്ലി

           തയ്യാറാക്കുന്ന വിധം

ബീഫ് ഒരു വലിയ സ്പൂൺ മുളകുപൊടിയും മഞ്ഞൾപ്പൊടിയും ഉപ്പും ചേർത്തു പ്രഷർ കുക്കറിൽ വേവിച്ചു വെള്ളം വറ്റിച്ചെടുക്കണം.

നാലാമത്തെ ചേരുവ മയത്തിൽ അരച്ച് ബാക്കി മുളകുപൊടിയും കായംപൊടിയും ചേർത്തു വയ്ക്കണം.

ചട്ടിയിൽ അൽപം എണ്ണ ചൂടാക്കി ബീഫ് വേവിച്ചത് അരപ്പോടു കൂടി വറുത്തു കോരുക. അധികം മൂക്കരുത്. ബാക്കി വരുന്ന എണ്ണ മാറ്റി വയ്ക്കണം.

ചീനച്ചട്ടിയിൽ എണ്ണ ചൂടാക്കി കടുകു പൊട്ടിക്കുക.  ഇതിൽ പച്ചമുളകും കറിവേപ്പിലയും ചേർത്തു വഴറ്റണം. ഇതിലേക്ക് അരപ്പും പാകത്തിനുപ്പും ചേർത്തു നന്നായി വഴറ്റുക.

ഇതിലേക്ക് ബീഫ് വറുത്ത എണ്ണയും ചേർത്തു വഴറ്റി എണ്ണ തെളിയുമ്പോൾ വിനാഗിരിയും ബീഫും ചേർത്തു തിളയ്ക്കുമ്പോള്‍ വാങ്ങുക.

ചൂടാറിയ ശേഷം ഭരണിയിലാക്കി ഒരു മാസം കഴിയുമ്പോൾ ഉപയോഗിക്കാം.

തൊട്ടുകൂട്ടാൻ സ്വാദേറിയ ബീഫ് അച്ചാർ റെഡി.

ബട്ടർ ചിക്കൻ ബിരിയാണി

ഏവർക്കും പ്രിയപ്പെട്ട ഒരു വിഭവമാണ് ചിക്കൻ ബിരിയാണി. ചിക്കൻ കൊണ്ട് തന്നെ പലതരത്തിൽ ബിരിയാണി നമുക്ക്  തയ്യാറാക്കാൻ സാധിക്കും. എന്നാൽ ഇപ്പോൾ ചിക്കൻ കൊണ്ട് ഒരു ബട്ടർ ചിക്കൻ ബിരിയാണി എങ്ങനെ തയ്യാറാക്കാം എന്ന് നോക്കാം.

          ആവശ്യമായ ചേരുവകൾ

ചിക്കൻ - മുക്കാൽ കിലോ

ഇഞ്ചി വെളുത്തുള്ളി അരച്ചത് - 1 ടേബിൾസ്പൂൺ

മുളക്പൊടി - 1 ടേബിൾസ്പൂൺ

മഞ്ഞൾപൊടി - 1/4 ടീസ്പൂൺ

ജീരകം പൊടിച്ചത് - 1 ടീസ്പൂൺ

ഗരം മസാല - 1 ടീസ്പൂൺ

കുരുമുളക് പൊടി - 1 ടീസ്പൂൺ

തൈര്/നാരങ്ങാനീര് - 1 ടേബിൾസ്പൂൺ

ഉപ്പ് - ആവശ്യത്തിന്

ചേരുവകൾ എല്ലാം ചിക്കനിൽ പുരട്ടി 1 മണിക്കൂർ വച്ച ശേഷം ഒരു പാനിൽ അല്പം എണ്ണ/ വെണ്ണ പുരട്ടി ഇരുവശവും ഗ്രിൽ ചെയ്ത് എടുക്കുക.

         ചോറിന് ആവശ്യമായവ

ബസ്മതി അരി - 3 കപ്പ്

കസൂരി മേത്തി - 1/2 ടീസ്പൂൺ

ഉപ്പ് - ആവശ്യത്തിന്

കഴുകി വൃത്തിയാക്കിയ അരി ഉടഞ്ഞു പോകാതെ ആവശ്യത്തിന് ഉപ്പും കസൂരി മേത്തിയും ചേർത്ത് വേവിച്ചു വെക്കുക.

