ഡയറ്റ് സാലഡ്

രാത്രിയിൽ ലഘുഭക്ഷണം ആണ് ഉചിതം എന്ന് എല്ലാവര്ക്കും അറിയാം; പ്രതെയ്കിച്ചു എന്നെപോലെ കൊളെസ്ട്രോൾ ഉള്ളവർക്കും തടി ഉള്ളവർക്കുമെല്ലാം എത്ര ലഘുവായി കഴിക്കുന്നുവോ അത്രയും നല്ലതാണു; പ്രവാസികളായി ബാച്ചിലർസ് ആയി താമസിക്കുന്നവർക്ക് രാത്രി ഡിന്നറിനു ശീലിക്കാവുന്ന ഒരു സാലഡ് ആണ് ഇത്; നല്ല ശോധനയ്ക്കും നല്ല ഉറക്കത്തിനും എല്ലാം ഇത് നല്ലതാണു; എങ്കിനെ തയ്യാറക്കുന്നു എന്ന് നോക്കാം; ഭൂരിഭാഗം പേർക്കും അറിയാമെങ്കിലും എന്റേതായ രീതിയിൽ രുചികരവും ആരോഗ്യകരവും ആയി ഡിന്നർ സാലഡ് തയ്യാറാക്കുന്നത് എങ്കിനെ എന്ന് പറയാം…

ആവശ്യമുള്ള ചേരുവകകൾ: (2 പേർക്ക്)

കാരറ്റ് ചെറുതായി അരിഞ്ഞത് – ഒരു കപ്പ് (ഇതിനു പകരം ബീറ്റ്റൂട്ട് ചേർക്കാം; ബീറ്റ്റൂട്ട് ആണ് ചേർക്കുന്നതെങ്കിൽ ഒന്ന് ആവി കയറ്റി പച്ചമണം കളഞ്ഞാൽ കൂടുതൽ നല്ലതു)

ക്യാബേജ് ചെറുതായി അരിഞ്ഞത് – അര കപ്പ് (ഇതിനു പകരം ലാറ്റിയൂസ് / വയലറ്റ് ക്യാബേജ് / പല നിറങ്ങളിലുള്ള കാപ്സികം എന്നിവ ചേർക്കാം)

ക്യൂകമ്പർ / സാലഡ് വെള്ളരി ചെറുതായി അരിഞ്ഞത് – ഒരു കപ്പ്

ആപ്പിൾ ചെറുതായി അരിഞ്ഞത് – ഒരു കപ്പ് (ഇതിനു പകരം പൈനാപ്പിൾ / സ്ട്രോബെറി / പപ്പായ / തണ്ണിമത്തൻ / പഴം /മാതളം ഏതെങ്കിലും ഒന്ന് ചേർക്കാം)

പേരയ്ക്ക ചെറുതായി അരിഞ്ഞത് – ഒരു കപ്പ് (ഇതിനു പകരം പച്ച ആപ്പിൾ / പിയർ / മുളപ്പിച്ച ചെറുപയർ / ആവി കയറ്റിയ ചോളം / അവഗാഡോ ഏതെങ്കിലും ഒന്ന് ചേർക്കാം)

വെളുത്തുള്ളി പൊടിയായി അരിഞ്ഞത് – 2 റ്റീസ്പൂൺ

ചെറിയുള്ളി പൊടിയായി അരിഞ്ഞത് – 2 ടേബിൾസ്പൂൺ

ഉപ്പു – ഇഷ്ടമനുസരിച്ചു

കുരുമുളക് തരുതരുപ്പായി പൊടിച്ചത് – ഇഷ്ടമുണ്ടെങ്കിൽ ചേർക്കുക; (ഞാൻ ചേർത്തിട്ടില്ല)

ചെറുനാരങ്ങാ നീര് – ഒന്നര ടേബിൾ സ്പൂൺ

എക്സ്ട്രാ വിർജിൻ ഒലിവോയിൽ – ഒരു ടേബിൾ സ്പൂൺ (ഇതിനു പകരം വിർജിൻ കോക്കനട്ട് ഓയിൽ ഉപയോഗിക്കാം )

ശുദ്ധമായ തേൻ – ഒരു ടേബിൾ സ്പൂൺ

തയ്യാറാക്കുന്ന വിധം:

ഒരു വലിയ ബൗളിൽ തേൻ ഒഴികെ മറ്റെല്ലാ ചേരുവകകളും കൂടി ചേർത്ത് സ്പൂൺ കൊണ്ട് നന്നായി ഇളക്കി മറിച്ചു യോജിപ്പിക്കുക; വിളമ്പുന്നതിനായി ചെറിയ ബൗൾ രണ്ടെണ്ണം എടുത്തു അതിലേക്കു പകർത്തുക; അര ടേബിൾസ്പൂൺ തേൻ വീതം ഓരോ ബൗളിനു മുകളിൽ ചുറ്റിച്ചു ഒഴിച്ച് കഴിക്കാവുന്നതാണ്;

ഇത് നല്ലൊരു സമീകൃതമായ ആഹാരമാണ്; പല നിറങ്ങളിലുള്ള പഴങ്ങളും പച്ചക്കറികളും മാറി മാറി ഉപയോഗിക്കാൻ ശ്രമിക്കുക; ഒരു പച്ചക്കറികളും പഴങ്ങളും തന്നെ തുടർച്ചയായി കഴിക്കാതിരിക്കുക; എല്ലാത്തിലും കോമൺ ആയി ചെറിയുള്ളി, വെളുത്തുള്ളി, ഒലിവോയിൽ, ചെറുനാരങ്ങാനീര്, ഉപ്പു, തേൻ എന്നിവ ചേർക്കാം; മറ്റു ചേരുവകകൾ മാറി മാറി ഉപയോഗിക്കാൻ ശ്രദ്ധിക്കുക; അപ്പൊ മടുക്കുകയും ഇല്ല; കൊളെസ്ട്രോൾ കുറയും; വയറു കുറയും; ഉന്മേഷം ലഭിക്കും. ഉറക്കം ലഭിക്കും; ശോധനയും എളുപ്പമാകും