നാവില്‍ അലിയുന്ന ഇറ്റാലിയന്‍ എഗ്ഗ് മഷ്റൂം റോള്‍
മുട്ട-ആറെണ്ണം
എണ്ണ-രണ്ട് ടേ.സ്പൂൺ
ജീരകം-അര ടീസ്പൂൺ
മഞ്ഞൾപൊടി-അര ടീസ്പൂൺ
മുളകുപൊടി-അര ടീസ്പൂൺ
ഉണക്കമുളക് ചതച്ചത്-കാൽ ടീസ്പൂൺ
ഒറിഗാനോ സീസണിങ്-കാൽ ടീസ്പൂൺ
മഷ്റൂം- നുറുക്കിയത്500 ഗ്രാം
ഉപ്പ്-ആവശ്യത്തിന്
മല്ലിയില-ആവശ്യത്തിന്
തയ്യാറാക്കുന്ന വിധം
പാനിൽ എണ്ണ ചൂടാകുമ്പോൾ ജീരകം ഇട്ട് വഴറ്റുക. നിറം മാറുമ്പോൾ മഞ്ഞൾപൊടി, മുളകുപൊടി, ഉണക്കമുളക്, ഒറിഗാനോ സീസണിങ് എന്നിവയും ശേഷം മഷ്റൂമും ചേർത്ത് ചെറുതീയിൽ വേവിക്കുക. മഷ്റൂം മൃദുവാകുന്നതുവരെ വേവിച്ചാൽ മതി. ഒരു ബൗളിൽ മുട്ടയും ഉപ്പും ചേർത്തടിക്കുക. പാനിൽ എണ്ണ ചൂടാക്കിയശേഷം നാല് ഓംലെറ്റ് ഉണ്ടാക്കണം. മഷ്റൂം മിശ്രിതത്തിൽ ഉപ്പ് ചേർക്കുക. ഒരു പ്ലേറ്റിൽ ഓംലെറ്റ് വെച്ച് അതിൽ കാൽഭാഗത്തോളം മഷ്റൂം നിരത്തുക. മുകളിൽ അൽപം മല്ലിപ്പൊടി തൂവാം. ചുരുട്ടിയശേഷം മല്ലിയില ചേർത്ത് അലങ്കരിക്കാം.
No comments:
Post a Comment