സ്ട്രോബറി മിൽക്ക്‌ ഷേക്ക്‌

ഈ ചൂട്‌ കാലത്ത്‌ നമുക്ക്‌ സ്ട്രോബറി മിൽക്ക്‌ ഷേക്ക്‌ എങ്ങനെ ഉണ്ടാക്കാം എന്ന് നോക്കാം.

അതിന്‌ മുമ്പ്‌ സ്ട്രോബറിയെ കുറിച്ചും അതിന്റെ ആരോഗ്യ ഗുണങ്ങളെ കുറിച്ചും ചെറിയൊരു വിവരണം

ലോകമെമ്പാടും കൃഷി ചെയ്യപ്പെടുന്ന ഒരിനം സ്ട്രോബെറിയാണ് ഗാർഡൻ സ്ട്രോബെറി. ഫ്രഗേറിയ ജനുസിലെ (സ്ട്രോബെറി) മറ്റ് സ്പീഷിസുകളേപ്പോലെ ഗാർഡൻ സ്ട്രോബെറിയും റൊസേഷ്യ കുടുംബത്തിൽ ഉൾപ്പെടുന്നു.
സസ്യത്തിന്റെ അണ്ഡത്തിൽ നിന്ന് ഉണ്ടാകുന്നതല്ലാത്തതിനാൽ സ്ട്രോബെറി ഫലത്തിന്റെ മാംസളവും ഭക്ഷ്യയോഗ്യവുമായ ഭാഗത്തെ സാങ്കേതികമായ അർത്ഥത്തിൽ ഫലമായി കണക്കാക്കാനാവില്ല.
സ്ട്രോബെറിയുടെ പ്രതലത്തിൽ കാണുന്ന വിത്തുകളാണ് (അകീനുകൾ) അതിന്റെ യഥാർത്ഥ ഫലങ്ങൾ.

18-ആം നൂറ്റാണ്ടിൽ യൂറോപ്പിലാണ് ഗാർഡൻ സ്ട്രോബെറി സൃഷ്ടിക്കപ്പെട്ടത്. ചിലിയിൽ നിന്നുള്ളതും മികച്ച വലിപ്പമുള്ളതുമായ ഫ്രഗേറിയ ചിലോയെൻസിസ്, വടക്കെ അമേരിക്കയിൽ നിന്നുള്ളതും മികച്ച രുചിയുള്ളതുമായ ഫ്രഗേറിയ വിർജീനിയാന എന്നീ സ്പീഷിസുകളുടെ യാദൃച്ഛികമായ സങ്കരത്തിലൂടെയാണ് ഇതുണ്ടായത്.

ആരോഗ്യ ഗുണങ്ങൾ

ചുവന്ന നിറത്തിൽ പ്രകൃതി നൽകുന്ന അതിമനോഹരമായ പഴങ്ങളിൽ ഒന്നാണ്‌ സ്ട്രോബറി . കാണാൻ മാത്രമല്ല നാവിനും നല്ല വിരുന്ന് ഒരുക്കും സ്ട്രോബറി.

സ്ട്രോബറി വിറ്റമിൻ സി യുടെ നല്ലൊരു കലവറയാണെന്ന കാര്യം അധികം ആർക്കും അറിയില്ല . മുടിയുടെ വളർച്ചക്കും അഴകിനും ആരോഗ്യത്തിനും സ്ട്രോബറിയിലെ വിറ്റമിൻ സി സഹായിക്കും

വിറ്റമിൻ സി കൂടാതെ 'ക്വർസ്സെറ്റിൻ ' എന്ന ഫ്ലവനോയിഡ്‌ ഹൃദ്രോഗത്തിന്റെ അപകട സാധ്യത കുറക്കുന്നു.

