അച്ചപ്പം

അരിപ്പൊടി..അര കപ്പ്
മൈദ പൊടി.. അര കപ്പ്
മുട്ട..1
എള്ള്..1 ടി sp
ചെറിയ ജീരകം..അര sp
കട്ടി തേങ്ങ പാൽ..1 കപ്പ്
പൊടിച്ച പഞ്ചസാര..3 sp
ഉപ്പു..ഒരു നുള്ള്
ആദ്യം അച്ചപ്പം മോൾഡ് തലേദിവസം എണ്ണയിൽ ഇട്ടു വെയ്ക്കണം...ഇനി ഉണ്ടാകുന്ന ദിവസം ഒരു പാത്രത്തിൽ മുട്ട പൊട്ടിച്ചു ഒഴിച്ച് നന്നായിട്ട് മിക്സ് ചെയ്തു അരിപ്പൊടി,മൈദ പൊടി ചേർത്ത് ഇളക്കുക..ഇനി പൊടിച്ച പഞ്ചസാര ചേർക്കുക..എല്ലാം കൂടെ മിക്സ് ചെയ്ത ശേഷം എള്ള്, ജീരകം, തേങ്ങ പാൽ ചേർത്ത് ദോശ മാവിന്റെ അയവിൽ കലക്കി എടുക്കുക..ഒരു നുള്ളു ഉപ്പ്,ഒരു sp എണ്ണ കൂടി ഒഴിച്ച് മിക്സ് ചെയ്യുക .
ഇനി എണ്ണ ചൂടാക്കി അതിൽ അച്ചപ്പം മോൾഡ് വെച്ച് നന്നായിട്ട് ചൂടക്കിയ ശേഷം അപ്പൊ തന്നെ ഉണ്ടാക്കി വെച്ച മാവിൽ മോൾഡ് ന്റെ മുക്കാൽ ഭാഗം വരെ മുക്കി എടുക്കുക..ഇത് ചൂടായ എണ്ണയിൽ മുക്കുക..ഒന്ന് കുക്ക് ആവുമ്പോൾ മോൾഡ് ഒന്ന് കുലുക്കുകയോ..അല്ലെങ്കിൽ തട്ടി കൊടുക്കുകയോ ചെയ്യുമ്പോൾ അച്ചപ്പം വിട്ടുപോരും മോൾഡിൽ നിന്നും..ഇത് തിരിച്ചു ഇട്ടു ഫ്രൈ ചെയ്തെടുക്കുക .വീണ്ടും മോൾഡ് എണ്ണയിൽ വെച്ച് നന്നായിട്ട് ചൂടാക്കി വീണ്ടും മാവിൽ മുക്കി ഇത് പോലെ ഫ്രൈ ചെയ്യുക.