          മസാലക്ക് ആവശ്യമായവ

സവാള - 5

ഇഞ്ചി വെളുത്തുള്ളി അരച്ചത് - 1 ടേബിൾസ്പൂൺ

പച്ചമുളക് - 3

മുളക്പൊടി - 1 ടേബിൾസ്പൂൺ

ജാതിപത്രി - 1

കറുകപട്ട - 2 ചെറിയ കഷണം

ഏലക്ക - 5

ഗ്രാമ്പു - 6

തക്കാളി അരച്ചത് - 2 കപ്പ്

ഗരം മസാല - 1 ടീസ്പൂൺ

കസൂരി മേത്തി - 1/2 ടീസ്പൂൺ

ഫ്രഷ് ക്രീം - 1/2 കപ്പ്

തേൻ/ പഞ്ചസാര - 1 ടീസ്പൂൺ

മല്ലിയില അരിഞ്ഞത് - 2 ടേബിൾസ്പൂൺ

പുതിനയില അരിഞ്ഞത് - 2 ടേബിൾസ്പൂൺ

വെണ്ണ - 2 ടേബിൾസ്പൂൺ.

            തയ്യാറാക്കുന്ന വിധം

വെണ്ണ ചൂടാക്കി അതിലേക്ക് അരിഞ്ഞ പച്ചമുളക്, ജാതിപത്രി, ഏലക്ക, ഗ്രാമ്പു, പട്ട എന്നിവ ചേർത്ത് മൂപ്പിക്കുക. അതിലേക്ക് ചെറുതായി അരിഞ്ഞ സവാള, ഇഞ്ചി വെളുത്തുള്ളി അരച്ചത് എന്നിവ കോടോയ്‌ ചേർത്ത് വഴറ്റുക. ചുവന്നു വരുമ്പോൾ അതിലേക്ക് മുളക്പൊടി, കൂടി ചേർത്ത് മൂപ്പിക്കുക. അതിലേക്ക് തക്കാളി അരച്ചത് ചേർത്ത് യോജിപ്പിക്കുക. വെള്ളം വറ്റി വരുമ്പോൾ ഗരം മസാല, കസൂരി മേത്തി, കൂടി ചേർത്ത് യോജിപ്പിച്ചു ഗ്രിൽ ചെയ്ത് വച്ച ചിക്കൻ കൂടി ചേർത്ത് കൊടുക്കുക.ആവശ്യത്തിന് ഉപ്പ് ചേർക്കുക. അതിലേക്ക് തേൻ/ പഞ്ചസാര, ഫ്രഷ് ക്രീം എന്നിവ കൂടി ചേർത്ത് യോജിപ്പിച്ചു 5 മിനുറ്റ് ചെറുതീയിൽ അടച്ചു വെക്കുക.മുകളിൽ മല്ലിയില, പുതിനയില വിതറുക.

     ബിരിയാണി ലെയർ ചെയ്യാൻ ആവശ്യമായവ

സവാള നീളത്തിൽ അരിഞ്ഞു വറുത്തത് - 3/4 കപ്പ്

കശുവണ്ടി വറുത്തത് - 10-12 എണ്ണം

മല്ലിയില, പുതിനയില അരിഞ്ഞത് - 2 ടേബിൾസ്പൂൺ

വെണ്ണ - 1 ടേബിൾസ്പൂൺ

ഇഞ്ചി ചെറുതായി അറിഞ്ഞത് - 2 ടീസ്പൂൺ

കേവ്ര എസ്സൻസ്(pine essence)/ റോസ് എസ്സൻസ് - 3,4 തുള്ളി

ചുവടു കട്ടിയുള്ള പാത്രത്തിൽ അല്പം വെണ്ണ തടവി, വേവിച്ചു വച്ച ചോറിന്റെ പകുതി നിരത്തുക.

അതിനു മേലെ അല്പം അരിഞ്ഞ മല്ലിയില, ഇഞ്ചി അരിഞ്ഞത്, പുതിനയില, വറുത്ത സവാള എന്നിവ വിതറി, ചിക്കൻ മസാലയുടെ പകുതി നിരത്തുക. അതിനു മേലെ ബാക്കിയുള്ള ചോറും നിരത്തുക. ഏറ്റവും മേലെയായി ബാക്കിയുള്ള വറുത്ത സവാള, മല്ലിയില, പുതിനയില, കശുവണ്ടി എന്നിവ വിതറുക. കേവ്ര എസ്സൻസ്/ റോസ് എസ്സൻസ് 1/4 കപ്പ് വെള്ളത്തിൽ കലക്കി മുകളിൽ തൂകുക.ശേഷം മേലെ വെണ്ണ തൂകി നന്നായി അടച്ചു വച്ചു 10 മിനുറ്റ് ചെറുതീയിൽ വെക്കുക.തീ അണച്ചു 20 മിനുറ്റ് കഴിഞ്ഞു ചൂടോടെ വിളമ്പുക.

