ടൊമാറ്റോ എഗ്ഗ് കറി

എളുപ്പത്തില്‍ തയ്യാറാക്കാം ടൊമാറ്റോ എഗ്ഗ് കറി

പെട്ടെന്ന് ഭക്ഷണം തയ്യാറാക്കുക എന്നത് വീട്ടമ്മമാർ നേരിടുന്ന പ്രധാന വെല്ലുവിളികളിലൊന്നാണ്. മുട്ടയും തക്കാളിയും പ്രധാന ചേരുവകളാക്കി പെട്ടെന്ന് ഉണ്ടാക്കാവുന്ന കറിയാണ് എഗ് ടൊമാറ്റോ കറി

ആവശ്യമുള്ള ചേരുവകൾ

1 ടേബിൾസ്പൂൺ എണ്ണ
2 സവാള നീളത്തിൽ അരിഞ്ഞത്
8-10 തക്കാളി
2 ടീസ്പൂൺ ജീരകം
1 ടീസ്പൂൺ മഞ്ഞൾപ്പൊടി
5 മുട്ട
5-6 പച്ചമുളക്
2 ടീസ്പൂൺ മല്ലിയില
ഉപ്പ് ആവശ്യത്തിന്

തയ്യാറാക്കുന്ന രീതി

കുറച്ച് എണ്ണയൊഴിച്ച് സവാള നന്നായി വഴറ്റുക. അതിനു ശേഷം അതിലേക്ക് തക്കാളി തൊലി കളഞ്ഞ് ചേർക്കുക. (ചൂടു വെള്ളത്തിൽ കുറച്ചു സമയം ഇട്ടു വച്ചാൽ തൊലി വേഗം നീക്കം ചെയ്യാൻ കഴിയും.)ജീരകപ്പൊടിയും മഞ്ഞൾപ്പൊടിയും ഉപ്പും ചേർത്തിളക്കി അടച്ചു വേവിക്കുക.

വെന്തു കഴിഞ്ഞ കറിയിലേക്ക് മേലെയായി മുട്ട പൊട്ടിച്ചൊഴിക്കുക. അതിനു മേലെയായി പച്ചമുളകും മല്ലിയിലയും കൊണ്ട് അലങ്കരിക്കുക. രാവിലെ തിരക്കിൽ വേഗത്തിലുണ്ടാക്കാൻ പറ്റുന്ന രുചികരമായ ഈ കറി എല്ലാവർക്കും പരീക്ഷിക്കാവുന്നതാണ്.