ചിക്കന്‍ പിരട്ട്.

നാടന്‍ ചിക്കന്‍ പിരട്ട് ഉണ്ടാക്കാം

  തിരുവനന്തപുരത്ത് പൊതുവെ കാണപ്പെടുന്ന ചിക്കന്‍ വിഭവമാണിത്. നാടന്‍ കോഴി ഉപയോഗിച്ച് ഉണ്ടാക്കുന്ന പിരട്ട് കഴിക്കാന്‍ മറ്റു സ്ഥലങ്ങളില്‍നിന്നുപോലും തിരുവനന്തപുരത്തെ ഹോട്ടലുകളില്‍ ഭക്ഷണപ്രിയര്‍ എത്താറുണ്ട്. എങ്ങനെയാണ് നാടന്‍ ചിക്കന്‍ പിരട്ട് ഉണ്ടാക്കുന്നതെന്ന് നോക്കാം

           ചേരുവകള്‍

നാടന്‍ കോഴി ചെറിയ കഷ്ണങ്ങളാക്കിയത് – ഒരു കിലോ

മുളക് പൊടി – മൂന്ന് ടീ സ്‌പൂണ്‍

മഞ്ഞള്‍ പൊടി – ഒരു ടീ സ്‌പൂണ്‍

മല്ലിപ്പൊടി – രണ്ടു ടീസ്പൂണ്‍

ഗരം മസാല പൊടി- ആവശ്യത്തിന്

ഉപ്പ് – ആവശ്യത്തിന്

വെളിച്ചെണ്ണ – ആവശ്യത്തിന്

ഉണങ്ങിയ പുതീനയില – ആവശ്യത്തിന്

കറിവേപ്പില – ആവശ്യത്തിന്

          തയ്യാറാക്കുന്ന വിധം

ചെറിയ കഷ്ണങ്ങളാക്കിയ നാടന്‍ കോഴിയില്‍ മുളകുപൊടി, മഞ്ഞപ്പൊടി, മല്ലിപ്പൊടി, ഗരം മസാല പൊടി, ഉപ്പ് എന്നിവ ചേര്‍ത്ത് ഇളക്കി 15 മിനിറ്റ് ഫ്രിഡ്ജില്‍ വയ്ക്കണം. ഫ്രിഡ്ജില്‍ വെക്കുന്നതിന് മുമ്പ് കുറച്ച് നാരങ്ങാനീര് പിഴിഞ്ഞൊഴിക്കുന്നത് നല്ലതാണ്. പൊടികള്‍ എല്ലാം പകുതിയേ ചേര്‍ക്കാവു. ബാക്കി പകുതി പിന്നെ ഉപയോഗിക്കാനുള്ളതാണ്.

വലിയൊരു ചീനച്ചട്ടിയില്‍ വെളിച്ചെണ്ണ ഒഴിച്ചു ചൂടാക്കുക. അതിലേക്കു പുതീന ഇലയും കറിവേപ്പിലയും ഇടണം. ഇതിലേക്ക് ഫ്രി‍ഡ്ജില്‍നിന്നെടുത്ത ചിക്കന്‍ കഷ്ണങ്ങള്‍ ഇടാം. നല്ലതുപോലെ തീ കൂട്ടിവെച്ച് ഇളക്കി വേവിക്കാം. ഇടയ്‌ക്കു അടച്ചുവെക്കണം. അഞ്ചു മിനിട്ട് തോറും മൂടി മാറ്റി തീ കൂട്ടി ഇളക്കണം. മൂടിവെക്കുമ്പോള്‍ തീ കുറയ്‌ക്കണം. അങ്ങനെ കോഴി മുക്കാല്‍ ഭാഗം വെന്തു വരുമ്പോള്‍, മറ്റൊരു ചെറിയ ചട്ടിയില്‍ എണ്ണ ഒഴിച്ചു കടുക് പൊട്ടിച്ച്, ബാക്കിയുള്ള പൊടികള്‍(ഉപ്പ് ഒഴികെ) ചേര്‍ത്തു കരിഞ്ഞു പോകാതെ മൂപ്പിക്കുക. അതിനുശേഷം തീയണച്ചു ആ എണ്ണ കോഴി കഷ്ണങ്ങള്‍ ഇരിക്കുന്ന ചട്ടിയിലേക്ക് ഒഴിച്ചു വീണ്ടും നന്നായി ഇളക്കണം.

നല്ല റെഡ് ബ്രൗണ്‍ നിറം ആകുന്നതുവരെ ഇളക്കണം. ഒരഞ്ചു മിനിട്ട് കൂടി മൂടി വച്ച് പിന്നേം മൂടി തുറന്നു നന്നായി ഇളക്കി തീയണച്ചശേഷം ഒരു 10 മിനിട്ട് മൂടി വച്ച ശേഷം സെര്‍വ് ചെയ്യാം. ചിക്കന്‍ വേവിക്കുമ്പോള്‍ ഇടയ്‌ക്കിടെ ഇളക്കുക്കൊടുക്കുന്നതുകൊണ്ടാണ് അതിനെ പിരട്ട് എന്നു വിളിക്കുന്നത്. ഇഞ്ചി, വെളുത്തുള്ളി, തക്കാളി, പച്ചമുളക് എന്നിവ ഉപയോഗിക്കുന്നില്ല എന്നതാണ് പിരട്ടിന്റെ പ്രത്യേകത. നാടന്‍ കോഴി ലഭിക്കാത്തവര്‍ ബ്രോയ്‌ലര്‍ ചിക്കന്‍ ഉപയോഗിച്ചു ഉണ്ടാക്കുക. അപ്പോള്‍ വേവ് കുറവായിരിക്കും. അതിനനുസരിച്ച് തയ്യാറാക്കുക. അത്യാവശ്യം എരിവുള്ള, നല്ല സ്വാദുള്ള വിഭവമാണ് നാടന്‍ ചിക്കന്‍ പിരട്ട്.  https://noufalhabeeb.blogspot.com/?m=1

സ്മൂത്തി,

മാമ്പഴം-മാതളനാരങ്ങ സ്മൂത്തി, വീട്ടില്‍ തന്നെ തയ്യാറാക്കാം ഈസിയായി 

  മാമ്പഴവും മാതളനാരങ്ങയും കൊണ്ട് ആരോഗ്യകരമായ ഒരടിപൊളി സ്മൂത്തി ആയാലോ?

എങ്ങനെ തയാറാക്കാമെന്നുനോക്കാം…

           ആവശ്യമായ ചേരുവകള്‍

മാമ്പഴം 2 എണ്ണം

മാതളം 1 ബൗള്‍

പാല്‍ 1 കപ്പ്

തണുത്ത വെള്ളം 1 കപ്പ്

ആല്‍മണ്ട് ഒരു പിടി

ഫ്‌ളാക്‌സ് സീഡ് 1 ടീസ്പൂണ്‍

പുതിന ഇല ആവശ്യത്തിന്

       തയ്യാറാക്കുന്ന വിധം

ആദ്യം ഒരു ബൗളില്‍ മാമ്പഴത്തിന്റെ പള്‍പ്പ്, മാതളനാരങ്ങ, പാല്‍, വെള്ളം, തേന്‍ എന്നിവ ഒന്നിച്ച് യോജിപ്പിക്കണം. ശേഷം ആല്‍മണ്ടും ഫ്‌ളാക്‌സ് സീഡും യോജിപ്പിച്ച് ഒരു മിക്‌സിയില്‍ അടിച്ചെടുക്കുക. ശേഷം സ്മൂത്തിക്ക് മുകളില്‍ ആവശ്യമെങ്കില്‍ പുതിനയിലയും ഐസ് ക്യൂബുകളും ചേര്‍ത്ത് വിളമ്പാം   http://noufalhabeebkitchen.food.blog

പുട്ട്

നല്ല മൃദുവായ പുട്ട് തയ്യാറാക്കാന്‍ ഇക്കാര്യങ്ങള്‍ ശ്രദ്ധിക്കാം

പുട്ട് തയ്യാറാക്കുമ്പോള്‍ വളരെയധികം ശ്രദ്ധിക്കേണ്ട ഘടകമാണ് വെള്ളം ചേര്‍ക്കുന്നത്.

"ഏറെ ആരോഗ്യപ്രദമായ പ്രാതലുകളിലൊന്നാണ് പുട്ട്. നോണ്‍ വെജ്, വെജ് കറികള്‍ക്കൊപ്പം കഴിക്കാമെന്നതും ഈ കേരളവിഭവത്തിന് പ്രിയമേറ്റുന്നു. എന്നാല്‍, പതു പതുത്ത മൃദുവായ പുട്ട് തയ്യാറാക്കുന്നത് പലര്‍ക്കും ശ്രമകരമായ ജോലിയാണ്.

ചില കാര്യങ്ങള്‍ ശ്രദ്ധിച്ചാല്‍ നല്ല മൃദുവായ പുട്ട് തയ്യാറാക്കാന്‍ കഴിയും. പൊടി കുഴയ്ക്കുമ്പോള്‍ വെള്ളം ചേര്‍ക്കുന്നത് മുതല്‍ അരിപ്പൊടിയുടെ ഗുണമേന്മ വരെ ഇതില്‍ ചില ഘടകങ്ങളാണ്. മൃദുവായ പുട്ട് തയ്യാറാക്കാന്‍ ശ്രദ്ധിക്കേണ്ട ചില കാര്യങ്ങള്‍ പരിചയപ്പെടാം.

      വെള്ളം കുറച്ചായി ചേര്‍ക്കാം"

"പുട്ട് തയ്യാറാക്കുമ്പോള്‍ വളരെയധികം ശ്രദ്ധിക്കേണ്ട ഘടകമാണ് വെള്ളം ചേര്‍ക്കുന്നത്. വെള്ളത്തിന്റെ അളവ് കൂടിയാലും കുറഞ്ഞാലും അത് കട്ടകെട്ടിപ്പോകാന്‍ കാരണമാകും. അതിനാല്‍ വെള്ളം ചേര്‍ക്കുമ്പോള്‍ ആവശ്യാനുസരണം കുറേശ്ശെയായി ചേര്‍ത്ത് കൊടുക്കാം. ആദ്യമേ ധാരാളം വെള്ളം ചേര്‍ക്കാതെ, പൊടി നനയുന്നതിന് അനുസരിച്ച് മാത്രം പടി പടിയായി ചേര്‍ത്ത് കൊടുക്കാം.

      പൊടിയുടെ ഗുണമേന്മ

വീട്ടിലുണ്ടാക്കുന്ന പുട്ടിന്റെ ഗുണമേന്മ നിര്‍ണയിക്കുന്നതില്‍ പ്രധാനപ്പെട്ട ഘടകമാണ് പുട്ടുപൊടിയുടെ ഗുണമേന്മ. നല്ല അരി പൊടിച്ചെടുത്ത് പുട്ടുപൊടി തയ്യാറാക്കാന്‍ ശ്രദ്ധിക്കണം. പുട്ടുപൊടി നേര്‍ത്ത് പോകാതെ സ്വല്‍പം തരിയിട്ട് തയ്യാറാക്കുന്നതാണ് നല്ലത്. അരിപ്പൊടി വറുത്തെടുക്കുന്നതും മൃദുവായ പുട്ട് തയ്യാറാക്കുന്നതിന് സഹായിക്കും.

         പൊടി കട്ടകെട്ടാതെ നോക്കാം

വെള്ളവും തേങ്ങയും ചേര്‍ക്കുമ്പോള്‍ ചിലപ്പോള്‍ പൊടി കട്ടകെട്ടിപ്പോകാന്‍ സാധ്യതയുണ്ട്. പുട്ടുകുറ്റിയില്‍ പൊടി ഇടുന്നതിന് മുമ്പായി പൊടിയിലെ കട്ടകള്‍ ഉടച്ച് ചേര്‍ക്കാന്‍ ശ്രദ്ധിക്കണം. അല്ലെങ്കില്‍ പുട്ട് തയ്യാറാക്കി കഴിയുമ്പോള്‍ പുട്ടിന്റെ മൃദുത്വം നഷ്ടപ്പെടാന്‍ കാരണമാകും.

       പുട്ടുകുറ്റി ഉപയോഗിക്കാം

പരമ്പരാഗത ശൈലിയിലുള്ള പുട്ട് കുറ്റിയില്‍ പുട്ട് തയ്യാറാക്കുന്നതാണ് ഏറ്റവും അനുയോജ്യം. പുട്ട് മൃദുവായി ലഭിക്കുന്നതിനും രുചി വര്‍ധിപ്പിക്കുന്നതിനും ഇത് സഹായിക്കും. മുള, അലൂമിനിയം, സ്റ്റീല്‍ എന്നിവയിലെല്ലാം നിര്‍മിച്ച പുട്ടുകുറ്റികള്‍ ഇന്ന് വിപണിയില്‍ ലഭ്യമാണ്. ഇനി പുട്ട് കുറ്റി ലഭ്യമല്ലെങ്കില്‍ അപ്പച്ചെമ്പില്‍ വൃത്തിയുള്ള കോട്ടണ്‍ തുണി വിരിച്ച് അതിനുമുകളില്‍ മാവ് ഇട്ട് പുട്ട് തയ്യാറാക്കാം.

     ആവശ്യത്തിന് മാത്രം ആവി കയറ്റാം

"പൊടി പുട്ടുകുറ്റിയില്‍ ഇട്ട് കഴിഞ്ഞാല്‍ ആവശ്യത്തിന് മാത്രം ആവി കയറ്റാം. കൂടുതല്‍ സമയം ആവി കയറ്റുന്നത് പൊടിയിലെ ജലാംശം നഷ്ടപ്പെടാനും പുട്ടിന്റെ മൃദുത്വം ഇല്ലാതാകാനും കാരണമാകും. അത് പോലെ ആവി കയറ്റുന്ന സമയം കുറഞ്ഞ് പോകാതിരിക്കാനും ശ്രദ്ധിക്കണം. കുറച്ച് സമയം മാത്രം ആവി കയറ്റുന്നത് പുട്ട് വേവാതിരിക്കാന്‍ കാരണമാകും."

പാവയ്ക്ക നൊൺച്ചെ

സ്വല്‍പം അച്ചാറില്ലാതെ മലയാളിക്കെന്ത് ഊണ്; തയ്യാറാക്കാം കൊങ്കിണി സ്റ്റൈല്‍ 'നൊണ്‍ച്ചെ'.

ചോറിനോപ്പവും ഇഡ്ഡലിക്കും ദോശയ്ക്കും കൂടെ ഇത് വിളമ്പാവുന്നതാണ്.

        പാവയ്ക്ക നൊൺച്ചെ

അച്ചാറുകള്‍ ഏതൊരു ഊണിന്റേം മാറ്റ് കൂട്ടും. അതിപ്പോ വെജിറ്റേറിയന്‍ ആണെങ്കിലും നോണ്‍ വെജിറ്റേറിയന്‍ ആണെങ്കിലും, ഒരു മൂലേല്‍ ഒരിത്തിരി അച്ചാര്‍ അത് മിക്കവര്‍ക്കും നിര്‍ബന്ധമാണ്. കൊങ്കണി ഭക്ഷണ ശീലങ്ങളിലും അച്ചാര്‍ ഒരു പ്രധാന ഘടകമാണ്.

വര്‍ഷങ്ങള്‍ കേടു കൂടാതെ ഭരണിയില്‍ വിലസി നില്‍ക്കുന്ന മാങ്ങാ അച്ചാറുകള്‍ എന്നും അടുക്കളയില്‍ കാണും. ചെറുനാരങ്ങ ആണെങ്കില്‍ അച്ചാറിനു വേണ്ടി മാത്രമായി വാങ്ങി അച്ചാറിട്ന്നതിനു പുറമെ, നാരങ്ങ വെള്ളം ഉണ്ടാക്കുന്നതിനായി പിഴിഞ്ഞ തൊണ്ടുകള്‍ പോലും ഉപ്പിലിട്ടു വെച് ശേഷം അച്ചാറിടും. വടുകപ്പുളിയും ഇലുമ്പന്‍ പുളിയുമൊക്കെ അതാത് സീസണില്‍ കുപ്പികളില്‍ ചുവന്നു തുടുത്തു നില്‍ക്കും. എന്തിനേറെ, ചക്കകാലത്ത് ഇടി ചക്ക പോലും 'കട്ഗി അട്‌ഗൈ ' എന്നാ പേരില്‍ മാങ്ങാ ചേര്‍ത്ത് അച്ചാറിടും."

ഇപ്പൊ 'ഇന്‍സ്റ്റന്റ് ' യുഗത്തിലാണല്ലോ നമ്മള്‍. അപ്പോപ്പിന്നെ അച്ചാറിലും നമ്മള്‍ 'ഇന്‍സ്റ്റന്റ് ' ആയല്ലേ പറ്റുള്ളൂ. ഇത്തരം വിഭവങ്ങള്‍ കൊങ്കണി വിശേഷ ദിവസങ്ങളില്‍ മിക്കവാറും അച്ചാറിന് പകരമായോ കൂടെയോ വിളമ്പുന്നതാണ്. പേര് അച്ചാര്‍ എന്ന് തന്നെയാണെങ്കിലും സാധാരണ അച്ചാറുകളെ പോലെ ഇവ കേടു കൂടാതെ സൂക്ഷിക്കാന്‍ പറ്റാവുന്നവയല്ല. എങ്കിലും രണ്ടും മൂന്നും ദിവസങ്ങളൊക്കെ ഫ്രിഡ്ജില്‍ സൂക്ഷിച്ച് ഉപയോഗിക്കാം. എരിവുള്ള ഒരു കറി എന്ന് വിളിക്കുന്നതായിരിക്കും ഉത്തമം.

ഇന്ന് പരിചയപെടുത്തുന്നത് പാവയ്ക്ക കൊണ്ടുള്ള 'നൊണ്‍ച്ചെ' അല്ലെങ്കില്‍ പാവയ്ക്ക അച്ചാര്‍. ഇതേ രീതിയില്‍ ചേന, ഉരുളക്കിഴങ്ങ്, കൂര്‍ക്ക കൊണ്ടൊക്കെ അച്ചാര്‍ ഉണ്ടാക്കുന്നതാണ്. ചോറിനോപ്പവും ഇഡ്ഡലിക്കും ദോശയ്ക്കും കൂടെ ഇത് വിളമ്പാവുന്നതാണ്.

        ആവശ്യമുള്ള സാധനങ്ങള്‍

പാവയ്ക്ക -1 ഇടത്തരം

വറ്റല്‍മുളക് -15- 20 എണ്ണം

വാളന്‍ പുളി -ഒരു ചെറുനെല്ലിക്ക വലുപ്പത്തില്‍

കടുക് - 2 ടീസ്പൂണ്‍

കായപ്പൊടി -1 ടീസ്പൂണ്‍

കറിവേപ്പില -2 കതിര്‍പ്പ്

വെളിച്ചെണ്ണ 2-3 ടീസ്പൂണ്‍

റിഫൈന്‍ഡ് ഓയില്‍ - വറുത്ത് കോരാനായി

ഉപ്പ് ആവശ്യത്തിന്

"പാവയ്ക്ക നേരിയതായി മുറിച്ചു ഉപ്പ് പുരട്ടി അരമണിക്കൂറോളം വയ്ക്കുക .

ശേഷം നന്നായി പിഴിഞ്ഞ് ചീനച്ചട്ടിയില്‍ ചൂടായ ഓയിലില്‍ വറുത്തു കോരുക. നല്ല ബ്രൗണ്‍ നിറത്തില്‍ മൊരിഞ്ഞു കിട്ടണം. ഇതേ സമയം വേറൊരു ചെറുപാനില്‍ ഒരു ടീസ്പൂണ്‍ എണ്ണ ചൂടാക്കി അതില്‍ വറ്റല്‍മുളക് ചെറുതീയില്‍ ചുവക്കെ വറുത്തു മാറ്റി വെയ്ക്കുക. ഇതേ എണ്ണയിലേക്ക് 1 ടീസ്പൂണ്‍ കടുകും, കായപ്പൊടിയും മൂപ്പിച്ചെടുക്കുക.

