അവലുണ്ട

ഇന്ന് നമുക്ക്‌ അവിൽ ഉപയോഗിച്ച്‌ നല്ല രുചികരമായ അവിലുണ്ട വീട്ടിൽ തന്നെ എങ്ങനെ തയ്യാറാക്കാം എന്ന് നോക്കാം..

                       ചേരുവകൾ

അവൽ - 3/4 കപ്പ്‌

നിലക്കടല / കപ്പലണ്ടി - 1 കപ്പ്‌

ശർക്കര - 1/2 തൊട്ട് 3/4 കപ്പ്‌ വരെ ( മധുരം അനുസരിച്ച് )

തേങ്ങ - 1/2 കപ്പ്‌

ഏലക്ക പൊടി - ആവശ്യത്തിന്

                     ഉണ്ടാക്കുന്ന വിധം

ആദ്യം തന്നെ വറുക്കാത്ത കപ്പലണ്ടി ആണ് എടുത്തതെങ്കിൽ അത് വറുത്തെടുക്കണം. അതിനു വേണ്ടി ഒരു ചട്ടിയിൽ ഇട്ടു ചെറു തീയിൽ വേണം വറുത്തെടുക്കാൻ. അതിനു ശേഷം തൊലി കളഞ്ഞു മാറ്റി വക്കാം.

ഇനി അവലും ചെറിയ തീയിൽ ഇട്ടു നല്ല കറമുറ ആവുന്ന വരെ വറുത്തെടുക്കാം.

ഇനി വറുത്തെടുത്ത കപ്പലണ്ടി മിക്സിയുടെ ചെറിയ ജാറിലോട്ട് ഇട്ടു ഒന്ന് പൊടിച്ചെടുക്കുക. ശേഷം അവലും പൊടിച്ചെടുക്കുക.

ഇനി ശർക്കരയും തേങ്ങയും നല്ല പോലെ തിരുമ്മി കട്ടയൊന്നും ഇല്ല്യാത്ത വിധം തിരുമ്മി എടുക്കാം.വേണമെങ്കിൽ മിക്സി ഉപയോഗിച്ച് യോജിപ്പിച്ചെടുക്കാം.

ഇനി പൊടിച്ചെടുത്ത കപ്പലണ്ടിയും, അവലും, തേങ്ങയും, ശർക്കരയും, ഏലക്കപൊടിയും ചേർത്ത് നല്ലപോലെ കുഴച്ച് ഉരുട്ടി എടുക്കാം സ്വാദിഷ്ടമായ അവലുണ്ട റെഡി