ഉന്നക്കായ

ഉന്നക്കായ ഉണ്ടാക്കുന്ന വിധം പലർക്കും അറിയാവുന്ന സംഗതി ആണ്‌. നേരത്തെ ഇവിടെയും അയച്ചിട്ടുമുണ്ട്‌... എങ്കിലും ഒരിക്കൽ കൂടി കിടക്കട്ടെ...

             ആവശ്യമുള്ള സാധനങ്ങള്‍

പഴുത്ത നേന്ത്രപ്പഴം -ഒരു കിലോ

തേങ്ങ ചിരകിയത് -ഒരു മുറി

കോഴിമുട്ടയുടെ വെള്ള – നാല് എണ്ണം,

നെയ്യ് – നാലു ടീസ്പൂണ്‍,

ഏലക്ക പൊടിച്ചത് – ഒരു ടീസ്പൂണ്‍,

പഞ്ചസാര – 200 ഗ്രാം,

അണ്ടിപ്പരിപ്പ് വറുത്ത് -100 ഗ്രാം

കിസ്മിസ് ചൂടാക്കിയത് – 100 ഗ്രാം

എണ്ണ -500 ഗ്രാം

റൊട്ടിപ്പൊടി -ആവശ്യത്തിന്

            തയാറാക്കുന്ന വിധം

കുക്കറില്‍ പഴം തൊലിയോടെ പുഴുങ്ങിയെടുക്കുക.

ചൂടാറും മുന്‍പേ ഈ പഴം മിക്സിയില്‍ വെള്ളം ചേര്‍ക്കാതെ അരയ്ച്ചുവയ്ക്കണം.

എന്നിട്ട് തേങ്ങ ചിരകിയതും ഏലക്ക പൊടിച്ചതും അണ്ടിപ്പരിപ്പ് വറുത്തതും കിസ്മിസ് ചൂടാക്കിയതും ഒരു പാത്രത്തില്‍ ഇളക്കിവെയ്ക്കുക.

അരച്ചു വച്ചിരിക്കുന്ന പഴം ചെറിയ ഉരുളയാക്കി കൈവെള്ളയിലിട്ടു പരത്തുക.

ഇതില്‍ ഇളക്കി വച്ചിരിക്കുന്ന കൂട്ട് ഒരു ടീസ്പൂണ്‍ വീതം ചേര്‍ത്ത് ഉന്നക്കായ ആകൃതിയില്‍ ഉരുട്ടി എടുക്കുക.

ഇതു കോഴിമുട്ടയുടെ വെള്ളയിലും റൊട്ടി പൊടിയിലും മുക്കണം.

ഫ്രൈപാനില്‍ നെയ്യ് ഒഴിച്ച് ചൂടാക്കി ഇതില്‍ ഉരുളകള്‍ ഇട്ടു പൊരിച്ചെടുക്കാം.

http://noufalhabeeb.blogspot.com/?m=1