ഇന്ന് ബോർബോൺ ബിസ്‌ക്കറ്റ് നിർമ്മിക്കുന്നത്‌ എങ്ങനെയെന്ന് നോക്കാം.
കുട്ടികൾക്കായി വീട്ടിൽ തന്ന തയ്യാറാക്കാവുന്ന ബോർബോൺ ക്രീം ബിസ്‌ക്കറ്റ് ആണ്‌ നാം ഇന്ന് ഉണ്ടാക്കുന്നത്‌.
ചേരുവകൾ
മൈദാ - ഒന്നര കപ്പ്
വെണ്ണ - അര കപ്പ്
പൊടിച്ച പഞ്ചസാര - മുക്കാൽ കപ്പ്
ബേക്കിംഗ് പൌഡർ - ഒന്നേകാൽ ടീസ്പൂൺ
കോകോ പൊടി - നാല് ടേബിൾസ്പൂൺ
പാൽ - ആവശ്യത്തിന്
തയ്യാറാക്കുന്ന വിധം
മൈദയും ബേക്കിങ് പൌഡർ,കോകോ പൌഡർ എന്നിവ അരിച്ചെടുക്കുക.
ഒരു ബൗളിൽ വെണ്ണയും പൊടിച്ച പഞ്ചസാരയും ബീറ്റ ചെയ്യുക ഇതിലേക്ക് മൈദാ മിക്സ് കുറേശ്ശേ ചേർത്ത് മിക്സ് ചെയ്യുക ആവശ്യത്തിന് പാലും ചേർത്ത് മിക്സ് ചെയ്തു നല്ല സോഫ്റ്റ് ആക്കി എടുക്കുക.
10 മിനിറ്റ് കഴിഞ്ഞു ഒരു ബട്ടർ പേപ്പറിൽ പരത്തി ചെറുതാക്കി ബിസ്‌ക്കറ്റ് വലുപ്പത്തിൽ മുറിച്ചെടുത്തു മുകളിൽ ടൂത് പിക് കൊണ്ട് ചെറിയ ഹോൾസ് ഇട്ടു കുറച്ചു പഞ്ചസാരയും ഇടുക.
180 ഡിഗ്രിയിൽ പ്രീ ഹീറ്റ് ചെയ്ത ഓവനിൽ 15 മിനിറ്റ് ബെയ്ക്ക് ചെയ്തെടുക്കുക.
ക്രീമിനുള്ള ചേരുവകൾ
വെണ്ണ - കാൽ കപ്പ്
ഐസിങ് ഷുഗർ - ഒരു കപ്പ്
കോകോ പൊടി - മൂന്ന് ടേബിൾസ്പൂൺ
പാൽ - ആവശ്യത്തിന്
ക്രീം തയ്യാറാക്കുന്ന വിധം
വെണ്ണയും ഐസിങ് ഷുഗറും ബീറ്റ ചെയ്തു കോകോ പൊടിയും പാലും ചേർത്ത് മിക്സ് ചെയ്തു ക്രീം തയ്യാറാക്കുക._
_ഒരു ബിസ്‌ക്കറ്റിൽ ഒരു സ്പൂൺ ക്രീം പുരട്ടി മറ്റൊരു ബിസ്‌ക്കറ്റ് ചേർത്ത് വെക്കുക.
അടിപൊളി ബിസ്കറ്റ്‌ റെഡി
No comments:
Post a Comment