ചിക്കൻ കട്‌ലറ്റ്‌

ഇന്ന് നമുക്ക്‌ ചിക്കൻ കട്ട്‌ലറ്റ്‌ ഉണ്ടാക്കുന്നത്‌ എങ്ങനെ എന്ന് നോക്കാം.

                      ചേരുവകൾ

 ചിക്കൻ -  250 ഗ്രാം

മഞ്ഞൾപ്പൊടി - അര ടീസ്പൂൺ

ഉപ്പ് - ആവശ്യത്തിന്

മുളകുപൊടി - അര ടീസ്പൂൺ

കുരുമുളകുപൊടി - അര ടീസ്പൂൺ

ഇഞ്ചി വെളുത്തുള്ളി - അര ടീസ്പൂൺ

വലിയ ജീരകം - കാൽ ടീസ്പൂൺ

പച്ചമുളക്  - 1 ചെറുതായി അരിഞ്ഞത്

മല്ലിയില -  മൂന്ന് ടീസ്പൂൺ

സവാള - രണ്ടെണ്ണം

ഉരുളക്കിഴങ്ങ് - രണ്ടെണ്ണം

ഓയിൽ - രണ്ട് ടേബിൾ സ്പൂൺ

മുട്ടയുടെ വെള്ള - ഒന്ന്

ബ്രഡ്ക്രബ്സ് - ആവശ്യത്തിന്

            തയ്യാറാക്കുന്ന വിധം

ചിക്കനിലേക്ക് മഞ്ഞൾപ്പൊടി, ഉപ്പ്,  മുളകുപൊടി,  കുരുമുളകുപൊടി,  ഇഞ്ചി,  വെളുത്തുള്ളി , കാൽ കപ്പ് വെള്ളം എന്നിവ ചേർത്ത് വേവിച്ചെടുക്കുക .

ചിക്കനിൽ  ഉള്ള വെള്ളം മുഴുവനായും വറ്റിച്ചെടുക്കണം. അതിനുശേഷം വേവിച്ചെടുത്ത ചിക്കൻ ചൂടാറിയതിനു ശേഷം മിക്സിയിൽ ഇട്ട് ചെറുതായി ഒന്ന് പൊടിച്ച് മാറ്റിവയ്ക്കാം.

     ഇനി ഇതിലേക്കുള്ള മസാല റെഡിയാക്കാം.

ഒരു പാനിൽ 2 ടേബിൾ സ്പൂൺ ഓയിൽ ഒഴിക്കുക.

ഇതിലേക്ക് വലിയ ജീരകവും ഇഞ്ചിയും ,വെളുത്തുള്ളിയും,  പച്ചമുളകും ചേർത്ത് വഴറ്റി എടുക്കുക.

അതിനുശേഷം രണ്ട് മീഡിയം വലിപ്പത്തിലുള്ള സവാള അരിഞ്ഞത് ചേർത്ത് വഴറ്റുക.

ഇതിലേക്ക് പൊടിച്ചു വെച്ചിട്ടുള്ള ചിക്കനും ഉരുളക്കിഴങ്ങും ചേർത്ത് നല്ലപോലെ മിക്സ് ആക്കുക.

ഒരു മിനിറ്റോളം കഴിയുമ്പോൾ മല്ലിയില മുകളിൽ ആയി ചേർത്ത് കൊടുത്ത്‌ നല്ലപോലെ മിക്സ് ആക്കി മാറ്റി വയ്ക്കുക.

ചൂടാക്കിയതിനു ശേഷം കുറച്ച് എടുത്ത് കയ്യിൽ വെച്ച് ഉരുട്ടി കട്ലൈറ്റ് ഷേപ്പിൽ ഉണ്ടാക്കിയെടുക്കാം.

ഇനി ഓരോന്ന് മുട്ടയുടെ വെള്ളയിൽ മുക്കി അത്‌ ബ്രഡ്‌ ക്രമ്പ്സിൽ  മുക്കി 10മിനിറ്റ് ഫ്രിഡ്ജിൽ വെച്ചതിനു ശേഷം ഫ്രൈ  ചെയ്ത്‌ എടുക്കാം.