സ്ട്രോബറിയിലെ മറ്റ്‌ ആരോഗ്യ ഗുണങ്ങൾ

സ്ട്രോബറിയിൽ അടങ്ങിയിരിക്കുന്ന പൊട്ടാസിയം രക്തസമ്മർദ്ദം നിയന്ത്രിക്കുന്നു

നാരുകൾ മലബന്ധത്തെ പ്രതിരോധിക്കാൻ സഹായിക്കുന്നു

ആൽഫ ഹൈഡ്രോക്സി ആസിഡ്‌ മൃതചർമ്മ കോശങ്ങളെ നീക്കം ചെയ്യുകയും ചർമ്മത്തിന്റെ സുഷിരങ്ങളെ സങ്കോചിപ്പിക്കുകയും മുഖക്കുരുവിനെ പ്രതിരോധിക്കുകയും ചെയ്യുന്നു

സ്ട്രോബറി ഇന്ന് ഐസ്ക്രീം, ജ്യൂസ്‌, ജാം, സ്മൂതി, സലാഡ്‌, മിൽക്ക്‌ ഷേക്ക്‌ തുടങ്ങിയവയെല്ലാം ഉണ്ടാക്കാൻ ഉപയോഗിക്കുന്നു.

ഇന്ന് നമുക്ക്‌ സ്ട്രോബറി ഉപയോഗിച്ച്‌ സ്ട്രോബറി മിൽക്ക്‌ ഷേക്ക്‌ എങ്ങനെ ഉണ്ടാക്കാം എന്ന് നോക്കാം

സ്ട്രൊബെറി മിൽക് ഷേക്

ഇന്നു ഒരു സിമ്പിൾ റെസിപ്പിയുമായിട്ടാണ്‌ ഞാൻ വന്നിരിക്കുന്നത്‌
നമ്മുക്ക് തുടങ്ങാം

ആവശ്യം വേണ്ട സാധനങ്ങൾ

സ്ട്രൊബെറി -10 എണ്ണം

പാൽ -1 കപ്പ്

പഞ്ചസാര - 3-4 ടേബിൾ സ്പൂൺ ( മധുരം സ്ട്രൊബെറി ടെ മധുരം അനുസരിച്ച് ക്രമീകരിക്കാം)

വാനിലാ എസ്സൻസ്സ് ( നിർബന്ധമില്ല) - 2 തുള്ളി

വാനില/സ്ട്രൊബെറി ഐസ്ക്രീം - 1 സ്കൂപ്പ്

 നട്ട്സ്, റ്റൂട്ടി ഫ്രൂട്ടി -കുറച്ച്

ഉണ്ടാക്കുന്ന വിധം

പാൽ ഫ്രിഡ്ജിൽ വച്ച് തണുപ്പിച്ച് എടുക്കുക.ഞാൻ പാലു കാച്ചിയ ശെഷം ഫ്രീസറിൽ വച്ച് തണുപ്പിച്ചാണു എടുത്തത്.ഇഷ്ടം പൊലെ നിങ്ങൾക്ക് എടുക്കാം. നല്ല തണുത്ത പാൽ ആവണം ന്ന് മാത്രം

സ്ട്രൊബെറീസ് ,ഇല കളഞ്ഞ് കഴുകി വൃത്തിയാക്കി ചെറുതായി അരിഞ്ഞ് വക്കുക

മിക്സിയിൽ പഞ്ചസാര,സ്ട്രൊബെറീസ്,പകുതി പാൽ ചേർത്ത് നന്നായി അടിക്കുക

ശേഷം അടപ്പ് തുറന്ന് ബാക്കി പാൽ,വാനിലാ എസ്സൻസ്സ് ഇവ ചേർത്ത് ഒന്നു കൂടെ നന്നായി അടിക്കുക

നീളമുള്ള ഒരു ഗ്ലാസ്സ് എടുത്ത് അടിയിൽ കുറച്ച് നട്ട്സ്,ട്ടൂട്ടി ഫ്രൂട്ടീ ഇവ ഇട്ട ശെഷം മെലെ അടിച്ച് വച്ചിരിക്കുന്ന മിൽക് ഷേക്ക് ഒഴിക്കുക.

മുക്കാൽ ഭാഗം ഷേക് ഒഴിച്ച ശെഷം അതിന്റെ മെലെ ഐസ്ക്രീം ,നട്ട്സ്,റ്റൂട്ടി ഫ്രൂട്ടി ,വേണെൽ കുറച്ച് ചെറീസും വക്കാം, ഇത് കൂടി ഇട്ട് സെർവ് ചെയ്യാം

രുചികരമായ സ്ട്രൊബെറി മിൽക് ഷേക്ക് തയ്യാർ.