https://noufalhabeeb.blogspot.com/?m=0

ഫ്രൂട്ട്സ്‌ ഇല്ലാത്ത ജ്യൂസ്‌

ജ്യൂസ്‌ എന്ന് കേൾക്കുമ്പോൾ ഫ്രൂട്ട്‌സ്‌ എല്ലാം മിക്സിയിൽ  ഇട്ട്‌ അടിച്ചെടുക്കുന്ന ഒന്നാണ്‌ നമ്മുടെ മനസ്സിൽ ... എന്നാൽ ഇന്ന് നമുക്ക്‌ ഫ്രൂട്ട്സ്‌ ഇല്ലാത്ത ഇഫ്ത്താർ സ്പെഷ്യൽ ജ്യൂസ്‌ തയ്യാറാക്കുന്നത്‌ എങ്ങനെ എന്ന് നോക്കാം.

https://noufalhabeeb.blogspot.com/?m=0

വളരെ എളുപ്പത്തിൽ തയ്യാറാക്കാൻ പറ്റിയ ഒരു സാധാരണ ജ്യൂസ് ആണ് ഇത് . വലിയ ചിലവും ഇല്ല, രുചിയിൽ ആണെങ്കിൽ കേമനും,  ഈ ഇഫ്താറിന് ഇവൻ ഒരു താരം ആവട്ടെ...

                ചേരുവകൾ

 കട്ട പാൽ - 250 മില്ലി ലിറ്റർ

ഏലക്ക - 3 എണ്ണം

പഞ്ചസാര - ആവശ്യത്തിന്‌

         തയ്യാറാക്കുന്ന വിധം

പാൽ നേരത്തെ തിളപ്പിച്ച ശേഷം തണുപ്പിച്ച്‌ വക്കാം. ശേഷം ഫ്രീസറിൽ വച്ച കട്ട പാലും ഏലക്കായും പഞ്ചസാരയും കൂടി മിക്സിയിൽ അടിച്ചെടുത്താൽ നല്ല സൂപ്പർ ടേസ്റ്റി ഏലക്ക മിൽക്ക് ജ്യൂസ് തയ്യാറാവുന്നതാണ്.

https://noufalhabeeb.blogspot.com/?m=0

മുളപ്പിച്ച ചെറുപയര്‍

മുളപ്പിച്ച ചെറുപയര്‍ കഴിക്കുന്നത് ശീലമാക്കൂ; അറിയാം അഞ്ച് ​ഗുണങ്ങള്‍

https://noufalhabeeb.blogspot.com/?m=0

മുളപ്പിച്ച പയര്‍ വര്‍ഗങ്ങള്‍ക്ക് ഇരട്ടി പോഷക ഗുണമാണുള്ളത് ചെറുപയര്‍, വന്‍പയര്‍, കടല പയര്‍ വര്‍ഗങ്ങള്‍ മുളപ്പിച്ച്‌ ഉപയോഗിച്ചാല്‍ പോഷകഗുണം ഇരട്ടിയിലധികം ആകുമെന്ന് പലരും അറിയാതെ പോകുന്നു. പ്രോട്ടീനുകളുടെയും വിറ്റാമിനുകളുടെ കലവറയാണ് മുളപ്പിച്ച ചെറുപയര്‍.

ആയുര്‍വ്വേദ പ്രകാരം ഒരു പിടി മുളപ്പിച്ച ചെറുപയര്‍ രാവിലെ കഴിച്ചാല്‍ അത് നമ്മുടെ എല്ലാ ആരോഗ്യ പ്രശ്‌നങ്ങള്‍ക്കും പരിഹാരം കാണാന്‍ സഹായിക്കുന്നു. മുളപ്പിച്ച ചെറുപയര്‍ സ്ഥിരമായി കഴിക്കുന്നത് ജീവിത ശൈലി രോഗങ്ങളെയും മറ്റും പെട്ടെന്ന് തന്നെ ഇല്ലാതാക്കാന്‍ സഹായിക്കുന്നു. എന്തൊക്കെയാണ് ആരോഗ്യത്തിന് മുളപ്പിച്ച ചെറുപയര്‍ നല്‍കുന്ന ഗുണങ്ങള്‍ എന്ന് നോക്കാം.

   ഒന്ന്..

പ്രോട്ടീന്റെ കലവറയാണ് ചെറുപയര്‍. മുളപ്പിച്ച്‌ ഉപയോഗിക്കുമ്ബോള്‍ ഇത് എല്ലാ വിധത്തിലും ഇരട്ടി ഫലം നല്‍കുന്നു. അതുകൊണ്ട് തന്നെ ഒരു ശങ്കയും കൂടാതെ രാവിലെ വെറും വയറ്റില്‍ മുളപ്പിച്ച ചെറുപയര്‍ നിങ്ങള്‍ക്ക് ശീലമാക്കാവുന്നതാണ്. ചെറുപയര്‍ മുളപ്പിച്ച്‌ രാവിലെ കഴിക്കുന്നത് നിങ്ങളില്‍ രോഗപ്രതിരോധ ശേഷി വര്‍ദ്ധിപ്പിക്കുന്നു.