വറ്റല്‍മുളകും പുളിയും ആവശ്യത്തിന് വെള്ളം ചേര്‍ത്ത് നന്നായി മഷിപോലെ അരച്ചെടുക്കുക. അവസാനം കടുകും കായവും ചേര്‍ത്ത് ഏതാനും സെക്കന്‍ഡുകള്‍ മാത്രം അരയ്ക്കുക. ഈ അരപ്പ് ഒരു കപ്പോളം വെള്ളം ചേര്‍ത്ത് ഒരു നുള്ള് ഉപ്പുമിട്ട് നന്നായി തിളപ്പിക്കുക. ഗ്രേവി ഇത്തിരി അയഞ്ഞു തന്നെ കിടന്നോട്ടെ. കുഴപ്പമില്ല. തിളച്ചു വരുമ്പോള്‍ തീ കുറച്ചു അഞ്ചു മിനിട്ടോളം ചെറുതീയിലിട്ട് തിളപ്പിച്ച് ശേഷം വാങ്ങി വെയ്ക്കുക. ഇതില്‍ 1 ടീസ്പൂണ്‍ കടുകും കറിവേപ്പിലയും താളിച്ചു ചേര്‍ക്കാം.

ഈ ഗ്രേവി ചൂടാറിയതിനു ശേഷം മാത്രം ഇതിലേക്ക് വറുത്തു വെച്ച പാവയ്ക്ക ചേര്‍ക്കുക. 'പാവയ്ക്ക നൊണ്‍ച്ചെ' തയ്യാര്‍.   https://noufalhabeeb.blogspot.com/?m=1

പൈൻ ആപ്പിൾ ഹൽവ

ബേക്കറിയിൽ കിട്ടുന്ന രുചിയിൽ പൈൻ ആപ്പിൾ ഹൽവ വളരെ എളുപ്പത്തിൽ

        ചേരുവകൾ

പൈൻ ആപ്പിൾ - 1 കപ്പ്‌

കോൺഫ്ളർ - 5 ടേബിൾസ്പൂൺ

പഞ്ചസാര - മുക്കാൽ കപ്പ്‌

നെയ്യ് - 2 ടീസ്പൂൺ

ഏലയ്ക പൊടി - അര ടീസ്പൂൺ

വെള്ളം - 1 കപ്പ്‌

ബദാം

കശുവണ്ടി

ചെറി

             തയ്യാറാക്കുന്ന വിധം

പൈൻ ആപ്പിൾ അര കപ്പ്‌ വെള്ളം ചേർത്ത് അരച്ച് അരിപ്പയിൽ കൂടി അരിച്ചു വയ്ക്കുക.

പാൻ അടുപ്പിൽ വച്ച് പൈൻ ആപ്പിൾ ജ്യൂസ്‌ ചേർത്ത് 5 മിനുട്ട് തിളപ്പിക്കുക.

കോൺഫ്ളർ  അര കപ്പ്‌ വെള്ളത്തിൽ കലക്കിയത് അല്പം ആയി  ചേർക്കുക. നന്നായി ഇളകി കൊണ്ട് ഇരിക്കുക.ചെറിയ തീയിൽ വച്ച് വേണം ഇത് ചേർക്കാൻ.

പഞ്ചസാര കൂടി ചേർക്കുക. ഒപ്പം നെയ്യ് കൂടി ചേർക്കുക നന്നായി ഇളകി കൊണ്ട് ഇരിക്കുക.

പാത്രത്തിൽ നിന്ന് വിട്ട് വരുന്ന പരുവം ആകുമ്പോൾ ബദാം കശുവണ്ടി എന്നിവ ചേർക്കുക.

നെയ്യ് തടവിയ ഒരു പാത്രത്തിൽ മാറ്റാം. ചെറി വച്ച് അലങ്കരികാം.

തണുത്ത ശേഷം മുറിച്ചു ഉപയോഗിക്കാം.   https://noufalhabeeb.blogspot.com/?m=1

പച്ച പരിപ്പ് വട

ഒരു വെറൈറ്റി  പരിപ്പുവട ||  പച്ച പരിപ്പു വട || green   Peas parippuvada

Green peas വച്ചൊരു വെറൈറ്റി പരിപ്പുവട തയ്യാറാക്കി നോക്കിയാലൊ 

           ചേരുവകൾ

ഗ്രീൻ പീസ്: 1 കപ്പ്
സവാള: 1 
ഇഞ്ചി വെളുത്തുള്ളി അരിഞ്ഞത്  : 3 tbsp
പച്ചമുളക്: 4
വറ്റൽ മുളക്: 6
മല്ലിയില: 1/2 കപ്പ്
ഗരം മസാല: 1 ടീസ്പൂൺ
മല്ലിപൊടി: 1 ടീസ്പൂൺ
ജീരകം പൊടി: 1/2 ടീസ്പൂൺ
നാരങ്ങ നീര്: പകുതി നാരങ്ങ
ഉപ്പ്: 1 ടീസ്പൂൺ
ബേക്കിംഗ് സോഡ: 1/4 ടീസ്പൂൺ
ഉരുളക്കിഴങ്ങ്: ഒരു വലിയത്  (boiled and mashed )

Green peas 8 മണിക്കൂർ  കുതർത്തുക.  പൂർണ്ണമായും വെള്ളം കളഞ്ഞ് dry ആക്കി എടുക്കുക. ഉരുളക്കിഴങ്ങ് ഒഴികെയുള്ള എല്ലാ ചേരുവകളും ചേർത്ത് വെള്ളം ഉപയോഗിക്കാതെ  അരച്ചെടുക്കുക. ഒരുപാട് അരഞ്ഞ് പോവരുത് കൊറച്ച് തരികളൊക്കെ വേണം.
ഇപ്പോൾ 1/4 ടീസ്പൂൺ ബേക്കിംഗ് സോഡയും ഒരു വലിയ ഉരുളക്കിഴങ്ങും (boiled )ചേർത്ത്  നന്നായി യോജിപ്പിക്കുക. ഇനി നേർത്ത വട്ടം ആയി രൂപപ്പെടുത്തുക, ഓരോ വശത്തും 1 മിനിറ്റ് ഇടത്തരം മുതൽ കുറഞ്ഞ തീയിൽ deep ഫ്രൈ ചെയ്യുക.
ക്രിസ്പി പച്ച പരിപ്പ് വട ഇപ്പോൾ തയ്യാറാണ് ..  https://noufalhabeeb.blogspot.com/?m=1

പാവയ്ക്കാ 'ഗൂണ്‍ '

പാവയ്ക്കാ വിരോധികളുടെ പോലും ഹൃദയം കീഴടക്കും; തേങ്ങാപ്പാലും പച്ചമാങ്ങയും ചേര്‍ത്തൊരു വെറൈറ്റി വിഭവം.. പാവയ്ക്കാ 'ഗൂണ്‍ ' 

 പാവയ്ക്കയെ ചിലരെങ്കിലും ഇഷ്ടപ്പെടാതിരിക്കാനുള്ള കാരണം കയ്പ്പ് രുചി സഹിക്കാന്‍ പറ്റാത്തത് കൊണ്ടാണല്ലോ. എന്നാല്‍ പാവയ്ക്കയുടെ കയ്പ്പിന് കിട പിടിക്കാനെന്ന വണ്ണം പച്ചമാങ്ങയുടെ പുളിയും, പച്ചമുളകിന്റെ എരിവും, കൂടെ തേങ്ങാപ്പാലിന്റെ ഇളം മധുരവും ചേര്‍ന്നാലൊന്നു ആലോചിച്ചു നോക്കിയാട്ടെ. ഒരു കിണ്ണം ചോറുണ്ണാം. അത് പാവയ്ക്ക വിരോധികള്‍ വരെ സമ്മതിക്കും.

ഇന്ന് പരിചയപ്പെടുത്തുന്ന ഈ കറിയുടെ കൊങ്കണിയിലെ പേരാണ് പാവയ്ക്കാ 'ഗൂണ്‍ ' അല്ലെങ്കില്‍ 'ഗൂണ്'. മേലെപ്പറഞ്ഞ പോലെ എല്ലാ രുചികളുടേയും ഒരു സമ്മിശ്ര സൗന്ദര്യം. പച്ചമാങ്ങയ്ക്ക് പകരം ഇലുമ്പന്‍ പുളിയും ചേര്‍ക്കാം. ചോറിനു ഒരു ഉപ കറിയായാണ് ഗൂണ്‍ വിളമ്പുക.

            ആവശ്യമുള്ള സാധനങ്ങള്‍

പാവയ്ക്ക -1 വലുത്

പച്ചമാങ്ങ -1 ഇടത്തരം

പച്ചമുളക് - 5-6 എണ്ണം

തേങ്ങ - 1 വലുത്

കടുക് -1 ടീസ്പൂണ്‍

വറ്റല്‍മുളക് -3-4 എണ്ണം

കായപ്പൊടി - 1/2 ടീസ്പൂണ്‍

വെളിച്ചെണ്ണ - 2 ടീസ്പൂണ്‍

ഉപ്പ് - ആവശ്യത്തിന്

           തയ്യാറാക്കുന്ന വിധം

പാവയ്ക്ക ഇടത്തരം വലുപ്പത്തില്‍ ചതുര കഷ്ണങ്ങള്‍ ആക്കുക. പച്ചമാങ്ങയും വലിയ കഷ്ണങ്ങള്‍ ആക്കുക. പച്ചമുളക് നെടുകെ കീറുക. പാവയ്ക്കയില്‍ ഉപ്പ് പുരട്ടി ഒരുമണിക്കൂറോളം വെയ്ക്കാം. ശേഷം നന്നായി പിഴിഞ്ഞ് കയ്പുവെള്ളം കളയാം .

ഇനി ആവശ്യമുണ്ടെങ്കില്‍ മാത്രം പാവയ്ക്ക അല്പം വെള്ളത്തില്‍ പാതി വെന്തു വരുന്നതു വരെ വേവിച്ചു വെള്ളം ഊറ്റി കളഞ്ഞ് കഷണങ്ങള്‍ എടുക്കാം. ഇങ്ങനെ ചെയ്യുമ്പോള്‍ പാവയ്ക്കയുടെ പോഷക ഗുണങ്ങള്‍ നഷ്ടപ്പെടാന്‍ സാധ്യതയുണ്ട്. എന്നാല്‍ കയ്പ്പ് കുറഞ്ഞു കിട്ടും. ഇത് തീര്‍ത്തും ഓപ്ഷണല്‍ ആണ്.

തേങ്ങ തിരുമ്മി ഒന്നാം പാലും രണ്ടാം പാലും വേര്‍തിരിച്ചെടുക്കുക. എന്നിട്ട് പാവയ്ക്കയും പച്ചമാങ്ങയും പച്ചമുളകും ചേര്‍ത്ത് രണ്ടാംപാലില്‍ വേവിച്ചെടുക്കാം. ഉപ്പ് ചേര്‍ക്കാം.

പാവയ്ക്ക വെന്തു പാകമാകുമ്പോള്‍ ഒന്നാം പാല്‍ ചേര്‍ത്ത് തിളപ്പിക്കുക. ചാറ് തിളച്ചു സ്വല്പം കുറുകി വരുമ്പോള്‍ വാങ്ങി വെയ്ക്കാം. വാങ്ങി വെച്ചതിനു ശേഷം കടുക്, വറ്റല്‍മുളക്, കായപ്പൊടി എന്നിവ വെളിച്ചെണ്ണയില്‍ മൂപ്പിച്ച് താളിച്ചു കറിയുടെ മീതെ ഒഴിക്കാം.         https://noufalhabeeb.blogspot.com/?m=1

മീന്‍ കട്‌ലറ്റ്

മീന്‍ കട്‌ലറ്റ്, കൊതിയൂറും സ്വാദില്‍ വീട്ടില്‍ തയ്യാറാക്കാം..

നാല് മണിക്ക് ചായക്കൊപ്പം കഴിക്കാന്‍ അടിപൊളി രുചിയില്‍ മീന്‍ കട്‌ലറ്റ് തയ്യാറാക്കാം. എളുപ്പത്തില്‍ തയ്യാറാക്കാവുന്ന ഈ വിഭവം കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടപ്പെടും.

           ആവശ്യമുള്ള സാധനങ്ങള്‍

ട്യൂണ(വേവിച്ചത്) - 200ഗ്രാം

സവാള - 2 എണ്ണം

ഇഞ്ചി ചെറുതായി അരിഞ്ഞത് - 1 ടേബിള്‍സ്പൂണ്‍

വെളുത്തുള്ളി ചെറുതായി അരിഞ്ഞത് - 1 ടേബിള്‍സ്പൂണ്‍

പച്ചമുളക് ചെറുതായി അരിഞ്ഞത് - 3 എണ്ണം

ഉരുളക്കിഴങ്ങ് - 1 വലുത്

മഞ്ഞള്‍പ്പൊടി - 1/4 ടീസ്പൂണ്‍

കുരുമുളക് പൊടി - 1 ടീസ്പൂണ്‍

പെരുംജീരകം പൊടി - 1 ടീസ്പൂണ്‍

ബ്രെഡ് പൊടിച്ചത് - 2 കപ്പ്

മുട്ട - 2

മല്ലിയില അരിഞ്ഞത് - 1/4 കപ്പ്

ഉപ്പ് - പാകത്തിന്

എണ്ണ -ആവശ്യത്തിന്

          തയ്യാറാക്കുന്ന വിധം

ഒരു പാന്‍ ചൂടാക്കി അതിലേക്ക് ചെറുതായി അരിഞ്ഞ സവാള, ഇഞ്ചി, വെളുത്തുള്ളി, പച്ചമുളക് എന്നിവ ചുവക്കെ വഴറ്റുക.

അതിലേക്ക് മഞ്ഞള്‍പ്പൊടി, കുരുമുളക് പൊടി, പെരുംജീരകപ്പൊടി എന്നിവ ചേര്‍ത്ത് മൂപ്പിക്കുക. അതിലേക്ക് വേവിച്ച മീന്‍ ചേര്‍ത്ത് 1 മിനുട്ട് വഴറ്റുക. പുഴുങ്ങിപ്പൊടിച്ച ഉരുളക്കിഴങ്ങ്, പാകത്തിന് ഉപ്പ്, അരിഞ്ഞ മല്ലിയില എന്നിവ ചേര്‍ത്ത് യോജിപ്പിക്കുക.

മസലക്കൂട്ട് അല്‍പനേരം ചൂടാറാനായി വെക്കുക. ശേഷം അതില്‍ നിന്നും ഓരോ ഉരുള എടുത്ത് ഇഷ്ടമുള്ള ആകൃതിയില്‍ ആക്കി അടിച്ചുവച്ച മുട്ടയില്‍ മുക്കി ബ്രഡ് പൊടിയില്‍ പൊതിഞ്ഞു ചൂടായ എണ്ണയില്‍ വറുത്തെടുക്കുക.

ട്യൂണയ്ക്ക് പകരം ഏത് തരം മീന്‍ ഉപയോഗിച്ചും തയ്യാറാക്കാവുന്നതാണ്.

വേവിച്ചതോ അല്ലെങ്കില്‍ അല്പം മസാല ചേര്‍ത്ത് വറുത്തതോ ആയ മീന്‍ മുള്ള് മാറ്റി ഉപയോഗിക്കാം.   https://noufalhabeeb.blogspot.com/?m=1

എഗ്ഗ് ഓട്‌സ് ഉപ്പുമാവ്

എല്ലുകളുടെ ബലത്തിനും പ്രമേഹം നിയന്ത്രിക്കാനും ഓട്സും എഗ്ഗും ഉപയോഗിച്ച് ആരോഗ്യ സമ്പുഷ്ടമായ ഒരു പ്രഭാത ഭക്ഷണം

  ഓട്‌സിന് ആരോഗ്യപരമായ ധാരാളം ഗുണങ്ങളുണ്ട്. ഓട്‌സും മുട്ടയും ചേര്‍ന്നാല്‍ ഗുണം ഇരട്ടിയാവും. വളരെ എളുപ്പത്തില്‍ തയ്യാറാക്കാവുന്ന രുചികരമായ എഗ്ഗ് ഓട്‌സ് ഉപ്പുമാവ് എങ്ങനെയുണ്ടാക്കാമെന്ന് നോക്കാം.

           ആവശ്യമായ സാധനങ്ങൾ

3/4 കപ്പ് ഓട്‌സ്

1 മുട്ട

1 ടേബിള്‍സ്പൂണ്‍ എണ്ണ

1 പച്ചമുളക് ചെറുതായി മുറിച്ചത്

1 ടീസ്പൂണ്‍ ഇഞ്ചി കൊത്തിയരിഞ്ഞത്

1/2 ടീസ്പൂണ്‍ കടുക്/ജീരകം

1/4 കപ്പ് ചെറുതായി മുറിച്ച കാരറ്റ്, ഗ്രീന്‍ പീസ്, ബീന്‍സ്, കാപ്‌സികം എന്നിവ

1 ടേബിള്‍സ്പൂണ്‍ സവാള ചെറുതായി മുറിച്ചത്

മഞ്ഞള്‍പൊടി ആവശ്യത്തിന്

ഉപ്പ് ആവശ്യത്തിന്

1 ടീസ്പൂണ്‍ നാരങ്ങാനീര്

മല്ലിയില ആവശ്യത്തിന് ചെറുതായി മുറിച്ചത്

          ഉണ്ടാക്കുന്ന വിധം

ഒരു പാനില്‍ എണ്ണയൊഴിച്ച് ചൂടായിക്കഴിഞ്ഞാല്‍ കടുക് ഇടുക. ജീരകം ഇഷ്ടമുള്ളവര്‍ക്ക് അത് ചേര്‍ക്കാം. അതില്‍ സവാളയും ഇഞ്ചിയും പച്ചമുളകും ഇടുക. നന്നായി വഴറ്റിക്കഴിഞ്ഞാല്‍ പച്ചക്കറികള്‍ ചേര്‍ത്തിളക്കുക. കുറച്ചു സമയം അടച്ചു വേവിക്കുക. അതിനു ശേഷം ഓട്‌സും മഞ്ഞള്‍പൊടിയും ഉപ്പും ചേര്‍ക്കുക. അല്‍പസമയം ഇളക്കുക. അതിനു മീതെ മുട്ട പൊട്ടിച്ചൊഴിക്കുക. വേഗം തന്നെ മുട്ട ഇളക്കുക. ഇളക്കി ചേര്‍ത്ത ശേഷം അല്പസമയം ചെറിയ തീയില്‍ വേവിക്കുക. വെള്ളം നന്നായി വറ്റിക്കഴിഞ്ഞാല്‍ നാരങ്ങാനീരും മല്ലിയിലയും ചേര്‍ക്കുക. നന്നായി ഇളക്കി ചൂടോടെ വിളമ്പുക.   https://noufalhabeeb.blogspot.com/?m=1

മട്ടൻ സ്റ്റ്യൂവും കള്ളപ്പവും

ക്രിസ്തുമസിന് നാവിൽ കൊതിയൂറും മട്ടൻ സ്റ്റ്യൂവും കള്ളപ്പവും 

  മലയാളികൾക്ക് ഒഴിച്ച് കൂടാൻ പറ്റാത്ത ഒരു പ്രഭാത ഭക്ഷണമാണ് വെള്ളയപ്പം അല്ലെങ്കിൽ കള്ളപ്പം. കള്ളപ്പത്തിന്റെ കൂടെ മട്ടൻ സ്റ്റ്യൂവും എളുപ്പത്തിൽ ഉണ്ടാക്കാം. തയ്യാറാക്കേണ്ട രീതി ഇങ്ങനെ,

1. വെള്ളയപ്പം/കള്ളപ്പം

     ചേരുവകള്‍

പച്ചരി  കാല്‍ കിലോ

തേങ്ങാ 1 എണ്ണം

യീസ്റ്റ്  ഒരു നുള്ള്

പഞ്ചസാര 1 ടേബിള്‍ സ്പൂണ്‍

ഉപ്പ്  പാകത്തിന്

ചോറ്  3, 4 ടേബിള്‍ സ്പൂണ്‍

തേങ്ങാ തിരുമ്മിയത്   അരമുറി (രാവിലെ അരച്ച് ചേര്‍ക്കാന്‍)

ജീരകം  ഒരു നുള്ള് (ഇത് അരയ്ക്കുന്നത് ഓരോരുത്തരുടെ ഇഷ്ടം)

ഉള്ളി ചെറുത് ഒന്ന്

     പാകം ചെയ്യുന്ന വിധം

പച്ചരി എട്ടു മണിക്കൂര്‍ എങ്കിലും കുതിര്‍ക്കാന്‍ വയ്ക്കുക. കുതിര്‍ത്തതിനു ശേഷം അരി കഴുകി വാരി മിക്‌സിയില്‍ നന്നായി അരച്ചെടുക്കുക. അരയ്ക്കുമ്പോള്‍ ഒരു കപ്പ് തേങ്ങയും, ചോറും യീസ്റ്റും കൂടി അരയ്ക്കണം. കൂടെ ഒരു കുഞ്ഞുള്ളിയും ഒരു നുള്ള് ജീരകം കൂടി അരച്ച് ചേര്‍ക്കാം. അരി അരച്ചത് പൊങ്ങുവാന് വേണ്ടി ഏറ്റവും കുറഞ്ഞത് 8 മണിക്കൂര്‍ വയ്ക്കണം. അപ്പം ചുടുന്നതിനു രണ്ടു മണിക്കൂര്‍ മുമ്പ് അരമുറി തേങ്ങാ തിരുമ്മിയത് അരച്ച് ചേര്‍ക്കണം. തേങ്ങ അരയ്ക്കുമ്പോള്‍ നേര്‍മ്മയായി അരയേണ്ട ആവശ്യം ഇല്ല. ഇനി പാകത്തിന് ഉപ്പും പഞ്ചസാരയും ചേര്‍ത്തു നന്നായിഇളക്കി വയ്ക്കുക. രണ്ടു മണിക്കൂറിനു ശേഷം വെള്ളയപ്പം ചുട്ടെടുക്കാം. ഇങ്ങനെ ഉണ്ടാക്കിയാല്‍ രുചിയും മയവും കിട്ടും.

