എളുപ്പത്തില്‍ തയ്യാറാക്കാം ബ്ലൂബെറി മഫിന്‍സ്
ഇടനേരത്ത് ചായകുടിക്കുമ്ബോള്‍ എണ്ണപ്പലഹാരങ്ങള്‍ ഒഴിവാക്കാം. പകരം എളുപ്പത്തില്‍ തയ്യാറാക്കാവുന്ന ബ്ലൂബെറി മഫിന്‍സ് ആയാലോ?
ചേരുവകള്‍
മൈദ- ഒന്നരക്കപ്പ്
ബേക്കിങ് പൗഡര്‍- അര ടീസ്പൂണ്‍
ഫ്രഷ് ബ്ലൂബെറീസ്- 1 കപ്പ്
പഞ്ചസാര- 1 കപ്പ്
തൈര്- 1 കപ്പ്
ഒലിവ് ഓയില്‍- 1 കപ്പ്
കൊക്കോ പൗഡര്‍- 1 ടേബിള്‍സ്പൂണ്‍
വിപ്ഡ് ക്രീം- ഫ്രോസ്റ്റിങ്ങിന് ആവശ്യമായത്
തയ്യാറാക്കുന്ന വിധം:
ഓവന്‍ 180 ഡിഗ്രിയില്‍ 10 മിനിറ്റ് പ്രീഹീറ്റ് ചെയ്യുക. മൈദ, കൊക്കോപ്പൊടി, ബേക്കിങ് പൗഡര്‍ എന്നിവ ഒരു ബൗളില്‍ യോജിപ്പിക്കുക.
അതിലേക്ക് തൈര്, പഞ്ചസാര, ഒലിവ് ഓയില്‍ എന്നിവ മിക്‌സ് ചെയ്തത് ചേര്‍ക്കുക. നന്നായി ഇളക്കിച്ചേര്‍ക്കുക. ശേഷം, ബ്ലൂബെറീസ് ചേര്‍ത്ത് ഒരു തവികൊണ്ട് ഫോള്‍ഡ് ചെയ്ത് യോജിപ്പിക്കുക. മഫിന്‍ ട്രേസില്‍ മുക്കാല്‍ ഭാഗം വീതം ഒഴിച്ച്‌ 10 മിനിറ്റ് ബേക്ക് ചെയ്‌തെടുക്കാം. വിപ്ഡ് ക്രീം പഴങ്ങള്‍ വെച്ച്‌ അലങ്കരിച്ച്‌ സെര്‍വ് ചെയ്യാം
No comments:
Post a Comment