  രണ്ട്...

മുളപ്പിച്ച പയര്‍ ശരീരത്തിലെ ആസിഡിന്റെ അളവ് കുറച്ച്‌ പി എച്ച്‌ നില നിയന്ത്രിച്ചു നിര്‍ത്തുന്നതില്‍ സഹായിക്കുന്നു. ശരീരത്തിലെ ചീത്ത കൊളസ്ട്രോള്‍ അകറ്റി നല്ല കൊളസ്ട്രോള്‍ നിലനിര്‍ത്താന്‍ സഹായിക്കുന്നു.

   മൂന്ന്...

മുളപ്പിച്ച പയറില്‍ എന്‍സൈമുകള്‍ ധാരാളമുണ്ട്. ഇത് ദഹന പ്രവര്‍ത്തനങ്ങള്‍ വര്‍ധിപ്പിക്കാന്‍ സഹായിക്കും. അകാല വാര്‍ധക്യം തടയുന്ന നിരവധി ആന്റി ഓക്സിഡന്റുകള്‍ മുളപ്പിച്ച പയറില്‍ ഉണ്ട്.

  നാല്...

വാര്‍ധക്യത്തിന് കാരണമാകുന്ന ഡി.എന്‍.എകളുടെ നാശം തടയാന്‍ മുളപ്പിച്ച പയറിനു സാധിക്കുന്നു. ഇവയിലെ ആന്റി ഓക്സിന്റുകള്‍ ശരീരത്തിലെ ഫ്രീ റാഡിക്കലുകളുടെ നാശം തടയുന്നു.

 അഞ്ച്...

രക്തസമ്മര്‍ദ്ദം ഇന്നത്തെ കാലത്ത് പല വിധത്തിലുള്ള അവസ്ഥകള്‍ക്ക് കാരണമാകുന്നു. രക്തസമ്മര്‍ദ്ദം ജീവിത ശൈലി രോഗങ്ങളില്‍ പ്രധാനപ്പെട്ട ഒന്നാണ്. അതുകൊണ്ട് തന്നെ ഇത്തരം പ്രശ്‌നങ്ങള്‍ക്ക് പരിഹാരം കാണുന്നതിനും ചെറുപയര്‍ മുളപ്പിച്ച കഴിക്കുന്നത് ഉത്തമമാണ്.

https://noufalhabeeb.blogspot.com/?m=0

ബാർലി ദോശ

 

മറ്റ് ധാന്യങ്ങളെ പോലെ അധികം ഉപയോഗിക്കാത്ത ഒരു ധാന്യമാണ് ബാർലി. ഇതിൻറെ ആരോഗ്യ ഗുണങ്ങളെക്കുറിച്ച് പലർക്കും അറിയില്ല എന്നതാണ് വാസ്തവം._

ബാർലിയിൽ നാരുകൾ വളരെ കൂടുതലാണ് . തടി കുറയ്ക്കാൻ ആഗ്രഹിക്കുന്നവർക്കും പ്രമേഹരോഗികൾക്കും , കൊളസ്ട്രോൾ കൂടുതലുള്ളവർക്കും ബാർലി ഉപയോഗിക്കുന്നത് വളരെ നല്ലതാണ്.

ബാർലി കൊണ്ട് രുചികരമായ ദോശ തയ്യാറാക്കുന്നത് എങ്ങിനെ ആണെന്ന്  നോക്കാം.

https://noufalhabeeb.blogspot.com/?m=0

              ചേരുവകൾ

1. ഉഴുന്ന് -അര കപ്പ്

2. ബാർലി - ഒരു കപ്പ്

3. വെള്ളം -ആവശ്യത്തിന്

4. ഉപ്പ് -ആവശ്യത്തിന്

               തയ്യാറാക്കുന്ന വിധം

ഉഴുന്നും ബാർലിയും  നന്നായി കഴുകി നാല് മണിക്കൂർ വെള്ളത്തിൽ കുതിർത്ത് വെക്കണം.

ആവശ്യത്തിന് വെള്ളം ചേർത്ത്  നന്നായി അരച്ചെടുക്കുക.

ഇത് ആറ് മുതൽ എട്ട് മണിക്കൂർ വരെ പുളിച്ചു പൊങ്ങാൻ വെക്കണം.

ആവശ്യത്തിന് ഉപ്പു ചേർത്ത് നല്ല മൊരിഞ്ഞ ദോശ ചുട്ടെടുക്കാം. അല്പം നെയ്യ് ചേർത്താൽ നല്ല രുചിയായിരിക്കും.

https://noufalhabeeb.blogspot.com/?m=0