2 മട്ടണ്‍ സ്റ്റ്യൂ

               ചേരുവകള്‍

മട്ടണ്‍  ഒരു കിലോ (ചെറിയ കഷണങ്ങളായി മുറിച്ചത്)

ഉരുളക്കിഴങ്ങ്  രണ്ടെണ്ണം (ചെറിയ ചതുരത്തില്‍ കഷണങ്ങളാക്കിയത്)

കാരറ്റ്  ഒരെണ്ണം (ചെറിയ ചതുരത്തില്‍ കഷണങ്ങളാക്കിയത്)

സവാള  രണ്ടെണ്ണം (ചതുരത്തില്‍ അരിഞ്ഞത്)

ഇഞ്ചി  അരിഞ്ഞത് ഒരു ടേബിള്‍ സ്പൂണ്‍

വെളുത്തുള്ളി  അരിഞ്ഞത് ഒരു ടേബിള്‍ സ്പൂണ്‍

പച്ചമുളക്  രണ്ടായി കീറിയത് അഞ്ചെണ്ണം

കറുവപ്പട്ട രണ്ടു ചെറിയ കഷണം

ഏലക്കാ  4, 5 എണ്ണം

ഗ്രാമ്പൂ  4 എണ്ണം

കുരുമുളക് (പൊടിക്കാത്തത്) ഒരു ടീസ്പൂണ്‍

പെരുംജീരകം ഒരു നുള്ള്

തേങ്ങാപ്പാല്‍  ഒരു കപ്പ് (കട്ടിയുള്ളത്)

തേങ്ങാപ്പാല്‍ മൂന്നു കപ്പ് (കട്ടി കുറഞ്ഞത്)

ഉപ്പ്  പാകത്തിന്

കറിവേപ്പില രണ്ട് തണ്ട്

            പാകം ചെയ്യുന്ന വിധം

ഒരു പാനില്‍ എണ്ണ ചൂടായതിനു ശേഷം കറുവപ്പട്ട, ഗ്രാമ്പൂ, ഏലയ്ക്ക, കുരുമുളക്, പെരുംജീരകം എന്നിവ നന്നായി വഴറ്റുക. ഇനി സവാള, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ കൂടെ ചേര്‍ത്തു നല്ലതുപോലെ വഴറ്റുക. ഇതിലേക്ക് മട്ടണ്‍ കഷണങ്ങള്‍ കൂടി ചേര്‍ത്തിളക്കി കട്ടി കുറഞ്ഞ തേങ്ങാപ്പാലില്‍ വേവിയ്ക്കുക. ഏകദേശം പകുതി വേവ് ആകുമ്പോള്‍ കാരറ്റ്, ഉരുളക്കിഴങ്ങ് എന്നിവ ചേര്‍ത്തു വീണ്ടും വേവിയ്ക്കുക. നന്നായി വെന്തു കഴിയുമ്പോള്‍ കട്ടികൂടിയ തേങ്ങാപ്പാല്‍ ഒഴിച്ച് ഇളക്കുക. ഈ തേങ്ങാപ്പാല്‍ തിളയ്ക്കാന്‍ അനുവദിയ്ക്കരുത്. രണ്ടു മിനിറ്റ് ചൂടാക്കിയതിനു ശേഷം അടുപ്പില്‍ നിന്നും വാങ്ങുക. നല്ല രുചികരമായ മട്ടണ്‍ സ്റ്റൂ തയ്യാര്‍.   https://noufalhabeeb.blogspot.com/?m=1

മുട്ട മസാല ദോശ

മുട്ട മസാല ദോശ കഴിച്ചിട്ടുണ്ടോ? രുചിയില്‍ വളരെ മുന്നില്‍ നില്‍ക്കുന്ന ഒരു പ്രഭാത ഭക്ഷണം

  മസാല ദോശ നമ്മള്‍ കഴിച്ചിട്ടുണ്ടാകും. എന്നാല്‍ ആരെങ്കിലും മുട്ട മസാല ദോശ കഴിച്ചിട്ടുണ്ടോ? രുചിയില്‍ വളരെ മുന്നില്‍ നില്‍ക്കുന്ന ഒരു പ്രഭാത ഭക്ഷണമാണ് മുട്ട മസാല ദോശ. വളരെ കുറഞ്ഞ സമയംകൊണ്ട് തയാറാക്കാന്‍ കഴിയുന്ന ഒന്നുകൂടിയാണിത്. ഇത് തയാറാക്കുന്നത് എങ്ങനെയെന്ന് നോക്കാം

      ആവശ്യമുള്ള സാധനങ്ങള്‍

മുട്ട -മൂന്ന്

പച്ചരി -ഒരു കപ്പ്

ഉഴുന്ന്+ ചോറ്- അരകപ്പ്

അപ്പക്കാരം -അര ടീസ്പൂണ്‍

സവാള, തക്കാളി അരിഞ്ഞത് -ഒന്ന് വീതം

ഇഞ്ചി, വെളുത്തുള്ളി ചതച്ചത് -ഒരു ടീസ്പൂണ്‍ വീതം

മഞ്ഞള്‍പ്പൊടി -കാല്‍ ടീസ്പൂണ്‍

ഗരം മസാല, കുരുമുളകുപൊടി -അര ടീസ്പൂണ്‍ വീതം

മല്ലിയില അരിഞ്ഞത് -ആവശ്യത്തിന്

അണ്ടിപ്പരിപ്പ് -എട്ട് എണ്ണം

തേങ്ങ ചിരവിയത് -അര കപ്പ്

എണ്ണ, ഉപ്പ് ആവശ്യത്തിന്

      തയാറാക്കേണ്ട വിധം

പച്ചരി, ഉഴുന്ന്, ചോറ്, അപ്പക്കാരം എന്നിവ ദോശമാവിന്റെ അയവില്‍ അരച്ച് നന്നായി പൊങ്ങാന്‍ വയ്ക്കുക. എണ്ണ ചൂടാക്കി സവാള, തക്കാളി, ഇഞ്ചി, വെളുത്തുള്ളി എന്നിവ വഴറ്റുക. ഇതിലേക്ക് പൊടികള്‍ ചേര്‍ക്കുക. പൊടികള്‍ മൂത്തശേഷം മല്ലിയില, അണ്ടിപ്പരിപ്പ്, തേങ്ങ എന്നിവ യോജിപ്പിച്ച് മുട്ടയും ചേര്‍ത്ത് ചിക്കിപ്പൊരിച്ചെടുക്കുക.

ദോശക്കല്ല് ചൂടാക്കി എണ്ണ തടവി മാവൊഴിച്ച് പരത്തുക. ശേഷം തയ്യാറാക്കിയ മുട്ടമസാല വിതറി ദോശ മൂന്നുവശവും ത്രികോണാകൃതിയിലോ ചുരുട്ടിയോ മടക്കുക. നെയ്യ് ഒഴിച്ച് തിരിച്ചും മറിച്ചുമിട്ട് ചുട്ടെടുക്കുക. മുട്ട മസാല ദോശ റെഡി.   https://noufalhabeeb.blogspot.com/?m=1

സാൻഡ്‍വിച്ച്

പ്രമേഹം മുതൽ കൊളസ്‌ട്രോൾ വരെ കുറയ്ക്കും: എളുപ്പത്തില്‍ തയ്യാറാക്കാവുന്ന ഹെല്‍ത്തി ബ്രേക്ക്ഫാസ്റ്റ്

നുറുക്ക് ഗോതമ്പ് ഇന്ന് കടകളിലെല്ലാം വാങ്ങിക്കാൻ കിട്ടുന്ന ഒന്നാണ്. നുറുക്ക് ഗോതമ്പ് കൊണ്ട് പലതും തയ്യാറാക്കാം. ഉപ്പുമാവായോ, പുട്ടായോ എല്ലാം നുറുക്ക് ഗോതമ്പ് ഉപയോഗപ്പെടുത്തുന്നവരുണ്ട്. അതല്ലെങ്കില്‍ കഞ്ഞി ആക്കിയും കഴിക്കുന്നവരുണ്ട്. ഇതിന് പുറമെ പല മധുരപലഹാരങ്ങളിലും മറ്റ് പലഹാരങ്ങളിലും ഇതുപയോഗിക്കാറുണ്ട്.

ഒരുപാട് ആരോഗ്യഗുണങ്ങളുണ്ട് എന്നതിനാല്‍ തന്നെ മുൻകാലങ്ങളിലെല്ലാം വീടുകളില്‍ നുറുക്ക് ഗോതമ്പ് പതിവായി ഉപയോഗിച്ചിരുന്നു. ഇപ്പോള്‍ പലരും ഇതങ്ങനെ കാര്യമായി ഉപയോഗിക്കാറില്ല.

എന്തായാലും നുറുക്ക് ഗോതമ്പ് വച്ച് എളുപ്പത്തില്‍ തയ്യാറാക്കാവുന്ന, അതേസമയം രുചികരമായൊരു വിഭവമാണിന്ന് പരിചയപ്പെടുത്തുന്നത്. നുറുക്ക് ഗോതമ്പ് കൊണ്ട് സാൻഡ്‍വിച്ച് തയ്യാറാക്കുന്നതിനെ കുറിച്ചാണ് പങ്കുവയ്ക്കുന്നത്. ഇതുവച്ച് എങ്ങനെ സാൻഡ്‍വിച്ച് എന്ന് സംശയിക്കേണ്ട, ഇതുവച്ചും സാൻഡ്‍വിച്ച് തയ്യാറാക്കാവുന്നതാണ്. എങ്ങനെയെന്ന് ലളിതമായി വിശദീകരിക്കാം.

ഇതിന് നമ്മള്‍ സാധാരണ വീട്ടില്‍ അടുക്കളയില്‍ ഉപയോഗിക്കുന്ന ചേരുവകളൊക്കെ തന്നെ മതി. നുറുക്ക് ഗോതമ്പിന് പുറമെ തൈര്, ക്യാപ്സിക്കം, തക്കാളി, സ്വീറ്റ് കോണ്‍, ഉള്ളി, ചില്ലി ഫ്ളേക്സ്, ഒറിഗാനോ, ഫ്രൂട്ട് സാള്‍ട്ട്, ഉപ്പ് എന്നിവയാണ് ആവശ്യമായി വരുന്ന ചേരുവകള്‍. ഇനിയിത് എങ്ങനെയാണ് തയ്യാറാക്കുന്നതെന്ന് നോക്കാം.

ആദ്യം ചേരുവകളെല്ലാം കൂടി നന്നായി യോജിപ്പിച്ചെടുക്കണം. ഇതിനായി നുറുക്ക് ഗോതമ്പും തൈരും ആദ്യം ചേര്‍ക്കാം. അല്‍പം കട്ടിയായി വേണം ഇവ യോജിപ്പിച്ചെടുക്കാൻ. ഇനിയിതിലേക്ക് തക്കാളി, സ്വീറ്റ് കോണ്‍, ഉള്ളി, ക്യാപ്സിക്കം എന്നിവയെല്ലാം ചേര്‍ത്ത് വെള്ളവും ചേര്‍ത്ത് അധികം ലൂസാകാത്ത മാവായി കലക്കിയെടുക്കണം.

ഇനിയിതില്‍ ഉപ്പ്, ചില്ലി ഫ്ളേക്സ്, ഒറിഗാനോ എന്നിവ കൂടി ചേര്‍ത്തുകൊടുക്കുക. എല്ലാം നന്നായി യോജിപ്പിച്ച ശേഷം അഞ്ച് മിനുറ്റ് മാറ്റിവയ്ക്കുക. ശേഷം ഫ്രൂട്ട് സാള്‍ട്ട് കൂടി ചേര്‍ത്ത് യോജിപ്പിക്കണം.

ഇനിയൊരു പാൻ അടുപ്പത്ത് വച്ച് ചൂടാക്കി ഇതിലേക്ക് എണ്ണ പകര്‍ന്ന ശേഷം മാവ് ചതുരത്തില്‍ അല്‍പം കട്ടിയായി പരത്തിയെടുക്കണം. രണ്ട് ഭാഗവും നന്നായി വെന്ത് വരുമ്പോള്‍ വാങ്ങിയെടുത്ത് ക്രോസ് ആയി മുറിച്ചെടുക്കാം. നുറുക്ക് ഗോതമ്പ് കൊണ്ടുള്ള സാൻഡ്‍വിച്ച് റെഡി. നല്ലൊരു ഹെല്‍ത്തി ബ്രേക്ക്ഫാസ്റ്റ് ആയും സ്നാക്ക് ആയുമെല്ലാം ഇത് തയ്യാറാക്കാവുന്നതാണ്.   https://noufalhabeeb.blogspot.com/?m=1

കല്ലുമ്മക്കായ റോസ്റ്റ്

രുചികരമായ കല്ലുമ്മക്കായ റോസ്റ്റ് ഉണ്ടാക്കാം

  പല രീതിയില്‍ പാചകം ചെയ്യാമെങ്കിലും കല്ലുമ്മക്കായ റോസ്റ്റ് ഉണ്ടാക്കുന്നതാണ് കൂടുതൽ രുചികരം. കല്ലുമ്മക്കായ സുലഭമായി കിട്ടുന്നത് കായൽ പ്രദേശങ്ങളിലാണ്.

          ആവശ്യമുള്ള സാധനങ്ങള്‍

കല്ലുമ്മക്കായ- ഒരു കിലോ

മഞ്ഞള്‍പ്പൊടി- ഒരു ടേബിള്‍ സ്പൂണ്‍

കുരുമുളക് പൊടി-4 ടേബിള്‍ സ്പൂണ്‍

ഗരം മസാല- 4ടേബിള്‍ സ്പൂണ്‍

ഉലുവ -ഒരു നുള്ള്

ഇഞ്ചി ചതച്ചത്- ചെറിയ 2കഷ്ണം

ചുവന്നുള്ളി അരിഞ്ഞത്- 8എണ്ണം

വെളുത്തുള്ളി ചതച്ചത്- 12 എണ്ണം

പച്ചമുളക്- നാലെണ്ണം

കറിവേപ്പില 

കുരുുളക്

കടുക് 

എണ്ണ- ആവശ്യത്തിന്

കല്ലുമ്മക്കായ നല്ലതു പോലെ കഴുകി വൃത്തിയാക്കി ഉപ്പും ചുവന്നുള്ളിയും വെളുത്തുള്ളിയും ഇഞ്ചിയും മുളക് പൊടിയും മഞ്ഞള്‍പ്പൊടിയും അല്‍പം ഗരം മസാലയും ചേര്‍ത്ത് പാകത്തിന് ഉപ്പിട്ട് നല്ലതു പോലെ വേവിയ്ക്കാം. മൂടി വെച്ച് വേവിക്കുന്നതാണ് നല്ലത്.

ചീനച്ചട്ടിയില്‍ എണ്ണ ചൂടാക്കി കടുകു പൊട്ടിച്ച് അതില്‍ ഉലുവയിടുക. ഉലുവ ചുവന്നു തുടങ്ങുമ്പോള്‍ ഉള്ളിയും പച്ചമുളകും കൂടിയിട്ട് വഴറ്റുക.

ശേഷം വെളുത്തുള്ളിയും ഇഞ്ചിയും കൂടി ചേര്‍ത്ത് കുറച്ചു നേരം കൂടി വഴറ്റുക. അതിലേക്ക് മുളകുപൊടിയും മഞ്ഞള്‍പൊടിയും കൂടി ചേര്‍ത്ത് ഇളക്കിയ ശേഷം കല്ലുമ്മക്കായ ചേര്‍ക്കുക. ഇതിനോടൊപ്പം ബാക്കിയുള്ള ചേരുവകളും ചേര്‍ത്ത് നന്നായി ഇളക്കി ഇതിലേക്ക് കല്ലുമ്മക്കായ വേവിച്ച വെള്ളം ചേർക്കുക. ചാറ് വറ്റുന്നത് വരെ അടുപ്പിൽ വെച്ച് ചെറു തീയിൽ ഇളക്കുക. ശേഷം ചൂടോടെ ഉപയോഗിക്കാം.   https://noufalhabeeb.blogspot.com/?m=1

ഉപ്പുമാവ്‌

ഉപ്പുമാവിനും പാചകക്കുറിപ്പോ?

നമ്മൾ ഒരിക്കലും ഉണ്ടാക്കാൻ സാധ്യത ഇല്ലാത്ത ആദ്യമായി കേൾക്കുന്ന പേര്‌ ഉള്ള  ചില പാചകക്കുറിപ്പുകൾ അയക്കുന്നതിലും ഉപകാരമാവും ഇതെന്നാണ്‌ വിശ്വാസം .
ഉപ്പുമാവ്‌ പോലും ശരിയായ രീതിയിൽ ഉണ്ടാക്കാൻ അറിയാത്തവർ ഇപ്പോഴും ഉണ്ട്‌...

വളരെ ചുരുങ്ങിയ സമയം കൊണ്ട്‌ എളുപ്പം ഉണ്ടാക്കാൻ സാധിക്കുന്ന ഒരു വിഭവം ആണ്‌ ഉപ്പുമാവ്‌.

അത്‌ എങ്ങെനെ ഉണ്ടാക്കാം എന്ന് നമുക്ക്‌ ഒന്ന് നോക്കാം.

