മുട്ട അട

ഇന്ന് നമുക്ക്‌ ഒരു അടിപൊളി പലഹാരം ഉണ്ടാക്കി നോക്കാം .ഗോതമ്പ്‌ പൊടിയും റവയും കൊണ്ട് പലഹാരം ഉണ്ടാക്കി നോക്കിയിട്ടുണ്ടോ?? മുട്ട അട പൊരിച്ചത്‌...

ഗോതമ്പ്‌ പൊടിയും , റവപൊടിയും, മുട്ടയും  ഉപയോഗിച്ചാണ്‌ ഇത്‌ ഉണ്ടാക്കുന്നത് 

                  ചേരുവകൾ

ഗോതമ്പപൊടി - 1 കപ്പ്‌

റവ - 1/2 കപ്പ്‌

ഉപ്പ് - ആവശ്യത്തിന്

ഓയിൽ - 1/2 കപ്പ്‌

ഇളംചൂടുവെള്ളം - ആവശ്യത്തിന്

                മസാല

ഓയിൽ - 2 1/2 ടേബിൾ സ്പൂൺ

മുട്ട പുഴുങ്ങിയത് - 4 എണ്ണം

സവാള - 3 ( ഇടത്തരം )

ഇഞ്ചി വെളുത്തുള്ളി മുളക് പേസ്റ്റ് - 1 1/2 ടേബിൾ സ്പൂൺ

കുരുമുളക്പൊടി - 1 ടീസ്പൂൺ

മഞ്ഞൾപൊടി - 1/2 ടീസ്പൂൺ

ഗരം മസാല - 1/2 ടീസ്പൂൺ

മുളക്പൊടി - 3/4 ടീസ്പൂൺ

മല്ലിയില, കറിവേപ്പില - ആവശ്യത്തിന്

ഉപ്പ് - ആവശ്യത്തിന്

                   ഉണ്ടാക്കുന്ന വിധം

1.ഒരു ബൗളിലേക് ഗോതമ്പ് പൊടി, റവ, ഓയിൽ, ഉപ്പ് എന്നിവ ചേർത്ത് മിക്സ്‌ ചെയ്യുക

2.ഇളം ചൂട് വെള്ളം ചേർത്ത് കുഴച്ചെടുക്കുക.

3.മാവിന് മുകളിൽ അല്പം എണ്ണ തടവി 15 മിനിറ്റ് മാറ്റി വെക്കുക.

4.ഒരു പാനിൽ എണ്ണ ചൂടാക്കി അതിലേക് ഇഞ്ചി വെളുത്തുള്ളി പച്ചമുളക് ചതച്ചത് ചേർത്ത് വഴറ്റുക

5.പിന്നെ സവാള ചേർക്കുക, നന്നായി വഴന്ന് വരാൻ അല്പം ഉപ്പ് ചേർത്തിളക്കുക.

6.വഴന്ന് വന്ന സവാളയിലോട്ട് കുരുമുളക് പൊടി, മഞ്ഞൾ പൊടി, മുളക്പൊടി, ഗരം മസാല ചേർത്ത് ഇളക്കുക

7.ആവശ്യത്തിന് ഉപ്പും ചേർക്കുക_

8.മസാലയുടെ പച്ചമണം മാറിയാൽ കറിവേപ്പിലയും മല്ലിയിലയും ചേർക്കുക

   മസാല റെഡി

9.കുഴച്ച്‌ വെച്ച മാവിൽ നിന്ന് ഒരു ഉരുള എടുത്ത് പരത്തുക

10.അതിലേക് മസാല ഇട്ട് അതിന് മുകളിൽ പുഴുങ്ങിയ മുട്ട നാല് ആയി    മുറിച്ച്‌  അതിലൊന്നും വെക്കുക

11.എന്നിട്ട് ചിത്രത്തിൽ കാണുന്ന  പോലെ മടക്കി വെക്കുക

12.ഒരു പാനിൽ എണ്ണ ചൂടാക്കി അതിൽ വറുത്ത്‌  കോരാം

സ്വാദിഷ്ടമായ മുട്ട അട പൊരിച്ചത് റെഡി.