പൊറോട്ട ഗ്രേവി

ഹോട്ടലുകളിൽ കയറി പൊറോട്ട കഴിച്ചാൽ അതിനൊപ്പം പല ഹോട്ടലുകാരും കൊടുക്കുന്ന ഗ്രേവി കഴിച്ചിട്ടില്ലേ ? എന്താ ടേസ്റ്റ്‌ അല്ലെ ? രണ്ട്‌ പൊറോട്ട കൂടി കഴിക്കാൻ തോന്നും ..

എന്നാൽ അതേ ഗ്രേവി നമുക്ക്‌ സ്വന്തമായി വീട്ടിൽ തന്നെ എങ്ങനെ ഉണ്ടാക്കാം എന്ന് നോക്കാം .

                വേണ്ട ചേരുവകൾ

സവാള - 1 എണ്ണം

തക്കാളി - 1 എണ്ണം

തേങ്ങാ - 1/2 കപ്പ്‌ അരിഞ്ഞത്‌

മഞ്ഞൾപൊടി - 1/2 ടീസ്പൂൺ

മല്ലിപൊടി - 1 ടീസ്പൂൺ

മുളകുപൊടി - 2 ടീസ്പൂൺ

ഗരം മസാല - 1 ടീസ്പൂൺ

പെരുംജീരകം - 1/2 ടീസ്പൂൺ

അണ്ടിപ്പരിപ്പ് - 1 എണ്ണം

bay leaf

പട്ട , ഗ്രാമ്പു - ആവശ്യത്തിന്‌

ഉപ്പു - ആവശ്യത്തിന്‌

എണ്ണ - ആവശ്യത്തിന്‌

                 തയ്യാറാക്കുന്ന വിധം

ഒരു കുക്കറിൽ എണ്ണ ചൂടാക്കി bay leaf , പട്ട , ഗ്രാമ്പു എന്നിവ ഇടുക .

എന്നിട്ടു ഒരു സവാള നീളത്തിൽ അരിഞ്ഞതും കൂടി ഇട്ടു നന്നായി വഴറ്റുക

ഒരു പച്ചമുളക് ഇട്ടു വഴറ്റുക

ആവശ്യത്തിന് ഉപ്പും ഇട്ടു വഴറ്റുക .

ഇഞ്ചി വെളുത്തുള്ളി പേസ്റ്റ് ഇട്ടു നന്നായി വഴറ്റുക.

ഒരു തക്കാളി അരിഞ്ഞതും കൂടി ഇട്ടു വഴറ്റുക

തക്കാളി ഒന്ന് ഉടഞ്ഞാൽ അതിലേക്കു മഞ്ഞൾപൊടി,മല്ലിപൊടി,മുളകുപൊടി,ഗരം മസാല എന്നിവ ഇട്ടു പൊടിയുടെ പച്ച മണം പോവുന്നത് വരെ വഴറ്റുക .

എണ്ണ തെളിഞ്ഞു വരണം

എന്നിട്ടു അതിലേക്കു തേങ്ങാ , പെരുംജീരകം,അണ്ടിപ്പരിപ്പ് എന്നിവ ചേർത്തരച്ച പേസ്റ്റ് ഇടുക

ഒന്ന് വഴറ്റിയതിനു ശേഷം 2 കപ്പ് വെള്ളം ഒഴിക്കുക

അരിഞ്ഞ മല്ലി ഇല, പുതിന കൂടി ചേർത്ത് കുക്കർ അടച്ചു 3 വിസിൽ  വെക്കുക.

അടിപൊളി പൊറോട്ട ഗ്രേവി റെഡി