             ആവശ്യമായ സാധനങ്ങൾ

റവ - 2ഗ്ലാസ് (റോസ്ററഡ്)

വെളിച്ചെണ്ണ - ടേബിൾ സ്പൂൺ

കടുക് - 1 ടീസ്പൂൺ

ഉഴുന്ന്പരിപ്പ്-1/2 ടീസ്

കാരറ്റ്-1എണ്ണം

വെള്ളം - 2.5 ഗ്ലാസ്

ഉപ്പ് - ആവശ്യത്തിന്

സവാള  - 1 വലുത്

ഇഞ്ചി - 1 ചെറിയ കഷണം

പച്ചമുളക്-2എണ്ണം

കറിവേപ്പില - 2 തണ്ട്

        ഉണ്ടാക്കുന്ന വിധം

പാത്രം ചൂടാക്കി വെളിച്ചെണ്ണ ഒഴിച്ച് കടുക് ,ഉഴുന്ന് പരിപ്പ് പൊട്ടിക്കുക.ശേഷം ഇതിലേക്ക് ഇഞ്ചിയും, സവാളയും,കറിവേപ്പിലയും,പച്ചമുളകും  ഇട്ട്  വഴറ്റുക.(നിറം മാറരുത്) അതിലേക്ക്‌ വെള്ളം ഒഴിച്ച് നന്നായി തിളച്ചാൽ ഉപ്പു ചേര്‍ത്തിളക്കി റവ ചേര്‍ക്കുക. തീ കുറച്ച്    കാരറ്റ് ചേര്‍ത്ത് ഇളക്കി യോജിപ്പിക്കുക. വെള്ളം വറ്റി റവ വെന്ത ശേഷം ഇറക്കി വെക്കുക.  https://noufalhabeeb.blogspot.com/?m=1

കക്കാ ഇറച്ചി മസാല

ഉച്ചയൂണിന്റെ കൂടെ കഴിക്കാം കക്കാ ഇറച്ചി മസാല

        ആവശ്യമായ സാധനങ്ങള്‍

കക്കാ – അര കിലോ

ചെറിയ ഉള്ളി – പത്തെണ്ണം

പച്ചമുളക് – 6 എണ്ണം

ഇഞ്ചി – ഒരു ഇടത്തരം കഷണം

വെള്ളുള്ളി – 6 അല്ലി

ഉണക്ക മുളക് – 3 എണ്ണം

കുരുമുളക് – ഒരു ടീ സ്പൂണ്‍

മുളക് പൊടി – രണ്ട് ടീസ്പൂണ്‍

മഞ്ഞള്‍ പൊടി – അര ടീസ്പൂണ്‍

ഗരം മസാല – അര ടീസ്പൂണ്‍

തക്കാളി – ഒരെണ്ണം

കറിവേപ്പില അവശ്യത്തിന്

ഒരു ചീന ചട്ടിയില്‍ 3 ടേബിള്‍ സ്പൂണ്‍ വെളിച്ചെണ്ണ ഒഴിച്ച് ചൂടായതിന് ശേഷം ഉണക്കമുളക്, അരിഞ്ഞ് വെച്ചിരിക്കുന്ന ഉള്ളി, ഇഞ്ചി വെള്ളുള്ളി, പച്ചമുളക് എന്നിവ ഇടുക. ബ്രൗണ്‍ നിറം ആയതിനു ശേഷം, അതിനു ശേഷം മുകളില്‍ പറഞ്ഞിരിക്കുന്ന മസാല ഇട്ട് മൂപ്പിക്കുക മൂത്ത മണം വരുമ്പോള്‍ അല്പം വെള്ളമെഴിച്ച് തക്കാളിയും ഉപ്പും ഇട്ട് ഒന്ന് തിളപ്പിക്കുക.

തുടര്‍ന്ന് കഴുകി വൃത്തിയാക്കി വെച്ചിരിക്കുന്ന കക്കായിറച്ചി ഇട്ട് ചെറു തീയില്‍ വെച്ച് അടച്ചു വെയ്ക്കുക 10 മിനിട് നേരം കഴിഞ്ഞ് ഇറക്കി നല്ല ചുടു ചോറുമായി കഴിക്കാം.   https://noufalhabeeb.blogspot.com/?m=1

പുഡ്ഡിംഗ്

ചൈനാഗ്രാസ് ജലാറ്റിൻ ഒന്നുമില്ലാതെ വീട്ടിൽ തന്നെയുള്ള കുറഞ്ഞ ചേരുവകൾ കൊണ്ട് തയ്യാറാക്കാൻ കുട്ടികൾക്കും മുതിർന്നവർക്കും ഒരേപോലെ ഇഷ്ടപ്പെടുന്ന ഒരു കിടിലൻ പുഡ്ഡിംഗ്

    ആവശ്യമുള്ള സാധനങ്ങൾ

ബിസ്ക്കറ്റ് -ആവശ്യത്തിന്
കോൺ ഫ്ലോർ -2tbsp
പഞ്ചസാര-ആവശ്യത്തിന്
പാൽ -2 1/2കപ്പ്‌
കൊക്കോ പൗഡർ-1tbsp
പാൽപ്പൊടി -ആവശ്യത്തിന്

         തയ്യാറാക്കുന്ന വിധം

ആദ്യം തന്നെ  ഒരു പുഡിങ് ട്രേയിലേക്ക് നിങ്ങൾക്ക് ഇഷ്ടപ്പെട്ട ഏത് ബിസ്ക്കറ്റ് ആയാലും അത് ആദ്യത്തെ ലെയറായി നിരത്തി കൊടുക്കാം....

ഇനി ഒരു പാത്രത്തിലേക്ക് 2 1/2 കപ്പ് പാൽ ഒഴിക്കുക ഇതിലേക്ക് 2 ടേബിൾ സ്പൂൺ കോൺഫ്ലവർ അര കപ്പ് പാലിൽ കലക്കി ഒഴിച്ചുകൊടുക്കുക ഇനി ഇതിലേക്ക് ഒരു ടേബിൾ സ്പൂൺ കൊക്കോ പൗഡറും ആവശ്യത്തിനുള്ള പഞ്ചസാരയും ഇട്ട് നല്ലവണ്ണം ഇളക്കി കൊടുക്കുക ഒരു 10 മിനിറ്റ് ചെറിയ തീയിൽ ഇട്ട് കൈ വിടാതെ ഇളക്കി കുറുക്കി എടുക്കാം കുറുക്കി വന്നാൽ ഇത്  മാറ്റി വെക്കാം... ഇനി നേരത്തെ സെറ്റാക്കി  മാറ്റിവച്ചിരുന്ന പുഡിങ് ട്രേയിലെ ബിസ്ക്കറ്റ് മേലെ 2തവി കൊക്കോപൗഡർ പാൽ മിക്സ്‌ ഒഴിച്ചു കൊടുക്കുക... ഇനി ഇതിന്റെ മേലെ വീണ്ടും ബിസ്ക്കറ്റ് സെറ്റ് ചെയ്ത് എടുക്കുക വീണ്ടും 2തവി കൊക്കോപൗഡർ പാൽ മിക്സ്‌ ഒഴിച്ചു സെറ്റാക്കുക.... ഇനി ഇതിന്റെ മേലെ കുറച്ചു പാൽ പൊടി വിതറി കൊടുക്കുക,,, ഇനി ഇത് 6മണിക്കൂർ ഫ്രിഡ്‌ജിൽ വെച്ചൊന്നു സെറ്റ് ചെയ്യാം.... 6മണിക്കൂർ ശേഷം ഫ്രിഡ്‌ജിൽ നിന്നും എടുത്തു സെർവ് ചെയ്യാം... സ്വാദിഷ്ടമായ പുഡിങ് തയ്യാർ  https://noufalhabeeb.blogspot.com/?m=1

അരിമാവ് വച്ച് ഒരു പുത്തൻ ബ്രേക്ഫാസ്റ് വെറും 10 മിനുറ്റിൽ

            ചേരുവകൾ

അരി മാവ്  - 1 കപ്പ്‌
ക്യാരറ്റ് ചുരണ്ടിയത് - 1
സവാള - 1
ജീരകം - 1 ടീസ്പൂൺ
പച്ചമുളക് - 1
തേങ്ങ - 1 ടേബിൾസ്പൂൺ
കറിവേപ്പില
ഉപ്പ്
എണ്ണ

       തയ്യാറാക്കുന്ന വിധം

ഒരു പാത്രത്തിൽ അരിമാവ്, ജീരകം, സവാള, പച്ചമുളക്, ക്യാരറ്റ്, തേങ്ങ, കറിവേപ്പില, ഉപ്പ് എന്നിവ ചേർത്ത് നന്നായി യോജിപ്പിക്കുക. ചെറു ചൂട് വെള്ളം ചേർത്ത് ചപ്പാത്തി മാവിന്റെ പരുവത്തിൽ കുഴയ്ക്കുക ഒപ്പം കുറച്ചു എണ്ണ കൂടി ചേർത്ത് നല്ല മയത്തിൽ കുഴയ്ക്കുക.

ചെറിയ ഉരുള ആയി മാറ്റിയ ശേഷം എണ്ണ തടവിയ പാസ്റ്റിക് ഷീറ്റിൽ വച്ച് പരത്തുക.

ചൂടായ പാനിൽ തിരിച്ചും മറിച്ചും ഇട്ടു വേവിച്ചു  എടുക്കാം.      https://noufalhabeeb.blogspot.com/?m=1

ഇലയട

ഇലയട വ്യത്യസ്തമായ ഈ രീതിയിൽ ഉണ്ടാക്കി നോക്കൂ: രുചിയിൽ കേമമാണ്

  പ്രഭാത ഭക്ഷണമായി ദോശയും ഇഡലിയും അപ്പവും പുട്ടും ഒക്കെ ഉണ്ടെങ്കിലും കുട്ടികൾക്ക് പ്രിയം മധുരമൊക്കെ വെച്ച അടയാണ്. ഇത് ഉണ്ടാക്കുന്ന വിധമെങ്ങനെ എന്ന് കാണാം:

           ചേരുവകള്‍

ഉണക്കലരി – 500 ഗ്രാം

ശര്‍ക്കര -500 ഗ്രാം

തേങ്ങ ചിരകിയത് – 2 എണ്ണം

വാഴപ്പഴം – 1

നെയ്യ് -2 ടീസ്പൂണ്‍

പഞ്ചസാര -1 ടീസ്പൂണ്‍

വാഴയില – പൊതിയാന്‍ പാകത്തിന്

പഞ്ചസാര- ഒരു സ്പൂണ്‍

        തയ്യാറാക്കുന്ന വിധം:

അരി അഞ്ച് മണിക്കൂറെങ്കിലും കുതിര്‍ത്ത് നല്ലതുപോലെ പൊടിച്ചെടുക്കുക. നല്ലതുപോലെ നൈസ് ആയി വേണം പൊടിച്ചെടുക്കുന്നതിന്. അതിന് ശേഷം ശര്‍ക്കര ചെറുതായി പൊടി പൊടിയായി അരിയുക. ശര്‍ക്കര പൊടിയായി അരിഞ്ഞതിന് ശേഷം ഇതിലേക്ക് തേങ്ങ ചിരകിയതും കൂടി ചേര്‍ക്കുക. ഇത് നല്ലതുപോലെ കൂട്ടിക്കലര്‍ത്തി ഇതിലേക്ക് ഏലക്കയ്യും നെയ്യും കൂടി ചേര്‍ക്കുക. അതിന് ശേഷം അടക്ക് വേണ്ടിയുള്ള മാവ് തയ്യാറാക്കാം. അതിന് വേണ്ടി അല്‍പം നെയ്യും ഒരു ടേബിള്‍ സ്പൂണ്‍ പഞ്ചസാരയും മാവില്‍ ചേര്‍ക്കുക.

ഇത് പേസ്റ്റ് രൂപത്തില്‍ ആക്കിയ ശേഷം വേണം അട തയ്യാറാക്കേണ്ടത്. ഒരു വാഴയില എടുത്ത് വാട്ടി അതിലേക്ക് അരിമാവ് പരത്തി അല്‍പം തേങ്ങയും ശര്‍ക്കരയും മിക്‌സ് ചെയ്തത് ഇതിന് മുകളില്‍ നിരത്തുക. വേണമെന്നുണ്ടെങ്കില്‍ നിങ്ങള്‍ക്ക് അല്‍പം പഴവും ഇതിന് മുകളില്‍ ചെറുതായി അരിഞ്ഞ് ചേര്‍ക്കാവുന്നതാണ്. ഇല മടക്കിയതിന് ശേഷം ഇത് ഇഡ്ഡലി തട്ടില്‍ നിരത്തി ആവിയില്‍ വേവിച്ചെടുക്കുക. സ്‌പെഷ്യല്‍ അട വേവുന്നതിന് വേണ്ടി 20-25 മിനിറ്റ് വേവിക്കുക. നല്ല സ്‌പെഷ്യല്‍ അട തയ്യാര്‍.   https://noufalhabeeb.blogspot.com/?m=1

മട്ടൺ റോസ്റ്റ്

ഇന്ന് നമുക്ക് തനി നാടൻ മട്ടൻ വരട്ടിയത് ഉണ്ടാക്കാം

          ചേരുവകൾ
For marination
മട്ടൺ: 1 കിലോ
മുളകുപൊടി: 2 ടീസ്പൂൺ
ഇഞ്ചി വെളുത്തുള്ളി പേസ്റ്റ്: 3 tsp
മല്ലിപൊടി: 2 ടീസ്പൂൺ
ഗരം മസാല: 3/4 ടീസ്പൂൺ
മഞ്ഞൾപ്പൊടി: 1tsp
കറിവേപ്പില: 1-2 തണ്ട്‌
വെളിച്ചെണ്ണ: 3 ടീസ്പൂൺ
നാരങ്ങ നീര്: ഒരു മുഴുവൻ ചെറു നാരങ്ങ
പച്ചമുളക്: 2
ഉപ്പ്: നിങ്ങളുടെ അഭിരുചിക്കനുസരിച്ച്
എല്ലാ ചേരുവകളും മട്ടണിൽ കലർത്തി 2 മണിക്കൂർ റഫ്രിജറേറ്ററിൽ മാരിനേറ്റ് ചെയ്യുക. ഇപ്പോൾ 3/4 കപ്പ് വെള്ളത്തിൽ 4 വിസിൽ വരെ pressure cookerൽ മട്ടൻ വേവിക്കുക.

For masala
സവാള: 5 വലുത്
തേങ്ങ കഷണങ്ങൾ: 10-12
മുളകുപൊടി: 2 ടീസ്പൂൺ
ഇഞ്ചി വെളുത്തുള്ളിചതച്ചത്: 3 tsp
മല്ലിപൊടി: 2 ടീസ്പൂൺ
ഗരം മസാല: 3/4 ടീസ്പൂൺ
മഞ്ഞൾപ്പൊടി: 1tsp
കറിവേപ്പില: 2-3 തണ്ട്‌
വെളിച്ചെണ്ണ: 7 ടീസ്പൂൺ
നാരങ്ങ നീര്: ഒരു മുഴുവൻ ചെറു നാരങ്ങ
ജീരകം പൊടി: 1/2 ടീസ്പൂൺ
പച്ചമുളക്: 4
തക്കാളി: 1
ഉപ്പ്: നിങ്ങളുടെ അഭിരുചിക്കനുസരിച്ച്
ഒരു പാൻ ചൂടാക്കുക, വെളിച്ചെണ്ണ ചേർക്കുക. എണ്ണ ചൂടാകുമ്പോൾ തേങ്ങക്കൊത്ത് ചേർത്ത് ചെറുതായി സ്വർണ്ണനിറമാകുന്നതുവരെ വഴറ്റുക. ഇനി ഇഞ്ചി വെളുത്തുള്ളി ചേർത്ത് സ്വർണ്ണനിറം ആവുംവരെ വഴറ്റുക. ഇതിലേക്ക്  അരിഞ്ഞ സവാള ചേർത്ത് സ്വർണ്ണ നിറമാകുന്നതുവരെ നന്നായി ഇളക്കുക. കറിവേപ്പിലയും പച്ചമുളകും ചേർത്ത് നന്നായി ഇളക്കുക. ഇപ്പോൾ മഞ്ഞൾപ്പൊടി, മുളകുപൊടി, മല്ലിപൊടി, ഗരം മസാല, കുരുമുളക് പൊടി എന്നിവ ചേർത്ത് നന്നായി വഴറ്റുക. ഇപ്പോൾ തക്കാളി ചേർത്ത് പൂർണ്ണമായും വെന്തലിയും വരെ വഴറ്റുക.ഇപ്പോൾ വേവിച്ച മട്ടൺ ചേർത്ത് ഗ്രേവി വറ്റുംവരെ ഉയർന്ന തീയിൽ വേവിക്കുക. എണ്ണ തെളിഞ്ഞ് തുടങ്ങുമ്പോൾ മട്ടൺ കഷണങ്ങൾ ഒരു വശത്തേക്ക് നീക്കുക എന്നിട്ട് വെളിച്ചെണ്ണ ഒഴിക്കുക,

 1 ടീസ്പൂൺ കുരുമുളക് പൊടി,

1/2 ടീസ്പൂൺ പെരുംജീരകം,

1/2 ടീസ്പൂൺ ഗരം മസാല, ചേർത്ത് വഴറ്റുക. ഇപ്പോൾ എല്ലാം ചേർത്ത് വഴറ്റുക. ഇനി മട്ടൻ  10-12 മിനിറ്റ് വരട്ടി എടുക്കുക.

1/2 ടീസ്പൂൺ ജീരകം പൊടി,

കറിവേപ്പില,

2 പച്ചമുളക് എന്നിവ ചേർക്കുക.

രുചികരമായ മട്ടൺ റോസ്റ്റ് ഇപ്പോൾ തയ്യാറാണ്  https://noufalhabeeb.blogspot.com/?m=1

പൂരി

മാവ് കുഴയ്ക്കാതെയും പരത്താതെയും 5 മിനിറ്റിൽ പൂരി തയ്യാർ

  മാവ് കുഴയ്ക്കാതെയും പരത്താതെയും വളരെ പെട്ടെന്ന് പൂരി തയ്യാറാക്കാം. ഇതിനായി ഒരു പാനിലേക്ക് ഒരു കപ്പ് ഗോതമ്പ് മാവ് ചേർത്ത് കൊടുക്കുക. ശേഷം മാവിലേക്ക് കുറച്ചു കൂടുതൽ വെള്ളം ചേർത്ത് കൊടുക്കുക. എന്നിട്ട് കുറച്ചു ലൂസ് പരുവത്തിൽ മാവിനെ കലക്കിയെടുക്കുക.

ശേഷം മാവിലേക്ക് ആവശ്യത്തിന് ഉപ്പ് കൂടി ചേർത്ത് കൊടുക്കുക. എന്നിട്ട് പാനിൽ നിന്നും വിട്ടു വരുന്ന പരുവം വരെ ഇളക്കി കൊടുക്കുക. ഇനി പാനിൽ നിന്നും വിട്ടു വരുന്ന പരുവമാകുമ്പോൾ ഫ്ളൈയിം ഓഫ് ചെയ്യുക. എന്നിട്ട് ഒരു പാത്രത്തിലേക്ക് മാറ്റുക. ശേഷം അതിലേക്ക് കുറച്ചു മൈദമാവ് കൂടി ചേർത്ത് കൊടുക്കുക.

പിന്നീട് മൈദ മാവിൽ നല്ലപോലെ മിക്‌സാക്കി എടുക്കുക. എന്നിട്ട് മാവിനെ നല്ലപോലെ ഉരുട്ടിയെടുക്കുക. ഉരുട്ടിയെടുത്ത ഓരോ മാവും പ്രസ്സിൽ വെച്ച് പരത്തുക. ഒരു ചട്ടിയിൽ എണ്ണ ഒഴിച്ച് എണ്ണ നല്ലപോലെ ചൂടായി വരുമ്പോൾ പരത്തി വച്ചിട്ടുള്ള ഓരോ മാവും എണ്ണയിലേക്ക് ഇട്ടുകൊടുക്കുക.

ശേഷം തിരിച്ചും മറിച്ചുമിട്ട് ഫ്രൈ ചെയ്ത് കോരിയെടുക്കുക. എല്ലാ മാവ് കൊണ്ടും ഇതുപോലെ തന്നെ പൂരി തയ്യാറാക്കി എടുക്കുക. അപ്പോൾ വളരെ ടേസ്റ്റിയായിട്ടുള്ള പൂരി തയ്യാറാ. മാവ് കുഴക്കാതെയും, പരത്താതെയും, തയ്യാറാക്കി എടുക്കാവുന്ന നല്ല സോഫ്റ്റ് പൂരിയാണിത്.   

മുട്ട റോസ്റ്റ് പുട്ട്

പുട്ടിൽ കേമൻ ഈ പുതിയ വെറൈറ്റി മുട്ട റോസ്റ്റ് പുട്ട് തന്നെ

   പല രീതിയിൽ പുട്ട് തയ്യാറാക്കാറുണ്ട്. എന്നാൽ ഇന്ന് നമുക്ക് മുട്ട റോസ്റ്റ് വെച്ചിട്ട് ഒരു നല്ല ടേസ്റ്റി പുട്ട് തയ്യാറാക്കിയാലോ. എങ്ങനെയാണ് ഈ പുട്ട് തയ്യാറാക്കുന്നത് എന്ന് നോക്കാം. ആദ്യം പുട്ടിന് വേണ്ട മാവ് നനച്ചെടുക്കാം. അതിനായി ഒരു പാത്രത്തിലേക്ക് ഒരു കപ്പ് പുട്ടുപൊടി ചേർത്ത് കൊടുക്കുക. ശേഷം പൊടിയിലേക്ക് പാകത്തിനുള്ള ഉപ്പും ഒരു കപ്പ് വെള്ളവും ചേർത്ത് നല്ലപോലെ ഇളക്കുക.

