നാലുമണിക്ക് കഴിക്കാം പാറ്റേണ്‍ ബനാന
മുട്ടയും നേന്ത്രപ്പഴവും ചേര്‍ന്നുള്ള ഒരു സ്‌നാക്ക് കഴിക്കാം ഇന്ന് വൈകുന്നേരം
ചേരുവകള്‍
നേന്ത്രപ്പഴം- നാലെണ്ണം(നീളത്തില്‍ നേര്‍മയായി മുറിച്ചത്)
മുട്ട- പത്തെണ്ണം
ബ്രെഡ്- അഞ്ച് കഷ്ണം
പഞ്ചസാര- ആവശ്യത്തിന്
ഏലക്കായ പൊടിച്ചത്- ഒരു ടീസ്പൂണ്‍
നെയ്യ്- ആവശ്യത്തിന്
തയ്യാറാക്കുന്ന വിധം
തവയില്‍ നെയ്യ് ചൂടാകുമ്ബോള്‍ പഴം തിരിച്ചും മറിച്ചുമിട്ട് വാട്ടിയെടുക്കുക. മുട്ട, ബ്രെഡ്, പഞ്ചസാര, ഏലക്ക എന്നിവ മിക്‌സിയിലടിച്ച്‌ മാറ്റിവെക്കുക.
ചുവട് കട്ടിയുള്ള പാത്രം അടുപ്പില്‍ വെച്ച്‌ നെയ്യൊഴിച്ച്‌ ചുറ്റിച്ച ശേഷം പഴം നിരത്തുക.
അല്‍പം വിട്ടുവിട്ട് വേണം സെറ്റ് ചെയ്യാന്‍. അതിനു മുകളിലേക്ക് യോജിപ്പിച്ചു വെച്ച മുട്ട മിശ്രിതവും ചേര്‍ത്ത് ചെറുതീയില്‍ വേവുന്നതു വരെ അടച്ചുവെക്കാം. ചൂടാറുമ്ബോള്‍ ഒരു പ്ലേറ്റിലേക്ക് മാറ്റിയിട്ട് പാറ്റേണ്‍ മുകളില്‍ വരുന്ന രീതിയില്‍ സെറ്റ് ചെയ്യണം
No comments:
Post a Comment