നാല് മണിയ്ക്ക് എല്ലാവര്‍ക്കും ഇഷ്ടപ്പെടുന്ന ചിക്കന്‍ ചീസ് ബോള്‍ തയ്യാറാക്കാം
കുട്ടികള്‍ക്ക് ഏറ്റവും ഇഷ്ടപ്പെടുന്നവിഭവമാണ് ചിക്കന്‍ ചീസ് ബോള്‍. വൈകുന്നേരം ചായയ്‌ക്കൊപ്പവും അല്ലാതെയും കഴിക്കാവുന്ന ഒരു വിഭവമാണ് ചിക്കന്‍ ചീസ് ബോള്‍. അടിപൊളി ചിക്കന്‍ ചീസ് ബോള്‍ തയ്യാറാക്കുന്നത് എങ്ങനെയെന്ന് നോക്കാം
ഉരുളക്കിഴങ്ങ് അരക്കിലോ
കോഴിയിറച്ചി അരക്കിലോ
മുട്ടയുടെ വെള്ള 4 എണ്ണം
വെളുത്തുള്ളി 3 അല്ലി
ചീസ് ക്യൂബ്..ആവശ്യത്തിന്
ജീരകം ഒരു ടീസ്പൂണ്‍
വെണ്ണ ഒരു ടീസ്പൂണ്‍
ബ്രഡ് പൊടിച്ചത് ആവശ്യത്തിന്
കുരുമുളക് പൊടി ആവശ്യത്തിന്
തയ്യാറാക്കുന്ന വിധം
ആദ്യം കോഴിയിറച്ചിയും ഉപ്പും കുരുമുളകും ചേര്‍ത്ത് വേവിച്ച്‌ മാറ്റി വയ്ക്കാം. അതിനു ശേഷം ഉരുളക്കിഴങ്ങ് പുഴുങ്ങിയെടുക്കാം.
വേവിച്ച്‌ വച്ചിരിക്കുന്ന കോഴിയിറച്ചിയിലേക്ക് ഈ വേവിച്ച്‌ വച്ചിരിക്കുന്ന ഉരുളക്കിഴങ്ങ് പൊടിച്ച്‌ ചേര്‍ക്കാം. ഇതിന് ശേഷം ചീനച്ചട്ടിയില്‍ വെണ്ണയൊഴിച്ച്‌ കുരുമുളകും ജീരകവും മൂപ്പിച്ചെടുക്കാം.
ഉരുളക്കിഴങ്ങ് ചേര്‍ത്ത് കുഴച്ച്‌ വച്ചിരിക്കുന്ന കോഴിയിറച്ചി ചീനച്ചട്ടിയിലിട്ട് അല്‍പം ഇളക്കിയ ശേഷം വാങ്ങി വയ്ക്കാം. പിന്നീട് ഇത് ചൂടാറിയ ശേഷം ഇത് കൈയ്യിലെടുത്ത് ബോള്‍ രൂപത്തില്‍ കൈയ്യില്‍ വച്ച്‌ പരത്താം. അതിനകത്തേക്ക് അല്‍പം ചീസ് വച്ച്‌ വീണ്ടും ഉരുട്ടിയെടുക്കാം.
ഉരുട്ടിയെടുത്ത ഉരുള മുട്ടയുടെ വെള്ളയില്‍ മുക്കി ബ്രഡ് പൊടിയില്‍ ഉരുട്ടിയെടുത്ത് എണ്ണയില്‍ വറുത്ത് എടുക്കുക. ബ്രൗണ്‍ നിറമാകുമ്ബോള്‍ ഇത് എണ്ണയില്‍ നിന്ന് കോരിയെടുക്കാം. ചീസ് ബോള്‍ തയ്യാറായി…
No comments:
Post a Comment