ശേഷം കലക്കിവെച്ച മാവിനെ അടച്ചു മാറ്റി വയ്ക്കുക. ഇനി മുട്ട റോസ്റ്റ് തയ്യാറാക്കാനായി നാല് കോഴി മുട്ട പുഴുങ്ങി എടുക്കുക. പുഴുങ്ങിയ മുട്ടയെ നാല് പീസുകളായി വട്ടത്തിൽ മുറിച്ചെടുക്കുക. ഇനി ഒരു പാത്രം അടുപ്പിൽ വയ്ക്കുക. എന്നിട്ട് അതിലേക്ക് മൂന്ന് ടേബിൾസ്പൂൺ എണ്ണ ചേർത്ത് കൊടുക്കുക. ശേഷം ചൂടായ എണ്ണയിലേക്ക് അരടീസ്പൂൺ പെരുംജീരകവും ചേർത്ത് ഒന്ന് പൊട്ടിക്കുക. ശേഷം അതിനൊപ്പം കുറച്ചു കറിവേപ്പിലയും ചേർത്ത് കൊടുക്കുക.

അതിലേക്ക് ഒരു ടീസ്പൂൺ ഇഞ്ചി ചെറുതായി അരിഞ്ഞത്, രണ്ട് ടീസ്പൂൺ വെളുത്തുള്ളി ചെറുതായി അരിഞ്ഞതും, 2 പച്ചമുളക് നീളത്തിൽ അരിഞ്ഞതും ചേർത്ത് നല്ലപോലെ ഒന്നു വഴറ്റിയെടുക്കുക. ശേഷം വാടി വന്ന മിക്സി ലേക്ക് 2 സവാള ചെറുതായി അരിഞ്ഞു ചേർത്ത് നല്ലപോലെ ഒന്നും വഴറ്റിയെടുക്കുക. നല്ല സോഫ്റ്റായി വന്ന സവാളയിലേക്ക് ഒരു ടേബിൾ സ്പൂൺ മല്ലിപൊടിയും ചേർത്ത് നല്ലപോലെ ഇളക്കി എടുക്കുക.

ഒരു മൂന്നുമിനിറ്റോളം മല്ലിപ്പൊടിയും ചേർത്ത് സവാള വഴറ്റിയശേഷം അര ടീസ്പൂൺ കുരുമുളക് പൊടിയും, മൂന്നു നുള്ള് മഞ്ഞൾപ്പൊടിയും, കാൽ ടീസ്പൂൺ ഗരം മസാല പൊടിയും, പാകത്തിന് ഉപ്പും ചേർത്ത് നല്ലപോലെ ഇളക്കി എടുക്കുക. എന്നിട്ട് ഒരു തക്കാളി ചെറുതായി അരിഞ്ഞതും ചേർത്ത് നല്ലപോലെ വരട്ടിയെടുക്കുക. ശേഷം അടച്ചുവെച്ച് 10 മിനിറ്റ് ലോഫ്‌ളൈമിൽ വേവിച്ചെടുക്കുക. 10 മിനിറ്റ് ആയപ്പോൾ തക്കാളിയും സവാളയുമെല്ലാം നല്ലപോലെ വെന്തു വന്നിട്ടുണ്ട്. ഇനി നല്ലപോലെ തക്കാളി ഉടച്ചെടുത്ത ശേഷം കുറച്ചു കറിവേപ്പില കൂടി ചേർത്ത് കൊടുക്കുക.

ഇതിലേക്ക് നേരത്തെ അരിഞ്ഞു വെച്ചിട്ടുള്ള പുഴുങ്ങിയ മുട്ട ചേർത്ത് നല്ലപോലെ ഇളക്കി എടുക്കുക. എന്നിട്ട് അടുപ്പിൽ നിന്ന് മാറ്റുക. ശേഷം നേരത്തെ വെള്ളത്തിൽ കലക്കി വച്ചിരുന്ന മാവ് നല്ലപോലെ കുതിർന്നു പുട്ടിന് നനക്കുന്ന മാവിൻറെ പരുവത്തിലായി കിട്ടിയിട്ടുണ്ട്. നല്ലപോലെ ഇളക്കി ഒന്ന് ചെറിയ തരികൾ ആക്കി എടുക്കുക. എന്നിട്ട് ഒരു ചിരട്ട പുട്ടുകുറ്റിയിൽ കുറച്ച് തേങ്ങ ഇട്ടു കൊടുക്കുക. എന്നിട്ട് അതിന് മുകളിലായി പുട്ടുപൊടി ഒരു ലെയർ ഇട്ടു കൊടുക്കുക. എന്നിട്ട് അതിൻറെ മുകളിൽ മുട്ടറോസ്റ്റ് വച്ചു കൊടുക്കുക.

എന്നിട്ട് അതിൻറെ മുകളിലായി പുട്ടുപൊടി ചേർത്ത് കൊടുക്കുക. എന്നിട്ട് അതിൻറെ മുകളിൽ തേങ്ങയും ചേർത്ത് അടച്ചുവെച്ച് പുട്ട് നല്ലപോലെ വേവിച്ചെടുക്കുക. പിന്നെ സാധാരണ പോലെ തന്നെ പുട്ട് തയ്യാറാക്കി എടുക്കുക. അപ്പോൾ വളരെ ടേസ്റ്റിയായി ട്ടുള്ള പുട്ട് ഇവിടെ തയ്യാറായിട്ടുണ്ട്.    https://noufalhabeeb.blogspot.com/?m=1

പാലാട

ഇന്നത്തെ ബ്രേക്ഫാസ്റ്റായി ഇതുമതി, ഏത് നേരവും കഴിക്കാൻ സൂപ്പറാണ്, ഹെൽത്തിയും

  നമ്മുടെയെല്ലാം വീടുകളിൽ എപ്പോഴും കാണുന്ന ഒരു സാധനമാണ് പച്ചരിയും തേങ്ങാ പാലും. എന്നാൽ ഇവ രണ്ടും കൊണ്ട് നല്ല സോഫ്റ്റായിട്ടുള്ള ഒരു പലഹാരം തയ്യാറാക്കിയാലോ. വളരെ ഈസിയായി ചെയ്തെടുക്കാൻ കഴിയുന്നതും നല്ല ടേസ്റ്റിയുമായിട്ടുള്ള ഈ പലഹാരം എങ്ങനെയാണ് തയ്യാറാക്കുന്നത് എന്ന് നോക്കാം. അതിനായി ഒരു കപ്പ് പച്ചരി വെള്ളത്തിലിട്ടു കുതിർത്തിയെടുക്കുക. നല്ലപോലെ കഴുകിയെടുത്ത പച്ചരിയെ ഒരു മിക്സിയുടെ ജാറിലേക്ക് മാറ്റുക. അതിലേക്ക് ഒരു കപ്പ് നല്ല കട്ടിയുള്ള തേങ്ങാപ്പാൽ ചേർത്ത് കൊടുക്കുക.

ശേഷം പച്ചരിയും തേങ്ങ പാലും കൂടി നല്ല സ്മൂത്തായി അരച്ചെടുക്കുക. അരച്ചെടുത്ത മിക്സിലേക്ക് ഒരു കോഴി മുട്ട പൊട്ടിച്ചു വീഴ്ത്തുക. പിന്നീട് ഒന്നുകൂടി നല്ല സ്മൂത്തായി അടിച്ചെടുക്കുക. മാവിലേക്ക് ആവശ്യത്തിനുള്ള ഉപ്പ് ചേർത്തിളക്കുക. ഒരു നോൺ സ്റ്റിക്ക് പാൻ അടുപ്പിൽ വച്ച് ചൂടാക്കുക. അതിലേക്ക് ഒരു തവി ബാറ്റർ ഒഴിച്ച് ചുറ്റിക്കുക. വളരെ കനം കുറഞ്ഞ പാൽ ദോശയാണ് ഇവിടെ തയ്യാറാക്കുന്നത്. അതുകൊണ്ടുതന്നെ എത്രത്തോളം മാവിനെ ചുറ്റിക്കാൻ കഴിയുമോ അത്രത്തോളം ചെയ്യുക. ശേഷം ഒന്നു വെന്തു വരുമ്പോൾ എടുത്തു മാറ്റുക.

ഇതുപോലെതന്നെ എല്ലാ മാവ് കൊണ്ടും പാൽ ദോശ ചുട്ടെടുക്കുക. അപ്പോൾ വളരെ ടേസ്റ്റിയായ മലബാർ സ്പെഷ്യലായിട്ടുള്ള പാലാട തയ്യാറായിട്ടുണ്ട്. വളരെ എളുപ്പത്തിൽ ചെയ്തെടുക്കാൻ കഴിയുന്ന ഒരു പലഹാരമാണിത്. രാവിലെ ബ്രേക്ക്ഫാസ്റ്റായും വൈകുന്നേരങ്ങളിൽ സ്നാക്കായുമെല്ലാം ഇത് ഏറെ നല്ലതാണ്.  https://noufalhabeeb.blogspot.com/?m=1

വെണ്ടയ്ക്ക കറി

ഊണിന് വെണ്ടയ്ക്ക കൊണ്ട് സ്‌പെഷ്യല്‍ കറി തയ്യാറാക്കാം

ഊണു കഴിക്കാന്‍ എന്നും ഓരോ കറി വേണം, ചില ദിവസങ്ങളില്‍ അധികം പച്ചക്കറികള്‍ ഒന്നും ഉണ്ടാവില്ലെങ്കിലും നല്ല കുറുകിയ ചാറോട് കൂടിയ കറി തയ്യാറാക്കാം. കുറച്ചു വെണ്ടയ്ക്കയും തക്കാളിയും കൊണ്ട് നല്ലൊരു കറി എങ്ങനെ തയ്യാറാക്കാം എന്നു നോക്കാം.

             ചേരുവകള്‍

വെണ്ടയ്ക്ക – 10 എണ്ണം

തക്കാളി – 2 എണ്ണം

സവാള – 1 എണ്ണം

പച്ചമുളക് – 4 എണ്ണം

വെളിച്ചെണ്ണ – 4 സ്പൂണ്‍

മഞ്ഞള്‍ പൊടി – 1 സ്പൂണ്‍

ഉപ്പ് – 2 സ്പൂണ്‍

കാശ്മീരി മുളകുപൊടി – 1 സ്പൂണ്‍

കറിവേപ്പില – 2 തണ്ട്

വെള്ളം – 2 ഗ്ലാസ്

തേങ്ങ – അര മുറി

ജീരകം – 1 സ്പൂണ്‍

കടുക് – 1 സ്പൂണ്‍

ചുവന്ന മുളക് – 4 എണ്ണം

           .തയാറാക്കുന്ന വിധം

മണ്‍ചട്ടിയില്‍ കുറച്ചു പച്ചവെളിച്ചെണ്ണ ഒഴിച്ച് അതിലേക്കു വെണ്ടയ്ക്ക ചെറിയ കഷ്ണങ്ങളായി മുറിച്ചതു ചേര്‍ത്തു കൊടുക്കാം.

ഒപ്പം തന്നെ പച്ചമുളകും ചേര്‍ത്തു കൊടുക്കാം. വെളിച്ചെണ്ണയില്‍ തന്നെ ഇത് മൂപ്പിച്ചെടുക്കാന്‍ ശ്രമിക്കുക.

കാരണം വെളിച്ചെണ്ണയില്‍ കറി ഉണ്ടാക്കുമ്പോള്‍ ആ കറിക്ക് ഒരു പ്രത്യേക സ്വാദാണ്. വെണ്ടയ്ക്കയിലേക്ക് പച്ചമുളകിന്റെ സ്വാദ് കിട്ടുന്നതിനാണ് രണ്ടും ഒപ്പം വഴറ്റുന്നത്, ഇങ്ങനെ വഴറ്റുന്നത് കൊണ്ട് മറ്റൊരു കാരണം കൂടിയുണ്ട്. വെണ്ടയ്ക്ക കുഴഞ്ഞു പോകാതിരിക്കാനും അതുപോലെ തന്നെ ഒട്ടിപ്പിടിക്കാതെ വെണ്ടയ്ക്കയുടെ വഴുവഴുപ്പ് മാറിക്കിട്ടാനും വേണ്ടിയിട്ടാണ് പച്ച വെളിച്ചെണ്ണയില്‍ വെണ്ടയ്ക്ക നന്നായി മൂപ്പിച്ച് എടുക്കുന്നത്.

നന്നായിട്ട് മൂത്തു വരുമ്പോള്‍ തക്കാളി അരിഞ്ഞതും ചേര്‍ത്തു കൊടുക്കാം. അതിലേക്ക് മഞ്ഞള്‍പ്പൊടി, കാശ്മീരി മുളകുപൊടി, ആവശ്യത്തിന് ഉപ്പ്, കുറച്ചു കറിവേപ്പില എന്നിവ ചേര്‍ത്ത് ആവശ്യത്തിന് വെള്ളം ഒഴിച്ച് ഇതൊന്ന് വേകാന്‍ വയ്ക്കുക.

ഇത് വേകുന്ന സമയത്ത് അരപ്പ് തയാറാക്കി എടുക്കാം, മിക്സിയുടെ ജാറിലേക്കു തേങ്ങ, ജീരകം, കറിവേപ്പില എന്നിവ നന്നായി അരച്ച്, വെണ്ടയ്ക്കയുടെയും തക്കാളിയുടെയും കൂടെ ചേര്‍ത്തു കൊടുക്കാം ഒപ്പം കുറച്ചു സവാള നീളത്തില്‍ അരിഞ്ഞതും ചേര്‍ത്തു കൊടുക്കാം.

ഇത്രയും ചേര്‍ത്തു കഴിഞ്ഞാല്‍ കറി അധികം തിളയ്ക്കരുത് നന്നായി ചൂടാക്കാനെ പാടുള്ളൂ, ഇളക്കി കൊടുത്തു കൊണ്ടേയിരിക്കാം. തീ കുറച്ചു വയ്ക്കാന്‍ പ്രത്യേകം ശ്രദ്ധിക്കണം. നന്നായി ചൂടായി കഴിയുമ്പോള്‍ ഇത് അടുപ്പില്‍ നിന്നും മാറ്റിവയ്ക്കാം. ശേഷം മറ്റൊരു ചീന ചട്ടി വച്ചു വെളിച്ചെണ്ണ ഒഴിച്ച്, അതിലേക്കു കടുകു ചേര്‍ത്തു പൊട്ടിച്ച്, ചെറിയ ഉള്ളി ചെറുതായി അരിഞ്ഞതും ചേര്‍ത്ത്, ചുവന്ന മുളകും കറിവേപ്പിലയും ചേര്‍ത്ത്, നന്നായി വറുത്ത് കറിയിലേക്ക് ഒഴിച്ചു കൊടുക്കാം. വളരെ രുചികരമായ നല്ല കുറുകിയ ചാറോടുകൂടിയ ഒരു കറിയാണ്.     https://noufalhabeeb.blogspot.com/?m=1

കുബ്ബൂസ്

കുബ്ബൂസ് വീട്ടിൽ തന്നെ ഈ രീതിയിൽ ഉണ്ടാക്കാം: സൂപ്പറാണ്

  ഇന്നത്തെ തലമുറയ്ക്ക് ഒരുപാട് ഇഷ്ടമുള്ള ഒരു പലഹാരങ്ങളിൽ ഒന്നാണ് കുബ്ബൂസ്. എന്നാൽ വീട്ടിൽ എത്രതന്നെ ഉണ്ടാക്കിയാലും കടയിൽ നിന്ന് വാങ്ങുന്ന കുബ്ബൂസ് പോലെ സോഫ്‌റ്റും, ടേസ്റ്റും കിട്ടണമെന്നില്ല. അതിനാൽ മിക്കവാറും പേരും കടയിൽ നിന്നാണ് കുബൂസ് വാങ്ങുക. ഇന്ന് നമുക്ക് നല്ല സോഫ്റ്റ് കുബ്ബൂസ് എങ്ങനെ എളുപ്പത്തിൽ വീട്ടിലുണ്ടാക്കാം എന്ന് നോക്കാം. അതിനായി ഒരു ബൗളിലേക്ക് കാൽകപ്പ് ചെറിയ ചൂടുവെള്ളം എടുക്കുക. ശേഷം വെള്ളത്തിലേക്ക് ഒരു ടീസ്പൂൺ പഞ്ചസാര ചേർത്ത് മിക്‌സാക്കുക.

ഇനി ആ വെള്ളത്തിലേക്ക് ഒരു ടീസ്പൂൺ ഇൻസ്റ്റൻറ് ഈസ്റ്റ് ചേർത്ത് നന്നായി മിക്‌സാക്കുക. ശേഷം അഞ്ച് മിനിറ്റോളം ഈസ്റ്റിനെ പൊങ്ങി വരാനായി മാറ്റിവെക്കുക. ഇനി ഒരു പാത്രത്തിലേക്ക് രണ്ടര കപ്പ് മൈദ മാവ് എടുക്കുക. അതിലേക്ക് പാകത്തിനുള്ള ഉപ്പും ചേർത്ത് നന്നായി മിക്‌സാക്കുക. ശേഷം അതിലേക്ക് കാൽ ടീസ്പൂൺ ബേക്കിംഗ് പൗഡറും ചേർത്ത് നന്നായി ഇളക്കുക. എന്നിട്ട് വെള്ളത്തിൽ കലക്കി വെച്ചിട്ടുള്ള ഈസ്റ്റിനെ മാവിലേക്ക് ചേർത്ത് ഇളക്കുക. മാവിലേക്ക് കുറെച്ചെയായി വെള്ളം ചേർത്ത് നന്നായി കുഴച്ചെടുക്കുക.

കുറച്ചു ഒട്ടുന്ന പരുവത്തിൽ വേണം മാവിനെ കുഴച്ചെടുക്കാൻ.ചപ്പാത്തി മാവിനേക്കാൾ കുറച്ചുകൂടി സോഫ്റ്റായ മാവാണ് കുബ്ബൂസിനായി വേണ്ടത്. ശേഷം ഒട്ടുന്ന പരുവത്തിൽ കുഴച്ചെടുത്ത മാവിലേക്ക് ഒരു ടീസ്പൂൺ സൺഫ്ലവർ ഓയിൽ ചേർത്ത് നന്നായി കുഴയ്ക്കുക. ഈ കുഴച്ചെടുത്ത മാവിൽ ഒരു ടീസ്പൂൺ ഓയിലും ചേർത്ത് നല്ലതുപോലെ തടവുക. എന്നിട്ട് ഒന്നരമണിക്കൂറോളം മാവിനെ റസ്റ്റ് ചെയ്യാനായി വെക്കുക. ഒന്നര മണിക്കൂറാകുമ്പോൾ മാവ് ഡബിൾ സൈസായി കിട്ടും.

ശേഷം വീണ്ടും ഒരു ടീസ്പൂൺ ഓയിലും ചേർത്ത് നന്നായി ഒന്നുകൂടെ കുഴയ്ക്കുക. ശേഷം കയ്യിൽ കുറച്ച് എണ്ണ തടവിയ ശേഷം ഒരു വലിയ നാരങ്ങയുടെ അളവിൽ മാവിനെ ഉരുട്ടിയെടുക്കുക. ശേഷം ഡ്രൈ ആയിട്ടുള്ള ഒരു പാത്രത്തിലേക്ക് കുറച്ചു മൈദമാവ് തൂകി കൊടുക്കാം. എന്നിട്ട് ഓരോ ബോൾസിനേയും അതിലേക്ക് വച്ച് കൊടുക്കാം. എല്ലാ മാവിനെയും ഇതുപോലെ ഉരുട്ടിയെടുത്ത ശേഷം അഞ്ച് മിനിട്ടോളം റസ്റ്റ് ചെയ്യാനായി വെക്കുക. ശേഷം ഒരു ചപ്പാത്തി പലകയിൽ വെച്ച് പതുക്കെ മാവിനെ പരത്തിയെടുക്കുക. പ്രഷർ കൊടുക്കാതെ വേണം മാവിനെ പരത്തിയെടുക്കാൻ.

എല്ലാ കുബ്ബൂസിനെയും ഇതുപോലെ പരത്തി എടുത്തശേഷം ഒരു പാൻ അടുപ്പിൽ വച്ച് ചൂടാക്കുക. പാനൊന്നു മീഡിയം ഫ്ളൈമിൽ ചൂടായി വരുമ്പോഴേക്കും കുറച്ച് എണ്ണ തടവുക. പിന്നീട് കുബ്ബൂസിനെ അതിലേക്ക് ഇട്ട് കൊടുക്കുക. എന്നിട്ട് ഒരു സൈഡ് കുമിളകൾ പോലെ വന്നു തുടങ്ങുമ്പോൾ തിരിച്ചിട്ട് കൊടുക്കുക. ഇതുപോലെ എല്ലാ കുബ്ബൂസിനെയും ചുട്ടെടുക്കുക.

പെട്ടെന്നുതന്നെ കുബ്ബൂസ് പൊങ്ങി വരാൻ തുടങ്ങുന്നതാണ്. ശേഷം തിരിച്ചും മറിച്ചുമിട്ട് ബലൂൺ പോലെ പൊങ്ങി വരുമ്പോൾ എടുത്ത് മാറ്റുക. വളരെ ടേസ്റ്റിയായ സോഫ്റ്റ് കുബൂസ് തയ്യാറായി. വളരെ സിമ്പിളായി ചെയ്തെടുക്കാൻ പറ്റുന്ന ഒരു പലഹാരമാണിത്. കടയിൽ നിന്നും കുബൂസ് ഇനി വാങ്ങിക്കുകയെ വേണ്ട. വീട്ടിൽ തന്നെ നമുക്ക് സിംപിളായി ഉണ്ടാക്കാം.  https://noufalhabeeb.blogspot.com/?m=1

റാഗി ദോശ

പ്രാതലിന് ഇൻസ്റ്റന്റ് റാഗി ദോശ ആയാലോ?   പ്രമേഹ രോഗികൾക്കും വിളർച്ച ഉള്ളവർക്കും ഉത്തമം: അഞ്ചു മിനിറ്റിൽ ഹെൽത്തിയായ റാഗി ദോശ തയ്യാർ

         പ്രധാന ചേരുവ

1 കപ്പ് കൂവരവ്

2 എണ്ണം അരിഞ്ഞ ഉള്ളി

          പ്രധാന വിഭാവങ്ങൾക്കായി

1 ഒരു കൈപിടി മല്ലിയില

ആവശ്യത്തിന് കറിവേപ്പില

ആവശ്യത്തിന് പച്ച മുളക്

ആവശ്യത്തിന് ഉപ്പ്

ആവശ്യത്തിന് വെള്ളം

Step 1:

മാവ് തയ്യാറാക്കുക ഒരു പാത്രം എടുത്ത് റാഗി മാവിലേക്ക് വെള്ളം ചേർത്ത് മാവ് മിക്സ് ചെയ്ത് കുഴമ്പു രൂപത്തിൽ കുഴച്ചെടുക്കുക.

Step 2:

അരിഞ്ഞെടുത്ത ചേരുവകൾ മാവിലേയ്ക്ക് ചേർക്കുക അരിഞ്ഞ സവാള, മല്ലിയില, കറിവേപ്പില, പച്ചമുളക്, ഉപ്പ് എന്നിവ മാവിലേക്ക് ചേർക്കുക. എല്ലാ ചേരുവകളും നന്നായി മാവിൽ ഇളക്കി ചേർക്കുക. അതിൽ കട്ടികൾ ഒന്നും തന്നെ രൂപപെടരുത്

Step 3:

ഒരു തവ ചൂടാക്കി ഇടത്തരം തീയിലിട്ട് അതിൽ റാഗി ദോശ മാവ് ഒഴിക്കുക. സാധാരണ ദോശ ഇത് തവയിൽ പരത്താൻ കഴിയില്ല, പകരം നേർത്ത ദോശ ആകൃതിയിൽ കഴിയുന്ന പോലെ പരത്തിയെടുക്കുക

Step 4:

നെയ് പുരട്ടി പാകം ചെയ്യാം അതിൽ നെയ്യ് ചേർത്ത് കൊടുത്ത് ഇരുവശവും 3-4 മിനിറ്റ് പാകം ചെയ്യുക. ആരോഗ്യകരമായ റാഗി ദോശ തയ്യാറായി കഴിഞ്ഞു ! ചട്ണി അല്ലെങ്കിൽ കുറച്ച് കൂടി നെയ്യ് ഒഴിച്ചു ചേർത്ത് ഇത് നിങ്ങൾക്ക് ആസ്വദിക്കാം.  https://noufalhabeeb.blogspot.com/?m=1

കൊഞ്ചപ്പം

കൊഞ്ചപ്പം കഴിച്ചിട്ടുണ്ടോ? വേഗത്തിൽ തയ്യാറാക്കാം രുചികരമായ ഈ വിഭവം

 പ്രഭാത ഭക്ഷണത്തിന് വെറൈറ്റി ആഗ്രഹിക്കുന്നവർക്കായി ഒരു നോൺ വെജ് വിഭവം പരിചയപ്പെടാം. അൽപ്പം കൊഞ്ച് ഉണ്ടെങ്കിൽ ഇത് തയ്യാറാക്കാം.

      അപ്പത്തിന് ആവശ്യമായ സാധനങ്ങൾ:

പച്ചരി – അരക്കിലോ

പഞ്ചസാര – ഒരു ടീസ്പൂൺ

തേങ്ങ വെളളം (പുളിപ്പിച്ചത്) – ഒരു കപ്പ്

വറുത്ത അരിപ്പൊടി – 1 ടേബിൾ സ്പൂൺ

ഉപ്പ് പാകത്തിന്

         ഉണ്ടാക്കുന്ന വിധം:

കുതിർത്ത അരി കുറച്ച് വെളളമൊഴിച്ച് നന്നായി അരക്കണം. ഇതിലേക്ക് പുളിപ്പിച്ച തേങ്ങ വെളളവും പഞ്ചസാരയും വറുത്ത അരിപ്പൊടിയും പാകത്തിന് ഉപ്പും ചേർത്ത് എട്ടു മണിക്കൂർ വെക്കണം. അപ്പ ചട്ടി ചൂടാക്കി എണ്ണ പുരട്ടിയ ശേഷം മാവൊഴിച്ച് പരത്തുക. മുപ്പത് സെക്കന്റ് മൂടിവെച്ചശേഷം തുറന്ന് അപ്പത്തിനു നടുക്കായി രണ്ടോ മൂന്നോ കൊഞ്ചും ​ചാറും ഒഴിക്കുക. മൂടി വെച്ച് കുറച്ചുകൂടി നേരം വേവിക്കുക. കൊഞ്ചപ്പം തയാറായിക്കഴിഞ്ഞു.

കൊ‍ഞ്ച് ​കറി തയാറാക്കുന്നതിന് ആവശ്യമായവ,

കൊഞ്ച് – അരക്കിലോ

തക്കാളി – 2

സവാള – 3

ഇഞ്ചി- വെളുത്തുളളി പേസ്റ്റ് – 1 ടേബിൾസ്പൂൺ

കറിപ്പൊടി – 1 ടേബിൾസ്പൂൺ

കറിവേപ്പില – 1 തണ്ട്

വെളിച്ചെണ്ണ – ആവശ്യത്തിന്

തേങ്ങാപ്പാൽ – 2 ടേബിൾസ്പൂൺ

ഉപ്പ് പാകത്തിന്

              ഉണ്ടാക്കുന്ന വിധം:

എണ്ണ ചൂടാക്കി ഇഞ്ചി-വെളുത്തുളളി ചതച്ചതും സവാള അരിഞ്ഞതും ചേർത്ത് നന്നായി വയറ്റുക. ഇതിലേക്ക് കറിപ്പൊടിയും തക്കാളി അരിഞ്ഞതും ചേർക്കണം. എണ്ണ തെളിയുമ്പോൾ ഇതിലേക്ക് കൊഞ്ച് ഉപ്പ് ചേർത്ത് കറിവേപ്പിലയും ഇട്ട് ഇളക്കി നന്നായി വേവിച്ചെടുക്കണം. കറി കുറുകി കട്ടിയാവുമ്പോൾ ഇറക്കിവെച്ച് തേങ്ങാപ്പാൽ ചേർത്തുകൊടുക്കാം.   https://noufalhabeeb.blogspot.com/?m=1

റാഗി ലഡു

കുട്ടികള്‍ക്കും മുതിര്‍ന്നവര്‍ക്കും ഒരു പോലെ ഇഷ്ടപ്പെടുന്ന റാഗി ലഡു വീട്ടില്‍ എളുപ്പത്തില്‍ തയ്യാറാക്കാം

ആരോഗ്യത്തിന് വളരെയധികം സഹായിക്കുന്ന ധാന്യമാണ് റാഗി. കുഞ്ഞുങ്ങള്‍ക്ക് കുറുക്ക് രൂപത്തില്‍ റാഗി നല്‍കാറുണ്ട്. മുതിര്‍ന്നവര്‍ക്കും നല്ലൊരു ഭക്ഷണമാണ് റാഗി. പല രോഗങ്ങളെയും തടയാന്‍ റാഗിക്ക് കഴിയും. റാഗിയില്‍ മികച്ച അളവില്‍ നാരുകളും ഫൈറ്റിക് ആസിഡും കാത്സ്യവും പ്രോട്ടീനുകളുമെല്ലാം അടങ്ങിയിട്ടുണ്ട്.

റാഗി കൊണ്ട് നിരവധി വിഭവങ്ങള്‍ തയ്യാറാക്കാം…

റാഡി ലഡു തയ്യാറാക്കുന്ന വിധം…

                 വേണ്ട ചേരുവകള്‍…

റാഗി മാവ് 1 കപ്പ്

കശുവണ്ടി 1 പിടി

വെള്ളം അരകപ്പ്

ശര്‍ക്കര 150 ഗ്രാം

ഏലയ്ക്ക 4 എണ്ണം പൊടിച്ചത്

നെയ്യ് ആവശ്യത്തിന്

             തയ്യാറാക്കുന്ന വിധം…

ആദ്യം ഒരു പാന്‍ കുറച്ച് നെയ്യൊഴിച്ച് ചൂടാക്കി റാഗി മാവ് ചേര്‍ത്ത് ചെറിയ തീയില്‍ 5 മിനിറ്റ് വറുത്ത് എടുക്കുക. ശേഷം ഒരു പാന്‍ കുറച്ച് നെയ്യൊഴിച്ച് ചൂടാക്കി കശുവണ്ടി വറുത്ത് മാറ്റി വയ്ക്കുക. ഒരു പാത്രം കുറച്ച് വെള്ളമൊഴിച്ച് ചൂടാക്കി ശര്‍ക്കര ചേര്‍ത്ത് ശര്‍ക്കര ഉരുകുന്നത് വരെ ഇളക്കുക. ശര്‍ക്കര ഉരുകി കഴിഞ്ഞാല്‍ സ്റ്റൗ ഓഫ് ചെയ്യുക. ശേഷം ശര്‍ക്കര സിറപ്പ് അരിച്ചെടുത്ത് മാറ്റിവയ്ക്കുക. ഒരു വലിയ പാത്രത്തില്‍ റാഗി മാവ് എടുത്ത്, വറുത്ത കശുവണ്ടി, ഏലക്കയ്‌പ്പൊടി, ശര്‍ക്കര പാനി, നെയ്യ് എന്നിവ ചേര്‍ത്ത് നന്നായി ഇളക്കുക. ശേഷം ഒരു ചെറിയ ഭാഗം എടുത്ത് അതില്‍ നിന്ന് ചെറിയ ഉരുളകളാക്കുക. ആരോഗ്യകരവും രുചികരവുമായ റാഗി ലഡൂ തയ്യാര്‍… https://noufalhabeeb.blogspot.com/?m=1

ദിൽഖുഷ്

ഇതു നമ്മുടെ തേങ്ങാബൺ ആണ്. (Coconut Bun ) ഓവനില്ലാതെ  തന്നെ സാധാരണ  പാൻ ഉപയോഗിച്ച് നമുക്കിത് ഉണ്ടാക്കിയാലോ .

രണ്ടു ടീസ്പൂൺ പഞ്ചസാരയും അര ടീസ്പൂൺ ഈസ്റ്റും അര കപ്പ് ഇളം ചൂടുപാലിൽ നന്നായി മിക്സ് ചെയ്ത് പത്തുമിനിറ്റു വയ്ക്കുക .

 അരക്കിലോ മൈദയിലേക്ക് അര ടീസ്പൂൺ ഉപ്പ് , അര ടീസ് പൂൺ പഞ്ചസാര,  ഒരു ടീസ്പൂൺ സൺ ഫ്ലവർ ഓയിൽ  എന്നിവ ചേർത്ത് നന്നായി യോചിപ്പിച്ചതിനു ശേഷം,  ഒരു മുട്ടയും ഈസ്റ്റ് മിശ്രിതവും കൂടി ചേർത്ത് ചപ്പാത്തി മാവി നേക്കാൾ  സോഫ്റ്റായ മാവ് തയ്യാറാക്കി,  അല്പം എണ്ണ മുകളിൽ തടവി , രണ്ടു  മുതൽ രണ്ടര മണിക്കൂർ വരെ റെസ്റ്റു ചെയ്യാൻ വയ്ക്കാം... 
   
ഫില്ലിംഗ് തയ്യാറാക്കാനായി  ഒരു പാനിലേക്ക് അര ടീസ്പൂൺ നെയ്യൊഴിച്ച്, കുറച്ചു കശുവണ്ടി ചേർത്ത്  ചെറുതായി നിറം  മാറി വരുമ്പോൾ അതിലേക്ക് ഒരു കപ്പ് തേങ്ങയും (കൂടിയാലും സാരമില്ല )  പഞ്ചസാര നിങ്ങളുടെ മധുരം അനുസരിച്ച്  ഇടുക കൂടെ ഒരുപിടി കിസ്മിസും ടൂട്ടിഫ്രൂട്ടിയും  ചേർത്ത് യോചിപ്പിക്കാം.   (ചെറിയ തീയിൽ വച്ചുവേണം ഇതെല്ലാം യോചിപ്പിക്കേണ്ടത്. ടൂട്ടിഫ്രൂട്ടി ഇല്ലെങ്കിൽ ചെറി മുറിച്ചും  ചേർക്കാം . )

ഇനി അടികട്ടിയുളള ഒരു പാത്രത്തിൽ അല്പംകനത്തിൽ ഉപ്പുപൊടിയിട്ട് അതിനു മുകളിലേക്ക്  ഒരു സ്റ്റാന്റോ അല്ലെങ്കിൽ ഒരു ചെറിയ  സ്റ്റീൽ പാത്രമോ വച്ചതിനു ശേഷം അടച്ചു പ്രീഹീറ്റു ചെയ്യാൻ വയ്ക്കണം.

 അടുത്തതായി  നേരത്തേ തയ്യാറാക്കിയ മാവെടുത്ത് രണ്ടു ബോൾസാക്കി   ഓരോന്നും  അരയിഞ്ചു കനത്തിൽ പരത്തിവയ്ക്കണം ഒന്നിന്റെ ഉളളിൽ നടുക്കായി ഫില്ലിംസ് വച്ച്ചുറ്റും അല്പം വെളളമോ പാലോ ഉപയോഗിച്ച് തടവാം . ഇനി രണ്ടാമത്തെ  ചപ്പാത്തി  അതിനു മുകളിൽ വച്ച് കൈകൊണ്ട്  അരികുകൾ മെല്ല അമർത്തി ചേർത്തുവച്ച്  ഒട്ടിക്കണം. വിരലുകൾകൊണ്ട് ചെറുതായി പിരിച്ചും കൊടുക്കാം .( ഞാൻ ചെയ്യുന്നത് ഫോർക്കിന്റെ താഴെയുളള ഭാഗം ഉപയോഗിച്ച് മെല്ല അമർത്തി ഒട്ടിക്കുകയാണ് ) ഇനി ഒരു മുട്ട അടിച്ച് ഇതിനു മുകളിൽ തടവുക .  പത്തു മിനിറ്റ് അങ്ങിനെ ഇരിക്കട്ടെ 

അടുത്തത് കേക്ക് ടിന്നോ അല്ലെങ്കിൽ ഒരു പാത്രമോ എടുത്ത് അതിലേക്ക് ബട്ടർ പേപ്പർവച്ച് തയ്യാറാക്കിയ ബൺ ഈ പ്ലേറ്റിലേക്ക് എടുത്തു വയ്ക്കാം .
 
 പ്രീഹീറ്റായ  പാത്രത്തിലേക്കു ബൺ  വച്ച പാത്രം ഇറക്കിവച്ച്  മൂടികൊണ്ടടച്ച് ചെറിയ തീയിൽ 45 to 50 മിനിറ്റു ബേക്കു ചെയ്തെടുക്കാം.. ഇടയ്ക്ക് തുറക്കരുത് . https://noufalhabeeb.blogspot.com/?m=1

വെജിറ്റബിൾ എഗ്ഗ് സൂപ്പ്

എളുപ്പത്തിൽ അടിപൊളി  രുചിയിൽ  ഹെൽത്തി  വെജിറ്റബിൾ എഗ്ഗ് സൂപ്പ്  എങ്ങനെ ഉണ്ടാക്കാം എന്ന് നോക്കാം.

          ചേരുവകൾ

ഒലിവ്  എണ്ണ  -2 ടേബിൾ സ്പൂൺ

വെളുത്തുള്ളി  - 2 അല്ലി

സ്പ്രിംഗ് ഓണിയൻ - 2 എണ്ണം

ഗ്രീൻ  പീസ്   - 1/4 കപ്പ്‌

ക്യാരറ്റ്   - 1/4 കപ്പ്‌

ക്യാപ്‌സികം   - 1/4 കപ്പ്‌

സ്വീറ്റ് കോൺ  - 1/4 കപ്പ്‌

വെള്ളം - 3 ഗ്ലാസ്‌

കോൺഫ്ളർ - 1 1/2  ടേബിൾ സ്പൂൺ

ഉപ്പ്  ആവശ്യത്തിന്

മുട്ട  -1 എണ്ണം

വിനെഗർ 2 ടേബിൾ സ്പൂൺ

പച്ചമുളക്  -2 എണ്ണം

കുരുമുളക്  -1 ടീസ്പൂൺ

ബട്ടർ -1/2  ടീസ്പൂൺ

സോയ്  സോസ്  - 1/2 ടീസ്പൂൺ

പഞ്ചസാര  1/2 ടീസ്പൂൺ

         ഉണ്ടാക്കുന്ന വിധം

പാത്രം  അടുപ്പത്തു   വെച്ച്  ചൂടാകുമ്പോൾ  2 ടേബിൾ സ്പൂൺ  ഒലിവ്  എണ്ണ  ഒഴിക്കുക. ഇതിലേക്  2 അല്ലി വെളുത്തുള്ളി, സ്പ്രിംഗ്‌ ഓണിയൻ എന്നിവ  ചെറുതായി   അരിഞ്ഞത്  ചേർത്ത് ഇളക്കുക.

ഇനി 1/4 കപ്പ്‌  വീതം ചെറുതായി അരിഞ്ഞ  ഗ്രീൻ പീസ്, ക്യാരറ്റ്, ക്യാപ്‌സിക്കം , സ്വീറ്റ് കോൺ എന്നിവ ചേർത്ത്  നന്നായി  5 മിനിറ്റ്  ഇളക്കുക.

ഇതൊന്നു ഫ്രൈ ആയാൽ 3 ഗ്ലാസ്‌  വെള്ളം ഒഴിച്ച്‌ തിളപ്പിക്കുക. ആവശ്യത്തിന്  ഉപ്പു ചേർക്കുക .

തിളക്കുമ്പോൾ തീ  കുറച്ചു  11/2 ടേബിൾ സ്പൂൺ   കോൺഫ്ളറും വെള്ളവും ചേർത്ത  മിക്സ്‌ ഒഴിക്കുക.
ഇത്‌ ഇളക്കി  കൊണ്ടിരിക്കുക.

ഇതിലേക്ക് ഒരു മുട്ട  പൊട്ടിച്ചു ചേർക്കുക. നന്നായി ഇളക്കിയ ശേഷം ഇതിലേക്ക്  2 ടേബിൾ സ്പൂൺ വിനെഗർ , 2 പച്ചമുളക്  എന്നിവ ചേർക്കുക..

ഇനി 1/2 tsp പഞ്ചസാര  ചേർക്കാം.ഇനി  1 ടീസ്പൂൺ കുരുമുളക്, 1/2 ടീസ്പൂൺ ബട്ടർ  എന്നിവ ചേർത്ത്  തീ ഓഫ്‌ ചെയ്യുക.

വേണമെങ്കിൽ  സോയ്  സോസ്  1/2 ടീസ്പൂൺ കൂടി ചേർത്ത്  ചൂടോടെ  കഴിക്കാം..   

പെട്ടിയപ്പം

കറുമുറെ കൊറിക്കാന്‍ കിടിലനാണ് ഈ 'തുക്ടി'

മലയാളത്തില്‍ പെട്ടിയപ്പം എന്നും, ഡയമണ്ട് എന്നുമൊക്കെ വിളിക്കുന്ന അതേ ഐറ്റം തന്നെ.....

  കറുമുറെ കൊറിക്കാന്‍ വല്ല പലഹാരം വീട്ടിലുണ്ടെങ്കില്‍ പിന്നേ എല്ലാര്‍ക്കും ഒരു ഹരമാണ്. ചായക്കൊപ്പവും പുസ്തക വായനക്കിടയിലും ടി.വി. കാണുമ്പോഴും ഒക്കെ ഒരു പ്ലേറ്റില്‍ എടുത്താല്‍ ഇത്തരം പലഹാരം തീരുന്ന വഴി അറിയില്ല. കടയില്‍ നിന്നും വാങ്ങുന്നതിനേക്കാളും അതെ രുചിയോടെ നമുക്ക് വീട്ടിലുണ്ടാക്കാമെങ്കില്‍ അതല്ലേ നല്ലത്?

ഇന്ന് പരിചയപ്പെടുത്തുന്ന കൊങ്കണി പലഹാരമാണ് 'തുക്ടി'. മലയാളത്തില്‍ പെട്ടിയപ്പം എന്നും, ഡയമണ്ട് എന്നുമൊക്കെ വിളിക്കുന്ന അതേ ഐറ്റം തന്നെ. കൊങ്കണികളുടെ വിവാഹം പോലുള്ള വിശേഷ ദിവസങ്ങളില്‍ പ്രാതല്‍ ഭക്ഷണത്തിനൊപ്പം തുക്ടി വിളമ്പാറുണ്ട്. അതുകൊണ്ട് തന്നെ വിശേഷാവസരങ്ങളില്‍ ദിവസങ്ങള്‍ക്കു മുന്‍പ് തന്നെ ഒരു വലിയ ഡബ്ബ നിറച്ചും തുക്ടി ഉണ്ടാക്കി വയ്ക്കും, അതിഥികള്‍ക്ക് വിളമ്പാനും മറ്റും. ദീപാവലി പലഹാരങ്ങളിലും മുഖ്യനാണ് തുക്ടി. അല്പം എരിവും എള്ളിന്റേം ജീരകത്തിന്റേം ഒക്കെ മണവും കൂടെയാകുമ്പോള്‍ ചായക്കൊപ്പം കൊറിക്കാന്‍ ഇതിനെക്കാളും എളുപ്പത്തില്‍ ഉണ്ടാക്കാവുന്ന വേറെ ഐറ്റം ഇല്ല.

           ആവശ്യമുള്ള സാധനങ്ങൾ

മൈദ -1/2 കിലോ

ആട്ട -1/4 കിലോ

മുളകുപൊടി -2-3 ടീസ്പൂണ്‍

എള്ള് -2 ടീസ്പൂണ്‍

ജീരകം -1 ടീസ്പൂണ്‍

കായപ്പൊടി -ഒന്നര ടീസ്പൂണ്‍

വെണ്ണ -1 ടീസ്പൂണ്‍

ഉപ്പ് - ആവശ്യത്തിന്

റിഫൈന്റ് ഓയില്‍ -വറുക്കാന്‍ ആവശ്യത്തിന്

       തയ്യാറാക്കുന്ന വിധം

മൈദ മുതല്‍ ഉപ്പ് വരെയുള്ളവ നന്നായി യോജിപ്പിക്കുക. ഇതിലേക്ക് വെള്ളം അല്‍പ്പാല്‍പ്പമായി ചേര്‍ത്ത് അല്പം കട്ടി ആയി ചപ്പാത്തിക്കെന്ന പോലെ കുഴയ്ക്കുക. അധികം മൃദുലമാക്കരുത്. ഇനി ഇതില്‍ നിന്നും സാധാരണ ചപ്പാത്തിയുടെ ഉരുളയുടെ വലുപ്പത്തില്‍ ഉരുളകളാക്കുക.

ഇവ ഓരോന്നായി ചപ്പാത്തി പോലെ പരത്തി ഡയമണ്ട് ഷേപ്പ് ല്‍ മുറിക്കുക.

അല്പല്പമായി ചൂടായ എണ്ണയില്‍ വറുത്തു കോരുക.

   ശ്രദ്ധിക്കുക :.

കശ്മീരി മുളകുപൊടി ചേര്‍ത്താല്‍ എരിവ് കുറഞ്ഞും നല്ല ചുവന്ന നിറത്തിലും ആയി തുക്ടി ഉണ്ടാക്കാം.    https://noufalhabeeb.blogspot.com/?m=1

മീൻ തലക്കറി

ഷാപ്പിലെ കറിയെക്കാൾ അടിപൊളി! മീൻ തലക്കറി ഇങ്ങനെ ഉണ്ടാക്കി നോക്കൂ

  കേരളീയർക്ക് മീൻ കറിയെക്കാളും കൂടുതൽ ഇഷ്ടം മീനിന്റെ തലക്കറി ആയിരിക്കും. ഇത് പലരും പറഞ്ഞു കേട്ടിട്ടുള്ളതാണ്. എങ്ങനെയാണ് ഷാപ്പിലെ മീൻ കറിയും ഹോട്ടലിലെ മീൻകറിയും ഇത്രയും സ്വാദ് ? ഈ മീൻ കറിയുടെ പേരിൽ അല്ലെങ്കിൽ തലക്കറിയുടെ പേരിൽ ഫേമസ് ആയിട്ടുള്ള സ്ഥലങ്ങൾ പോലും ഉണ്ട്. അങ്ങനെ അത് അത്രമാത്രം അറിയപ്പെടുന്നതെങ്കിൽ ആ കറിയിൽ ചേർക്കുന്ന ചേരുവകളുടെ പ്രത്യേകത കൊണ്ടായിരിക്കണം. ആ ഒരു പ്രത്യേകത എന്താണ് എന്നാണ് നമ്മൾ നോക്കേണ്ടത്.

ആദ്യമായി ഏതെങ്കിലും ഒരു വലിയ മീനിന്റെ തല മാത്രമായി മാറ്റി ക്ലീൻ ചെയ്ത് എടുത്തുവയ്ക്കുക. അതിനുശേഷം ഒരു ചട്ടി വെച്ച് ചൂടാകുമ്പോൾ അതിലേക്ക് പച്ച വെളിച്ചെണ്ണ ഒഴിച്ച് അതിലേക്ക് പച്ചമുളക്, ചെറിയ ഉള്ളി, കറിവേപ്പില, ഇഞ്ചി, വെളുത്തുള്ളി എന്നിവ നന്നായി വഴറ്റുക. ശേഷം ഇതിൽ തന്നെ, മഞ്ഞൾപ്പൊടിയും, ഉലുവപ്പൊടി, ജീരകത്തിന്റെ പൊടി, മുളക് പൊടി, കാശ്മീരി മുളകുപൊടി, മല്ലിപ്പൊടി ഇത്രയും ചേർത്ത് ഇത് നന്നായിട്ടൊന്ന് വഴറ്റിയെടുക്കുക. ഇത് നന്നായി വഴന്നു കഴിയുമ്പോൾ അതിലേക്ക് ആവശ്യത്തിന് ഉപ്പുകൂടെ ചേർത്തു കൊടുക്കണം.

നല്ലൊരു കളർ ആയി കഴിയുമ്പോൾ മാത്രം അതിലേക്ക് പുളി പിഴിഞ്ഞത് കൂടി ഒഴിച്ചു കൊടുക്കുക. ശേഷം ഇതൊന്നു ഇളക്കി യോജിപ്പിച്ച് തിളച്ചു കഴിഞ്ഞാൽ ഇതിലേക്ക് മീൻ തല വെച്ചുകൊടുത്ത് അതിനു മുകളിലായി കുറച്ച് തക്കാളി അരിഞ്ഞതും കുറച്ചു കറിവേപ്പിലയും ചേർത്തതിനു ശേഷം ചെറിയ തീയിൽ അടച്ചുവെച്ച് വേവിക്കുക. ഇടയ്ക്കിടെ ചട്ടി വട്ടം കറക്കി ഇളക്കുക. തവി ഇട്ട് ഇളക്കരുത്. ഒരു പുറം വെന്തു കഴിഞ്ഞാൽ മറ്റേ പുറവും തിരിച്ചു വെക്കുക. കറി വീണ്ടും മൂടി വെക്കുക. കറി വറ്റിയ ശേഷം കറിവേപ്പില തൂവി അൽപ്പം വെളിച്ചെണ്ണ കൂടി ഒഴിച്ച് ഇറക്കി വെക്കുക. അടിപൊളി മീൻ തലക്കറി റെഡിയായി. ചൂടോടെ ചോറിനൊപ്പവും കപ്പയുടെ ഒപ്പവും ഇത് കഴിക്കാം. https://noufalhabeeb.blogspot.com/?m=1

ചീര കട്‌ലറ്റ്

വളരെ എളുപ്പം തയ്യാറാക്കാം ചീര കട്‌ലറ്റ്

  വൈകുന്നേരം കുട്ടികള്‍ക്ക് ചായയ്‌ക്കൊപ്പം നല്‍കാന്‍ കഴിയുന്ന ഒരു വിഭവമാണ് ചീര കട്‌ലറ്റ്. വളരെ എളുപ്പം തയ്യാറാക്കാന്‍ കഴിയുന്ന ഒരു വിഭവം കൂടിയാണ് ചീര കട്‌ലറ്റ്. ഇത് തയ്യാറാക്കുന്നത് എങ്ങനെയെന്ന് നോക്കാം…

           ചേരുവകള്‍

ചീര- 2 കെട്ട്

കടലപരിപ്പ്- 250 ഗ്രാം

സവാള (ചെറുതായി അരിഞ്ഞത്)- 2 എണ്ണം

ഇഞ്ചി (പൊടിയായി അരിഞ്ഞത്)- 2 കഷ്ണം

മല്ലിയില (പൊടിയായി അരിഞ്ഞത്)- 1 കപ്പ്

മുളക്പൊടി- 1/2 ടീസ്പൂണ്‍

കുരുമുളക്പൊടി- 1/2 ടീസ്പൂണ്‍

തേങ്ങ (ചിരകിയത്)- 1/2 കപ്പ്

ചെറുനാരങ്ങാനീര്- 1/2 നാരങ്ങയുടേത്

ബ്രെഡ്- 6 സ്ളൈസ്

റൊട്ടിപ്പൊടി- ആവശ്യത്തിന്

എണ്ണ- ആവശ്യത്തിന്

പച്ചമുളക് (പൊടിയായി അരിഞ്ഞത്)- 2 എണ്ണം

ഉപ്പ്- പാകത്തിന്

           തയ്യാറാക്കുന്ന വിധം

ചീരയില തണ്ടോടുകൂടി വെള്ളം ചേര്‍ക്കാതെ വേവിക്കുക. ഇത് മയത്തില്‍ അരച്ചെടുക്കുക. കടലപരിപ്പ് വേവാകുമ്പോള്‍ വെള്ളം ഊറ്റിക്കളഞ്ഞ് തരുതരുപ്പായി അരച്ചെടുക്കണം. പച്ചമുളക്, ഇഞ്ചി, സവാള, തേങ്ങ, മല്ലിയില എന്നിവ എണ്ണ നന്നായി വഴറ്റി മൂപ്പിക്കണം.

തുടര്‍ന്ന്, മുളക്പൊടി, കുരുമുളക് പൊടി, റൊട്ടിയുടെ നടുഭാഗം ചെറുകഷണങ്ങളാക്കിയത്, ചെറുനാരങ്ങാ നീര്, ഉപ്പ്, വഴറ്റിയ സവാളക്കൂട്ട്, അരച്ചുവെച്ചിരിക്കുന്ന കടലപ​രിപ്പ്​, ചീര എന്നിവയുമായുമായി നന്നായി യോജിപ്പിക്കുക. ഈ കൂട്ടില്‍ നിന്ന് കുറേശെയെടുത്ത് കട്ലറ്റ് രൂപത്തിലാക്കി റൊട്ടിപ്പൊടിയില്‍ പൊതിഞ്ഞ് എണ്ണയില്‍ വറുത്തെടുക്കുക. ചീര കട്ലറ്റ് തയ്യാർ. https://noufalhabeeb.blogspot.com/?m=1

ബട്ടൂരയും മുട്ട റോസ്റ്റും

 ഇന്ന് നമുക്ക്‌ ബട്ടൂരയും കൂട്ടുകറി ആയി മുട്ട റോസ്റ്റും തയ്യാർ ആക്കുന്നത്‌ എങ്ങനെ എന്ന് നോക്കാം .  ബട്ടൂരയും മുട്ട റോസ്റ്റും

            ആദ്യം നമുക്ക്‌ ബട്ടൂര തയ്യാറാക്കാം

▪ ഒരു പാത്രത്തിൽ കാൽ കപ്പ് തൈര് , അര കപ്പ് പാൽ , ഒരു സ്പൂൺ പഞ്ചസാര എടുത്ത് നന്നായി മിക്സ് ചെയ്യുക.

 ▪ ഇതിലേക്ക് ഒന്നര കപ്പ് മൈദ , അര കപ്പ് ഗോതമ്പു പൊടി ,2 സ്പൂൺ ബേക്കിംഗ് പൗഡർ,  പാകത്തിന് ഉപ്പ് ഇവ ചേർത്ത് കുഴച്ചെടുക്കുക.

▪ കുഴച്ച ശേഷം 2 സ്പൂൺ എണ്ണ ചേർത്ത് ഒന്നു കൂടി കുഴച്ച് 2 മണിക്കൂർ വെക്കുക.

▪ അതിനു ശേഷം ഉരുളകളാക്കി റൗണ്ട് ഷേപ്പിൽ പരത്തി എണ്ണ ചൂടാക്കി പൊരിച്ചെടുക്കാം.

ഇനി നമുക്ക്‌ മുട്ട റോസ്റ്റ്‌ തയ്യാർ ആക്കുന്നത്‌ എങ്ങനെ എന്ന് നോക്കാം

      മുട്ട റോസ്ററ്

മുട്ട - 3എണ്ണം

സവാള - 2 എണ്ണം

തക്കാളി -2എണ്ണം

പച്ചമുളക് -3 എണ്ണം

കറിവേപ്പില -1 തണ്ട്

വെളുത്തുള്ളി,ഇഞ്ചി പേസ്ററ് - 1/2 ടീസ്പൂൺ

മുളക്പൊടി -1 ടീസ്പൂൺ

കാശ്മീരി മുളക്പൊടി -1ടീസ്പൂൺ

മല്ലിപൊടി -1/4 ടീസ്പൂൺ

മഞ്ഞള്‍പൊടി -1/4 ടീസ്പൂൺ

വലിയജീരകം -1/4 ടീസ്പൂൺ

കറുവപട്ട -ചെറിയ കഷ്ണം

ഗ്രാമ്പൂ -3എണ്ണം

ഏലക്ക -2എണ്ണം

ഉപ്പ്       - ആവശ്യത്തിന്

വെളിച്ചെണ്ണ - ആവശ്യത്തിന്

                   തയ്യാറാക്കുന്നവിധം

മുട്ട പുഴുങ്ങി വെക്കുക...

ഒരു പാനില്‍ ഒായില്‍ ഒഴിച്ചു ചൂടാകുമ്പോള്‍,വലിയ ജീരകം ഇട്ട് മൂപ്പിക്കുക..ഇതിലേക്ക്  കറുവപട്ട,ഗ്രാമ്പൂ,ഏലക്ക എല്ലാം കൂടി ഒന്ന് ചതച്ച്,പാനിലേക്ക് ഇട്ട് മൂത്ത് വരുമ്പോള്‍,സവാള ചേര്‍ത്ത് നല്ലതു പോലെ വഴറ്റുക.....

വഴന്നു വരുമ്പോള്‍,വെളുത്തുള്ളി ഇഞ്ചി പേസ്ററും,പച്ചമുളകും ചേര്‍ത്ത് വഴറ്റുക...

ഇതിലേക്ക് തക്കാളിയും,കറി വേപ്പിലയും ചേര്‍ത്ത് നല്ലതു പോലെ വഴറ്റുക....

എല്ലാ പൊടികളും ചേര്‍ത്ത് മൂപ്പിച്ച്,പാകത്തിന് ഉപ്പും കുറച്ച് വെള്ളവും ചേര്‍ത്ത് നല്ല പേസ്ററ് രൂപത്തില്‍ ആക്കി,മുട്ട  ചേര്‍ത്താല്‍ മുട്ട റോസ്ററ് റെഡി......

https://noufalhabeeb.blogspot.com/?m=1

ബീറ്റ്‌റൂട്ട് ചപ്പാത്തി

ആരോഗ്യകരമായ പ്രഭാത ഭക്ഷണത്തിന് ബീറ്റ്‌റൂട്ട് ചപ്പാത്തി ഉണ്ടാക്കാം

   എല്ലാ വീട്ടമ്മമാരും ഒരുപോലെ ചിന്തിക്കുന്ന ഒന്നാണ് കുടുംബത്തിനുവേണ്ടി വ്യത്യസ്തമായ എന്തങ്കിലും ഭക്ഷണങ്ങള്‍ ഉണ്ടാക്കിക്കൊടുക്കാന്‍. എന്നും ഇഡലിയും ദോശയും അപ്പവുമൊക്കെ ആകുമ്പോള്‍ എല്ലാര്‍ക്കും അത് മടുത്ത് തുടങ്ങും. അങ്ങനെ വിഷമിച്ചിരിക്കുന്ന വീട്ടമ്മമാര്‍ക്കൊരു സന്തോഷവാര്‍ത്ത. ഇത്തവണ ഒരു വെറൈറ്റി ബീറ്റ്റൂട്ട് ചപ്പാത്തി തന്നെ പരീക്ഷിച്ചു നോക്കിയാലോ?

            ആവശ്യമായ സാധനങ്ങള്‍

ബീറ്റ് റൂട്ട് – 1

ഗോതമ്പ് പൊടി – 2 കപ്പ്

ജീരകപ്പൊടി – 1/2 ടീ സ്പൂണ്‍ ( ജീരകം വറുത്തു പൊടിച്ചത് )

മുളക് പൊടി – 1/2 – 3/4 ടീ സ്പൂണ്‍

നെയ്യ് അല്ലെങ്കില്‍ എണ്ണ- 2 സ്പൂണ്‍

ഉപ്പ്

വെള്ളം

          തയാറാക്കുന്ന വിധം

ബീറ്റ് റൂട്ട് തൊലി കളഞ്ഞു പൊടിയായി ഗ്രേറ്റ് ചെയ്‌തെടുക്കുക. ഗോതമ്പ്‌പൊടിയില്‍ ബീറ്റ് റൂട്ടും ജീരകപ്പൊടിയും മുളകുപൊടിയും ഉപ്പും ഒരു സ്പൂണ്‍ നെയ്യോ എണ്ണയോ ചേര്‍ത്ത് നന്നായി ഇളക്കുക. ഇനി അല്പാല്പമായി വെള്ളം തളിച്ച് കുഴച്ചു മാവാക്കുക.

കയ്യില്‍ അല്പം എണ്ണ പുരട്ടി മാവ് നന്നായി ഉരുട്ടി വയ്ക്കുക. അല്പ സമയം കഴിഞ്ഞാല്‍ കയ്യില്‍ ഗോതമ്പ് പൊടി പുരട്ടി മാവ് ഉരുളകളാക്കുക. എല്ലാ ഉരുളകളും പരത്തി , ചൂടാക്കിയ കല്ലില്‍ ചുട്ടെടുക്കുക.  https://noufalhabeeb.blogspot.com/?m=1

സോയ കീമ പറോട്ട

ബ്രേക്ക്ഫാസ്റ്റിന് സ്‌പെഷ്യല്‍ സോയ കീമ പറോട്ട ഉണ്ടാക്കാം 

  ബ്രേക്ക്ഫാസ്റ്റിന് കുട്ടികള്‍ ഇഷ്ടപ്പെടുന്ന ഒരു വിഭവമാണ് സോയ കീമ പറോട്ട. ഇത് തയാറാക്കാന്‍ വളരെ എളുപ്പവുമാണ്. കുറച്ചു സമയംകൊണ്ട് തയാറാക്കാന്‍ കഴിയുന്ന ഒരു വിഭവമാണ് സോയ കീമ പറോട്ട. ഇത് തയാറാക്കുന്നത് എങ്ങനെയെന്ന് നോക്കാം

              ആവശ്യമുള്ള സാധനങ്ങള്‍

ഗോതമ്പുപൊടി രണ്ടു കപ്പ്

നെയ്യ് നാലു ടേബിള്‍സ്പൂണ്‍

            കീമ തയ്യാറാക്കാന്‍

സോയ ചങ്സ് ഒരു കപ്പ്

സവാള -രണ്ടെണ്ണം

തക്കാളി -ഒരെണ്ണം ചെറുതായി അരിഞ്ഞത്

ഇഞ്ചി

വെളുത്തുള്ളി

പച്ചമുളക് പേസ്‌റ് രണ്ടു ടേബിള്‍സ്പൂണ്‍

മല്ലിയില അരിഞ്ഞത് നാല് ടേബിള്‍സ്പൂണ്‍

പുതിന അരിഞ്ഞത് രണ്ടു ടേബിള്‍സ്പൂണ്‍

നല്ല ജീരകം അര ടീസ്പൂണ്‍

നല്ല ജീരകം പൊടി അര ടീസ്പൂണ്‍

ഗരം മസാല അര ടീസ്പൂണ്‍

മഞ്ഞള്‍ പൊടി അര ടീസ്പൂണ്‍

ചിക്കന്‍ മസാല ഒന്ന്

മുളകുപൊടി ഒന്നര ടീസ്പൂണ്‍

മല്ലിപൊടി രണ്ടു ടീസ്പൂണ്‍

എണ്ണ നാലു ടേബിള്‍സ്പൂണ്‍

ഉപ്പ് ആവശ്യത്തിന്

      തയ്യാറാക്കുന്ന വിധം

   കീമ :-

സോയ ചങ്ക്സ് തിളച്ച വെള്ളത്തില്‍ ഉപ്പിട്ട് കുതിരാന്‍ വച്ച് , കുതിര്‍ന്ന ശേഷം നല്ലവണ്ണം പിഴിഞ്ഞ് മിസ്‌ക്‌സിയില്‍ ഒന്ന് ക്രെഷ് ചെയ്യുക.

പാനില്‍ എണ്ണ ചൂടാക്കി നല്ലജീരകം ചേര്‍ത്ത് പൊട്ടിയാല്‍ സവാള ചേര്‍ത്ത് ഒന്ന് സോര്‍ട് ആക്കി ഇഞ്ചി , വെളുത്തുള്ളി , പച്ചമുളക് പേസ്‌റ് ചേര്‍ത്ത് പച്ചമണം മാറിയാല്‍ നല്ല ജീരകം പൊടി , ഗരം മസാല , മഞ്ഞള്‍ പൊടി , ചിക്കന്‍ മസാല ഒന്ന് , മുളകുപൊടി ,മല്ലിപൊടി ചേര്‍ത്ത് വഴറ്റി പച്ചമണം മാറിയാല്‍ തക്കാളി ചേര്‍ത്ത് ഉടഞ്ഞു വന്നാല്‍ സോയ ചങ്ക്സ് ,ഉപ്പ് ആവശ്യത്തിന് ചേര്‍ത്ത് ചെറിയ തീയില്‍ അടച്ചു വച്ച് വേവിച്ചു കഴിഞ്ഞു മല്ലിയില പുതിന ചേര്‍ക്കുക.

ഗോതമ്പുപൊടി ,ഉപ്പും ചേര്‍ത്ത് മിക്‌സ് ചെയ്ത് കുറേശ്ശെ വെള്ളം ഒഴിച്ച് ചപ്പാത്തിക്ക് കുഴക്കുന്ന രീതിയില്‍ കുഴച്ചെടുക്കുക ഇതിനു മുകളില്‍ ഒരു സ്പൂണ്‍ നെയ്യൊഴിച്ചു ഒന്നുകൂടെ കുഴച്ചു അരമണിക്കൂര്‍ വച്ച് ഓരോ ഉരുളകളാക്കി കീമ മിക്‌സ് ഇതിനുള്ളില്‍ ഫില്‍ ചെയ്ത് ചപ്പാത്തി പരത്തുന്ന പോലെ പരത്തി പാനില്‍ രണ്ടുഭാഗവും നെയ്യ് തടവി ചുട്ടെടുക്കുക.  https://noufalhabeeb.blogspot.com/?m=1

ഇലയട

വെറൈറ്റി ആഗ്രഹിക്കുന്നവർക്ക് രുചിയൂറും സ്‌പെഷ്യൽ ഇലയട

  പ്രഭാത ഭക്ഷണമായി ദോശയും ഇഡലിയും അപ്പവും പുട്ടും ഒക്കെ ഉണ്ടെങ്കിലും കുട്ടികൾക്ക് പ്രിയം മധുരമൊക്കെ വെച്ച അടയാണ്. ഇത് ഉണ്ടാക്കുന്ന വിധമെങ്ങനെ എന്ന് കാണാം:

                ചേരുവകള്‍

ഉണക്കലരി – 500 ഗ്രാം

ശര്‍ക്കര -500 ഗ്രാം

തേങ്ങ ചിരകിയത് – 2 എണ്ണം

വാഴപ്പഴം – 1

നെയ്യ് -2 ടീസ്പൂണ്‍

പഞ്ചസാര -1 ടീസ്പൂണ്‍

വാഴയില – പൊതിയാന്‍ പാകത്തിന്

പഞ്ചസാര- ഒരു സ്പൂണ്‍

              തയ്യാറാക്കുന്ന വിധം:

അരി അഞ്ച് മണിക്കൂറെങ്കിലും കുതിര്‍ത്ത് നല്ലതുപോലെ പൊടിച്ചെടുക്കുക. നല്ലതുപോലെ നൈസ് ആയി വേണം പൊടിച്ചെടുക്കുന്നതിന്. അതിന് ശേഷം ശര്‍ക്കര ചെറുതായി പൊടി പൊടിയായി അരിയുക. ശര്‍ക്കര പൊടിയായി അരിഞ്ഞതിന് ശേഷം ഇതിലേക്ക് തേങ്ങ ചിരകിയതും കൂടി ചേര്‍ക്കുക. ഇത് നല്ലതുപോലെ കൂട്ടിക്കലര്‍ത്തി ഇതിലേക്ക് ഏലക്കയ്യും നെയ്യും കൂടി ചേര്‍ക്കുക. അതിന് ശേഷം അടക്ക് വേണ്ടിയുള്ള മാവ് തയ്യാറാക്കാം. അതിന് വേണ്ടി അല്‍പം നെയ്യും ഒരു ടേബിള്‍ സ്പൂണ്‍ പഞ്ചസാരയും മാവില്‍ ചേര്‍ക്കുക.

ഇത് പേസ്റ്റ് രൂപത്തില്‍ ആക്കിയ ശേഷം വേണം അട തയ്യാറാക്കേണ്ടത്. ഒരു വാഴയില എടുത്ത് വാട്ടി അതിലേക്ക് അരിമാവ് പരത്തി അല്‍പം തേങ്ങയും ശര്‍ക്കരയും മിക്‌സ് ചെയ്തത് ഇതിന് മുകളില്‍ നിരത്തുക. വേണമെന്നുണ്ടെങ്കില്‍ നിങ്ങള്‍ക്ക് അല്‍പം പഴവും ഇതിന് മുകളില്‍ ചെറുതായി അരിഞ്ഞ് ചേര്‍ക്കാവുന്നതാണ്. ഇല മടക്കിയതിന് ശേഷം ഇത് ഇഡ്ഡലി തട്ടില്‍ നിരത്തി ആവിയില്‍ വേവിച്ചെടുക്കുക. സ്‌പെഷ്യല്‍ അട വേവുന്നതിന് വേണ്ടി 20-25 മിനിറ്റ് വേവിക്കുക. നല്ല സ്‌പെഷ്യല്‍ തിരുവോണം സ്‌പെഷ്യല്‍ അട തയ്യാര്‍.           https://noufalhabeeb.blogspot.com/?m=1

ഇടിയപ്പം

ബാക്കി വന്ന ചോറു കൊണ്ടൊരുക്കാം പ്രാതലിന് സൂപ്പർ ഇടിയപ്പം…

 ചോറ് ബാക്കി വന്നാൽ പെട്ടെന്നൊരു  ബ്രേക്ക് ഫാസ്റ്റ് റെഡിയാക്കാം. പൂ പോലെ സോഫ്റ്റായ ഇടിയപ്പം തയാറാക്കാൻ 2 കപ്പ്  ചോറ് മതി

               ചേരുവകൾ

•ചോറ് – 2 കപ്പ്

•വറുത്ത അരിപ്പൊടി  – 1 കപ്പ്

•വെള്ളം  – 2 ടേബിൾസ്പൂൺ

•വെളിച്ചെണ്ണ  – 1 ടേബിൾസ്പൂൺ

•ഉപ്പ് – ആവശ്യത്തിന്

•തേങ്ങാ ചിരവിയത്  – 1/4 കപ്പ്

               തയാറാക്കുന്ന വിധം

•2 ടേബിൾസ്പൂൺ വെള്ളം ചേർത്തു ചോറ്  നന്നായി അരച്ചെടുക്കുക. ഇതിലേക്ക് ആവശ്യത്തിന് ഉപ്പും ഒരു കപ്പ് വറുത്ത അരിപ്പൊടിയും കൂടെ ചേർത്തു മയത്തിൽ കുഴച്ചെടുക്കുക. കൈയിൽ ഒട്ടിപിടിക്കുന്നുണ്ടെങ്കിൽ ഒരു ടേബിൾസ്പൂൺ എണ്ണ കൂടെ ചേർക്കാം.

•ഇത് ഒരു മിനിറ്റു കുഴച്ചതിനു ശേഷം സേവനാഴിയിൽ ഇട്ട് ഇടിയപ്പം ഉണ്ടാക്കാം. ഇടയ്ക്കു തേങ്ങയും ഇട്ട് കൊടുക്കാം, ഇനി 3 മിനിറ്റ് ആവിയിൽ വേവിച്ചാൽ മതി ഇടിയപ്പം തയാർ. ചൂടോടെ കറി കൂട്ടി കഴിക്കാം.  https://noufalhabeeb.blogspot.com/?m=1

ചുക്ക്‌ കാപ്പി

ചുക്ക്‌ കാപ്പി

വീട്ടിൽ ആർക്കെങ്കിലും ചെറിയൊരു പനി വന്നാൽ നാം ആദ്യം ഉണ്ടാക്കുന്ന ഒന്നാണ്‌ ചുക്കു കാപ്പി. എന്നാൽ പുതിയ തലമുറയിലെ കുട്ടികൾക്ക്‌ അതിന്റെ ചേരുവകൾ അത്ര പിടിയില്ല.. അതിന്‌ ഒരു പരിഹാരമാണ്‌ ഈ പാചകക്കുറിപ്പ്‌.

പനി, മേലുവേദന , തലവേദന തുടങ്ങി പല അസുഖങ്ങൾക്കും. നല്ലൊരു നാട്ടു മരുന്ന് ആണ്‌ ചുക്കു കാപ്പി.. ഇതിൽ ചേർക്കുന്ന ഓരോ വിഭവത്തിനും അതിന്റേതായ പ്രാധാന്യം ഉണ്ട്‌. എങ്കിലും  ചുക്കിന്റെ പ്രാധാന്യം മാത്രം നമുക്ക്‌ പാചക കുറിപ്പിന്‌ അവസാനം  നോക്കാം... ആദ്യം നമുക്ക്‌ ചുക്കു കാപ്പി ഉണ്ടാക്കുന്ന വിധം എങ്ങനെ എന്ന് നോക്കാം.

           വേണ്ട ചേരുവകൾ

ചുക്ക്‌ - ഒരു വലിയ കഷണം

മല്ലി - ഒരു ടേബിൾ സ്പൂൺ

കുരുമുളക്‌ - ഒരു ടീസ്പൂൺ

ഏലക്ക - രണ്ട്‌ എണ്ണം

പട്ട - ഒരു ചെറിയ കഷണം

വെള്ളം - മൂന്ന് ഗ്ലാസ്‌

കൃഷ്ണതുളസി ഇല - 15 എണ്ണം

പനഞ്ചക്കര /കരിപ്പട്ടി - ഒരു വലിയ ക്ഷണം

പനംകൽകണ്ടം -ഒരു ടേബിൾ സ്പൂൺ

           ഉണ്ടാക്കുന്ന വിധം

ഒരു ടേബിൾ സ്പൂൺ മല്ലി,  ഒരു ടീസ്പൂൺ കുരുമുളക് , രണ്ട് ഏലക്ക ,  ഒരു ചെറിയ കഷണം പട്ട ,  ഒരു വലിയ കഷണം  ചുക്കു ഇവ എല്ലാം കൂടി ചതച്ച് എടുക്കണം._ _അല്ലെങ്കിൽ  മിക്സിയിൽ ഇട്ട് തരുതരുപ്പായി പൊടിച്ചെടുക്കുക.

മൂന്ന് ഗ്ലാസ് വെള്ളം അടുപ്പത്ത് വെച്ച്  ചൂടാക്കണം.

ഇതിലേക്ക് പൊടിച്ചു വച്ചിരിക്കുന്ന കൂട്ട് ചേർത്ത് കൊടുക്കണം.

15 കൃഷ്ണതുളസി ഇലയും ഒരു വലിയ കഷണം പനഞ്ചക്കര അല്ലെങ്കിൽ കരിപ്പട്ടി ചേർക്കണം.

നന്നായി തിളച്ചശേഷം ചെറുതീയിൽ 5 -10 മിനിറ്റ് കുറുക്കി എടുക്കണം. മൂന്ന് കപ്പ് വെള്ളം2 1/2 കപ്പ്  ആക്കി വറ്റിച്ചെടുക്കണം .

ഒരു ടേബിൾ സ്പൂൺ പനം കൽക്കണ്ടം പൊടിച്ചതും കൂടി ചേർക്കണം . ചെറു ചൂടോടെ കഴിക്കാം.

        ചുക്കിന്റെ ആരോഗ്യ ഗുണങ്ങൾ

ഉണങ്ങിയ ഇഞ്ചിയാണ് ചുക്ക് എന്നറിയപ്പെടുന്നത്. സുഗന്ധദ്രവ്യമായും ഔഷധമായും ഉപയോഗിക്കാവുന്ന ഒന്നാണ് ചുക്ക്. ആരോഗ്യത്തിന് വളരെയധികം ഗുണങ്ങള്‍ നല്‍കുന്ന ഒന്നാണ് ചുക്ക് എന്ന ക    https://noufalhabeeb.blogspot.com/?m=1

ലൂബിക്ക അച്ചാർ

ലൂബിക്ക അച്ചാർ / ലോലോലിക്കാ അച്ചാർ....ഓരോ നാട്ടിലും ഓരോ പേരാണ്..ഇപ്പോൾ സീസൺ  ആണല്ലോ... ഉപ്പിലിട്ട ലൂബിക്ക കൊണ്ട് വറ്റൽ മുളക് ചതച്ചിട്ട അച്ചാർ എങ്ങനെ തയ്യാർ ആക്കാം എന്ന് നോക്കാം

              വേണ്ട സാധനങ്ങൾ

ലൂബിക്ക ഉപ്പിലിട്ടത് -1/ 2 k g (കുരു നീക്കി രണ്ടായി മുറിച്ചത്)

മുളകുപൊടി - 1 ടീസ്പൂൺ

വറ്റൽ മുളക് - 10 എണ്ണം,  വറുത്തു പൊടിക്കണം

ഉലുവ വറുത്തു പൊടിച്ചത് - 1/ 2 ടീസ്പൂൺ

കായപ്പൊടി - 1/4  ടീസ്പൂൺ

വെളുത്തുള്ളി - 12 എണ്ണം

വേപ്പില

കടുക് - 1 ടീസ്പൂൺ

ഇഞ്ചി - മീഡിയം

ഉപ്പ്

നല്ലെണ്ണ / വെളിച്ചെണ്ണ

           ഉണ്ടാക്കുന്ന വിധം

ലൂബിക്കയിൽ മുളകുപൊടി പുരട്ടി വെക്കാം.. ഉലുവ , വറ്റൽ മുളക് വറുത്തു പൊടിക്കണം.. ഓയിൽ ചൂടാക്കി കടുക് പൊട്ടിക്കാം..ഇനി ഇഞ്ചി, വെളുത്തുള്ളി ചൂടാക്കി വേപ്പില ചേർക്കാം...വറ്റൽ മുളക് പൊടിച്ചത്‌ ചേർക്കാം...(ഉപ്പിലിട്ട ലൂബിക്ക ആണ് അതിനാൽ ഉപ്പു ചേർക്കേണ്ട ഇപ്പോൾ)..ഇനി ലൂബിക്ക ചേർത്ത് 5 mts ഇളക്കാം.._  ഉപ്പ് ആവശ്യമെങ്കിൽ ഇപ്പോൾ ചേർക്കാം..അവസാനം ഉലുവപ്പൊടി, കായപ്പൊടി ചേർത്ത് തീ ഓഫ് ചെയ്യാം...വായിൽ കപ്പലോടും അച്ചാർ റെഡി..    https://noufalhabeeb.blogspot.com/?m=1

നെയ് റോസ്റ്റ്

ഹോട്ടൽ രുചിയിൽ നല്ല മൊരിഞ്ഞ ‘നെയ് റോസ്റ്റ്’ വീട്ടിൽ തന്നെ ഉണ്ടാക്കാം

  പ്രഭാത ഭക്ഷണത്തിൽ മലയാളിയുടെ പ്രധാന വിഭവങ്ങളിൽ ഒന്നാണ് ദോശ.  ഹോട്ടലിൽ കിട്ടുന്ന അതേ രുചിയിലുള്ള നെയ് റോസ്റ്റ് ഇനി വീട്ടിൽ തന്നെ തയ്യാറാക്കാം.

            വേണ്ട ചേരുവകൾ…

പച്ചരി 2 കപ്പ്‌

ഉഴുന്ന് 1/4 കപ്പ്

ഉലുവ 1/4 സ്പൂൺ

ചൗ അരി 1/4 കപ്പ്

ഉപ്പ് 1 സ്പൂൺ

വെള്ളം 2 ഗ്ലാസ്‌

                തയ്യാറാക്കുന്ന വിധം,

പച്ചരി അല്ലെങ്കിൽ ദോശ റൈസ് ആണ്‌, രണ്ട് ഗ്ലാസ്‌ അരി,

ഒപ്പം കാൽ ഗ്ലാസ്‌ ഉഴുന്ന്,

കാൽ ഗ്ലാസ്‌ ചൗഅരി,

കാൽ സ്പൂൺ ഉലുവ

എന്നിവ നന്നായി കഴുകി അതിലേക്ക് ആവശ്യത്തിന് വെള്ളം വച്ചു കുതിരാൻ ആയി മാറ്റി വയ്ക്കുക. എല്ലാം നന്നായി കുതിർന്നു കഴിഞ്ഞാൽ, ഒട്ടും തരിയില്ലാതെ അരച്ച് എടുക്കുക. അരച്ച ശേഷം മാവ് കൈ കൊണ്ട് നന്നായി കുഴച്ചെടുക്കുക. മുത്തശ്ശിമാരുടെ ഒരു സൂത്രം ആണ് മാവ് കൈ കൊണ്ട് കുഴക്കുന്നത്. ഇങ്ങനെ ചെയ്യുമ്പോൾ മാവ് കൂടുതൽ മൃദുവായി കിട്ടും. ശേഷം മാവ് അടച്ചു വയ്ക്കുക, 8 മണിക്കൂർ കഴിയുമ്പോൾ മാവ് നന്നായി പുളിച്ചു പൊങ്ങി വന്നിട്ടുണ്ടാകും.

ഈ സമയത്തു ഉപ്പ് കൂടി ചേർത്ത് കൊടുക്കാം. ശേഷം ദോശ കല്ല് വച്ചു ചൂടാകുമ്പോൾ മാവ് ഒഴിച്ച് പരത്തി നല്ലെണ്ണയോ, നെയ്യോ ഒഴിച്ച് രണ്ട് വശവും നന്നായി മൊരിയുമ്പോൾ എടുക്കാവുന്നതാണ്. ചൗഅരിയും ഉലുവയും ചേർക്കുമ്പോൾ ദോശയ്ക്ക് കൂടുതൽ സ്വദും കിട്ടും.             https://noufalhabeeb.blogspot.com/?m=1